Chapter 30 - Sukhavarga

jayād vairaṃ prasavate duhkhaṃ śete parājitaḥ |
upaśāntaḥ sukhaṃ śete hitvā jayaparājayau || 1 ||
[Analyze grammar]

paraduhkhopadhānena ya icchet sukhaṃ ātmanaḥ |
vairasaṃsargasaṃsakto duhkhān na parimucyate || 2 ||
[Analyze grammar]

sukhakāmāni bhūtāni yo daṇḍena vihiṃṣati |
ātmanaḥ sukham eṣāṇaḥ sa vai na labhate sukham || 3 ||
[Analyze grammar]

sukhakāmāni bhūtāni yo daṇḍena na hiṃsati |
ātmanaḥ sukham eṣāṇaḥ sa pretya labhate sukham || 4 ||
[Analyze grammar]

dharmaṃ caret sucaritaṃ nainaṃ duścaritaṃ caret |
dharmacārī sukhaṃ śete hy asmin loke paratra ca || 5 ||
[Analyze grammar]

dharmaḥ sadā rakṣati dharmacāriṇaṃ chatraṃ mahad varṣakāle yathaiva |
eṣānuśaṃso dharme sucīrṇe na durgatiṃ gacchati dharmacārī || 6 ||
[Analyze grammar]

dharmaḥ sadā rakṣati dharmacāriṇaṃ dharmaḥ sucīrṇaḥ sukhaṃ ādadhāti |
eṣānuśaṃso dharme sucīrṇe na durgatiṃ gacchati dharmacārī || 7 ||
[Analyze grammar]

alpāpi santo bahavo jayanti susaṃvidhāne na saṃvidhānam |
alpam api cet śraddadhāno dadāti tenaivāsau bhavati sukhī paratra || 8 ||
[Analyze grammar]

dānaṃ ca yuddhaṃ ca samānaṃ āhur naite guṇāḥ kāpuruṣeva santi |
saṃgrāma veleva hi dānavelā tulyaṃ bhavet kāraṇa saṃgraheṇa || 9 ||
[Analyze grammar]

ayaṃ hi pratyūhaśatāni jitvā mātsaryaṃ ākramya ca śatru bhūtam |
śurādd hi taṃ śūrataraṃ vadāmi dadāti yo dānam asaktacittaḥ || 10 ||
[Analyze grammar]

sukho vipākaḥ puṇyānām abhiprāyaḥ samṛdhyate |
kṣipraṃ ca paramāṃ śāntiṃ nirvṛtiṃ so'dhigacchati || 11 ||
[Analyze grammar]

parato hy upasargāṃś ca devatā mārakāyikāḥ |
antarāyaṃ na śaktiṣṭhāḥ kṛtapuṇyasya kartu vai || 12 ||
[Analyze grammar]

dharmaprītiḥ sukhaṃ śete viprasannena cetasā |
āryapravedite dharme ramate paṇḍitaḥ smṛtaḥ || 13 ||
[Analyze grammar]

yeṣāṃ dharmarataṃ cittam anupādāya nirvṛtim |
smṛty upasthānanirataṃ bodhy aṅgeṣu ca saptasu || 14 ||
[Analyze grammar]

yeṣāṃ dharmaratiṃ cittam anupādāya nirvṛtim |
ṛddhi pādarataṃ caiva mārge cāṣṭāṅgike ratam || 15 ||
[Analyze grammar]

sukhaṃ te bhuñjate piṇḍaṃ dhārayanti ca cīvaram |
sukhaṃ caṅkramaṇaṃ teṣāṃ parvateṣu guhāsu ca || 16 ||
[Analyze grammar]

kṣemaprāptā hi sukhitā dṛṣṭadharmābhinirvṛtāḥ |
sarvavairabhayātītās tīrṇā loke viṣaktikām || 17 ||
[Analyze grammar]

sukho vivekas tuṣṭasya śrutadharmasya paśyataḥ |
avyāvadhyaḥ sukhaṃ loke prāṇabhūteṣu samyamaḥ || 18 ||
[Analyze grammar]

sukhaṃ virāgatā loke kāmānāṃ samatikramaḥ |
asmi mānasyavinaya etad vai paramaṃ sukham || 19 ||
[Analyze grammar]

sukhaṃ yāvaj jarā śīlaṃ sukhaṃ śraddhā pratiṣṭhitā |
sukhaṃ cārtharatā vācā pāpasyākaraṇaṃ sukham || 20 ||
[Analyze grammar]

sukhaṃ mātṛvyatā loke sukhaṃ caiva pitṛvyatā |
sukhaṃ śrāmaṇyatā loke tathā brāhmaṇyatā sukham || 21 ||
[Analyze grammar]

sukhaṃ buddhasya cotpādaḥ sukhaṃ dharmasya deśanā |
sukhaṃ saṃghasya sāmagrī samagrāṇāṃ tapaḥ sukham || 22 ||
[Analyze grammar]

śīlavantaḥ sukhaṃ dṛṣṭuṃ sukhaṃ dṛṣṭuṃ bahu śrutāḥ |
arhantaś ca sukhaṃ dṛṣṭuṃ vipramuktapunar bhavāḥ || 23 ||
[Analyze grammar]

sukhā nadī sūpatīrthā sukhaṃ dharmajino jinaḥ |
prajñā lābhaḥ sukho nityam asmi mānakṣayaḥ sukham || 24 ||
[Analyze grammar]

sukhaṃ darśanaṃ āryāṇāṃ saṃvāso'pi sadā sukham |
adarśanena bālānāṃ nityam eva sukhī bhavet || 25 ||
[Analyze grammar]

duhkho bālair hi saṃvāso hy amitrair iva sarvaśaḥ |
dhīrais tu sukhasaṃvāso jñātīnām iva saṃgamaḥ || 26 ||
[Analyze grammar]

durlabhaḥ puruṣo jātyo nāsau sarvatra jāyate |
yatrāsau jāyate vīras tu kulaṃ sukham edhate || 27 ||
[Analyze grammar]

sarvathā vai sukhaṃ śete brāhmaṇaḥ parinirvṛtaḥ |
yo na lipyate kāmebhir vipramukto nirāsravaḥ || 28 ||
[Analyze grammar]

sarvā hy āśāstayaś chittvā vinīyahṛdayajvaram |
upaśāntaḥ sukhaṃ śete śāntiṃ prāpyeha cetasaḥ || 29 ||
[Analyze grammar]

mātrā sukhaparityāgād yaḥ paśyed vipulaṃ sukham |
tyajen mātrā sukhaṃ dhīraḥ sampaśyan vipulaṃ sukham || 30 ||
[Analyze grammar]

yac ca kāmasukhaṃ loke yac cāpi divijaṃ sukham |
tṛṣṇākṣayasukhasyaitat kalāṃ nārghati ṣoḍaśīm || 31 ||
[Analyze grammar]

nikṣipya hi guruṃ bhāraṃ nādadyād bhāram eva tu |
bhārādānaṃ paraṃ duhkhaṃ bhāranikṣepaṇaṃ sukham || 32 ||
[Analyze grammar]

sarvatṛṣṇāṃ viprahāya sarvasamyojanakṣayāt |
sarvopadhiṃ parijñāya nāgacchanti punar bhavam || 33 ||
[Analyze grammar]

artheṣu jāteṣu sukhaṃ sahāyāḥ puṇyaṃ sukhaṃ jīvitasaṃkṣayeṣu |
tuṣṭiḥ sukhā yā tv itaretareṇa sarvasya duhkhasya sukho nirodhaḥ || 34 ||
[Analyze grammar]

ayoghanahatasyaiva jvalato jātavedasaḥ |
anupūrvopaśāntasya yathā na jñāyate gatiḥ || 35 ||
[Analyze grammar]

evaṃ samyag vimuktānāṃ kāmapaṅkaughatāriṇām |
prajñāpayituṃ gatir nāsti prāptānām acalaṃ sukham || 36 ||
[Analyze grammar]

yasyāntarato na santi kopā itthaṃ bhāvagataṃ ca yo nivṛttaḥ |
akhilaṃ taṃ sukhinaṃ sadā viśokaṃ devā nānubhavanti darśanena || 37 ||
[Analyze grammar]

sukhaṃ hi yasyeha na kiṃcanaṃ syāt svākhyātadharmasya bahuśrutasya |
sakiṃcanaṃ paśya vihanyamānaṃ janaṃ janeṣu pratibaddha cittam || 38 ||
[Analyze grammar]

sukhaṃ hi yasyeha na kiṃcanaṃ syāt svākhyātadharmasya bahuśrutasya |
sakiṃcanaṃ paśya vihanyamānaṃ janaṃ janeṣu pratibaddharūpam || 39 ||
[Analyze grammar]

sukhino hi janā hy akiṃcanā vedaguṇā hi janā hy akiṃcanāḥ |
sakiṃcanaṃ paśya vihanyamānaṃ janaṃ janeṣu baddhacittam || 40 ||
[Analyze grammar]

sukhino hi janā akiṃcanā vedaguṇā hi janā hy akiṃcanāḥ |
sakiṃcanaṃ paśya vihanyamānaṃ janaṃ janeṣu pratibaddharūpam || 41 ||
[Analyze grammar]

sarvaṃ paravaśaṃ duhkhaṃ sarvaṃ ātmavaśaṃ sukham |
sādhāraṇe vihanyante yogā hi duratikramāḥ || 42 ||
[Analyze grammar]

susukhaṃ bata jīvāmo hy utsukeṣu tv anutsukāḥ |
utsukeṣu manuṣyeṣu viharāmo hy anutsukāḥ || 43 ||
[Analyze grammar]

susukhaṃ bata jīvāmo yeṣāṃ no nāsti kiṃcanam |
mithilāyāṃ dahyamānāyāṃ na no dahyati kiṃcanam || 44 ||
[Analyze grammar]

susukhaṃ bata jīvāmo hy ātureṣu tv anāturāḥ |
ātureṣu manuṣyeṣu viharāmo hy anāturāḥ || 45 ||
[Analyze grammar]

susukhaṃ bata jīvāmo hiṃsakeṣu tv ahiṃsakāḥ |
hiṃsakeṣu manuṣyeṣu viharāmo hy ahiṃsakāḥ || 46 ||
[Analyze grammar]

susukhaṃ bata jīvāmo vairikeṣu tv avairikāḥ |
vairikeṣu manuṣyeṣu viharāmo hy avairikāḥ || 47 ||
[Analyze grammar]

susukhaṃ bata jīvāmo heṭhakeṣu tv aheṭhakāḥ |
heṭhakeṣu manuṣyeṣu viharāmo hy aheṭhakaḥ || 48 ||
[Analyze grammar]

susukhaṃ bata jīvāmo yeṣāṃ no nāsti kiṃcanam |
prīti bhakṣā bhaviṣyāmo devā hy ābhasvarā yathā || 49 ||
[Analyze grammar]

susukhaṃ bata jīvāmo yeṣāṃ no nāsti kiṃcanam |
prīti bhakṣā bhaviṣyāmo satkāyenopanihśritāḥ || 50 ||
[Analyze grammar]

grāme araṇye sukhaduhkhaspṛṣṭo naivātmano na parato dadhāti |
sparśāḥ spṛśanti hy upadhiṃ pratītya niraupadhiṃ kiṃ sparśāḥ spṛśeyuḥ || 51 ||
[Analyze grammar]

sāpatrapāḥ sat puruṣā bhavanti na kāmahetor lapayanti santaḥ |
spṛṣṭā hi duhkhena tathā sukhena noccāvacāḥ sat puruṣā bhavanti || 52 ||
[Analyze grammar]