Chapter 27

[English text for this chapter is available]

nārada uvāca |
vakṣye dīkṣāṃ sarvadāñca maṇḍalebje hariṃ yajet |
daśamyāmupasaṃhṛtya yāgadravyaṃ samastakaṃ || 1 ||
[Analyze grammar]

vinyasya nārasiṃhena sammantrya śatavārakaṃ |
sarṣapāṃstu phaḍantena rakṣoghnān sarvataḥ kṣipet || 2 ||
[Analyze grammar]

śaktiṃ sarvātmakāṃ tatra nyasetprāsādarūpiṇīṃ |
sarvauṣadhiṃ samāhṛtya vikirānabhimantrayet || 3 ||
[Analyze grammar]

śatavāraṃ śubhe pātre vāsudevena sādhakaḥ |
saṃsādhya paṇjagavyantu pañcabhirmūlamūrtibhiḥ || 4 ||
[Analyze grammar]

nārāyaṇāntaiḥ samprokṣya kuśāgraistena tāṃ bhuvaṃ |
vikirānvāsudevena kṣipeduttānapāṇinā || 5 ||
[Analyze grammar]

tridhā pūrvamukhastiṣṭhan dhyāyetviṣṇuṃ tathā hṛdi |
vardhanyā sahite kumbhe sāṅgaṃ viṣṇuṃ prapūjayet || 6 ||
[Analyze grammar]

śatavāraṃ mantrayitvā tvastreṇaiva ca vardhanīṃ |
acchinnadhārayā siñcanīśānāntaṃ nayecca taṃ || 7 ||
[Analyze grammar]

kalasaṃ pṛṣṭhato nītvā sthāpayedvikiropari |
saṃhṛtya vikirān darbhaiḥ kumbheśaṃ karkarīṃ yajet || 8 ||
[Analyze grammar]

savastraṃ pañcaratnāḍhyaṃ khaṇḍile pūjayeddhariṃ |
agnāvapi samabhyarcya mantrān sañjapya pūrvavat || 9 ||
[Analyze grammar]

prakṣālya puṇḍarīkena vilipyāntaḥ sugandhinā |
ukhāmājyena saṃpūrya gokṣīreṇa tu sādhakaḥ || 10 ||
[Analyze grammar]

ālokya vāsudevena tataḥ saṅkarṣaṇena ca |
taṇḍulānājyasaṃsṛṣṭān kṣipetkṣīre susaṃskṛte || 11 ||
[Analyze grammar]

pradyumnena smāloḍya darvyā saṅghaṭṭayecchanaiḥ |
pakvamuttārayetpaścādaniruddhena deśikaḥ || 12 ||
[Analyze grammar]

prakṣālyālipya tatkuryādūrdhvapuṇḍraṃ tu bhasmanā |
nārāyaṇena pārśveṣu carumevaṃ susaṃskṛtaṃ || 13 ||
[Analyze grammar]

bhāgamekaṃ tu devāya kalaśāya dvitīyakaṃ |
tṛtīyena tu bhāgena pradadyādāhutitrayaṃ || 14 ||
[Analyze grammar]

śiṣyaiḥ saha caturthaṃ tu gururadyādviśuddhaye |
nārāyaṇena sammantrya saptadhā kṣīravṛkṣajam || 15 ||
[Analyze grammar]

dantakāṣṭhaṃ bhakṣayitvā tyaktvā jñātvāsvapātakaṃ |
aindrāgnyuttarakeśānīmukhaṃ patitamuttamaṃ || 16 ||
[Analyze grammar]

śubhaṃ siṃhaśataṃ hutvā ācamyātha praviśya ca |
pūjāgāraṃ nyasenmantrī prācyāṃ viṣṇuṃ pradakṣiṇaṃ || 17 ||
[Analyze grammar]

saṃsārārṇavamagnānāṃ paśūnāṃ pāśamuktaye |
tvameva śaraṇaṃ deva sadā tvaṃ bhaktavatsala || 18 ||
[Analyze grammar]

devadevānujānīhi prākṛtaiḥ pāśabandhanaiḥ |
pāśitānmocayiṣyāmi tvatprasādātpaśūnimān || 19 ||
[Analyze grammar]

iti vijñāpya deveśaṃ sampraviśya paśūṃstataḥ |
dhāraṇābhistu saṃśodhya pūrvajjvalanādinā || 20 ||
[Analyze grammar]

saṃskṛtya mūrtyā saṃyojya netre baddhvā pradarśayet |
puṣpapūrṇāñjalīṃstatra kṣipettannāma yojayet || 21 ||
[Analyze grammar]

amantramarcanaṃ tatra pūrvavatkārayetkramāt |
yasyāṃ mūrtau patetpuṣpaṃ tasya tannāma nirdiśet || 22 ||
[Analyze grammar]

śikhāntasammitaṃ sūtraṃ pādāṅguṣṭhādi ṣaḍguṇaṃ |
kanyāsu kartitaṃ raktaṃ punastattriguṇīkṛtam || 23 ||
[Analyze grammar]

yasyāṃ saṃlīyate viśvaṃ yato viśvaṃ prasūyate |
prakṛtiṃ prakriyābhedaiḥ saṃsthitāṃ tatra cintayet || 24 ||
[Analyze grammar]

tena prākṛtikān pāśān grathitvā tattvasaṅkhyayā |
kṛtvā śarāve tatsūtraṃ kuṇḍapārśve nidhāya tu || 25 ||
[Analyze grammar]

tatastattvāni sarvāṇi dhyātvā śiṣyatanau nyaset |
sṛṣṭikramātprakṛtyādipṛthivyantāni deśikaḥ || 26 ||
[Analyze grammar]

tatraikadhā paṇcadhā syāddaśadvādaśadhāpi vā |
jñātavyaḥ sarvabhedena grathitastattvacintakaiḥ || 27 ||
[Analyze grammar]

aṅgaiḥ pañcabhiradhvānaṃ nikhilaṃ vikṛtikramāt |
tanmātrātmani saṃhṛtya māyāsūtre paśostanau || 28 ||
[Analyze grammar]

prakṛtirliṅgaśaktiśca kartā buddhistathā manaḥ |
pañcatanmātrabuddhyākhyaṃ karmākhyaṃ bhūtapañcakaṃ || 29 ||
[Analyze grammar]

dhyāyecca dvādaśātmānaṃ sūtre dehe tathecchayā |
hutvā sampātavidhinā sṛṣṭeḥ sṛṣṭikrameṇa tu || 30 ||
[Analyze grammar]

ekaikaṃ śatahomena dattvā pūrṇāhutiṃ tataḥ |
śarāve sampuṭīkṛtya kumbheśāya nivedayet || 31 ||
[Analyze grammar]

adhivāsya yathā nyāyaṃ bhaktaṃ śiṣyaṃ tu dīkṣayet |
karaṇīṃ kartarīṃ vāpi rajāṃsi khaṭikāmapi || 32 ||
[Analyze grammar]

anyadapyupayogi syātsarvaṃ tadvāyugocare |
saṃsthāpya mūlamantreṇa parāmṛśyādhivādhivāsayet || 33 ||
[Analyze grammar]

namo bhūtebhyaśca baliḥ kuśe śete smaran hariṃ |
maṇḍapaṃ bhūṣayitvātha vitānaghaṭalaḍḍukaiḥ || 34 ||
[Analyze grammar]

maṇḍaletha yajedviṣṇuṃ tataḥ santarpya pāvakaṃ |
āhūya dīkṣayecchiṣyān baddhapadmāsanasthitān || 35 ||
[Analyze grammar]

sammokṣya viṣṇuṃ hastena mūrdhānaṃ spṛśya vai kramāt |
prakṛtyādivikṛtyantāṃ sādhibhūtādhidaivatāṃ || 36 ||
[Analyze grammar]

sṛṣṭimādhyātmikīṃ kṛtvā hṛdi tāṃ saṃharetkramāt |
tanmātrabhūtāṃ sakalāṃ jīvena samatāṃ gatāṃ || 37 ||
[Analyze grammar]

tataḥ samprārthya kambheśaṃ sūtraṃ saṃhṛtya deśikaḥ |
agneḥ samīpamāgatya pārśve taṃ sanniveśya tu || 38 ||
[Analyze grammar]

mūlamantreṇa sṛṣṭīśamāhutīnāṃ śatena taṃ |
udāsīnamathāsādya pūrṇāhutyā ca deśikaḥ || 39 ||
[Analyze grammar]

śuklaṃ rajaḥ samādāya mūlena śatamantritaṃ |
santāḍya hṛdayantena huṃphaṭkārāntasaṃyutaiḥ || 40 ||
[Analyze grammar]

viyogapadasaṃyuktairvījaiḥ padādibhiḥ kramāt |
pṛthivyādīni tattvāni viśliṣya juhuyāttataḥ || 41 ||
[Analyze grammar]

vahnāvakhilatattvānāmālaye vyāhṛte harau |
nīyamānaṃ kramātsarvaṃ tatrādhvānaṃ smaredbudhaḥ || 42 ||
[Analyze grammar]

tāḍanena viyojyaivaṃ ādāyāpādya śāmyatāṃ |
prakṛtyāhṛtya juhuyādyathokte jātavedasi || 43 ||
[Analyze grammar]

garbhādhānaṃ jātakarma bhogañcaiva layantathā |
śuddhaṃ tattvaṃ samuddhṛtya pūrṇāhutyā tu deśikaḥ |
sannayeddvipare tattve yāvadavyāhṛtaṃ kramāt || 45 ||
[Analyze grammar]

tatparaṃ jñānayogena vilāpya paramātmani |
vimuktabandhanaṃ jīvaṃ parasminnavyaye pade || 46 ||
[Analyze grammar]

nivṛttaṃ paramānande śuddhe buddhe smaredbudhaḥ |
dadyātpūrṇāhutiṃ paścādevaṃ dīkṣā samāpyate || 47 ||
[Analyze grammar]

prayogamantrān vakṣyāmi yairdīkṣā homasaṃlayaḥ |
oṃ yaṃ bhūtāni viśuddhaṃ huṃ phaṭ |
anena tāḍanaṃ kuryādviyojanamiha dvayaṃ || 48 ||
[Analyze grammar]

oṃ yaṃ bhūtānyāpātayehaṃ |
ādānaṃ kṛtvā cānena prakṛtyā yojanaṃ śṛṇu |
oṃ yaṃ bhūtāni puṃścāho |
homamantraṃ pravakṣyāmi tataḥ pūrṇāhutermanuṃ || 49 ||
[Analyze grammar]

oṃ bhūtāni saṃhara svāhā | oṃ aṃ oṃ namo bhagavate vāsudevāya vauṣaṭ |
pūrṇāhutyanantare tu tadvai śiṣyantu sādhayet |
evaṃ tattvāni sarvāṇi kramātsaṃśodhayedbudhaḥ || 50 ||
[Analyze grammar]

namontena svabījena tāḍanādipuraḥsaram |
oṃ vāṃ varmendriyāṇi | oṃ deṃ buddhīndriyāṇi |
yaṃ bījena samānantu tāḍanādiprayogakam || 51 ||
[Analyze grammar]

oṃ suṃgandhatanmātre viyuṅkṣva huṃ phaṭ | oṃ sampāhiṃ hā || oṃ khaṃ khaṃ kṣa prakṛtyā | oṃ suṃ huṃ gandhatanmātre saṃhara svāhā |
tataḥ pūrṇāhutiścaivamuttareṣu prayujyate |
oṃ rāṃ rasatanmātre | oṃ bheṃ rūpatanmātre | oṃ raṃ sparśatanmātre | oṃ eṃ śabdatanmātre | oṃ bhaṃ namaḥ | oṃ soṃ ahaṅkāraḥ | oṃ naṃ buddhe | oṃ oṃ prakṛte |
ekamūrtāvayaṃ prokto dīkṣāyogaḥ samāsataḥ |
evameva prayogastu navavyūhādike smṛtaḥ || 52 ||
[Analyze grammar]

dagdhāparasmin sandadhyānnirvāṇe prakṛtinnaraḥ |
avikāre samādadhyādīśvare prakṛtinnaraḥ || 53 ||
[Analyze grammar]

śodhayitvātha bhutāni karmāṅgāni viśodhayet |
buddhyākhyānyatha tanmātramanojñānamahaṅkṛtiṃ || 54 ||
[Analyze grammar]

liṅgātmānaṃ viśodhyānte prakṛtiṃ śodhāyetpunaḥ |
puruṣaṃ prākṛtaṃ śuddhamīśvare dhāmni saṃsthitaṃ || 55 ||
[Analyze grammar]

svagocarīkṛtāśeṣabhogamuktau kṛtāspadaṃ |
dhyāyan pūrṇāhutiṃ dadyāddīkṣeyaṃ tvadhikāriṇī || 56 ||
[Analyze grammar]

aṅgairārādhya mantrasya nītvā tattvagaṇaṃ samaṃ |
kramādevaṃ viśodhyānte sarvasiddhisamanvitaṃ || 57 ||
[Analyze grammar]

dhyāyan pūrṇāhitiṃ dadyātdīkṣeyaṃ sādhake smṛtā |
dravyasya vā na sampattiraśaktirvātmano yadi || 58 ||
[Analyze grammar]

iṣṭvā devaṃ yathā pūrvaṃ sarvopakaraṇānvitaṃ |
sadyodhivāsya dvādaśyāṃ dīkṣayeddeśikottamaḥ || 59 ||
[Analyze grammar]

bhakto vinītaḥ śārīrairguṇaiḥ sarvaiḥ samanvitaḥ |
śiṣyo nātidhanī yastu sthaṇḍilebhyarcya dīkṣayet || 60 ||
[Analyze grammar]

adhvānaṃ nikhilaṃ daivaṃ bhautaṃ vādhyātmikī kṛtaṃ |
sṛṣṭikrameṇa śiṣyasya dehe dhyātvā tu deśikaḥ || 61 ||
[Analyze grammar]

aṣṭāṣṭāhutibhiḥ pūrvaṃ kramātsantarpya sṛṣṭimān |
svamantrairvāsudevādīn jananādīn visarjayet || 62 ||
[Analyze grammar]

homena śodhayetpaścātsaṃhārakramayogataḥ |
yonisūtrāṇi baddhāni muktvā karmāṇi deśikaḥ || 63 ||
[Analyze grammar]

śiṣyadehātsamāhṛtya kramāttattvāni śodhayet |
agnau prākṛtike viṣṇau layaṃ nītvādhidaivake || 64 ||
[Analyze grammar]

śuddhaṃ tattvamaśuddhena pūrṇāhutyā tu sādhayet |
śiṣye prakṛtimāpanne dagdhvā prākṛtikān guṇān || 65 ||
[Analyze grammar]

maucayedadhikāre vā niyuñjyāddeśikaḥ śiśūn |
athānyān śaktidīkṣāṃ vā kuryātbhāve sthito guruḥ || 66 ||
[Analyze grammar]

bhaktyā samprātipannānāṃ yatīnāṃ nirdhanasya ca |
sampūjya sthaṇḍile viṣṇuṃ pārśvasthaṃ sthāpya putrakaṃ || 67 ||
[Analyze grammar]

devatābhimukhaḥ śiṣyastiryagāsyaḥ svayaṃ sthitaḥ |
adhvānaṃ nikhilaṃ dhyātvā parvabhiḥ svairvikalpitaṃ || 68 ||
[Analyze grammar]

śiṣyadehe tathā devamādhidaivikayācanaṃ |
dhyānayogena sañcintya pūrvavattāḍanādinā || 69 ||
[Analyze grammar]

kramāttattvāni sarvāṇi śodhayetsthaṇḍile harau |
tāḍanena viyojyātha gṛhītvātmani tatparaḥ || 70 ||
[Analyze grammar]

deve saṃyojya saṃśodhya gṛhītvā tatsvabhāvataḥ |
ānīya śuddhabhāvena sandhayitvā krameṇa tu || 71 ||
[Analyze grammar]

śodhayeddhyānayogena sarvato jñānamudrayā |
śuddheṣu sarvatattveṣu pradhāne ceśvare sthite || 72 ||
[Analyze grammar]

dagdhvā nirvāpayecchiṣyān pade caiśe niyojayet |
ninayetsiddhimārge vā sādhakaṃ deśikottamaḥ || 73 ||
[Analyze grammar]

evamevādhikārastho gṛhī karmaṇyatandritaḥ |
ātmānaṃ śodhayaṃstiṣṭhedyāvadrāgakṣayo bhavet || 74 ||
[Analyze grammar]

kṣīṇarāgamathātmānaṃ jñātvā saṃśuddhikilviṣaḥ |
āropya putre śiṣye vā hyadhikārantu saṃyamī || 75 ||
[Analyze grammar]

dagdhvā māyāmayaṃ pāśaṃ pravrajya svātmani sthitaḥ |
śarīrapātamākāṅkṣannāsītāvyaktaliṅgavān || 76 ||
[Analyze grammar]