Ratnamalavadana [sanskrit]

83,177 words | ISBN-10: 8172702957 | ISBN-13: 9788172702953

The Sanskrit edition of the Ratnamalavadana: a collection of Buddhist stories (avadana) belonging to the Mahayana tradition. Literally, “a garland of precious gems” or “a collection of edifying tales”, these 38 stories revolve around king Ashoka and the monk Upagupta. Original titles: Ratnamālāvadāna (रत्नमालावदान), Ratnamālā-āvadāna (रत्नमाला-आवदान, Ratnamala-avadana)

Chapter 24 - Pretībhūtamaharddhika-avadāna

ye cedaṃ pretikāyāḥ sugatakathitamidaṃ śraddhayā ye 'vadānaṃ śṛṇvaṃti śrāvayanti pramuditamanasaste narāḥ sarva evaṃ |
kṛtvā ratnatrayasya prabhajanamaniśaṃ bodhicittaṃ samāpya kṛtvā lokeṣu bhadraṃ sakalaguṇabharā bauddhaloke prayānti |
athāśoko mahīpālaḥ kṛtāṃjalipuṭo mudā |
upaguptaṃ yatiṃ natvā prārthayacca tathādarāt || 1 || {1}
[Analyze grammar]

bhadanta śrotumichāmi punaranyatsubhāṣitaṃ |
tadyathā guruṇādiṣṭaṃ tathā me samupādiśa || 2 || {2}
[Analyze grammar]

iti saṃprārthite rājñā śrutvā so 'rhaṃ sudhīryatiḥ |
nṛpatiṃ taṃ mahīpālaṃ saṃpaśyannevamādiśat || 3 || {3}
[Analyze grammar]

sādhu śṛṇu mahārāja yathā me guruṇoditaṃ |
tathāhaṃ saṃpravakṣyāmi tava dharmapravṛddhaye || 4 || {4}
[Analyze grammar]

tadyathā bhagavāñchāstā śrīghanaḥ sa munīśvaraḥ |
sarvajñaḥ sugato nātho dharmarāja vināyakaḥ || 5 || {5}
[Analyze grammar]

bhikṣubhiḥ śrāvakaiḥ sārddhaṃ bhikṣuṇībhiśca cailakaiḥ |
upāsakaiḥ śubhācārairupāsikāgaṇairapi || 6 || {6}
[Analyze grammar]

bodhisatvairmahāsatvaistathānyairbodhivāṃchibhiḥ |
brahmadevāsurendraiśca yakṣagaṃdharvakiṃnaraiḥ || 7 || {7}
[Analyze grammar]

siddhairvidyādharaiścāpi nāgendrai garuḍairapi |
sarvai lokādhipaiścāpi tathānyaiśca maharṣibhiḥ || 8 || {8}
[Analyze grammar]

brāhmaṇai rājabhi rājakumāraiśca śubhārthibhiḥ |
vaiśyai maṃtrigaṇaiścāpi tathāmātyagaṇairapi || 9 || {9}
[Analyze grammar]

śreṣṭhibhiḥ paurikaiścapi gṛhasthaiśca mahājanaiḥ |
vaṇigbhiḥ sārthavāhaiśca tathā śilpigaṇairapi || 10 || {10}
[Analyze grammar]

grāmyai jānapadaiścāpi kārpaṭikaiḥ satīrthikaiḥ |
tathānyaiḥ sujanai vijñaiḥ saddharmaguṇavāṃchibhiḥ || 11 || {11}
[Analyze grammar]

sevitābhyarcitastatra veṇuvane manorame |
karaṃdakanivāpākhye vihāre saugatāśrame || 12 || {12}
[Analyze grammar]

saddharmaṃ samupādiśya vijahāra prabhāsayan |
sarvasatvahitārthena ratnarāśimivojvalan || 13 || {13}
[Analyze grammar]

tadaiva samaye tatra rājagṛhe purottame |
āsīdgṛhapate śreṣṭhī mahājano mahādhanaḥ || 14 || {14}
[Analyze grammar]

śrimāṃ śrīdopamaḥ sarvadravyasaṃpatsamānvitaḥ |
sa sadṛśātkulā bhāryāṃ svakuladharmacāriṇīṃ || 15 || {15}
[Analyze grammar]

subhadrāṃgāṃ samānīya vidhinodavahanmudā |
tataḥ sa gṛhabhṛtkantā bhāryayā kāṃtayā tathā || 16 || {16}
[Analyze grammar]

yathākāmaṃ ratiṃ bhuktvā cakrīḍa paricārayan |
tatastasya gṛhasthasya yathākāmaṃ prabhuṃjataḥ || 17 || {17}
[Analyze grammar]

samaye sā priyā bhāryā babhūva garbhadhāriṇī || 18 || {18}
[Analyze grammar]

tataḥ sā samaye 'sūta dārakaṃ suṃdarāṃśikaṃ |
tacchrutvā sa pitā śreṣṭhī mudā draṣṭumupācaran || 19 || {19}
[Analyze grammar]

tatra sa samupetyāśu dārakaṃ taṃ śubhāṃśikaṃ |
dṛṣṭvā saṃmuditaḥ paśyanneva tasthāvatṛptitaḥ || 20 || {20}
[Analyze grammar]

tato jñātīn samāhūya kṛtvā jātimahaṃ śiśoḥ |
asya nāmaprasiddhena kriyatāmityabhāṣata || 21 || {21}
[Analyze grammar]

tacchrutvā jñātayaḥ sarve te kṛtvā samataṃ tathā |
taṃ śreṣṭhinaṃ samāhūya pura evaṃ samabruvan || 22 || {22}
[Analyze grammar]

yadayaṃ dārako jāto nakṣatra uttarābhidhe |
tenottara iti khyāto bhavatu bhavadātmajaḥ || 23 || {23}
[Analyze grammar]

iti tairjñātibhiḥ khyātaṃ śrutvā sa gṛhabhṛttathā |
tenaiva nāmadheyena prākhyāpayattamātmajaṃ || 24 || {24}
[Analyze grammar]

tataḥ sa dārako 'ṣṭābhi dhātribhiḥ pratipālitaḥ |
dine dine pravṛddho 'bhū hradasthamambujaṃ yathā || 25 || {25}
[Analyze grammar]

tataḥ pravarddhamānaḥ sa gurubhiḥ śikṣitaḥ kramāt |
lipyādi sarvavidyānāṃ drutaṃ pāraṃ samāyayau || 26 || {26}
[Analyze grammar]

tadā sa uttaro vijñaḥ savayobhiḥ sahānvitaḥ |
caramānaḥ pure tatra lokamanoharo vabhau || 27 || {27}
[Analyze grammar]

yadā sa uttaraḥ prauḍhayauvanamadanāśrayaḥ |
tadā tasya pitā śreṣṭhī daivātkālaṃ samāyayau || 28 || {28}
[Analyze grammar]

tatastasya gṛhe tatra sa uttarastadātmajaḥ |
svāmī saṃpattisaṃprāpto gṛhi lokādhipo 'bhavat || 29 || {29}
[Analyze grammar]

tataḥ sa kulavṛttistho vyavahāravicakṣaṇaḥ |
krayavikrayakāryāṇi kṛtvā dravyaṃ samarjayat || 30 || {30}
[Analyze grammar]

sa ekasmindine tatra veṇuvane jināśrame |
saṃbuddhaṃ śrīghanaṃ draṣṭuṃ dharmārthī samupācarat || 31 || {31}
[Analyze grammar]

tatra sa samupāsṛtyādrākṣīttam śrīghanaṃ muniṃ |
dvātriṃśallakṣaṇāśītivyaṃjanapratimaṃḍitaṃ || 32 || {32}
[Analyze grammar]

vyāmaprabhāvirocaṃtaṃ samaṃtabhadrarūpiṇaṃ |
ratnarāśimivojvālaṃ ratnādrimiva jaṃgamaṃ || 33 || {33}
[Analyze grammar]

sabhāmadhyāsanāsīnaṃ bhikṣusaṃghapuraskṛtaṃ |
dharmāmṛtapravarṣantaṃ sarvalokairnamaskṛtaṃ || 34 || {34}
[Analyze grammar]

dṛṣṭvā sa muditastatra sāṃjaliḥ purato vrajan |
pādau tasya munīndrasya praṇatvaikānta āśrayan || 35 || {35}
[Analyze grammar]

tatra tasyāśayaṃ śuddhaṃ dṛṣṭvā sa bhagavāṃstathā |
āryasatyaṃ samārabhya saddharmaṃ samupādiśat || 36 || {36}
[Analyze grammar]

tatsaddharmāmṛtaṃ pītvā sa uttaraḥ pramoditaḥ |
punaḥ pādau munernatvā pratyāyayau svamālayaṃ || 37 || {37}
[Analyze grammar]

evaṃ sa uttaro vijñaḥ pratidinaṃ jagadguroḥ |
draṣṭuṃ dharmāmṛtaṃ vāpi pātum nityamupācarat || 38 || {38}
[Analyze grammar]

tathā tasya munīndrasya pītvā dharmāmṛtaṃ tadā |
saṃbuddhaśāsane tatra pravrajituṃ samaichata || 39 || {39}
[Analyze grammar]

tataḥ sa uttarastasya munīndrasya purogataḥ |
pādābjau sāṃjalirnatvā pravrajyāṃ samayācata || 40 || {40}
[Analyze grammar]

bhagavannātha sarvajña bhavatāṃ śaraṇaṃ vraje |
tatpravrajyāṃ vrataṃ mahyaṃ dātumarhati sāṃprataṃ || 41 || {41}
[Analyze grammar]

iti saṃprārthite tena bhagavānmunīśvaraḥ |
uttarākhyaṃ kumāraṃ taṃ samālokyaivamādiśat || 42 || {42}
[Analyze grammar]

kumāra śāsane bauddhe pravrajituṃ yadīchasi |
anujñāṃ māturāsādya prāgacha dāsyate tadā || 43 || {43}
[Analyze grammar]

ityādiṣṭe munīndreṇa sa uttaraḥ prabodhitaḥ |
tatheti caraṇau tasya munernatvā gṛhaṃ yayau || 44 || {44}
[Analyze grammar]

tatra gṛhe samāsādya sa uttaraḥ pramoditaḥ |
jananyāścaraṇau natvā sāṃjalirevamabravīt || 45 || {45}
[Analyze grammar]

mātaradya vihāre 'haṃ gachāmi saugatāśrame |
tatra śāstu mukhābjotthamāryadharmāmṛtaṃ pibe || 46 || {46}
[Analyze grammar]

tatsaddharmāmṛtaṃ pītvā tṛṣṇā me varddhyate punaḥ |
tatsaddharmaṃ samālabdhumichāmi parituṣṭaye || 47 || {47}
[Analyze grammar]

dhanyāste hi śubhātmānaḥ pariśuddhatrimaṃḍalāḥ |
saṃbuddhaśāsane sthitvā sadā dharmaṃ pibanti ye || 48 || {48}
[Analyze grammar]

ahamapi sadā tatra saṃbuddhaśāsane caran |
tatsaddharmāmṛtaṃ labdhumichāmi jananī dhruvaṃ || 49 || {49}
[Analyze grammar]

tatpravrajyāvrataṃ dhṛtvā carituṃ saugatāśrame |
ichāmi sāṃprataṃ mātastadanujñāṃ pradehi me || 50 || {50}
[Analyze grammar]

iti putrāditaṃ śrutvā matā sā prahatāśayā |
ciraṃ tamātmajaṃ dṛṣṭvā rudantyaivamabhāṣata || 51 || {51}
[Analyze grammar]

kimeva vadase putra maivaṃ me purato vadaḥ |
kimarthaṃ svagṛhaṃ tyaktvā pravrajitu tvamichasi || 52 || {52}
[Analyze grammar]

kiṃ te duḥkhaṃ kuto jātaṃ mayā kiṃ cinna dṛśyate |
tvayā tu dṛśyate yattadvaktavyaṃ purato mama || 53 || {53}
[Analyze grammar]

adyāpi tava tātasya śokādhiḥ śāmyate na me |
tathāpi māṃ kathaṃ tyaktumichasi sāṃprataṃ sute || 54 || {54}
[Analyze grammar]

iti mātroditaṃ śrutvā sa uttaraḥ kumārakaḥ |
mātaraṃ taṃ samālokya bodhayituṃ samabravīt || 55 || {55}
[Analyze grammar]

mātastvatkṛpayā me 'tra kiṃ cidduḥkhaṃ na vidyate |
gṛhe 'pi mahatī saṃpadasti bhogyaṃ yathechayā || 56 || {56}
[Analyze grammar]

anityaṃ khalu saṃsāraṃ kṣaṇadhvaṃsi śarīrakaṃ |
anityaṃ jīvitaṃ vidyutsaṃpātamiva na dhruvaṃ || 57 || {57}
[Analyze grammar]

saṃpaccāpi sthirā naivaṃ kasya śrī sarvadā sthirā |
sarveṣāmapi jaṃtūnāṃ sarvatra maraṇaṃ dhruvaṃ || 58 || {58}
[Analyze grammar]

sarve 'pi prāṇinaḥ kāle tyaktvā sarvānparigrahān |
jñātivaṃdhusuhṛtmitrānnapi yāṃti yamālayaiḥ || 59 || {59}
[Analyze grammar]

eko 'pi vidyate naiva mṛtyuprāpte sahānugaḥ |
dharma eva tadaikaḥ syāttrātānugo yamālaye || 60 || {60}
[Analyze grammar]

dharmeṇa rakṣyate tatra yamadūtairadhiṣṭhite |
tadatra sarvathā nityaṃ karttavyaṃ dharmameva hi || 61 || {61}
[Analyze grammar]

dharmavānnatra saṃsāre bhramannapi sadā sukhī |
sarvatra satsukhānyeva prabhuktvā yāti sadgatiṃ || 62 || {62}
[Analyze grammar]

tatrāpi sarvadā saukhyaṃ bhuktvā kṛtvā ca maṃgalaṃ |
sarvasatvahitārthena saddharmāṇyeva sādhayet || 63 || {63}
[Analyze grammar]

etatpuṇyavipākaiḥ sa sadguruṃ samupāśrayet |
sadgurostu prasādena bodhicittaṃ labhettadā || 64 || {64}
[Analyze grammar]

tato bodhicarīṃ prāpya bodhisatvo bhavetsudhīḥ |
tataḥ satvahitārthena bodhicaryāṃ samācaret || 65 || {65}
[Analyze grammar]

tataḥ pāramitāḥ sarvāḥ paripūrya yathākramaṃ |
trividhāṃ bodhimāsādya saṃbuddhapadamāpnuyāt || 66 || {66}
[Analyze grammar]

ityādiṣṭaṃ munīndreṇa sarvajñena hitārthinā |
śrutaṃ mayā parijñāya tathā caritumichyate || 67 || {67}
[Analyze grammar]

etatpuṇyavibhāgatvamapi prāptuṃ yadīchasi |
tadanujñāṃ pradatvā me cittaṃ mātaḥ pratoṣaya || 68 || {68}
[Analyze grammar]

iti putroditaṃ śrutvā mātā sā vihatāśayā |
viyogaduḥkhasaṃkārttā vilapantyevamabravīt || 69 || {69}
[Analyze grammar]

hā putra kathamekānte māṃ vihātuṃ tvamichasi |
nānyo me vidyate putrastvamevaiko 'sti naṃdanaḥ || 70 || {70}
[Analyze grammar]

pitāpi tava māṃ tyajya daivād yāto yamālayaṃ |
tvamapi māṃ parityaktvā kutra gaṃtuṃ tathechasi || 71 || {71}
[Analyze grammar]

hā putra kathamajño 'si kenātra tvaṃ pravaṃcyase |
kiṃ paśyan hetunā kena pravrajituṃ tvamichasi || 72 || {72}
[Analyze grammar]

hā putra kena mūḍho 'si yadetā dravyasaṃpadaḥ |
tyaktvā paragṛhe bhikṣāṃ yācitvā bhoktumichasi || 73 || {73}
[Analyze grammar]

hā putra tvaṃ kumāro 'si tatpravrajyāṃ careḥ kathaṃ |
pravrajito gṛhaṃ tyaktvā bahirdeśe sadāśrayeḥ || 74 || {74}
[Analyze grammar]

tatkathaṃ tyaktvā bahirdeśe samāśrayeḥ |
śāṇakaṃṭāvṛto muṃdo mṛtvātra dhareśvaraḥ || 75 || {75}
[Analyze grammar]

śītavātātapākrānte kathaṃ duḥkhaṃ saheḥ suta |
kṣutpipāsāgnisaṃtaptaḥ duḥkhaṃ kaste 'bhiśāmayet || 76 || {76}
[Analyze grammar]

śmaśāneṣu śavānyasyan kathamekaścareḥ suta |
jaṃgale nirjane 'raṇye ekākī nivaseḥ kathaṃ || 77 || {77}
[Analyze grammar]

tathā bhūtālaye śūnyageheva nivaseḥ kathaṃ |
tathāmitreṣu deśeṣu kathamekoriva ccare || 78 || {78}
[Analyze grammar]

jvarādi rogasaṃtapte kastava paricārayet |
ko vā te kṛpayā dadyātpathyamāhāramauṣadhaṃ || 79 || {79}
[Analyze grammar]

yadi daivādvipattiḥ syāttadā kaḥ pariśodhayet |
iti samīkṣya mā putra pravrajyāvrata utsaha |
mamātra vacanaṃ śrutvā sukhaṃ bhuktvā gṛhe vasa || 80 || {80}
[Analyze grammar]

iti mātroditaṃ śrutvā sa putraścaivamabravīt |
daivabhāvā bhavantyeva sarvatrāpi jagatsvapi || 81 || {81}
[Analyze grammar]

eko 'pi vidyate nātra suhṛnmitrasahānugaḥ |
dharma eva sahāyaḥ syātsarvatra maraṇe dhruvaṃ || 82 || {82}
[Analyze grammar]

iti saddharmasaṃprāptyai pravrajyāvratamuttamaṃ |
caritavyaṃ bhavedvijñairnirvṛtipadavāṃchibhiḥ || 83 || {83}
[Analyze grammar]

iti tena munīndreṇa samādiṣṭaṃ niśamyate |
māta tasmā tathātraitadvrataṃ caritumichyate || 84 || {84}
[Analyze grammar]

tadatra saugate dharme māṃ niyoktuṃ yadīchasi |
tadanujñāṃ pradānaṃ me kṛpayā dātumarhati || 85 || {85}
[Analyze grammar]

iti putrārthitaṃ śrutvā mātā sā gadgadasvarā |
snehaduḥkhāgnisaṃtaptā dṛṣṭvaivaṃ sutamabravīt || 86 || {86}
[Analyze grammar]

hā putra kathameva tvaṃ nirdayāsyatiniṣṭhuraḥ |
yadvṛddhāṃ jananīṃ dṛṣṭvā kāruṇyaṃ nāsti te hṛdi || 87 || {87}
[Analyze grammar]

tadatra yadi te putra dayāsti mayi mātari |
yāvajjīvāmyahaṃ tāvadgṛhe vasa mayā saha || 88 || {88}
[Analyze grammar]

yāvaccaitanmahatsaṃpatsvagṛhe sthirā tava |
tāvad yathepsitaṃ saukhyaṃ bhuktvā ramaṃ samācara || 89 || {89}
[Analyze grammar]

avaśyaṃ maraṇaṃ yāyāṃ kasya mṛtyurbhave na hi |
tadā mayi mṛtāyāṃ tu pravrajasva yathechayā || 90 || {90}
[Analyze grammar]

saṃpaccāpi bhavetkṣīṇā kasya saṃpatsadā sthirā |
tadā saṃpatparikṣīṇe bhikṣānnādo vrataṃ cara || 91 || {91}
[Analyze grammar]

yadyevaṃ prārthite 'pi tvaṃ vilaṃghya vacanaṃ mama |
nirdayāniṣṭhurasvāntaḥ pravrajasi haṭhādapi || 92 || {92}
[Analyze grammar]

tadāhaṃ te purogatvā saugataśāsane 'pi hi |
tyaktvāhāraṃ viṣaṃ bhuktvā yāsyāmi maraṇaṃ dhruvaṃ || 93 || {93}
[Analyze grammar]

iti me vacanaṃ satyaṃ vijñāyeha tvamātmaja |
mayā saha gṛhe saukhyaṃ bhukṣva kutrāpi mā vraja || 94 || {94}
[Analyze grammar]

iti me vacanaṃ śrutvā yathākāmaṃ sukhaṃ gṛhe |
bhuktvā nityaṃ sadotsāhaiścaraṃ rama svamātmaja || 95 || {95}
[Analyze grammar]

iti mātroditaṃ śrutvā sa uttaro 'bhiśaṃkitaḥ |
tatheti pratibuddhitvā tasthau gehe nirāśitaḥ || 96 || {96}
[Analyze grammar]

tataścaikadine prātaḥ samutthāya sa uttaraḥ |
saṃbuddhaṃ taṃ muniṃ draṣṭuṃ vihāre samupācarat || 97 || {97}
[Analyze grammar]

tatra taṃ śrīghanaṃ dṛṣṭvā sa uttaraḥ pramoditaḥ |
natvā pradakṣiṇīkṛtya sāṃjalissamupāśrayat || 98 || {98}
[Analyze grammar]

tataḥ sa bhagavāṃcchāstā dṛṣṭvā tasya manogataṃ |
bodhayituṃ samālokya tamevaṃ samupālapat || 99 || {99}
[Analyze grammar]

kumāra kiṃ viṣaṇṇo 'si yanmano 'ntargataṃ tava |
tanmamāgre samākhyāhi pūrayāmi yadīhitaṃ || 100 || {100}
[Analyze grammar]

ityādiṣṭe munīndreṇa sa uttaraḥ samutthitaḥ |
pādau tasya munernatvā sāṃjalirevamabravīt || 101 || {1}
[Analyze grammar]

sarvajña bhagavañchāstarvijānīyādbhavānmama |
yanmano 'ntargataṃ sarvaṃ yathāpyahaṃ nivedaye || 102 || {2}
[Analyze grammar]

bhagavannātha sarvajña na me mātā prabodhitā |
tadanujñāṃ na me dātumichati prārthitāpi sā || 103 || {3}
[Analyze grammar]

tadbhavānme yathā yogyaṃ vrataṃ saṃbodhisādhanaṃ |
anyathāpi pradatvātra prabodhayitumarhati || 104 || {4}
[Analyze grammar]

iti saṃprārthite tena bhagavān sa munīśvaraḥ |
taṃ viśuddhāśayaṃ dṛṣṭvā samāśvāsyaivamādiśat || 105 || {5}
[Analyze grammar]

mā kumāra viṣādatvaṃ kṛthā dhairyaṃ samāśraya |
avaśyaṃ samaye prāpte brahmacārī bhaviṣyasi || 106 || {6}
[Analyze grammar]

tāvadgṛhe sadā dānaṃ kṛtvārthibhyo yathepsitaṃ |
triratnasmaraṇaṃ kṛtvā śubhe cara samāhitaḥ || 107 || {7}
[Analyze grammar]

etatpuṇyavipākena samaye samupāgate |
pravrajyāvratamāsādya nirvāṇapadamāpsyasi || 108 || {8}
[Analyze grammar]

iti matvā kumārātra yāvajjīvati sā prasūḥ |
tāvadgṛhe sadā dānaṃ kṛtvā śubhe caran vasa || 109 || {6}
[Analyze grammar]

ityādiṣṭaṃ munīndreṇa śrutvā sa uttaraḥ sudhīḥ |
tatheti prativijñapya prasasāda prabodhitaḥ || 110 || {10}
[Analyze grammar]

tataḥ sa uttaro natvā sāṃjalistaṃ munīśvaraṃ |
suprasannamukhāmbhojastanmanāḥ svagṛhaṃ yayau || 111 || {11}
[Analyze grammar]

tatra sa svagṛhe sthitvā svakulavṛttisādhanaiḥ |
pratisāryāpaṇaṃ tatra cakāra krayavikrayaṃ || 112 || {12}
[Analyze grammar]

tatra mulādhikaṃ lābhaṃ yal labdhaṃ gaṇavandhanaṃ |
tatsarvaṃ sa sutastasyā māturhaste samarpayat || 113 || {13}
[Analyze grammar]

tataḥ sa uttaraḥ putro mātaraṃ tāṃ prasādayan |
tal labdhaṃ sakalaṃ dravyaṃ datvaivaṃ pratyabodhayat || 114 || {14}
[Analyze grammar]

śṛṇu mātarmamānena dravyena svajanāṃ janān |
arthinaḥ kṛpaṇān viprānmānayitvābhitoṣaya || 115 || {15}
[Analyze grammar]

iti putroditaṃ śrutvā mātā sā atikuṃcikā |
lubdhā matsarākrāṃtahṛdayaivamabhāṣata || 116 || {16}
[Analyze grammar]

putra pitrā prayatnena saṃpadaste samarjitāḥ |
tvametāḥ saṃpadaḥ sarvā datvārthibhyo vyayiṣyasi || 117 || {17}
[Analyze grammar]

yāvatpitrārjitaṃ dravyaṃ tāvanmayā na dāsyate |
tāvatmātraṃ tavādhīnaṃ yāvattvayā samarjitaṃ || 118 || {18}
[Analyze grammar]

yāvajjivāmyahaṃ tāta na te dāsyāmi kiṃ cana |
mṛtāyāṃ mayi tatsarvaṃ tavādhīnaṃ bhavettadā || 119 || {19}
[Analyze grammar]

ityuktvā sā prasūstasya mātsaryakaluṣāśayā |
sarvadravyaṃ prayatnena guptīkṛtyātyarakṣata || 120 || {20}
[Analyze grammar]

kiṃ cidarthibhyo sā kudhī dadau |
guptīkṛtya prayatnena taddravyaṃ samagopayat || 121 || {21}
[Analyze grammar]

dṛṣṭvā ca sārthinaḥ sarvān svagṛhaṃ samupāgatān |
sahasā samupāśritya paribhāṣyābhyanindayat || 122 || {22}
[Analyze grammar]

are māyā na gehe 'smiṃ yūyaṃ pretā ivāgatāḥ |
nityaṃ paragṛhe piṃḍaṃ bhoktuṃ bhramatha bhūtavat || 123 || {23}
[Analyze grammar]

evaṃ tānarthinaḥ sarvān sā nārī duritāśayā |
naikadhā vipralāpena paribhāṣyābhyaniṃdayat || 124 || {24}
[Analyze grammar]

evaṃ mātrā pratikruṣya vipralāpābhiniṃditān |
śrutvā sa uttaraḥ putro mātaraṃ tāmabhāṣata || 125 || {25}
[Analyze grammar]

are māta kimeva tvamarthinaḥ paribhāṣase |
dhiktvāṃ dharmaparibhraṣṭāṃ kathaṃ na narake pateḥ || 126 || {26}
[Analyze grammar]

yadi tvaṃ vāṃchase saukhyamihāmutrāpi sarvadā |
kṛpaṇānarthinaḥ sarvān saṃpradānaiḥ pramodaya || 127 || {27}
[Analyze grammar]

yadyevaṃ kriyate mātaḥ saṃgatiḥ sarvadāvayoḥ |
anyathā cettato nau syādvibhinnabhojanāśrayaḥ || 128 || {28}
[Analyze grammar]

yadyasti te mayā sārddhaṃ sarvadā bhojane ratiḥ |
yathepsitaṃ sadārthibhyo datvā cara śubhe vṛṣe || 129 || {29}
[Analyze grammar]

iti tenātmajenāpi pratyākhyataṃ niśamya sā |
mātā lajjāvibhinnāsyā tamātmajamabhāṣata || 130 || {30}
[Analyze grammar]

yadyevaṃ nandanārthibhyaḥ sarvasvamapi ditsasi |
tatsvadravyāṇi sarvāṇi dāsyāmi tad yathepsitaṃ || 131 || {31}
[Analyze grammar]

ityuktvā sā prasū nārī tamātmajaṃ mṛṣāgirā |
bodhayitvā gṛhe tāni dravyāṇi samagopayet || 132 || {32}
[Analyze grammar]

tataḥ sā pramadā duṣṭā mithyāvācā tamātmajaṃ |
adya yato 'rthino bhikṣūnstoṣayāmītyabodhayat || 133 || {33}
[Analyze grammar]

evaṃ mithyayā vācā bodhayantī tamātmajaṃ |
svayameva prabhuktvā ca taddravyaṃ sarvaṃ gopayat || 134 || {34}
[Analyze grammar]

kasmai cidarthine kiṃ cidapi sā na dadau kudhīḥ |
sā kebhyo 'pi valiṃ dātuṃ naivotsehe kadā cana || 135 || {35}
[Analyze grammar]

evaṃ sā durmatirlubdhā matsarākrāntacetasā |
paribhāṣyārthinaḥ sarvānniṃdayantyaśubhe 'carat || 136 || {36}
[Analyze grammar]

evaṃ kevalapāpāni prācitvā sā durāśayā |
kāle nirāśayā duḥkhārttā mṛtā pretālaye yayau || 137 || {37}
[Analyze grammar]

tatra pretagatiprāptā pretībhūtā durākṛtiḥ |
svakeśapratichannāṃgā śūcīmukhā kṛśāṃgikā || 138 || {38}
[Analyze grammar]

asthiyaṃtravaducchrāyā parvatasaṃnibhodarā |
kṣutpipāsāgnisaṃtaptā dagdhasthūṇāsamāṃgikā || 139 || {39}
[Analyze grammar]

ārttasvarā virāvantī kraṃdantī sā samaṃtataḥ |
annapāna hi mārgantī paryabhramaditastataḥ || 140 || {40}
[Analyze grammar]

tataḥ sa uttaro mātuḥ kṛtvāgnisaṃskṛtiṃ tadā |
snānaśaucādi karmāṃ kurvañchokaṃ vyanodayat || 141 || {41}
[Analyze grammar]

tataḥ sa uttaro vijo mātṛśokaṃ vyanodayat |
arthibhyo vāṃchitaṃ datvā bahupuṇyāṇyupārjayat || 142 || {42}
[Analyze grammar]

tataḥ kāmaviraktaḥ sa saṃsārabhoganispṛhaḥ |
nirvṛtipadasaṃprātyai pravrajituṃ samaichata || 143 || {43}
[Analyze grammar]

tataḥ sa mudito gatvā veṇuvane jināśrame |
dṛṣṭvā taṃ śrīghanaṃ natvā sāṃjaliḥ samupācarat || 144 || {44}
[Analyze grammar]

tatra pradakṣiṇīkṛtvā sasaṃghaṃ taṃ munīśvaraṃ |
praṇatvā purataḥ sthitvā sāṃjalirevamabravīt || 145 || {45}
[Analyze grammar]

bhagavannātha sarvajña vijānīyādbhavānapi |
yanme sā jananī vighnā sāṃprataṃ pralayaṃ gatā || 146 || {46}
[Analyze grammar]

tadatra bhagavacchāstarbhavatāṃ śaraṇaṃ vraje |
tanme 'nugrahamādhāya pravrajyāṃ dātumarhati || 147 || {47}
[Analyze grammar]

iti saṃprarthite tena bhagavān sa munīśvaraḥ |
savyakareṇa tanmūrddhni saṃspṛśyaivaṃ samādiśat || 148 || {48}
[Analyze grammar]

ehi cara kumārātra brahmacaryaṃ samāhitaḥ |
ityuktvā bhagavāṃ chāstā sāṃghike taṃ samagrahīt || 149 || {49}
[Analyze grammar]

ehītyukte munīndreṇa muṃḍito 'bhūtsa uttaraḥ |
khikkhirīpātrabhṛcchuddhakāṣāyacīvarāvṛtaḥ || 150 || {50}
[Analyze grammar]

tataḥ śāstuḥ prasādātsa pariśuddhastrimaṃḍalaḥ |
niḥkleśayaviśuddhātmā saṃsāraviratotsavaḥ || 151 || {51}
[Analyze grammar]

samādhidhāraṇīvidyāghaṭamāno vicakṣaṇaḥ |
hitvāvidyāgaṇaṃ sarvavidyāguṇāntamāptavān || 152 || {52}
[Analyze grammar]

viditvā sarvasaṃsāragatiṃ vidyutkṣaṇasthitiṃ |
matvā ca sarvasaṃskāragatir 'nekavighātiniṃ || 153 || {53}
[Analyze grammar]

sarvakleśagaṇāṃ jitvā sarvānmāragaṇānapi |
sākṣādarhatvamāsādya śrāvakabodhimāptavān || 154 || {54}
[Analyze grammar]

tataḥ sa suviśuddhātmā vītarāgo jiteṃdriyaḥ |
ākāśanirmalasvāntaḥ sarvaloṣṭakakāṃcanaḥ || 155 || {55}
[Analyze grammar]

vāsīcaṃdanakalpāṃśo nirvikalpo niraṃjanaḥ |
sarvasatvahitādhānaḥ saṃbuddhaguṇasādhakaḥ || 156 || {56}
[Analyze grammar]

sadevāsuralokānāṃ sarveṣāṃ prāṇināmapi |
vaṃdyaḥ pūjyo 'bhimānyaśca brahmacārī babhūva saḥ || 157 || {57}
[Analyze grammar]

tataḥ so 'rhanmahābhijño gaṃgātire śubhasthale |
parṇakuṭyāṃ samāśritya tasthau dhyānasamāhitaḥ || 158 || {58}
[Analyze grammar]

tatraikasmindine tasya mātā sā pretikā satī |
nagna svaromasaṃchannā daghasthūṇāvivarṇitā || 159 || {59}
[Analyze grammar]

sūcīmukhāsthiyaṃtreva parvatasannibhodarā |
kṣutpipāsāgnidagdhāṃgā pānāhāragaveṣinī || 160 || {60}
[Analyze grammar]

ārtasvaraṃ virāvantī kraṃdantī samupāgatā |
āyuṣmantaṃ tamarhantaṃ paśyantī samupāśrayat || 161 || {61}
[Analyze grammar]

evaṃ tāṃ samupāsīnāṃ dṛṣṭvā sa uttaro yatiḥ |
kā tvamevaṃvidhāyātā vadasvetyanvapṛchata || 162 || {62}
[Analyze grammar]

iti tenoditaṃ śrutvā sā pretī purataḥ sthitā |
uttaraṃ taṃ yatiṃ putraṃ samālokyaivamabravīt || 163 || {63}
[Analyze grammar]

ahaṃ te jananī snigdhā yayāsi janitaḥ sutaḥ |
annapānaviviktāsmi pretībhūtā 'dhunā care || 164 || {64}
[Analyze grammar]

paṃcaviṃśati varsāṇi yāṃti kālagatā hyahaṃ |
nābhijānāmi pāṇīyaṃ kuto bhaktasya darśanaṃ || 165 || {65}
[Analyze grammar]

saphalāṃ puṣpitāṃ vṛkṣaṃ dṛṣṭvā gachāmi dūrataḥ |
sarve 'pi niṣphalā śuṣkā vipuṣpāśca bhavanti te || 166 || {66}
[Analyze grammar]

sarāṃsi cāmbupūrṇāṇi dṛṣṭvā gachāmi dūrataḥ |
tāni sarvāṇi śuṣkāni bhavanti tatkṣaṇādapi || 167 || {67}
[Analyze grammar]

bhedaṃ tasya mahāsaukhyaṃ vṛkṣamūlaśritasya te |
vidyate sarvadāpyatra kiṃ tvayā prakṛtaṃ śubhaṃ || 168 || {68}
[Analyze grammar]

tadatra kṛpayā paśyan kāruṇyaṃ janayan suta |
mātre tṛṣārditāyai me śītāmbu dātumarhasi || 169 || {69}
[Analyze grammar]

iti tayārthitam śrutvā sa uttaraḥ savismayaḥ |
tāṃ pretīṃ suciraṃ dṛṣṭvā śaṃkitaścaivamabravīt || 170 || {70}
[Analyze grammar]

mātastarhi kṣaṇaṃ prāpte tvayā pāruṣyabhūtayā |
dānāni na kṛtānyeva puṇyāni vā citāni na || 171 || {71}
[Analyze grammar]

anyakṛtāni dānāni puṇyāni bhāṣitāni ca |
dṛṣṭvā śrutvāpi te citte krodhāgnirjvalitastadā || 172 || {72}
[Analyze grammar]

kiṃ cinnāpi śubhaṃ karma kṛtvāpuṇyaṃ tvayārjitaṃ |
pareṇāpi kṛtaṃ dṛṣṭvā śrutvāpi nānumoditaṃ || 173 || {73}
[Analyze grammar]

etatkarmavipākena jananī tvaṃ mṛtādhunā |
pretībhūtānnapānena viyuktā bhramase bhave || 174 || {74}
[Analyze grammar]

idāniṃ kiṃ kariṣyāmi tvaṃ cātra kiṃ kariṣyasi |
tadā sarvāhitaṃ proktaṃ tvayā tatra śrutaṃ na tat || 175 || {75}
[Analyze grammar]

iti tenātmajenoktaṃ śrutvā sā pratibodhitā |
vigaladaśrurukṣākṣā taṃ putramevamabravīt || 176 || {76}
[Analyze grammar]

na mayā hi kṛtaṃ dānaṃ puṇyaṃ na cābhisādhitaṃ |
dṛṣṭvānumoditaṃ nāpi mātsaryaparibhūtayā || 177 || {77}
[Analyze grammar]

yad yaddravyaṃ tvayā putra mama haste samarpitaṃ |
tattatsarvaṃ mayā vaṃdhikhadāyāṃ parigopitaṃ || 178 || {78}
[Analyze grammar]

tadidāniṃ samuddhṛtya jñātihaste samarpaya |
tena taṃ sugataṃ buddhaṃ sasaṃghaṃ bhojayātmaja || 179 || {79}
[Analyze grammar]

dakṣiṇādeśanāṃ cāpi mama nāmnābhikāraya |
tadā pretagatermuktā yāyāmahaṃ surālayaṃ || 180 || {80}
[Analyze grammar]

iti tayoditaṃ śrutvā sa uttaro 'nubodhitaḥ |
evamastviti saṃśrutya punastāmevamabravīt || 181 || {81}
[Analyze grammar]

sasaṃghaṃ sugataṃ tena bhojayiṣyāmi sāṃprataṃ |
kiṃ tu tvayāmva tatrāpi sthātavyaṃ sugatāṃtike || 182 || {82}
[Analyze grammar]

iti tenoditaṃ śrutvā sā pretī lajjayānvitā |
tamarhantaṃ samālokya pura evamabhāṣata || 183 || {83}
[Analyze grammar]

yadahaṃ putra nagnāsmi pretī vibhransitākṛtī |
tatkathaṃ samupāśritya sthāsyāmi śrīghanāṃtike || 184 || {84}
[Analyze grammar]

iti tayoditaṃ śrutvā sa uttaro mahāmatiḥ |
tāṃ pretīṃ samupālokya punarevamabhāṣata || 185 || {85}
[Analyze grammar]

kriyamāne yadā pāpe lajjā nāsti tadā tava |
phalabhojanakāle 'tra kimevaṃ lajjase 'dhunā || 186 || {86}
[Analyze grammar]

iti tadvacanaṃ śrutvā sā pretī pratibodhitā |
tathā gamiṣyāmīti proktva tvaritaṃ vijñālayaṃ yayau || 187 || {87}
[Analyze grammar]

tataḥ sa uttaro gatvā jñātīnāhūya tadvṛtiṃ |
yathāmātroditaṃ khyāya sarvameva nyavedayat || 188 || {88}
[Analyze grammar]

tacchrutvā jñātivargāste sarva 'tivismayānvitāḥ |
tathā taddravyamādāya sarvaṃ tasyānupāharan || 189 || {89}
[Analyze grammar]

taddravyaṃ sarvamālokya sa uttaraḥ pramoditaḥ |
sarveṣāmapi gotrāṇāṃ punarevaṃ samabravīt || 190 || {90}
[Analyze grammar]

bhavanto jñātayaḥ sarve dravyenaitena sāṃprataṃ |
sasāṃghikaṃ munīndraṃ taṃ bhojayiṣyāmi pūjayan || 191 || {91}
[Analyze grammar]

tadetatsarvamādāya yadā prakaṃpitāśayāḥ |
saṃghabhojyārhasāmagrīṃ sādhayitvā pradatta me || 192 || {92}
[Analyze grammar]

iti saṃprārthitaṃ śrutvā sarve te jñātayastathā |
saṃghabhojyārhasāmagrīṃ sarvadravyairasādhayat || 193 || {93}
[Analyze grammar]

taddṛṣṭvā muditaḥ so 'rhanuttaraḥ saṃprasannadhīḥ |
śāsturnimaṃtraṇaṃ kartuṃ vihāre samupācarat || 194 || {94}
[Analyze grammar]

tatra sa samupāśritya taṃ munīndraṃ sasāṃghikaiḥ |
praṇatvā sāñjalistatra puraḥ sthitvā nyamaṃtrayat || 195 || {95}
[Analyze grammar]

bhagavannātha sarvajña bhagavaṃtaṃ sasāṃghikaṃ |
pūjayituṃ samichāmi śvo 'nugṛhītumarhati || 196 || {96}
[Analyze grammar]

iti saṃprārthite tena bhagavān sa munīśvaraḥ |
tamuttaraṃ samālokya tūṣṇībhūtvādhyuvāsa tat || 197 || {97}
[Analyze grammar]

tataḥ sa uttaro matvā bhagavatādhivāsitaṃ |
taṃ munīndraṃ punarnatvā jñātīnāṃ purato yayau || 198 || {98}
[Analyze grammar]

tatra sa uttarasteṣāṃ ca nimaṃtraṇaṃ |
kṛtvā tatra punasteṣāṃ pura evamabhāṣata || 199 || {99}
[Analyze grammar]

saṃghabhojye pravṛtte 'tra yūyaṃ sarve samāgatāḥ |
pretībhūtāṃ mamāmbāṃ tāmavalokitumarhatha || 200 || {100}
[Analyze grammar]

ityuktvā svāśramaṃ gatvā sa uttaraḥ prasāditaḥ |
dhyānāgārasamāsīnastasthau dhyānasamāhitaḥ || 201 || {1}
[Analyze grammar]

tataḥ prātaḥ samutthāya jñātīnāṃ purato gataḥ |
pūjopacārasāmagrīṃ sahasā samasādhayat || 202 || {2}
[Analyze grammar]

tataḥ sa uttaraḥ prāhne vihāre samupāsaran |
bhagavaṃtaṃ munīndraṃ taṃ praṇatvaivamabhāṣata || 203 || {3}
[Analyze grammar]

bhagavan sarvavicchāstaḥ samayo varttate 'dhunā |
tatsasaṃgho bhavānatra vijayituṃ samarhati || 204 || {4}
[Analyze grammar]

iti saṃprārthite tena gaṃḍīmākoṭayanmuniḥ |
tacchabdacoditāstatra sa ca saṃghā upāsaran || 205 || {5}
[Analyze grammar]

tatra te jñātayaḥ sarve lokā anye 'pi harṣitāḥ |
tatra pretāṃ samāyātāṃ tāṃ draṣṭuṃ samupāgatāḥ || 206 || {6}
[Analyze grammar]

tadā sa bhagavāṃstatra sasāṃghikaḥ samāgatāḥ |
taddattaṃ pādyamādāya śuddhāsane samāśrayat || 207 || {7}
[Analyze grammar]

tāṃ dṛṣṭvā jñātayaḥ sarve lokā anye 'pi kheṭitāḥ |
hā pāpamiti bhāṣante tasthuḥ saddharmavāṃchayā || 208 || {8}
[Analyze grammar]

tadā te jñātayaḥ sarve bhagavaṃtaṃ sasāṃghikaṃ |
yathākramaṃ samabhyarcya bhojanaiḥ samatoṣayat || 209 || {9}
[Analyze grammar]

tataste sāṃghikāḥ sarve saṃbuddhapramukhā api |
tatpraṇītarasaṃ bhojyaṃ bhuktvā tṛptiṃ samāyayuḥ || 210 || {10}
[Analyze grammar]

tato 'panīya pātrāṇi śodhayitvā bhujādikaṃ |
teṣāṃ pūgādi tāmbūlagaṇaṃ te pradadurmudā || 211 || {11}
[Analyze grammar]

tatra sa uttaro bhikṣurjñātibhistai sahānvitaḥ |
bhagavaṃtaṃ sasaṃghaṃ taṃ praṇatvā samupāśrayat || 212 || {12}
[Analyze grammar]

tatra sa bhagavāndṛṣṭvā tamuttaramupāśritaṃ |
dākṣiṇādeśanāṃ tasyāḥ pretyā nāmnā samādiśat || 213 || {13}
[Analyze grammar]

ito dānāddhi yatpuṇyaṃ tatpretīmupagachatu |
uttiṣṭhatāmiyaṃ pretī pretalokāttato drutaṃ || 214 || {14}
[Analyze grammar]

iti śubhāśiṣaṃ datvā bhagavān sa munīśvaraḥ |
āryasatyaṃ samārabhya saddharmaṃ ca samādiśat || 215 || {15}
[Analyze grammar]

tadāryadharmamākarṇya sarve lokāḥ prabodhitāḥ |
dharmaviśeṣamājñāya babhūvuḥ satyadarśinaḥ || 216 || {16}
[Analyze grammar]

sāpi pretī samānīya tatsaddharmāmṛtaṃ mudā |
suprasannāśayā smṛtvā triratnaṃ śaraṇaṃ yayau || 217 || {17}
[Analyze grammar]

tataḥ sā bhūtaloke 'bhūjjātā bhūtamaharddhikā |
tatrāpi sābhavadduṣṭā mātsaryarukṣitāśayā || 218 || {18}
[Analyze grammar]

tataḥ sa bhagavāṃstasmātsasāṃghikaḥ prabhāsayan |
gatvā svāśramamāśritya tasthau dharmamupādiśan || 219 || {19}
[Analyze grammar]

tataḥ sa buddhimān vijña āyuṣmānyatiruttaraḥ |
kutrāsau jāyate mātādhuneti samapaśyata || 220 || {20}
[Analyze grammar]

evaṃ sa uttaro vijñaḥ samabhīkṣya samaṃtataḥ |
dadarśa tāṃ saṃprajātāṃ bhūtamaharddhikālaye || 221 || {21}
[Analyze grammar]

dṛṣṭvā sa uttaraḥ putro mātaraṃ tāṃ ca bhautikāṃ |
sahasā samupāśritya samāmaṃtryaivamabravīt || 222 || {22}
[Analyze grammar]

kimambāsti tvayā śaktirapi dāneṣu sāṃprataṃ |
yadīchasi sadā bhadraṃ kuru dānamihādhunā || 223 || {23}
[Analyze grammar]

iti tenoditaṃ śrutvā sā ca bhūtamaharddhikā |
uttaraṃ taṃ sutaṃ dṛṣṭvā punarevamabhāṣata || 224 || {24}
[Analyze grammar]

nādyāpi vidyate dāne 'bhilāṣaṃ mama naṃdana |
tatkiṃ cidapi vā dravyaṃ pradātuṃ nāhamutsahe || 225 || {25}
[Analyze grammar]

iti tenoditaṃ śrutvāyuṣmān sa uttaro yatiḥ |
dṛṣṭvā tāṃ mātaraṃ bhūtamaharddhikāmabhāṣata || 226 || {26}
[Analyze grammar]

adyāpi te tiṣṭhati taccharīraṃ vivṛddhanirmānsatvagasthicarmā lobhāṃdhakārāvṛtalocanāyā nivartitaṃ yattava pretaloke |
dhiktvāṃ praduṣṭāmiha kiṃ vadeyamadyāpi yattvaṃ duritāśayāsi |
kenātra te pāpanimagnacittaṃ saṃśodhitaṃ puṇyakaroddhṛtaṃ syāt || 227 || {27}
[Analyze grammar]

sadāpi caivaṃ narake nivāsā bhavetkadā tvaṃ parimokṣyase 'taḥ |
aho hi durbuddhidurāśayānāṃ mano na kenāpi viśuddhyate vai || 228 || {28}
[Analyze grammar]

evaṃ bahuprakāreṇa paribhāṣyottaraḥ sa tāṃ |
tadaṅgāt yamalīmekāmākṛṣyāpaharadvalāt || 229 || {29}
[Analyze grammar]

tatastāṃ yamalīṃ so 'rhaṃ saṃghāya samakalpayat |
tatra mūlyena tāṃ krītvā bhikṣumānavake nyaset || 230 || {30}
[Analyze grammar]

tatrāpi niśi sā gatvā yamalīṃ tāmupāharat |
tathāpahṛtāṃ bhikṣuruttarāya nyavedayat || 231 || {31}
[Analyze grammar]

tacchrutvā cottaro gatvā paribhāṣya valena tāṃ |
apahṛtya punastasmai bhikṣave samakalpayat || 232 || {32}
[Analyze grammar]

bhūyo 'pi niśi sā gatvā yamalīṃ tāmupāharat |
tathā sa uttaraścāpi tasyāśca tāmapāharat || 233 || {33}
[Analyze grammar]

evaṃ tridhā niśāyāṃ sā tatra gatvāharacca tāṃ |
uttaraścāpahṛtyaiva tāṃ tasmai bhikṣave dadau || 234 || {34}
[Analyze grammar]

tenāpi bhikṣuṇādāya catudiksāṃghikāya sā |
pādyalepānikāyāṃ saṃsīvitvā pratipāditā || 235 || {35}
[Analyze grammar]

tatra tāṃ sīvitāṃ dṛṣṭvā sā ca bhūtamaharddhitā |
apahṛtavibhagnāśā rudantī svālayaṃ yayau || 236 || {36}
[Analyze grammar]

taccittāgniprataptā sā smṛtvā taṃ sutamuttaraṃ |
kālaṃ gatā tato 'nyatra yakṣaloke 'labhajjanuḥ || 237 || {37}
[Analyze grammar]

evaṃ matvā mahatpāpamūlaṃ mātsaryameva hi |
tatmātsaryaṃ parityajya karttavyaṃ dānamādarāt || 238 || {38}
[Analyze grammar]

dānena śuddhyate cittaḥ śuddhacittaḥ sudhīkṛtiḥ |
kramādbodhicariṃ dhṛtvā saṃbuddhapadamāpnuyāt || 239 || {39}
[Analyze grammar]

evaṃ vijñāya sarvatra yadīchanti sadā śubhaṃ |
mātsaryaṃ viṣavattyaktvā caritavyaṃ sadā śubhe || 240 || {40}
[Analyze grammar]

iti me guruṇākhyātaṃ śrutaṃ tathā mayocyate |
tvaṃ cāpyevaṃ parijñāya caritavyam śubhe sadā || 241 || {41}
[Analyze grammar]

prajāścāpi mahārāja bodhayitvā prayatnataḥ |
bodhimārge pratiṣṭhāpya pālayituṃ sadārhasi || 242 || {42}
[Analyze grammar]

tathā te maṃgalaṃ nityaṃ sarvatrāpi bhaveddhruvaṃ |
kramādbodhiṃ samāsādya saṃbuddhapadamāpnuyāḥ || 243 || {43}
[Analyze grammar]

iti tenārhatākhyātaṃ śrutvāśokaḥ sa bhūpatiḥ |
tatheti pratibhāṣitvā prābhyanaṃdatsapārṣadaḥ || 244 || {44}
[Analyze grammar]

idaṃ narā ye muditāśca bhūtamaharddhikāyānuvadānamatra |
mudā niśamya pratimodayante prayāṃti te śrīghanasaṃnivāse || 245 || {45}
[Analyze grammar]

Other editions:

Also see the following editions of the Sanskrit text or (alternative) English translations of the Ratnamalavadana Pretībhūtamaharddhika-avadāna

Cover of edition (2005)

Ratnamalavadana
by Prof. Ramesh Kumar Dwivedi (2005)

Avadana in Sanskrit Literature

Buy now!
Help me keep this site Ad-Free

For over a decade, this site has never bothered you with ads. I want to keep it that way. But I humbly request your help to keep doing what I do best: provide the world with unbiased truth, wisdom and knowledge.

Let's make the world a better place together!

Like what you read? Consider supporting this website: