Sanghabhedavastu [sanskrit]

79,275 words

The Sanskrit edition of the Sanghabhedavastu: The 17th and last section of the Vinaya of the Mulasarvastivadin. The text includes descriptions of the life of the Buddha Original titles: Saṅghabhedavastu (सङ्घभेदवस्तु), Saṃghabhedavastu (संघभेदवस्तु, Samghabhedavastu)

Chapter 102 - The conversion of Bimbisāra

tatra bhagavān dvirapi rājānaṃ māgadhaṃ śreṇyaṃ bimbisāramāmantrayate: kiṃ mayase mahārāja rūpaṃ nityaṃ anityaṃ ? anityamidaṃ bhadanta; yatpunaranityaṃ duḥkhaṃ tanna duḥkham? duḥkhamidaṃ bhadanta; yatpunaranityaṃ duḥkhaṃ vipariṇāmadharmi; api nu tacchrutavānāryaśrāvaka ātmata upagacchedetanmama, eṣo'hamasmi, eṣa me ātmeti? no bhadanta; kiṃ mahārāja vedanā saṃjñā saṃskārā vijñānaṃ nityaṃ anityaṃ ? anityamidaṃ bhadanta; yatpunaranityaṃ duḥkhaṃ tanna duḥkham; duḥkhamidaṃ bhadanta; yatpunaranityaṃ duḥkhaṃ vipariṇāmadharmi; api nu tacchrutavānāryaśrāvaka ātmata upagacchedetan (160) mama, eṣo'hamasmi, eṣa me ātmeti? no bhadanta; tasmāttarhi te mahārāja yatkiṃcidrūpamatītānāgatapratyutpannamādhyātmikaṃ bāhyaṃ odārikaṃ sūkṣmaṃ hīnaṃ praṇītaṃ , yadvā dūre, yadvā antike, tatsarvaṃ naitanmama naiṣo'hamasmi, naiṣa me ātmetyevametadyathābhūtaṃ samyakprajñayā draṣṭavyam; tasmāttarhi mahārāja kācidvedanā saṃjñā saṃskārā yatkiṃcidvijñānamatītānāgatapratyutpannamādhyātmikaṃ , bāhyaṃ , odārikaṃ , sūkṣmaṃ , hīnaṃ , praṇītaṃ , yadvā dūre, yadvā antike, tatsarvaṃ naitanmama, naiṣo'hamasmi, naiṣa me ātmetyevametadyathābhūtaṃ samyakprajñayā draṣṭavyam; evaṃdarśī mahārāja śrutavānāryaśrāvakaḥ rūpādapi nirvidyate; vedanāyāḥ saṃjñāyā saṃskārebhyo vijñānādapi nirvidyate; nirviṇṇo virajyate; virakto vimucyate; vimuktasya vimuktameva jñānadarśanaṃ bhavati; kṣīṇā me jātir, uṣitaṃ brahmacaryam; kṛtaṃ karaṇīyaṃ, nāparamasmādbhavaṃ prajānāmīti
asmin khalu dharmaparyāye bhāṣyamāṇe rājño māgadhasya śreṇyasya bimbisārasya virajo vigatamalaṃ dharmeṣu dharmacakṣurutpannam; aśiteśca devatāsahasrāṇām, anekeṣāṃ ca brāhmaṇagṛhapatiśatasahasrāṇām; atha rājā māgadhaḥ śreṇyo bimbisāro dṛṣṭadharmā prāptadharmā viditadharmā paryavagāḍhadharmā tīrṇakāṅkṣastīrṇavicikitso'parapratyayo'nanyaneyaḥ śāstuśśāsane dharmeṣu vaiśāradyaprāpta utthāyāsanādekāṃsamuttarāsaṅgaṃ kṛtvā yena bhagavāṃstenāñjaliṃ praṇamayya bhagavantamidamavocat: abhikrānto'haṃ bhadantābhikrāntaḥ; eṣo'haṃ bhagavantaṃ śaraṇaṃ gacchāmi, dharmaṃ ca, bhikṣusaṅghaṃ ca; upāsakaṃ ca māṃ dhārayādyāgreṇa yāvajjīvaṃ prāṇopetaṃ śaraṇāgatam, abhiprasannam; āgacchatu bhagavān rājagṛham; ahaṃ (a 408 ) bhagavantamupasthāsyami yāvajjīvaṃ cīvarapiṇḍapātaśayanāsanaglānapratyayabhaiṣajyapariṣkāraiḥ sārdhaṃ bhikṣusaṅgheneti; adhivāsayati bhagavān rājño māgadhasya śreṇyasya bimbisārasya tūṣṇīṃbhāvena; atha rājā māgadhaḥ śreṇyo bimbisāro bhagavatastūṣṇīṃbhāvena adhivāsanāṃ viditvā, bhagavataḥ pādau śirasā vanditvā, bhagavato'ntikātprakrāntaḥ
bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ papracchuḥ: kiṃ bhadanta rājñā māgadhena śreṇyena bimbisāreṇa saparivāreṇa karma kṛtaṃ, yasya karmaṇo vipākena bhagavato'ntike satyadarśanaṃ kṛtamiti; bhagavānāha: bimbisāreṇaiva (161) bhikṣavo rājñā saparivāreṇa karmāṇi kṛtānyupacitāni labdhasaṃbhārāṇi pariṇatapratyayānyoghavatpratyupasthitānyavaśyaṃbhāvīni; rājñā bimbisāreṇa saparivāreṇa karmāṇi kṛtānyupacitāni ko'nyaḥ pratyanubhaviṣyati; na bhikṣavaḥ karmāṇi kṛtānyupacitāni bāhye pṛthivīdhātau vipacyante, nābdhātau, na tejodhātau, na vāyudhātau api tūpātteṣveva skandhadhātvāyataneṣu karmāṇi kṛtāni vipacyante śubhānyaśubhāni ca
na praṇaśyanti karmāṇyapi kalpaśatairapi |
sāmagrīṃ prāpya kālaṃ ca phalanti khalu dehinām ||

Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: