Sanghabhedavastu [sanskrit]
79,275 words
The Sanskrit edition of the Sanghabhedavastu: The 17th and last section of the Vinaya of the Mulasarvastivadin. The text includes descriptions of the life of the Buddha Original titles: Saṅghabhedavastu (सङ्घभेदवस्तु), Saṃghabhedavastu (संघभेदवस्तु, Samghabhedavastu)
Chapter 256 - Devadatta perceives that the workmen and the mechanic too ran away
yantrakalācāryo'pi (a 484 ) buddhaṃ bhagavantamayaṃ praghātayatīti viditvā, teṣāmanupadameva sopānādavatīrya, śatasahasraṃ muktāhāraṃ gṛhītvā niṣpalāyitaḥ; devadatto'pi śilāpatanatatparo muhurmuhurnirīkṣate; na patatīti kṛtvā svayameva tānyanyāni paṃca manuṣyaśatānyādāya gṛdhrakūṭaṃ parvatam (i 168) abhiroḍhumārabdhaḥ; paśyati tāni bhagavato'ntikāddharmaṃ śṛṇvanti; dṛṣṭvā ca bhūyasyā mātrayā saṃjātāmarṣo'nyatomukho gṛdhrakūṭaṃ parvatamabhirūḍhaḥ; yāvatpaśyati yantrakalācāryo'pi niṣpalāyitaḥ; svayameva paṃcaśataparivāro yantramāmreḍayitumārabdhaḥ; bhagavān saṃlakṣayati: mayaiva etāni karmāṇi kṛtānyupacitāni labdhasaṃbhārāṇi pariṇatapratyayānyoghavatpratyupasthitānyavaśyabhāvīni; mayaiva etāni karmāṇi kṛtānyupacitāni ko'nyaḥ pratyanubhaviṣyati? iti viditvā tāni paṃca manuṣyaśatāni idamavocat: bhavanto devadattastīvraparyavasthānāvasthito gṛdhrakūṭaṃ parvatamabhirūḍhāḥ; gacchata; mamaitāni karmāṇi kṛtāni iti; tatastāni paṃca manuṣyaśatāni niṣpalāyitāni; devatānāmadhastājjñānadarśanaṃ pravartate