Udanavarga [sanskrit]

by W. Woodville Rockhill | 1892 | 13,101 words

The Udanavarga is a collection of Sanskrit verses representing aphorisms attributed to the Buddha and his disciples. The Udanavarga resembles the Pali Dhammapada and Udana, yet it belong the ancient tradition of early Buddhism. Alternative titles: Udānavarga (उदानवर्ग).

Chapter 15 - Smṛtivarga

Smriti-varga

anupūrvaṃ parijitā yathā buddhena deśitā |
sa imaṃ bhāsate lokam abhramukta iva candramāḥ || 1 ||
[Analyze grammar]

nityaṃ smṛto bhikṣur adhiṣṭhamāno labheta pūrvāparato viśeṣam |
labdhvā ca pūrvāparato viśeṣam adarśanaṃ mṛtyu rājasya gacchet || 2 ||
[Analyze grammar]

smṛtiḥ kāyagatā nityaṃ saṃvaraś cendriyaiḥ sadā |
samāhitaḥ sa jānīyāt tena nirvāṇaṃ ātmanaḥ || 3 ||
[Analyze grammar]

no ca syān no ca me syān na bhaviṣyati na ca me bhaviṣyati |
anupūrvavihāravān asau kālenottarate viṣaktikām || 4 ||
[Analyze grammar]

yo jāgaret smṛtimān samprajānaḥ samāhito mudito viprasannaḥ |
kālena dharmān mīmāṃsamānaḥ so'tikramej jāti jarāṃ saśokām || 5 ||
[Analyze grammar]

tasmāt sadā jāgarikāṃ bhajeta yo vīryavān smṛtimān apramattaḥ |
samyojanaṃ jāti jarāṃ ca hitvehaiva duhkhasya karoti so'ntam || 6 ||
[Analyze grammar]

jāgarantaḥ śṛṇudhvaṃ me suptāś ca pratibudhyata |
supteṣu jāgaraṃ śreyā na hi jāgarato bhayam || 7 ||
[Analyze grammar]

jāgaryam anuyuktānām aho rātrānuśikṣiṇām |
amṛtaṃ cādhimuktānām astaṃ gacchanti āsravāḥ || 8 ||
[Analyze grammar]

lābhas teṣāṃ manuṣyāṇāṃ ye buddhaṃ śaraṇaṃ gatāḥ |
yeṣāṃ divā ca rātrau ca nityaṃ buddhagatā smṛtiḥ || 9 ||
[Analyze grammar]

lābhas teṣāṃ manuṣyāṇāṃ ye dharmaṃ śaraṇaṃ gatāḥ |
yeṣāṃ divā ca rātrau ca nityaṃ dharmagatā smṛtiḥ || 10 ||
[Analyze grammar]

lābhas teṣāṃ manuṣyāṇāṃ ye saṃghaṃ śaraṇaṃ gatāḥ |
yeṣāṃ divā ca rātrau ca nityaṃ saṃghagatā smṛtiḥ || 11 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nityaṃ buddhagatā smṛtiḥ || 12 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nityaṃ dharmagatā smṛtiḥ || 13 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nityaṃ saṃghagatā smṛtiḥ || 14 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nityaṃ kāyagatā smṛtiḥ || 15 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nityaṃ śīlagatā smṛtiḥ || 16 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau caivāhiṃsāyāṃ rataṃ manaḥ || 17 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau caivāvyāpāde rataṃ manaḥ || 18 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca naiṣkramyābhirataṃ manaḥ || 19 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nityaṃ dhyānarataṃ manaḥ || 20 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca vivekābhirataṃ manaḥ || 21 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca śunyatāyāṃ rataṃ manaḥ || 22 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau caivānimitte rataṃ manaḥ || 23 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca ākiṃcanye rataṃ manaḥ || 24 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca bhāvanāyāṃ rataṃ manaḥ || 25 ||
[Analyze grammar]

suprabuddhaṃ prabudhyante ime gautama śrāvakāḥ |
yeṣāṃ divā ca rātrau ca nirvāṇābhirataṃ manaḥ || 26 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Smṛtivarga

Hitopadesha edition (1892)

Udanavarga
by W. Woodville Rockhill (1892)

A collection of verses from the Buddhist canon compiled by Dharmatrata being the Northern Buddhist version of Dhammapada.

Buy now!
Like what you read? Consider supporting this website: