Ratnamalavadana [sanskrit]

83,177 words | ISBN-10: 8172702957 | ISBN-13: 9788172702953

The Sanskrit edition of the Ratnamalavadana: a collection of Buddhist stories (avadana) belonging to the Mahayana tradition. Literally, “a garland of precious gems” or “a collection of edifying tales”, these 38 stories revolve around king Ashoka and the monk Upagupta. Original titles: Ratnamālāvadāna (रत्नमालावदान), Ratnamālā-āvadāna (रत्नमाला-आवदान, Ratnamala-avadana)

Chapter 9 - Śukla-avadāna

athāśoko nareṃdraśca kṛtāṃjalipuṭo mudā |
upaguptaṃ guruṃ natvā punaḥ śrotuṃ samarthayat || 1 || {(1)}
[Analyze grammar]

bhadaṃta śrotumichāmi punaranyatsubhāṣitaṃ |
yathā te guruṇādiṣṭaṃ tanmamākhyātumarhasi || 2 || {(2)}
[Analyze grammar]

iti pṛṣṭe nṛpeṇāsauv upagupto jināṃśajaḥ |
tamaśokaṃ mahīnāthaṃ saṃnirīkṣya samabravīt || 3 || {(3)}
[Analyze grammar]

śṛṇu vakṣyāmi te rājaṃ yathā me guruṇoditaṃ |
śrutvaitadbhavatāpyevaṃ karttavyaṃ dharmamādarāt || 4 || {(4)}
[Analyze grammar]

puraikasamaye rājaṃ śākyasiṃho dayāṃbudhiḥ |
sarvajño dharmarāṇ nāthaḥ śāstā traidhātukādhipaḥ || 5 || {(5)}
[Analyze grammar]

sarvavidyādhipo buddhaḥ ṣaḍabhijño munīśvaraḥ |
jino 'rhan sugato buddhastathāgato vināyakaḥ || 6 || {(6)}
[Analyze grammar]

bhagavān satvahitārthena pure kapilavastuni |
nyagrodhamaṇḍitodyāne karaṇḍakanivāpake || 7 || {(7)}
[Analyze grammar]

śrāvakabhikṣusaṃghaiśca bodhisatvagaṇaiḥ saha |
saddharmadeśanāṃ kartuṃ vijahāra jināśrame || 8 || {(8)}
[Analyze grammar]

taddharmaṃ śrotumāyātairupāsakaiśca cailakaiḥ |
devāsuragaṇaiścāpi caturbhi lokapālakaiḥ || 9 || {(9)}
[Analyze grammar]

cāturvarṇṇyairmanuṣyaiśca paurajānapadādibhiḥ |
saṃbodhicaraṇotsāhaiḥ saddharmaguṇalālasaiḥ || 10 || {(10)}
[Analyze grammar]

satkṛto pūjitaścaivaṃ parivṛtya puraskṛtaḥ |
bhagavān sa sabhāmadhye siṃhāsanasthito vabhau || 11 || {(11)}
[Analyze grammar]

tatra sa bhagavāndṛṣṭvā sabhāṃ tāṃ samupasthitāṃ |
ādimadhyāṃtakalyāṇaṃ dideśa dharmamuttamaṃ || 12 || {(12)}
[Analyze grammar]

tatsaddharmāmṛtaṃ pītvā sarve satvāśca moditāḥ |
tathainaṃ śrīghanaṃ nityaṃ bhejire dharmalālasāḥ || 13 || {(13)}
[Analyze grammar]

tasmiṃśca samaye tatra pure kapilavastuni |
rohiṇākhyo mahāchākyo dhanāḍhyo dhanadopamaḥ || 14 || {(14)}
[Analyze grammar]

mahābhogo mahāśrāddhaḥ suviśālaparigrahaḥ |
dātā sādhurmahā dhīraḥ pratyuvāsa sukhānvitaḥ || 15 || {15}
[Analyze grammar]

samaye tena śākyena svakulasadṛśātkulāt |
bhāryā nītā subhadrāṅgī svakuladharmacāriṇī || 16 || {16}
[Analyze grammar]

tato 'sau rohiṇaḥ śākyastayaiva kāntayā saha |
mahāragānurāgeṇa rarāma paricārayan || 17 || {17}
[Analyze grammar]

tasyaivaṃ ramamāṇasya kṛīḍato 'pyanurāgataḥ |
na putro na sutā vāpi sucireṇāpyajāyata || 18 || {18}
[Analyze grammar]

tato 'sau rohiṇaḥ putrīputralābhe samutsukaḥ |
putracintāparaḥ koṣṭhe sthitvaivaṃ ca vyacintayat || 19 || {19}
[Analyze grammar]

īyatsaṃpadgṛhe me 'sti na ca putrasutāpi na |
etā me saṃpado rājā mamātyayādgrahīṣyati || 20 || {20}
[Analyze grammar]

hā me saṃpadvinaṣṭā syātparatrāpi gatirna hi |
vyarthasmajjanma saṃsāre yato me santatirna hi || 21 || {21}
[Analyze grammar]

ko me kuryācca saṃskāraṃ kaśca piṇḍaṃ pradāsyati |
kutrāhaṃ śaraṇaṃ yāyāṃ hā daivanihato 'smyahaṃ || 22 || {22}
[Analyze grammar]

iti cintāviṣaṇṇo 'sau śokāgāre vyavasthitaḥ || 23 || {23}
[Analyze grammar]

kapolaṃ svakare dhṛtvā tasthau bhogyanirutsukaḥ |
evaṃ cintāsamākrāntaṃ rohiṇaṃ taṃ nirutsukaṃ || 24 || {24}
[Analyze grammar]

dṛṣṭvā sarve suhṛnmitrā vāndhavāśca vyabodhayan |
kimevaṃ tiṣṭhase bhadra kiṃ ca duḥkhaṃ prajāyate || 25 || {25}
[Analyze grammar]

vaktavyaṃ cettathāsmākaṃ vaktumarhasi sarvathā |
iti pṛṣṭe ca taiḥ sarvairvandhumitrasuhṛjjanaiḥ || 26 || {26}
[Analyze grammar]

rohiṇo 'sau purasteṣāṃ sarvamevamabhāṣata |
bhavantaḥ śṛṇuta sarve kathyate duḥkhatā mayā || 27 || {27}
[Analyze grammar]

mahatī me gṛhe saṃpadasyā bhoktā na vidyate |
kathaṃ me vidyate vaṃśastatprakāraṃ na manyate || 28 || {28}
[Analyze grammar]

yadi vo 'sti mayi snehastadupāyaṃ pracakṣyatāṃ |
evaṃ tenārthitaṃ śrutvā sarve te snehavaṃdhitāḥ || 29 || {29}
[Analyze grammar]

tasya vaṃśasamutpatterupāyaṃ samupādiśan |
mā kārṣīḥ śokatāṃ bhadra tadupāyaṃ nu vidyate || 30 || {30}
[Analyze grammar]

devatārādhanāṃ kṛtvā yācasva putramātmanā |
avaśyaṃ devatānāṃ te prasannānāṃ prasādataḥ || 31 || {31}
[Analyze grammar]

putro vā duhitā vāpi bhaviṣyati na saṃśayaḥ |
ityetattaiḥ samādiṣṭaṃ śrutvāsau rohiṇo mudā || 32 || {32}
[Analyze grammar]

devatārādhanāṃ kartuṃ prayatātmā samārabhat |
pūjāṅgaiḥ pūjāyitvā ca brāhmaṇaṃ harimīśvaraṃ || 33 || {33}
[Analyze grammar]

iṃdrādilokapālāñca saṃtatiṃ samayācata |
evaṃ putrābhinandī sa sadāraḥ vaṃśakāmyayā || 34 || {34}
[Analyze grammar]

devatārādhanaṃ kṛtvā tasthau nityaṃ samutsukaḥ |
tathāpi tasya śākyasya svadaivaparimāṇataḥ || 35 || {35}
[Analyze grammar]

na putro na ca putrī vā suciramapyajāyata |
tato 'sau rohiṇaḥ śākyo devatāsu nirāśayā || 36 || {36}
[Analyze grammar]

putravāṃchāviraktātmā tasthau gehe nirutsavaḥ |
asti caiṣa mahārāja pravādo laukikodbhavaḥ || 37 || {37}
[Analyze grammar]

yaddevatāprasādena jāyate saṃtatiḥ khalu |
evaṃ cedvā tathā rājannekaikasya bhavetkhalu || 38 || {38}
[Analyze grammar]

yathā putrasahasraṃ vā nṛpasya cakravarttinaḥ |
api tu saṃmukhībhāvāttristhānānāṃ nṛpeśvara || 39 || {39}
[Analyze grammar]

putrā vāpi sutāścāpi jāyaṃte prāṇināṃ khalu |
tadyathā pitarau raktau kalyā cartumatī prasūḥ |
gaṃdharvaḥ prasthitaḥ kāle tadā garbhe samudbhavet || 40 || {40}
[Analyze grammar]

tataśca samaye tasya rohiṇasyānurāgiṇaḥ |
bhāryā kalyāvatībhūtā snātvā ratiṃ samārabhat || 41 || {41}
[Analyze grammar]

tadaikā devatā svargāccyutvā karmānubhoginī |
tasya śākyasya bhāryāyā garbhe sā samupāviśat || 42 || {42}
[Analyze grammar]

tataḥ svāpannasatvā sā matvā garbhasamudbhavaṃ |
svāmino 'gre rahaḥ sthitvā harṣitaivaṃ nyavedayat || 43 || {43}
[Analyze grammar]

svāminnāpannasatvāsmi vaṃśa āvāṃ samudbhavet |
tadbhavān sarvakṛyāni kārayatvanumoditaḥ || 44 || {44}
[Analyze grammar]

iti bhāryoditaṃ śrutvā rohiṇo 'sau pramoditaḥ |
bhāryāṃ tāṃ garbhiṇīṃ dṛṣṭvā saṃsmitaḥ pratyabhāṣata || 45 || {45}
[Analyze grammar]

satyaṃ me bhāṣitaṃ bhadre matvā bhava samāhitā || 46 || {45!}
[Analyze grammar]

pramādamatra mā kārṣī yadi snehāsti te mayi |
evaṃ te kuśalaṃ bhadre yadi putraṃ janiṣyasi || 47 || {46}
[Analyze grammar]

tadā niṣkāśayāmi tvāṃ yadi putrīṃ janiṣyasi |
iti bharturvacaḥ śrutvā sā strī vivṛddhadohadā |
bharturviyogaśaṃkārttā babhūva parikheṭitā || 48 || {47}
[Analyze grammar]

yāvatsā samaye sūta dārikāṃ divyasuṃdarīṃ |
śuklavastraparītāṅgāṃ garbhamalāviliptitāṃ || 49 || {48}
[Analyze grammar]

tatastāṃ dārikāṃ jātāṃ śrutvāsau rohiṇo ruṣā |
pratyākhyātuṃ svayaṃ bhāryāṃ viveśa sūtikāgṛhe || 50 || {49}
[Analyze grammar]

prajāpatyā tayā bharturupanītā puraḥ sutā |
śuklavastraparītāṅgā bhadrāṅgī divyasuṃdarī || 51 || {50}
[Analyze grammar]

tataḥ sa rohiṇo dṛṣṭvā tāṃ sutāṃ divyasuṃdarīṃ |
śuklavastraparītāṅgāṃ paravismayamāyayau || 52 || {51}
[Analyze grammar]

aho bhāgyānmayā labdhā suteyaṃ bhadrarūpiṇī |
yadeṣā sahajaiḥ śuklavastraiḥ prāvṛtya jāyate || 53 || {52}
[Analyze grammar]

tasmānnūnaṃ iyaṃ sākṣāddevakanyāvatāritā |
saddharmacāriṇī bhadrā bhaviṣyati na saṃśayaḥ || 54 || {53}
[Analyze grammar]

ityuktvāsau pitā śākyaḥ paśyaṃstāṃ dārikāṃ cirāt |
atṛpto niścalākṣaśca tasthau saṃmūrchito yathā || 55 || {54}
[Analyze grammar]

tato jñātīn samāhūya kṛtvā jātimahaṃ mudā |
tannāmakaraṇaṃ tasyāstānpunaḥ sa samabravīt || 56 || {55}
[Analyze grammar]

bhavanto 'syāḥ sutāyā me bhadrāṅgyā anurūpataḥ |
nāmadheyaṃ prasiddhena karttavyaṃ kriyatāṃ śubhaṃ || 57 || {56}
[Analyze grammar]

iti tenārthite tasyāḥ sarve te jātayastathā |
sahajaśuklavastrāṅgaṃ dṛṣṭvaivaṃ saṃvabhāṣire || 58 || {57}
[Analyze grammar]

yadiyaṃ dārikā saumyā bhadrāṃgī divyasuṃdarī |
śuklavastrāvṛtā jātā tacchukleti prasidhyatu || 59 || {58}
[Analyze grammar]

iti saṃbhāṣaṇāṃ kṛtvā sarve te jñātayastathā |
rohiṇaṃ taṃ samāmaṃtrya tathaivaṃ samudāharat || 60 || {59}
[Analyze grammar]

yadiyaṃ te sutā bhadra bhadrāṅgī divyasuṃdarī |
śuklavastrāvṛtā jātā tacchukleti pracakṣyatāṃ || 61 || {60}
[Analyze grammar]

tathetyanumataṃ kṛtvā tena pitrā prasāditā |
śuklā sā duhitāṣṭāsu dhātrīṣu samupārpitā || 62 || {61}
[Analyze grammar]

tatastāsāṃ ca dhātrīṇāmupacārapracārataḥ |
varddhitābhūtsuramyāṅgī hradasthamiva paṃkajaṃ || 63 || {62}
[Analyze grammar]

yathā yathā ca sā śuklā parivṛddhābhavatkramāt |
tathā tathā ca tadvastraṃ vavṛddhe nirmalī 'bhavat || 64 || {63}
[Analyze grammar]

na ca kāyo 'pyabhūttasmātmalābhiliptadurbhagaḥ |
vabhau tu nirmalaḥ śuddhaḥ sugaṃdhiparivāhakaḥ || 65 || {64}
[Analyze grammar]

yadā sā dārikā śuklā parivṛddhā kramādabhūt |
kumārī sarvalokānāṃ manonetrābhihāriṇī || 66 || {65}
[Analyze grammar]

tataḥ sā śikṣituṃ vidyā guruṇāṃ samupāśritā |
śikṣitvā kramaśo vidyāṃ pāramāśu yayau sudhīḥ || 67 || {66}
[Analyze grammar]

tadā ye ye ca tāṃ śuklāmapaśyaddivyasuṃdarīṃ |
te te sarve 'pi paśyanto vismitā mohamāyayuḥ || 68 || {67}
[Analyze grammar]

tataste brāhmaṇādyāśca tadguṇākṛṣṭamānasāḥ |
svasvadūtena tāṃ śuklāṃ rohiṇaṃ prārthayanmuhuḥ || 69 || {68}
[Analyze grammar]

jātiśreṣṭho hyahaṃ viprastacchuklāṃ me dātumarhasi |
iti tāṃ brāhmaṇaputrā rohiṇaṃ pratyayācayan || 70 || {[69]}
[Analyze grammar]

rājaputro 'smyahaṃ vīrastatsutā me pradīyatāṃ |
iti rājakumārāstaṃ rohiṇaṃ tāṃ samarthayan || 71 || {[70]}
[Analyze grammar]

ahaṃ vaiśyaḥ prajābhartā tacchuklāṃ me dātumarhasi |
iti vaiśyakumārāstāṃ rohiṇaṃ prārthayari muhuḥ || 72 || {[71]}
[Analyze grammar]

ahaṃ maṃtrisuto vijñastacchuklā me pradīyatāṃ |
iti maṃtrisutāḥ sarve rohiṇaṃ pratyayācayan || 73 || {71!}
[Analyze grammar]

mahāmātyasuto 'haṃ hi tacchuklāṃ me prayachatāṃ |
ityāmātyakumārāstāṃ rohiṇaṃ pratyayācayan || 74 || {72}
[Analyze grammar]

evamanye 'pi lokāśca rūpadravyābhimāninaḥ |
svasvadūtena tāṃ śuklāṃ rohiṇaṃ pratyayācayan || 75 || {73}
[Analyze grammar]

evaṃ sarvaiśca tairnityaiḥ prārthyamāno mahājanaiḥ |
rohiṇaḥ sa viṣaṇṇātmā sthitvaivaṃ ca vyacintayat || 76 || {74}
[Analyze grammar]

hā me duḥkhāni jātāni kathamatra pratikriyā |
sarvathāhaṃ praṇaṣṭaḥ syāṃ sutayāḥ kāraṇe 'dhunā || 77 || {75}
[Analyze grammar]

yadyekasmai pradāsyāmi sutāmetāṃ manoharāṃ |
anye sarve 'pi me vairā bhaviṣyaṃti tadā khalu || 78 || {76}
[Analyze grammar]

avaśyaṃ me sutā hīyaṃ vairiṇī māṃ haniṣyati |
evaṃ duḥkhānudāyinyā putryāpi kiṃ mamaitayā || 79 || {77}
[Analyze grammar]

iti cintāviṣaṇṇo 'sau taccintākulamānasaḥ |
kapolaṃ svakare sthāpya tasthau koṣṭhe nirutsavaḥ || 80 || {78}
[Analyze grammar]

evaṃ cintāvibhinnāsyaṃ pitaraṃ taṃ viṣādinaṃ |
sā śuklā duhitā dṛṣṭvā praṇatvaivamabhāṣata || 81 || {79}
[Analyze grammar]

kimevaṃ tiṣṭhase tāta kiṃ te duḥkhaṃ nu jāyate |
kathyatāṃ tad yadi sneho mayi te varttate pitaḥ || 82 || {80}
[Analyze grammar]

iti putryā vacaḥ śrutvā pitā sa ruṣitāśayaḥ |
niḥsnehastāṃ sutāṃ śuklāṃ dṛṣṭvaivaṃ paryabhāṣata || 83 || {81}
[Analyze grammar]

tvannimitte mahadduḥkhaṃ jāyate me kuputrike |
kiṃ tavāgre kathitvaitaṃ yato naiva pratikriyā || 84 || {82}
[Analyze grammar]

avaśyaṃ tvaṃ sutā śatruḥ sarvathā māṃ haniṣyasi |
evaṃ duḥkhābhidāyinyā putryāpi kiṃ mama tvayā || 85 || {83}
[Analyze grammar]

iti pitroditaṃ śrutvā sā śuklā prahatāśayā |
sahasā pitaraṃ natvā rudaṃtyaivaṃ abhāṣata |
tāta kiṃ me nimittena duḥkhaṃ te jāyate kathaṃ |
sarvathaitatpravaktavyaṃ yadi te 'haṃ sutātmajā |
tadupāyaṃ kariṣyāmi yena duḥkhaṃ nihanyate || 86 || {84}
[Analyze grammar]

tadetatsarvathā tāta mamāgre vaktumarhasi |
iti putryodite bhūyaḥ pitāsau rohiṇo 'vadat || 87 || {85}
[Analyze grammar]

tatkinte kathyate putri yato nāsti pratikriyā |
bahavaḥ prārthayitārastava rājasutādayaḥ || 88 || {86}
[Analyze grammar]

kumārā brāhmaṇā vaiśyāḥ śūdrāśca maṃtrinaṃdanāḥ |
amātyanaṃdanāścāpi sārthavāhasutādayaḥ || 89 || {87}
[Analyze grammar]

evamanye 'pi ye cānyā guṇadravyābhimānitāḥ |
paurikā grāmikāścāpi kularūpābhimānikāḥ || 90 || {88}
[Analyze grammar]

etaiḥ sarvairahaṃ nityaṃ sumudritastvadarthibhiḥ |
kathamatra kariṣyāmi cetanā me na vidyate || 91 || {89}
[Analyze grammar]

tvamevaikā hi me putrī bahavo yācakāśca te |
ekasmai yadi dāsyāmi sarve 'nye syurmamāhitāḥ || 92 || {90}
[Analyze grammar]

atastvāṃ khaṇḍaśaḥ kṛtvā sarvebhyo 'pyarpaye ca vai |
evaṃ tu kriyamāṇe me kuśalatvaṃ bhaviṣyati || 93 || {91}
[Analyze grammar]

anyathā cedbhavennaiva kuśalaṃ me sadāpi hi |
iti pitroditaṃ śrutvā śuklā sā mṛtyuśaṃkita || 94 || {92}
[Analyze grammar]

moditeva pituḥ pādau praṇatvaivamabhāṣata |
prasīda mā kṛthāḥ khedaṃ mamaitatkāraṇe pitaḥ || 95 || {93}
[Analyze grammar]

tathāhaṃ te kariṣyāmi yathā doṣo na vidyate |
nāhaṃ kāmārthinī tāta tadanujñāṃ pradehi me || 96 || {94}
[Analyze grammar]

pravrajitvā cariṣyāmi bhagavacchāsane vrataṃ |
ityetadbhāṣitaṃ putryā śrutvāsau rohiṇaḥ pitā || 97 || {95}
[Analyze grammar]

putrīviyogamāśaṃkya punarevamabhāṣata |
mā kṛthāḥ sarvathā putri pravrajyācaraṇe manaḥ || 98 || {96}
[Analyze grammar]

tvaṃ strī vālā na śaknuyāḥ pravrajyāṃ carituṃ sute |
pravrajyāyāṃ vrataṃ kaṣṭaṃ puruṣairapi duṣkaraṃ || 99 || {97}
[Analyze grammar]

tvaṃ tu vālā subhadrāṃgī komalā divyasuṃdarī |
kathaṃ tadduṣkarasthāne vrataṃ kartuṃ saheḥ sute || 100 || {98}
[Analyze grammar]

tanmā kṛthāstathā vāle pravrajyāyāṃ manastyaja |
yadi kāmārthinī nāsi kasmai ciddāsyate na hi || 101 || {99}
[Analyze grammar]

tatputri svagṛhe sthitvā vrataṃ dhṛtvā sukhaṃ vasa |
yadi kāmārthinī vāsi putri teṣāṃ tvadarthināṃ || 102 || {100}
[Analyze grammar]

svayaṃvaravidhiṃ kṛtvā svayaṃ vara yamichasi |
tadā me dūṣaṇaṃ nāsti tavāpi dūṣaṇaṃ na hi || 103 || {1}
[Analyze grammar]

sarvatrāpi hi lokeṣu vidhireṣa pravarttate |
tasmātteṣāṃ kumārāṇāṃ patiṃ bhadraṃ svayaṃ vara || 104 || {2}
[Analyze grammar]

tenaiva patinā sārddhaṃ vrataṃ kṛtvā sukhaṃ cara |
tadā santatimutpādya bhuktvā bhogyaṃ yathā sukhaṃ || 105 || {3}
[Analyze grammar]

saṃvṛtticaraṇaṃ kṛtvā tathānte svargamāpnuyāḥ |
tenaivaṃ mā kṛthāḥ putri pravrajyācaraṇe manaḥ || 106 || {4}
[Analyze grammar]

kiṃ te pravrajyayā siddhyenmahadduṣkaracaryayā |
ityukte janakenāsau śuklā kāmaparāṅmukhā || 107 || {5}
[Analyze grammar]

saddharmacaraṇaprepsuḥ pitaramevamabravīt |
nāhaṃ kāmārthinī tāta saṃbodhipadavāṃchinī || 108 || {6}
[Analyze grammar]

tasmādbhogyānyapi tyaktvā caritumichāmi sadvrataṃ |
sabhayāḥ saraṇāḥ kāmāḥ sakleśāśca viṣopamāḥ || 109 || {7}
[Analyze grammar]

tasmātkāme na me vāṃchā nirvāṇe eva me manaḥ |
sadevāsuramānuṣyā ye satvāḥ kāmarāgiṇaḥ || 110 || {8}
[Analyze grammar]

sarve te kleśitāścāndhāścaranti pātakeṣvapi |
kṛtvā te pātakānyevaṃ gachanti durgatiṣvapi || 111 || {9}
[Analyze grammar]

vividhāni ca duḥkhāni bhuṃjate narakāsthitāḥ |
brāhmaṇā api dhīrāśca vaidikā brahmacāriṇaḥ || 112 || {10}
[Analyze grammar]

te 'pi kāmānurāgena bhraṣṭā gacchaṃti durgatiṃ |
tapasvino mahābhijñāḥ śuddhātmānā jitendriyāḥ |
te 'pi kāmānurāgena bhraṣṭā gacchaṃti durgatiṃ |
yatayo yoginaścāpi nirgraṃthāśca digaṃvarāḥ || 113 || {11}
[Analyze grammar]

te 'pi kāmānurāgena bhraṣṭā gacchanti durgatiṃ |
rājānaḥ kṣatriyāścāpi kṛtvā yuddhaṃ parasparaṃ || 114 || {12}
[Analyze grammar]

āhave nidhanaṃ yānti tadapi kāmakāraṇe |
amātyā maṃtriṇaścāpi mārayanti parārdhinaḥ || 115 || {13}
[Analyze grammar]

tatpāpairdurgatiṃ yānti tadapi kāmahetunā |
yodhāraśca mahāvīrā yuddhaṃ kṛtvā parasparaṃ || 116 || {14}
[Analyze grammar]

saṃgrāme nidhanaṃ yānti tadapi kāmakāraṇe |
vaṇijaḥ sārthavāhāśca ratnadravyātilālasāḥ || 117 || {15}
[Analyze grammar]

samudre patitāḥ kecinmṛtāḥ kecicca jaṃgale |
kecinmṛtā mahāraṇye cauraiḥ kecidupadrutāḥ || 118 || {16}
[Analyze grammar]

kṣutpipāsāhatāḥ kecinmṛtā mārge rujānvitāḥ |
śītavātātapākrāntā mṛtā kecicchramāturāḥ || 119 || {17}
[Analyze grammar]

kecidgṛhagatā eva mṛtāḥ kecicca roginaḥ |
kecidbhāraṃ vahantaśca mṛtāḥ kecidbhayānvitāḥ || 120 || {18}
[Analyze grammar]

jantubhiḥ khāditāḥ kecittatsarvaṃ kāmahetunā |
kṛṣiṇaśca dinaṃ yāvatkṣatrakarmasamudyatāḥ || 121 || {19}
[Analyze grammar]

dinānte gṛhamagatya śerate te mṛtā iva |
evamanye 'pi lokāśca śilpipreṣyajanādayaḥ || 122 || {20}
[Analyze grammar]

dāsadāsījanāścāpi svasvakarmasamudyatāḥ |
evaṃ nityamaviśrāntaṃ kuṭuṃvadhanasādhane || 123 || {21}
[Analyze grammar]

vahaṃti kheditāḥ kleśaṃ tatsarvaṃ kāmahetunā |
evaṃ caurādiduṣṭāśca paradravyāpahāriṇaḥ || 124 || {22}
[Analyze grammar]

pātakānyapi kurvanti tadapi kāmakāraṇe |
kecicca paradravyāṇi haranti hārayanti ca || 125 || {23}
[Analyze grammar]

keciddhatvāpi sarvaṃ haranti krūramānasāḥ |
dhanārthe kiṃ na kurvanti duṣṭā lubdhāśca nirdayāḥ || 126 || {24}
[Analyze grammar]

praghnanti pitarau kecitte 'pi ghnanti gurūnapi |
kecidvighnanti mitrāṇi jñātivandhujanānapi || 127 || {[125]}
[Analyze grammar]

patnīputraduhitṝśca bhrātrīṃśca bhāginīrapi |
kecidghnanti sahāyāṃśca dāsadāsījanānyapi || 128 || {26}
[Analyze grammar]

bālān vṛddhāṃśca nārīṃśca tatsarvaṃ kāmakāraṇe |
kecicca prāṇinaḥ pakṣimṛgamatsyādijantukān || 129 || {27}
[Analyze grammar]

hatvā khādanti pāpiṣṭhāstadapi kāmakāraṇe |
evaṃ tiryaggaṇāścāpi pakṣisiṃhādijantavaḥ || 130 || {28}
[Analyze grammar]

parasparaṃ nihatyaivaṃ khādanti kāmahetunā |
evaṃ śathāvaṃcayantastrāsayanto 'pi vālakān || 131 || {29}
[Analyze grammar]

adattaṃ pratigṛhnanti tadapi kāmakāraṇāt |
mithyākāmaratāḥ kecitparadārāṃśca kāminīḥ || 132 || {30}
[Analyze grammar]

haranti chadmanā cāpi tadapi kāmakāraṇe |
yacca mṛṣāvadaṃto 'pi parakāryābhighāṭakāḥ || 133 || {31}
[Analyze grammar]

sādhayanti svakāryāṇi tadapi kāmahetunā |
yacca piśunavādena suhṛnmitrānucāriṇāṃ |
virodhaṃ kārayantyevaṃ tadapi kāmahetunā || 134 || {[132]}
[Analyze grammar]

yacca pāruṣyavādena gurusādhujanānapi |
paribhāṣya vinindanti tadapi kāmakāraṇe || 135 || {[133]}
[Analyze grammar]

yatsaṃbhinnapralāpena suhṛnmitrānuyāyināṃ |
cittāni bhedayantyevaṃ tadapi kāmakāraṇe || 136 || {[134]}
[Analyze grammar]

yacca māyānurāgeṇa sādhūnāṃ dharmacāriṇāṃ |
prabhedayanti cittāni tadapi kāmahetunā || 137 || {[135]}
[Analyze grammar]

yadīrṣyāmatsarālīḍhā dṛṣṭvā paraguṇarddhitāṃ |
vyāpādaṃ cintayantyevaṃ tadapi kāmakāraṇe || 138 || {[136]}
[Analyze grammar]

yanmithyādṛṣṭikā loke sarvadharmaprahāsikāḥ |
bhogyāni bhuṃjate hṛtvā tadapi kāmakāraṇe || 139 || {[137]}
[Analyze grammar]

kecijjātiparibhraṣṭā nīcajātiprasaṃgatāḥ |
svakuladharmabhraṣṭāśca tadapi kāmakāraṇe || 140 || {[138]}
[Analyze grammar]

evaṃ sarve 'pi satvāśca sadgatiparivartinaḥ |
kāmarthe kleśitātmāno bhramanti durgatau sadā || 141 || {[139]}
[Analyze grammar]

evaṃ yāvanti duḥkhāni saṃsāre ṣaḍgatiṣvapi |
tāni sarvāṇi satvānāṃ jāyante kāmahetunā || 142 || {[130]}
[Analyze grammar]

evaṃ matvā tu ye vijñāḥ kāmaṃ tyaktvā virāgiṇaḥ |
pravrajitvā suniḥkleśā brahmacaryaṃ caranti te || 143 || {[131]}
[Analyze grammar]

tato me sabhaye kāme saraṇe ca viṣopame |
vidvadbhirgarhite tāta manovāṃchā na varttate || 144 || {32}
[Analyze grammar]

tatpravrajyāṃ samāśritya bhagavaccharaṇaṃ gatā |
brahmacaryaṃ caritvāhaṃ prāptumichāmi nirvṛtiṃ || 145 || {33}
[Analyze grammar]

buddho hi jagatāṃ śāstā dharmarājo vināyakaḥ |
tattasya śaraṇe gatvā caritumichāmi saccarīṃ || 146 || {34}
[Analyze grammar]

yadyasti te mayi snehaḥ saddharme cānurāgatā |
tadanumodanāṃ kṛtvānujñāṃ me dātumarhasi || 147 || {35}
[Analyze grammar]

yadi tu saugate dharme 'pyanujñāṃ me dadāsi na |
tīrthayātrāṃ bhramiṣyāmi sarvadāhaṃ virāginī || 148 || {36}
[Analyze grammar]

iti putrīvacaḥ śrutya śākyo 'sau rohiṇaḥ pitā |
sutādharmaviyogatvaṃ vijñāyaivamacintayat || 149 || {37}
[Analyze grammar]

yadiyaṃ me sutā bhadrā nirāśravā virāginī |
avaśyaṃ svagṛhaṃ tyaktvā pravrajetsarvathā khalu || 150 || {38}
[Analyze grammar]

avaśyaṃ me 'nayā putryā viyogaṃ sarvathā bhavet |
sarvathā hyanivāryeyaṃ vrajatu saugatāśrame || 151 || {39}
[Analyze grammar]

yadāyaṃ saugate dharme pravrajitvā nirāśravā |
brahmacaryaṃ caratyevaṃ tato nirvṛtimāpnuyāt || 152 || {40}
[Analyze grammar]

yadiyaṃ me sutā kāntā subhadrā divyasuṃdarī |
yadi gehaṃ parityaktvā tīrthayātrāṃ kariṣyati || 153 || {41}
[Analyze grammar]

tadā nūnamiyaṃ bhrāṃtā tīrthikadharmasaṃratā |
kuladharmaparibhraṣṭā vinaṣṭā syānna saṃśayaḥ || 154 || {42}
[Analyze grammar]

tato 'smākaṃ yaśodharmavinaṣṭo 'pi bhavetkhalu |
tasyāśca dūragāminyā darśanaṃ syātsudullabhaṃ || 155 || {43}
[Analyze grammar]

tasmādasyā na karttavyā vāraṇā dharmasādhane |
caratu saugatīṃ caryāmiyaṃ hi nirvṛtaye || 156 || {44}
[Analyze grammar]

tathā cetsaphalaṃ janma mānuṣye syānmamāpi ca |
teneyaṃ jagatāṃ bhartuḥ śāsane caratu vrataṃ || 157 || {45}
[Analyze grammar]

ityevaṃ manasā dhyātvā śākyo 'sau rohiṇaḥ pitā |
śuklāṃ tāṃ svātmajāṃ bhadrāṃ saṃnirīkṣyaivamabravīt || 158 || {46}
[Analyze grammar]

satyamevaṃ sute bhadre yathoddiṣṭaṃ tvayā khalu |
kiṃ tu tvaṃ dārikā nārī pravrajyāṃ tatkathaṃ careḥ || 159 || {47}
[Analyze grammar]

pravrajyā duṣkarasthānaṃ nārīṇāṃ tu viśeṣataḥ |
tatpravrajyāvrate sthitvā mā paścātparitapyathāḥ || 160 || {48}
[Analyze grammar]

yadi tvaṃ niścayenaiva pravrajyāvratamichasi |
taccarasva munīndrasya śāsane vratamādarāt || 161 || {49}
[Analyze grammar]

yathā ca guruṇādiṣṭaṃ śrutvā tathā samāhitaḥ |
samyakchikṣāḥ samādhāya cara nityamatandritā || 162 || {50}
[Analyze grammar]

saṃbuddhaśāsanaṃ dhṛtvā śraddhābhaktisamanvitā |
triratnaśaraṇaṃ gatvā bodhivrataṃ samācara || 163 || {51}
[Analyze grammar]

iti pitrā samādiṣṭe śuklā sā pratimoditā |
natvā pādau pituścaivaṃ jananyāścaraṇe 'namat || 164 || {52}
[Analyze grammar]

tataḥ sā jananī dṛṣṭvā tāṃ śuklāṃ svātmajāṃ priyāṃ |
pariṣvajya rudantyevaṃ pravrajyāyāṃ nyavārayat || 165 || {53}
[Analyze grammar]

hā putri kathamekānte māṃ tyaktvā kva vrajiṣyase |
hā jīva kiṃ nu paśyantī pravrajituṃ tvamīhase || 166 || {54}
[Analyze grammar]

kiṃ cidduḥkhaṃ na te dattaṃ mayāmvayā kadā cana |
kenaivaṃ hetunā putrī pravrajituṃ tvamichasi || 167 || {55}
[Analyze grammar]

tvaṃ tu nārī subhādrāṅgī kumārī divyasuṃdarī |
kiṃcidduḥkhānabhijñā ca tatpravrajyāṃ kathaṃ care || 168 || {56}
[Analyze grammar]

yāvajjīvāmyahaṃ caiva tāvatmā gāḥ kuhāpi hi |
yāvaccāsti gṛhe saṃpattāvadbhuktvā sukhaṃ vasa || 169 || {57}
[Analyze grammar]

yadāhaṃ maraṇaṃ yātā yadā cāpi gṛhe vipat |
jñātimitrajanaistyaktvā tadā vrajasva vāṃchayā || 170 || {58}
[Analyze grammar]

iti mātrā niṣiddhe 'pi śuklā sā vighnaśaṃkitās |
mātuḥ pādau praṇatvaiva sahasā niryayau gṛhāt || 171 || {59}
[Analyze grammar]

tataḥ sā satvarā gatvā nyagrodhārama āśrame |
dadarśa bhikṣuṇībhikṣūn śantaśīlāñjiteṃdriyān || 172 || {60}
[Analyze grammar]

tān sarvān kramato natvā vihāre samupāviśat |
tatrasthaṃ sugataṃ nāthamapaśyacchrighanaṃ jinaṃ || 173 || {61}
[Analyze grammar]

dvātriṃśallakṣaṇāśītivyaṃjanaiḥ parimaṃḍitaṃ |
sahasreṇādhikābhāsaṃ vyāmābhaparirocitaṃ || 174 || {62}
[Analyze grammar]

śāntātmānam subhadrāṃśaṃ samantabhadrarūpiṇaṃ |
ratnarāśimivojjvālaṃ sumerumiva jaṃgamaṃ || 175 || {63}
[Analyze grammar]

dṛṣṭvaiva niścalā tasthau harṣotphullatanūruhā |
dṛṣṭvaivaṃ sucirāttasya śrīghanasyāntike yayau || 176 || {64}
[Analyze grammar]

tathaivaṃ samupāyātāṃ dṛṣṭvā tāṃ bhagavānmuniḥ |
svāgataṃ dārike bhadre ehītyuktvā samagrahīt || 177 || {65}
[Analyze grammar]

tato 'sau dārikā śuklā svāgatāsmi munīśvara |
ityuktvā prāṃjaliṃ kṛtvā nanāma caraṇau muneḥ || 178 || {66}
[Analyze grammar]

tato bhagavatā tena preṣitā māturantike |
sā śuklā sahasā gatvā gautamyāccaraṇe 'namat || 179 || {67}
[Analyze grammar]

tathā tāṃ samupāyātāṃ śuklāṃ sadvratavāṃchinīṃ |
dṛṣṭvā sā gautamī spṛṣṭvā hastenaiva samagrahīt || 180 || {68}
[Analyze grammar]

tataḥ pravrājayitvā sā gautamyā bhikṣuṇī kṛtā |
khikkhirīpātrahastāṅkā saṃgatābhūjjitendriyā || 181 || {69}
[Analyze grammar]

yenaiva śuklavastreṇa prāvṛtā samajāyata |
tataḥ paṃcasuraktaṃ jātāni cīvarāṇyapi || 182 || {70}
[Analyze grammar]

taireva civarai raktaiḥ prāvṛtā pariśobhitā |
sā śuklā suprasannāsyā muṇḍitāpyabhyarocata || 183 || {71}
[Analyze grammar]

tato buddhānubhāvena supraśāntasubhāvinī |
jitvā kleśārivargāṃśca śikṣāpāraṃ samāyayau || 184 || {72}
[Analyze grammar]

matvānityaṃ ca saṃsāraṃ bhavagatiṃ vighātinīṃ |
nihatya sarvasaṃskāragatīsatanadharmiṇī || 185 || {73}
[Analyze grammar]

māracaryāvinirmuktā sākṣādarhatvamāyayau |
avidyāṅgaṃ vinirbhidya prāptavidyā śubhāśayā || 186 || {74}
[Analyze grammar]

abhijñā guṇasaṃpannā pratisaṃvidvatī sudhīḥ |
suvītarāgiṇī dhīrā loṣṭhahemasamānikā || 187 || {75}
[Analyze grammar]

ākāśasamacittā ca pāṇītalasamāśayā |
niraṃjanāvikalpā ca śrīkhaṇḍatulyavāsinī || 188 || {76}
[Analyze grammar]

svātmasatkāralābheṣu parāṇmukhī sunispṛhā |
sarvasatvahitādhāni saṃbuddhadharmacāriṇī || 189 || {77}
[Analyze grammar]

sadevāsuralokānāṃ pūjyā mānyā samantataḥ |
vaṃdanīyā cābhitoṣyā ca vabhūva brahmacāriṇī || 190 || {78}
[Analyze grammar]

atha te bhikṣavaḥ sarve dṛṣṭvā tāṃ brahmacāriṇīṃ |
vismitāḥ sugataṃ natvā paprachuriti sādaraṃ || 191 || {79}
[Analyze grammar]

bhagavan kimiyaṃ śuklā purā karmākarocchubhaṃ |
yena vastrāvṛtā jātā bhavatyevaṃ ca bhikṣuṇī || 192 || {80}
[Analyze grammar]

tatsarvaṃ naḥ samādeṣṭumarhasi sarvavidguro |
yadanayā kṛtaṃ karma bhikṣuṇyā śuklayā purā || 193 || {81}
[Analyze grammar]

iti tairbhikṣubhiḥ pṛṣṭe bhagavān sa munīśvaraḥ |
tānbhikṣusāṃghikān sarvān saṃnirīkṣyaivamabravīt || 194 || {82}
[Analyze grammar]

śṛṇudhvaṃ bhikṣavaḥ sarve yadanayā kṛtaṃ purā |
tatsarvaṃ kathayiṣyāmi sarvalokābhibodhane || 195 || {83}
[Analyze grammar]

purāsminneva bhadrākhye kalpe 'bhūtkāśyapo jinaḥ |
saṃbuddhaḥ sugato nātho dharmarājastathāgataḥ || 196 || {84}
[Analyze grammar]

sarvavidyādhipaḥ śāstā traidhātukavināyakaḥ |
sarvajño bhagavānarhanbrahmacārī hitaṃkaraḥ || 197 || {85}
[Analyze grammar]

sa munīndro jagannātho vārāṇasīmupāśrayan |
mṛgadāve vane ramye vyaharacchrāvakaiḥ saha || 198 || {86}
[Analyze grammar]

bhikṣubhirbodhisatvaiśca bhikṣuṇībhirupāsakaiḥ |
sārddhamupāsikābhiśca yatibhiśca maharṣibhiḥ || 199 || {87}
[Analyze grammar]

tatrastho bhagavānbuddho sarvasatvahitāya saḥ |
ādimadhyāntakalyāṇaṃ dideśa dharmamuttamaṃ || 200 || {88}
[Analyze grammar]

tadaikānyatarā kācicchreṣṭhibhāryā śubhāśayā |
sukalyāṇārthinī śrāddhā saddharmamānasī sudhīḥ || 201 || {89}
[Analyze grammar]

kena citkaraṇiyena mṛgadāvamupācarat |
tatra bhikṣūn kramāddṛṣṭvā saṃbuddhāntikamupāyayau || 202 || {90}
[Analyze grammar]

tatra sā samupāgatya dadarśa taṃ munīśvaraṃ |
dvātriṃśallakṣaṇāśītivyaṃjanairupalakṣitaṃ || 203 || {91}
[Analyze grammar]

vyāmābhālaṃkṛtaṃ saumyaṃ śatasūryādhikaprabhaṃ |
supraśāntendriyāṃ kāmyaṃ samaṃtabhadrarūpakaṃ || 204 || {92}
[Analyze grammar]

ratnarāśimivojjvālaṃ sumerumiva jaṃgamaṃ |
tathā dṛṣṭvaiva prāmodātsāṃjaliṃ samupāgatā || 205 || {93}
[Analyze grammar]

natvā pādau munestasthāvekāntike kṛtāṃjaliḥ |
tataḥ sa bhagavāndṛṣṭvā tasyāścittaṃ viśodhitaṃ || 206 || {94}
[Analyze grammar]

ādimadhyāntakalyāṇaṃ dideśa dharmamuttamaṃ |
tatsaddharmāmṛtaṃ pītvā sā śūdrī pariharṣitā || 207 || {95}
[Analyze grammar]

sasaṃghaṃ sugataṃ nāthaṃ bhojayituṃ samaichata |
tataḥ sā svagṛhe gatvā sādhayitvā subhojanaṃ || 208 || {96}
[Analyze grammar]

saṃbuddhapramukhaṃ saṃghaṃ svāṃtargehe nyamaṃtrayat |
tatra svasvāsanāsīnaṃ saṃbuddhaṃ taṃ sasāṃghikaṃ || 209 || {97}
[Analyze grammar]

pūjayitvā tadarhaiśca bhojanaiḥ samatoṣayat |
tataḥ sā śraddhayā tebhyaḥ sarvebhyo 'pi prasannitā || 210 || {98}
[Analyze grammar]

buddhapramukhasaṃghebhyaḥ pratyekaṃ cīvaraṃ dadau |
tato nityaṃ ca sā bhaktyā cakre saṃbuddhasevanāṃ || 211 || {99}
[Analyze grammar]

tatpuṇyaiścāpi saddharme pravrajituṃ samaichata |
tato 'sau pitarau natvābhyanujñāpya prasādinī || 212 || {100}
[Analyze grammar]

bhagavacchāsane gatvā pravrajyāvratamācarat |
tasmātkiṃ bhikṣavo yūyaṃ manyadhve yābhavattadā || 213 || {1}
[Analyze grammar]

śreṣṭhibhāryā na cānyā sā śuklaivaiṣeti manyata |
yadanayā prasādinyā buddhapramukhasāṃghike || 214 || {2}
[Analyze grammar]

pratyekaṃ cīvaraṃ dattaṃ pravrajyā cāpi sādhitā |
etatpuṇyavipākena prāvṛtya śuklavāsasā || 215 || {3}
[Analyze grammar]

jātā pravrajitā caiṣā bhavati brahmacāriṇī |
ityevaṃ karmajaṃ bhogyaṃ prāṇino bhuṃjate bhave || 216 || {4}
[Analyze grammar]

yenaiva yatkṛtaṃ karma tenaiva bhujyate phalaṃ |
na naśyaṃti hi karmāṇi kalpakoṭiśatairapi || 217 || {5}
[Analyze grammar]

sāmagrīṃ prāpya kālaṃ ca phalaṃti khalu dehināṃ |
abhuktaṃ kṣīyate naiva karma kvāpi kathaṃ cana || 218 || {6}
[Analyze grammar]

nāgnibhirdahyate karma vāyubhiśca na śuṣyate |
jalaiśca klidyate nāpi kṣīyate nāpi bhūmiṣu || 219 || {7}
[Analyze grammar]

anyathā ca bhavennaiva karmagatiḥ kathaṃ cana |
śuklānāṃ śubhatā nityaṃ kṛṣṇānāṃ duḥkhatā sadā || 220 || {8}
[Analyze grammar]

miśritā miśritānāṃ ca jaṃtubhirbhujyate gatiḥ |
tasmādapāsya kṛṣṇāni karmāṇi miśritāni ca || 221 || {9}
[Analyze grammar]

caritavyaṃ śubheṣveva karmasu sukhavāṃchibhiḥ |
tatheti bhikṣavaḥ sarve te ca lokaḥ sabhāsthitāḥ || 222 || {10}
[Analyze grammar]

śrutvā tatsugatādiṣṭamabhyanandanprasāditāḥ |
evametanmahārāja guruṇā me prabhāṣitaṃ || 223 || {11}
[Analyze grammar]

evaṃ rājaṃstvayāpyevaṃ karttavyaṃ puṇyamādarāt |
puṇyameva bhave vandhubhrātā mitraṃ suhṛtsakhā || 224 || {12}
[Analyze grammar]

nānyaḥ puṇyātparaḥ kaścidvidyate bhavacāriṇāṃ |
tasmātpuṇyaṃ svayaṃ kṛtvā lokeṣvapi pracāraya || 225 || {13}
[Analyze grammar]

prajāśca bodhayitvaivaṃ puṇyamārge pracāraya |
ityevaṃ guruṇādiṣṭamupaguptena bhikṣuṇā || 226 || {14}
[Analyze grammar]

śrutvā tatheti rājāsau prābhyanandajjanaiḥ saha || 227 || {15}
[Analyze grammar]

ya idaṃ śuklāvadānaṃ jinavarakathitaṃ puṇyahetornarāṇāṃ |
śṛṇvanti śravayanti pramuditamanasaḥ sadguṇaprāptukāmāḥ |
te sarve kleśamuktāḥ suvimalamanaso bodhicaryā carantaḥ |
satsaukhyānyeva bhuktvā munivaranilaye saṃprayātā vasanti || 228 || {16}
[Analyze grammar]

Other print editions:

Also see the following print editions of the Sanskrit text or (alternative) English translations of the Ratnamalavadana Śukla-avadāna

Cover of edition (2005)

Ratnamalavadana
by Prof. Ramesh Kumar Dwivedi (2005)

Avadana in Sanskrit Literature

Buy now!
Like what you read? Consider supporting this website: