Chapter 31

[English text for this chapter is available]

agniruvāca |
rakṣāṃ svasya pareṣāñca vakṣye tāṃ mārjanāhvayāṃ |
yayā vimucyate duḥkhaiḥ sukhañca prāpnuyānnaraḥ || 1 ||
[Analyze grammar]

oṃ namaḥ paramārthāya puruṣāya mahātmane |
arūpabahurūpāya vyāpine paramātmane || 2 ||
[Analyze grammar]

niṣkalmaṣāya śuddhāya dhyānayogaratāya ca |
namaskṛtya pravakṣyāmi yattatsidhyatu me vacaḥ || 3 ||
[Analyze grammar]

varāhāya nṛsiṃhāya vāmanāya mahāmune |
namaskṛtya pravakṣyāmi yattatsidhyatu me vacaḥ || 4 ||
[Analyze grammar]

trivikramāya rāmāya vaikuṇṭhāya narāya ca |
namaskṛtya pravakṣyāmi yattatsidhyatu me vacaḥ || 5 ||
[Analyze grammar]

varāha narasiṃheśa vāmaneśa trivikrama |
haragrīveśa sarveśa hṛṣīkeśa harāśubham || 6 ||
[Analyze grammar]

aparājitacakrādyaiścaturbhiḥ paramāyudhaiḥ |
akhaṇḍitānubhāvaistvaṃ sarvaduṣṭaharo bhava || 7 ||
[Analyze grammar]

harāmukasya duritaṃ sarvañca kuśalaṃ kuru |
mṛtyubandhārtabhayadaṃ duritasya ca yatphalam || 8 ||
[Analyze grammar]

parābhidhyānasahitaiḥ prayuktañcābhicārakam |
gadasparśamahārogaprayogaṃ jarayā jara || 9 ||
[Analyze grammar]

oṃ namo vāsudevāya namaḥ kṛṣṇāya khaḍgine |
namaḥ puṣkaranetrāya keśavāyādicakriṇe || 10 ||
[Analyze grammar]

namaḥ kamalakiñjalkapītanirmalavāsase |
mahāhararipuskandhasṛṣṭacakrāya cakriṇe || 11 ||
[Analyze grammar]

dṃṣṭroddhṛtakṣitibhṛte trayīmūrtimate namaḥ |
mahāyajñavarāhāya śeṣabhogāṅkaśāyine || 12 ||
[Analyze grammar]

taptahāṭakakeśāgrajvalatpāvakalocana |
vajrādhikanakhasparśaṃ divyasiṃha namostu te || 13 ||
[Analyze grammar]

kāśyapāyātihrasvāya ṛgyajuḥsāmabhūṣita |
tubhyaṃ vāmanarūpāyākramate gāṃ namo namaḥ || 14 ||
[Analyze grammar]

varāhāśeṣaduṣṭāni sarvapāpaphalāni vai |
marda marda mahādaṃṣṭra marda marda ca tatphalam || 15 ||
[Analyze grammar]

narasiṃha karālākhya dantaprāntānalojjvala |
bhañja bhañja ninādena duṣṭānyasyārtināśana || 16 ||
[Analyze grammar]

ṛgyajuḥsāmagarbhābhirvāgbhirvāmanarūpadhṛk |
praśamaṃ sarvaduḥkhāni nayattvasya janārdanaḥ || 17 ||
[Analyze grammar]

aikāhikaṃ dvyāhikañca tathā tridivasaṃ jvaram |
cāturthakantathātyugrantathaiva satatajvaram || 18 ||
[Analyze grammar]

doṣotthaṃ sannipātotthaṃ tathaivāgantukaṃ jvaram |
śamaṃ nayāśu govinda cchindhi cchindhyasya vedanām || 19 ||
[Analyze grammar]

netraduḥkhaṃ śiroduḥkhaṃ duḥkhañcodarasambhavam |
antaḥśvāsamatiśvāsaṃ paritāpaṃ savepathum || 20 ||
[Analyze grammar]

gudaghrāṇāṅghrirogāṃśca kuṣṭharogāṃstathā kṣayaṃ |
kāmalādīṃstathā rogān pramehāṃścātidāruṇān || 21 ||
[Analyze grammar]

bhagandarātisārāṃśca mukharogāṃśca valgulīm |
aśmarīṃ mūtrakṛcchrāṃśca rogānanyāṃśca dāruṇān || 22 ||
[Analyze grammar]

ye vātaprabhavā rogā ye ca pittasamudbhavāḥ |
kaphodbhavāśca ye kecitye cānye sānnipātikāḥ || 23 ||
[Analyze grammar]

āgantukāśca ye rogā lūtā visphoṭakādayaḥ |
te sarve praśamaṃ yāntu vāsudevāpamārjitāḥ || 24 ||
[Analyze grammar]

vilayaṃ yāntu te sarve viṣṇoruccāraṇena ca |
kṣayaṃ gachhantu cāśeṣāste cakrābhihatā hareḥ || 25 ||
[Analyze grammar]

acyutānantagovindanāmoccāraṇabhīṣitāḥ |
naśyanti sakalā rogāḥ satyaṃ satyaṃ vadāmyaham || 26 ||
[Analyze grammar]

sthāvaraṃ jaṅgamaṃ vāpi kṛtrimaṃ cāpi yadviṣam |
dantodbhavaṃ nakhabhavamākāśaprabhavaṃ viṣam || 27 ||
[Analyze grammar]

lūtādiprabhavaṃ yacca viṣamanyattu duḥkhadaṃ |
śamaṃ nayatu tatsarvaṃ kīrtitosya janārdanaḥ || 28 ||
[Analyze grammar]

grahān pretagrahāṃścāpi tathā vai ḍākinīgrahān |
vetālāṃśca piśācāṃśca gandharvān yakṣarākṣasān || 29 ||
[Analyze grammar]

śakunīpūtanādyāṃśca tathā vaināyakān grahān |
mukhamaṇḍīṃ tathā krūrāṃ revatīṃ vṛddharevatīm || 30 ||
[Analyze grammar]

vṛddhakākhyān grahāṃścogrāṃstathā mātṛgrahānapi |
bālasya viṣṇoścaritaṃ hantu bālagrahānimān || 31 ||
[Analyze grammar]

vṛddhāśca ye grahāḥ kecidye ca bālagrahāḥ kvacit |
narasiṃhasya te dṛṣṭyā dagdhā ye cāpi yauvane || 32 ||
[Analyze grammar]

sadā karālavadano narasiṃho mahābalaḥ |
grahānaśeṣānniḥśeṣān karotu jagato hitaḥ || 33 ||
[Analyze grammar]

narasiṃha mahāsiṃha jvālāmālojjvalānana |
grahānaśeṣān sarveśa khāda khādāgnilocana || 34 ||
[Analyze grammar]

ye rogā ye mahotpātā yadviṣaṃ ye mahāgrahāḥ |
yāni ca krūrabhṛtāni grahapīḍāśca dāruṇāḥ || 35 ||
[Analyze grammar]

śastrakṣateṣu ye doṣā jvālāgardabhakādayaḥ |
tāni sarvāṇi sarvātmā paramātmā janārdanaḥ || 36 ||
[Analyze grammar]

kiñcidrūpaṃ samāsyāya vāsudevāsya nāśaya || 37 ||
[Analyze grammar]

kṣiptvā sudarśanañcakraṃ jvālāmālātibhīṣaṇam |
sarvaduṣṭopaśamanaṃ kuru devavarācyuta || 38 ||
[Analyze grammar]

sudarśana mahājvāla cchindhi cchindhi mahārava |
sarvaduṣṭāni rakṣāṃsi kṣayaṃ yāntu vibhīṣaṇa || 39 ||
[Analyze grammar]

prācyāṃ pratīcyāṃ ca diśi dakṣiṇottaratastathā |
rakṣāṅkarotu sarvātmā narasiṃhaḥ sugarjitaḥ || 40 ||
[Analyze grammar]

divi bhuvyantarīkṣe ca pṛṣṭhataḥ pārśvatogrataḥ |
rakṣāṅkarotu bhagavān bahurūpī janārdanaḥ || 41 ||
[Analyze grammar]

yathā viṣṇurjagatsarvaṃ sadevāsuramānuṣaṃ |
tena satyena duṣṭāni śamamasya vrajantu vai || 42 ||
[Analyze grammar]

yathā viṣṇau smṛte sadyaḥ saṅkṣayaṃ yānti pātakāḥ |
satyena tena sakalaṃ duṣṭamasya praśāmyatu || 43 ||
[Analyze grammar]

paramātmā yathā viṣṇurvedānteṣu ca gīyate |
tena satyena sakalaṃ duṣṭamasya praśāmyatu || 44 ||
[Analyze grammar]

yathā yajñeśvaro viṣṇurdeveṣvapi hi gīyate |
satyena tena sakalaṃ yanmayoktaṃ tathāstu tat || 45 ||
[Analyze grammar]

śāntirastu śivañcāstu duṣṭamasya praśāmyatu |
vāsudevaśarīrotthaiḥ kuśairnirmathitaṃ mayā || 46 ||
[Analyze grammar]

apamārjatu govindo naro nārāyaṇastathā |
tathāstu sarvaduḥkhānāṃ praśamo japanāddhareḥ || 47 ||
[Analyze grammar]

apamārjanakaṃ śastraṃ sarvarogādivāraṇam |
ayaṃ hariḥ kuśo viṣṇurhatā rogā mayā tava || 48 ||
[Analyze grammar]