Chapter 32 - Bhikṣuvarga

piṇḍacārikāya bhikṣave hy ātmabharāya hi nānyapoṣiṇe |
devāḥ spṛhayanti tāyine hy upaśāntāya sadā smṛtātmane || 1 ||
[Analyze grammar]

piṇḍapātikāya bhikṣave hy ātmabharāya hi nānyapoṣiṇe |
devāḥ spṛhayanti tāyine na tu satkārayaśo'bhikāṅkṣine || 2 ||
[Analyze grammar]

sarvakarmajahasya bhikṣuṇe dhunvānasya puraskṛtaṃ rajaḥ |
amamasya sadā sthitātmano hy artho nāsti janasya lāpanam || 3 ||
[Analyze grammar]

tudanti vācābhir asamyatā janāḥ śarair hi saṃgrāmagataṃ yathā gajam |
śrutvā tu vācāṃ paruṣām udīritām adhivāsayed bhikṣur aduṣṭacittaḥ || 4 ||
[Analyze grammar]

yas tv alpajīvī laghur ātmakāmo yatendriyaḥ sarvagatiḥ pramuktaḥ |
anokasārī hy amamo nirāśaḥ kāmaṃ jahaś caikacaraḥ sa bhikṣuḥ || 5 ||
[Analyze grammar]

pratisaṃstāravṛttiḥ syād ācārakuśalo bhavet |
tataḥ pramodyabahulaḥ smṛto bhikṣuḥ parivrajet || 6 ||
[Analyze grammar]

hastasamyataḥ pādasamyato vācā samyataḥ sarvasamyataḥ |
ādhyātmarataḥ samāhito hy ekaḥ saṃtuṣito hi yaḥ sa bhikṣuḥ || 7 ||
[Analyze grammar]

dharmārāmo dharmarato dharmam evānucintayan |
dharmaṃ cānusmaran bhikṣur dharmān na parihīyate || 8 ||
[Analyze grammar]

śunyāgāraṃ praviṣṭasya prahitātmasya bhikṣuṇaḥ |
amānuṣā ratir bhavati samyag dharmān vipaśyataḥ || 9 ||
[Analyze grammar]

prāmodyaṃ labhate tatra prītyā sukham analpakam |
tataḥ prāmodyabahulaḥ smṛto bhikṣuḥ parivrajet || 10 ||
[Analyze grammar]

yathāpi parvataḥ śailo vāyunā na prakampate |
evaṃ rāgakṣayād bhikṣuḥ śailavan na prakampate || 11 ||
[Analyze grammar]

yathāpi parvataḥ śailo vāyunā na prakampate |
evaṃ dveṣakṣayād bhikṣuḥ śailavan na prakampate || 12 ||
[Analyze grammar]

yathāpi parvataḥ śailo vāyunā na prakampate |
evaṃ mohakṣayād bhikṣuḥ śailavan na prakampate || 13 ||
[Analyze grammar]

yathāpi parvataḥ śailo vāyunā na prakampate |
evaṃ mānakṣayād bhikṣuḥ śailavan na prakampate || 14 ||
[Analyze grammar]

yathāpi parvataḥ śailo vāyunā na prakampate |
evaṃ lobhakṣayād bhikṣuḥ śailavan na prakampate || 15 ||
[Analyze grammar]

yathāpi parvataḥ śailo vāyunā na prakampate |
evaṃ tṛṣṇākṣayād bhikṣuḥ śailavan na prakampate || 16 ||
[Analyze grammar]

yasya samnicayo nāsti yasya nāsti mamāyitam |
asantaṃ śocate naiva sa vai bhikṣur nirucyate || 17 ||
[Analyze grammar]

bhikṣur na tāvatā bhavati yāvatā bhikṣate parān |
veṣmān dharmān samādāya bhikṣur bhavati na tāvatā || 18 ||
[Analyze grammar]

yas tu puṇyaṃ ca pāpaṃ ca prahāya brahmacaryavān |
viśreṇayitvā carati sa vai bhikṣur nirucyate || 19 ||
[Analyze grammar]

maitrā vihārī yo bhikṣuḥ prasanno buddhaśāsane |
adhigacchet padaṃ śāntam asecanakadarśanam || 20 ||
[Analyze grammar]

maitrā vihārī yo bhikṣuḥ prasanno buddhaśāsane |
adhigacchet padaṃ śāntaṃ saṃskāropaśamaṃ sukham || 21 ||
[Analyze grammar]

maitrā vihārī yo bhikṣuḥ prasanno buddhaśāsane |
abhavyaḥ parihāṇāya nirvāṇasyaiva so'ntike || 22 ||
[Analyze grammar]

udagracittaḥ sumanā hy abhibhūya priyāpriyam |
prāmodyabahulo bhikṣur duhkhakṣayam avāpnuyāt || 23 ||
[Analyze grammar]

śāntakāyaḥ śāntavāksusamāhitaḥ |
vāntalokāmiṣo bhikṣur upaśānto nirucyate || 24 ||
[Analyze grammar]

nāsty aprajñasya vai dhyānaṃ prajñā na dhyāyato'sti ca |
yasya dhyānaṃ tathā prajñā sa vai nirvāṇasāntike || 25 ||
[Analyze grammar]

tasmād dhyānaṃ tathā prajñām anuyujyeta paṇḍitaḥ |
tasyāhaṃ ādir bhavati tathā prājñasya bhikṣuṇaḥ || 26 ||
[Analyze grammar]

mātrajñatā ca bhakteṣu prāntaṃ ca śayanāsanam |
adhicitte samāyogaṃ yasyāsau bhikṣur ucyate || 27 ||
[Analyze grammar]

yasya kāyena vācā ca manasā ca na duṣkṛtam |
kalyāṇa śīlaṃ āhus taṃ hrīmantaṃ bhikṣum uttamam || 28 ||
[Analyze grammar]

dharmāḥ subhāvitā yasya saptasambhodhapakṣikāḥ |
kalyāṇa dharmaṃ āhus taṃ sadā bhikṣuṃ samāhitam || 29 ||
[Analyze grammar]

ihaiva yaḥ prajānāti duhkhasya kṣayaṃ ātmanaḥ |
kalyāṇaprajñaṃ āhus taṃ sadā śīlam anāsravam || 30 ||
[Analyze grammar]

na śīlavratamātreṇa bahuśrutyena vā punaḥ |
tathā samādhi lābhena viviktaśayanena vā || 31 ||
[Analyze grammar]

bhikṣur viśvāsaṃ āpadyed aprāpte hy āsravakṣaye |
spṛśet tu sambodhi sukham akāpuruṣasevitam || 32 ||
[Analyze grammar]

tāpajāto hy ayaṃ lokaḥ skandhā nātmeti manyate |
manyate yena yenāhaṃ tat tad bhavati cānyathā || 33 ||
[Analyze grammar]

loko'yam anyathā bhūto bhavasakto bhave rataḥ |
bhavābhinandī satataṃ bhavān na parimucyate || 34 ||
[Analyze grammar]

yan nandate sa hi bhavo duhkhasya sa bibheti ca |
uṣyate bhavahānāya brahmacaryaṃ mamāntike || 35 ||
[Analyze grammar]

ye bhavena bhavasyaiva prāhur nihsaraṇaṃ sadā |
anihsṛtān bhavā sarvāṃs tān vadāmi sadā v aham || 36 ||
[Analyze grammar]

pratītya duhkham upadhiṃ bhavaty upadhi sambhavam |
kṣayāt sarvopadhīnāṃ tu nāsti duhkhasya sambhavaḥ || 37 ||
[Analyze grammar]

anityā hi bhavāḥ sarve duhkhā vipariṇāminaḥ |
paśyataḥ prajñayā sarve kṣīyante nābhinanditāḥ || 38 ||
[Analyze grammar]

nirvṛtasya sadā bhikṣor āyatyām upaśāmyate |
abhibhūto bhavaḥ sarvo duhkhāntaḥ sa nirucyate || 39 ||
[Analyze grammar]

sadopaśāntacittasya vastuc chinnasya bhikṣuṇaḥ |
vikṣīṇo jāti saṃsāro mukto'sau māra bandhanāt || 40 ||
[Analyze grammar]

sadopaśāntacittasya vastuc chinnasya bhikṣuṇaḥ |
vikṣīṇo jāti saṃsāro nāstīdānīṃ punar bhavaḥ || 41 ||
[Analyze grammar]

anavasrutacittasya vastuc chinnasya bhikṣuṇaḥ |
vikṣīṇo jāti saṃsāro mukto'sau māra bandhanāt || 42 ||
[Analyze grammar]

anavasrutacittasya vastuc chinnasya bhikṣuṇaḥ |
vikṣīṇo jāti saṃsāro nāstīdānīṃ punar bhavaḥ || 43 ||
[Analyze grammar]

vikṣīṇabhava tṛṣṇasya vastuc chinnasya bhikṣuṇaḥ |
vikṣīṇo jāti saṃsāro mukto'sau mārabandhanāt || 44 ||
[Analyze grammar]

vikṣīṇabhava tṛṣṇasya vastuc chinnasya bhikṣuṇaḥ |
vikṣīṇo jāti saṃsāro nāstīdānīṃ punar bhavaḥ || 45 ||
[Analyze grammar]

ucchinnabhavatṛṣṇasya vastuc chinnasya bhikṣuṇaḥ |
vikṣīṇo jāti saṃsāro mukto'sau māra bandhanāt || 46 ||
[Analyze grammar]

ucchinna bhava tṛṣṇasya vastuc chinnasya bhikṣuṇaḥ |
vikṣīṇo jāti saṃsāro nāstīdānīṃ punar bhavaḥ || 47 ||
[Analyze grammar]

uttīrṇo yena vai paṅko marditā grāma kaṇṭakāḥ |
yaś ca rāgakṣayaṃ prāptaḥ sa vai bhikṣur nirucyate || 48 ||
[Analyze grammar]

uttīrṇo yena vai paṅko marditā grāma kaṇṭakāḥ |
yaś ca dveṣa ṣayaṃ prāptaḥ sa vai bhikṣur nirucyate || 49 ||
[Analyze grammar]

uttīrṇo yena vai paṅko marditā grāma kaṇṭakāḥ |
yaś ca mohakṣayaṃ prāptaḥ sa vai bhikṣur nirucyate || 50 ||
[Analyze grammar]

uttīrṇo yena vai paṅko marditā grāma kaṇṭakāḥ |
yaś ca mānakṣayaṃ prāptaḥ sa vai bhikṣur nirucyate || 51 ||
[Analyze grammar]

uttīrṇo yena vai paṅko marditā grāma kaṇṭakāḥ |
yaś ca lobhakṣayaṃ prāptaḥ sa vai bhikṣur nirucyate || 52 ||
[Analyze grammar]

uttīrṇo yena vai paṅko marditā grāma kaṇṭakāḥ |
yaś ca tṛṣṇākṣayaṃ prāptaḥ sa vai bhikṣur nirucyate || 53 ||
[Analyze grammar]

yena jitāgrāmakaṇṭakā hy ākrośāś ca vadhāś ca bandhanaṃ ca |
yaḥ parvatavat sthito hy aneyaḥ sukhaduhkhena na vethate sa bhikṣuḥ || 54 ||
[Analyze grammar]

yo nātyasaraṃ na cātyalīyaṃ jñātvā vitatham imaṃ hi sarvalokam |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 55 ||
[Analyze grammar]

yo rāgam udācchinatty aśeṣaṃ bisapuṣpam iva jaleruhaṃ vigāhya |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 56 ||
[Analyze grammar]

yo dveṣam udācchinatty aśeṣaṃ bisapuṣpam iva jale ruhaṃ vigāhya |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 57 ||
[Analyze grammar]

yo moham udācchinatty aśeṣaṃ bisapuṣpam iva jale ruhaṃ vigāhya |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 58 ||
[Analyze grammar]

yo mānam udācchinatty aśeṣaṃ bisapuṣpam iva jale ruhaṃ vigāhya |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 59 ||
[Analyze grammar]

yo lobham udācchinatty aśeṣaṃ bisapuṣpam iva jale ruhaṃ vigāhya |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 60 ||
[Analyze grammar]

tṛṣṇāṃ ya udācchinatty aśeṣaṃ bisapuṣpam iva jale ruhaṃ vigāhya |
sa tu bhikṣur idaṃ jahāt apāraṃ hy urago jīrṇam iva tvacaṃ purāṇam || 61 ||
[Analyze grammar]

yas tu utpalitaṃ nihanti rāgaṃ visṛtaṃ sarpaviṣaṃ yathauṣadhena |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 62 ||
[Analyze grammar]

yas tu utpalitaṃ nihanti dveṣaṃ visṛtaṃ sarpaviṣaṃ yathauṣadhena |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 63 ||
[Analyze grammar]

yas tu utpalitaṃ nihanti mohaṃ visṛtaṃ sarpaviṣaṃ yathauṣadhena |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 64 ||
[Analyze grammar]

yas tu utpalitaṃ nihanti mānaṃ visṛtaṃ sarpaviṣaṃ yathauṣadhena |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 65 ||
[Analyze grammar]

yas tu utpalitaṃ nihanti lobhaṃ visṛtaṃ sarpaviṣaṃ yathauṣadhena |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 66 ||
[Analyze grammar]

yas tu utpalitaṃ nihanti tṛṣṇāṃ visṛtaṃ sarpaviṣaṃ yathauṣadhena |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 67 ||
[Analyze grammar]

yo rāgam udācchinatty aśeṣaṃ naḍasetum iva sudurbalaṃ mahaughaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 68 ||
[Analyze grammar]

yo dveṣam udācchinatty aśeṣaṃ naḍasetum iva sudurbalaṃ mahaughaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 69 ||
[Analyze grammar]

yo moham udācchinatty aśeṣaṃ naḍasetum iva sudurbalaṃ mahaughaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 70 ||
[Analyze grammar]

yo mānam udācchinatty aśeṣaṃ naḍasetum iva sudurbalaṃ mahaughaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 71 ||
[Analyze grammar]

yo lobham udācchinatty aśeṣaṃ naḍasetum iva sudurbalaṃ mahaughaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 72 ||
[Analyze grammar]

tṛṣṇāṃ ya udācchinatty aśeṣaṃ naḍasetum iva sudurbalaṃ mahaughaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 73 ||
[Analyze grammar]

tṛṣṇāṃ ya udācchinatty aśeṣaṃ saritāṃ śīghrajavām aśoṣayajñaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 74 ||
[Analyze grammar]

yaḥ kāmaguṇān prahāya sarvān chittvā kāmagatāni bandhanāni |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 75 ||
[Analyze grammar]

yo nīvaraṇāṃ prahāya pañca tv anighaś chinnakathaṃ katho viśalyaḥ |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 76 ||
[Analyze grammar]

yasya vitarkā vidhūpitās tv ādhyātmaṃ vinivartitā hy aśeṣam |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 77 ||
[Analyze grammar]

yasya hi vanasā na santi kecin mūlaṃ cākuśalasya yasya naṣṭam |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 78 ||
[Analyze grammar]

yasya jvarathā na santi kecin mūlaṃ cākuśalasya yasya naṣṭam |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 79 ||
[Analyze grammar]

yasyānuśayā na santi kecin mūlaṃ cākuśalasya yasya naṣṭam |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 80 ||
[Analyze grammar]

sa bhikṣur yasya śīlāni sa dhyāyī yatra śunyatā |
sa tu bhikṣur idaṃ jahāty apāraṃ hy urago jīrṇam iva tvacaṃ purāṇam || 81 ||
[Analyze grammar]

arati rati saho hi bhikṣur evaṃ |
rāgānuśayaṃ samuddharaṃ hi || 82 ||
[Analyze grammar]