Manjusrimulakalpa [sanskrit]

100,900 words | ISBN-10: 8185381194 | ISBN-13: 9788185381190

The Sanskrit edition of the Manjusrimulakalpa: a popular and lengthy text belonging to the Vajrayana Buddhism tradition and classified as a Kriya-tantra class dating to the 6th century A.D. The Manjushrimulakalpa places particular importance to the Bodhisattva Manjushri. It further details various tantric rituals. Original titles: Mañjuśrīmūlakalpa (मञ्जुश्रीमूलकल्प), Aryamañjuśrīmūlakalpa (अर्यमञ्जुश्रीमूलकल्प, Aryamanjusrimulakalpa, Aryamanjushrimulakalpa)

Chapter 39 - ekonacatvāriṃśaḥ paṭalavisaraḥ

Athaikonacatvāriṃśaḥ paṭalavisaraḥ /

athakhalu bhagavāṃ śākyamuniḥ punarapi śuddhāvāsabhavanamavalokya sarvāṃśca lokadhātuṃ buddhacakṣuṣā sarvasattvānāmavalokya punarapi mañjuśriyaṃ kumārabhūtamāmantrayate sma / asti mañjuśrīḥ tvadīyamantratantramudrāpaṭalavisare sarvalaukikalokottarasamayamaṇḍalānupraviṣṭe sāmānyāvidhānacaryānirhāre samanupraveśasattvāmāśraye acintyāceṣṭita sarvamantrāṇāṃ sarvamudrāṇāṃ sarvamaṇḍalānāṃ sarvasattvānāṃ sarvamantrānupraviṣṭānāṃ nidhānanirdeśacaryā samāsato vyācakṣate tacchrūyatām //

atha khalu mañjuśrīḥ kumārabhūto bodhisattvo mahāsattvaḥ bhagavataścaraṇayornipatya adhyeṣayati sma / adhyeṣayatu me sugataḥ asmākamanukampāyai lokasyānugrahāya / tad bhaviṣyati mahato janakāyasyārthāya hitāya sukhāya lokānukampāyai / tad vadatu me sugata sarvamantrāṇāṃ japahomaāpyāyanapūjananiyamasarvatantramudreṣu samayapraveśānunigamasādhanopayikavidhānaṃ sarvamaṇḍaleṣu sarvalaukikalokottaravidhiviśeṣaṇopayikapaṭalavisaram //

evamukte bhagavāṃ mañjubhāṇī tadantaramabhūt sarvajña vānyaṃ tūṣṇīṃ tasthau tadantaram //

tuṣṭaḥ mañjuravo dhīraḥ sugatajña pratīcchayam /
sarvabuddhāśca sarvatra sarvadhātusamāgatā // verse 39.1 //
bodhisattvāstu sarve vai sarvaśrāvakakhaḍgiṇaḥ /
sarvasattvā tridhā ye ca anādibhavacakrake // verse 39.2 //
nibaddhā yonijā ye ca gatipañcasuyojitā /
sarvabhūtagaṇādhyakṣā rākṣasoragamānuṣā // verse 39.3 //
daityadānavayakṣāśca kūṣmāṇḍakaṭapūtanā /
devamukhyā gaṇādhyakṣā mātarāśca maharddhikāḥ // verse 39.4 //
sarve grahagaṇā loke candrasūryā parestathā /
brahmendradhanadā rudrā viṣṇuskandavirūḍhakā // verse 39.5 //
dhṛtarāṣṭrakuberāśca sarve vai vasavastathā /
sarvabhūtāśca sarvatra sattvadhātusamāśritāḥ // verse 39.6 //
śubhāśubhaphalai karmaiḥ nibaddhā gatisūtrake /
muktāmuktaśca sarvatra āgatā samaye sthitāḥ // verse 39.7 //
buddhādhiṣṭhānabalā ṛddhyā śṛṇvanteha tridhā sthitāḥ /
śubhayonijasambhūtā aśubhaiścaiva svakarmabhiḥ // verse 39.8 //
śṛṇvante sarvabuddhā vai śuddhāvāsapure tadā /
tadā dharmaṃ saugataṃ cāryaṃ agradharmaśubhodayam // verse 39.9 //
mantramudratridhāyuktaṃ niyataṃ cāpi kīrtitam /
kṣemaṃ śivatamaṃ mārgaṃ āryāṣṭāṅgikaṃ tadā // verse 39.10 //
(Vaidya 337)
tridhā karmapathaṃ śreṣṭhaṃ nirvāṇapuragāminam /
dānaśīla tadā dhyānaṃ tṛdhā mārgopadeśitam // verse 39.11 //
bhagavānuvāca sarvajña mantramārgāṅgapravartanam /
īṣasmitamukho dhīra mañjughoṣaṃ nirīkṣa ca // verse 39.12 //
vākyaṃ ca śubhayā yuktaṃ idaṃ brahmaravo tadā /
śṛṇvanto bhūtagaṇāḥ sarve sthitā saumyā viśāradāḥ // verse 39.13 //
vo samayād bhraṃśo bhaviṣyati anarthakam /
ahitaṃ dīrgharātraṃ vo buddhavākyamajānakāḥ // verse 39.14 //
pratiṣyatha tamasyandhe vatsa dūrībhaviṣyatha /
idaṃ vaḥ śreyase yuktā mantramudrā samīritāḥ // verse 39.15 //
kariṣyathā sadā lokā sadānugrahanigraham /
manyathā matkriyāyuktaṃ krodho vai ca yamāntakaḥ // verse 39.16 //
kariṣyati na sandehaḥ sadā nigrahatāṃ yuge /
ādau puṣpābhikīrṇe vai vivikte vijane sadā // verse 39.17 //
kartavye maṇḍale buddhyā dhyānenāvarjya sarvataḥ /
ādau ca sarvabuddhānāṃ padmaṃ dhyāyīta buddhimām // verse 39.18 //
dvitīyaṃ padmamudyantaṃ arkasyaiva mahādyutim /
tatrastho mañjuvaraḥ śrīmāṃ kumārākāracihnitaḥ // verse 39.19 //
pañcacīrakamūrdhāno jānukarṇakakorparaḥ /
phalitaḥ kṛtāñjalipuṭo bālo pṛcchantaṃ sugataṃ vidum // verse 39.20 //
vācaṃ ca śubhayā yuktāṃ vadanto sugatālaye /
yo vai sarvabuddhānāṃ mahāpadmaṃ sphaṭikodbhavam // verse 39.21 //
vaidūryamayaṃ padmaṃ kiñjalkaṃ hemajodbhavam /
mahāmarakatīnālāṃ karṇikāṃ saha hemajam // verse 39.22 //
mahāviṭapasaṃghātaṃ mahāratnavibhūṣitam /
padmarāgamayaiḥ kalikaiḥ anekākārasubhūṣitaiḥ // verse 39.23 //
aśmagarbhamayairdivyaiḥ aṅkuraiśca vibhūṣitam /
padmaṃ munivare dhyātvā mahoccaṃ gaganāśritam // verse 39.24 //
tasmānnyūnataraṃ padmaṃ samacihnaṃ suśobhanam /
tanmanaḥ dhāmato dhyāyenmantrī pratyekārhaśrāvakām // verse 39.25 //
tasmānnyūnataraṃ padma tṛtīyaṃ cittena yatnadhīḥ /
caturthaṃ padmamāvartaṃ tasmāddhrasvatamaṃ viduḥ // verse 39.26 //
(Vaidya 338)
dhyāyīta pañcamaṃ padmaṃ hrasvāhrasvatamaṃ sadā /
samākārasamodyotaṃ vyomaṃ saṃsthitasarvatam // verse 39.27 //
kuryāt tasya vido padmaṃ cittayā saptage sthitam /
vajrapāṇeḥ tathā padmaṃ udayantaṃ raveryathā // verse 39.28 //
dakṣiṇena vidoḥ padme tathā mañjuravaḥ sadā /
tato hrasvataraṃ padmaṃ lokīśasya mahātmanaḥ // verse 39.29 //
tṛtīyaṃ padmamityeva samantadyotilābhine /
caturthaṃ padmamityeva akṣayapratibhānatā // verse 39.30 //
īṣid vimalagate hrasvaṃ kamalaṃ pañcamatattvite /
tasmāt ṣaṣṭhatamo yo padmaḥ āryaṃ cādharmasaṃjñitam // verse 39.31 //
adhaścaiva samantād vai udadhiṃ cāpi cintayet /
mahānāge'rdhaniryānto'nantaḥ nandopanandakau // verse 39.32 //
sarvaśvetā mahānāgāḥ sarvālaṅkārabhūṣitāḥ /
abdhorjātā smitamukho gaganālambanadṛṣṭayaḥ // verse 39.33 //
saptaśīrṣamahābhogo maṇikuṇḍalabhūṣitā /
puruṣākāradivyāstu ardhabhogoragastathā // verse 39.34 //
saptasphaṭā sasaumyāstu ardhacakṣurgatordhvārmā /
vāmato munivarā padme pañcamuṣṇīṣasaṃsthitām // verse 39.35 //
cakravarti tathādyantāṃ śakrāyudhasutejitām /
ekākṣaraścakravartistejorāśiḥ sitonnataḥ // verse 39.36 //
abhyunnato jayoṣṇīṣavidyārājamaharddhikaḥ /
vajrapāṇiśca yakṣeśaḥ adhaścaiva sucintayet // verse 39.37 //
eteṣu cittaṃ dhīmāṃ rūpibhiḥ sarvadā sadā /
ātmanaśca dhiyo yukto mantravinmantrarāḍ jame // verse 39.38 //
tatrasthaṃ niyamasthaṃ vai padmapatropaviṣṭa vai /
dhyāyīta adhaścātmānaṃ paryaṅkenopaviṣṭa vai // verse 39.39 //
sarvapāpāṃśca deśī munināmantike sadā /
tatrastho niyamajo rūṣī adhyeṣya munivarāṃ varām // verse 39.40 //
dharmacakrānuvartantāṃ tiṣṭhantāṃ sugatātmajām /
teṣāṃ puṇyamatulam anumodyeva jāpadhīḥ // verse 39.41 //
suśuklamālatīkusumāṃ punnāgaṃ nāgakesarām /
campakāśokatilakāṃ tagaryāṃścaiva samallikām // verse 39.42 //
(Vaidya 339)
kṣipet puṣpāñjaliṃ divyāṃ savyāṃścaiva suśobhanām /
sabhūtāmapyabhūtāṃ dhiyā yuktāṃ suśobhanām // verse 39.43 //
vividhāṃ pūjāvarāṃ kuryurvidyā ca iva manoramām /
vividhāṃ dhūpavarāṃścaiva tathā gandhānulepanām // verse 39.44 //
citteneva tu tat kuryāt sabhūtā madhyabhāvataḥ /
nivedya valimantrairvai pradīpāṃścaiva tadā nyaset // verse 39.45 //
vividhākārasampannā vicitraścitrabhojanām /
anekākārasampannāṃ dadhyodanamaśālikām // verse 39.46 //
yabagodhūmamudgaiśca khādyabhojyasubhūṣitaiḥ /
nivedya sugate bhavatyā dadyāccātmānameva tu // verse 39.47 //
tathyena nānyathā cāpi citta yenāpi śiṣyate /
eṣā śraddhā mayā pūjā sarvapūjeṣu śiṣyate // verse 39.48 //
maṃ dhyātvā jāpinaḥ sarve niyataṃ bodhimavāpnuyāt /
saphalā mantrasiddhiśca jāyate ca na saṃśayaḥ // verse 39.49 //
ihaiva janma niḥsattvā sidhyante mantradevatā /
anyajanmāntare vāpi kecit siddhyanti mānavāḥ // verse 39.50 //
vicitrāṃ bhogasampattiṃ viśeṣāṃścāpi puṣkalām /
vividhā kālamanovāg dhyānaṃ cāpi tridhā purā // verse 39.51 //
buddhairbuddhaśataiścāpi pratyekārhaśrāvakaiḥ /
triḥprakārā tathā bodhiḥ prāpnuvanto yaśasvinaḥ // verse 39.52 //
etaistriprakāraistu mantrasiddhirihoditā /
triprakāraistu sattvākhyai uttamādhamamadhyame // verse 39.53 //
tridhā karma samuddiṣṭam .......... /
praṇītaṃ dhyānatāṃ proktaṃ madhyamaṃ śīlajaṃ smṛtam // verse 39.54 //
kanyasaṃ dānajaṃ mukhyaṃ taccaiva tu punastridhā /
praṇītaṃ dharmadānaṃ tu madhyamaṃ tu gataṃ tathā // verse 39.55 //
vākyamāmipadānaṃ tu kanyase va tu kīrtyate /
śīlaṃ cāpi tridhā proktamityuvāca muniḥ purā // verse 39.56 //
buddhatvapariṇāmākhyaṃ agryaṃ śīlamiti smṛtam /
pratyekabodho madhyaṃ tu kanyasaṃ śrāvakodbhavam // verse 39.57 //
etallokottaraṃ śīlaṃ laukikaṃ tu prakathyate /
taccāpi trividhā jñeyaṃ sāsravotpattikāraṇam // verse 39.58 //
(Vaidya 340)
mumukṣubuddhibhirbhaktyādhijñaptyā abhijñasambhavā /
śreṣṭhā jyeṣṭhatamā loke kathyante ṛṣivaraiḥ sadā // verse 39.59 //
etadagramayaṃ loke śīlamāhurmanīṣiṇaḥ /
madhyamaṃ devaja jñeyaṃ kanyasaṃ tu nṛpadvarām // verse 39.60 //
taccāpi triprakāraistu tridhā karmeṣu yojitaiḥ /
tridhā ca trividhaiścaiva punarmuktaṃ tridvisaptapañcaśaḥ // verse 39.61 //
trisaptaṃ saptatiṃ taccāpi tridhā bhinnam /
prādurbhūto'ṅkuro'ṅkurāḥ dhyānajaṃ caivamatyanto // verse 39.62 //
sureśvarau punaḥ trīṇi punaraṣṭāṣṭabhūṣitam /
yathaiva pūrvanirdiṣṭaṃ dhyāneṣveva ca kathyate // verse 39.63 //
evaṃ taraṅgavad bhinnaṃ punarjvāleva gacchati /
budbudākāravad jñeyaṃ kṣaṇotpattiprabhaṅguram // verse 39.64 //
evamevādyaprayogena śatadhā bhidyate punaḥ /
sahasraśaśca sadā jñeyamasaṃkhyeyādyalakṣitam // verse 39.65 //
sādhyate dhyānajaṃ karma agryaṃ mānasodbhavam /
tasmād dhyānavataṃ mantraṃ cittaṃ bodhāya nāmitam // verse 39.66 //
ayanenaiva te siddhiṃ lapsyante mantradevatām /
tasmāt sarvaprayatnena jāpibhiḥ siddhilipsubhiḥ // verse 39.67 //
kartavyā mānasī pūjā buddhānāṃ sarvataḥ sadā /
ihaiva janmani siddhiṃ nityaṃ dhyānaratasya tu // verse 39.68 //
sarvatrāpratihato hyeṣa dhyānajo śīlasaṃvaraḥ /
dānato vibhavo dharmaḥ śīlato suravarodayam // verse 39.69 //
utpattidhyānādānā śrave .......... /
etat saṃkṣepato hyuktaṃ jāpināṃ mantrasiddhayai // verse 39.70 //
yaṃ budhvā mantriṇaḥ sarve kṣipramantreṣu siddhaye /
kṣipraṃ cānuttarāṃ bodhiṃ prāpnuvanti na saṃśayamiti // verse 39.71 //

bodhisattvapiṭakāvataṃsakānmahāyānavaipulyasūtrāt āryamañjuśriyamūlakalpāt saptatriṃśatimaḥ mahākalparājapaṭalavisarād uttamasādhanopayikasarvakarmārthasādhanatattveṣu prathamaḥ dhyānapaṭalavisaraḥ parisamāpta iti //


__________________________________________________________



(Vaidya 341)
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: