Chapter 111

udyānabhūmito niryātvā aṅgānāṃ rāṣṭravardhano |
paryaṃkasmiṃ niṣīdesi avadātasuvarṇamaṇḍale || 1 ||
[Analyze grammar]

taṃtrighoṣābhināditā samyakkālaprabodhanā |
puṣpitā sālā tasmiṃ kāle saṃpannakusumitā varā || 2 ||
[Analyze grammar]

vyālamṛgānuvicīrṇāṃ golāṃgulaniṣevitāṃ |
parvatāṃ sa saṃvīkṣanto pṛthusiṃhaniṣevitāṃ || 3 ||
[Analyze grammar]

niṣīdet prāṅmukho rājā pauarāṇāni anusmaran |
aśrupūrṇehi netrehi imāṃ gāthām abhāṣitha || 4 ||
[Analyze grammar]

tiṣṭhe yaṃ pāṇḍaro giri kailāsavat tathaiva vipulo |
atha me pitaro pitāmahā pretā kālagatā avītatṛṣṇā || 5 ||
[Analyze grammar]

varā ramyā vanā vicitrā puṣkiriṇyo śiloccayo |
yānīmāni gamāpensuḥ kāṃ nu te diśatāṃ gatā || 6 ||
[Analyze grammar]

tathaivemāni rāṣṭrāṇi imā pṛthusravantiyo |
yānīmāni gamāpensuḥ kāṃ nu te diśatām gatā || 7 ||
[Analyze grammar]

tathaivemāni vastrāṇi imā niṣkā sakuṇḍalā |
yānīmāni gamāpensuḥ kāṃ nu te diśatāṃ gatāḥ || 8 ||
[Analyze grammar]

imā puṣkiriṇī ramyā nānādvijanikūjitā |
puṇḍarīkehi saṃchannā kumudasaugandhikehi ca |
ye ca te atra snāyensuḥ kāṃ nu te diśatāṃ gatāḥ || 9 ||
[Analyze grammar]

tathaivam āsanā ramyā divyā haritaśādvalā |
āsannodakasaṃchannā śītacchāyā manoramāḥ |
yāni te cātra gamāpensuḥ kāṃ nu te diśatāṃ gatāḥ || 10 ||
[Analyze grammar]

tāny eva prāṇiśatānāṃ niveśanāni parvatā |
ime ca me pracāritā adya janmam apaśyato || 11 ||
[Analyze grammar]

śūnyatā va me ākhyāyanti diśā pi me nucāritā |
evaṃ martyajīvitaṃ kiṃsya parīttaṃ ca duḥkhasaṃyutaṃ || 12 ||
[Analyze grammar]

anantaraṃ jīvitasya maraṇaṃ maranaṃ dhruvaṃ |
jātasyāmaraṇaṃ nāsti etad dharmā hi prāṇino || 13 ||
[Analyze grammar]

gacchati khedena prāṇī pratipanno kvacij jano |
rātriṃdivaṃ ca yāntīha yamadūtā śasanāharā || 14 ||
[Analyze grammar]

parvatā ime salīlā ime ramyā śiloccayā |
ye ime rājagṛhasmiṃ siktā divijena vāriṇā || 15 ||
[Analyze grammar]

lābho sti rāṣṭrādhipate śirīmato āṃgasya rājño magadhādhipasya |
yasyodapāsi vijite tathāgato vighuṣṭaśabdo himavāṃ va parvato |
śīlena kṣāntyā tapasā upeto lokāntako uṣitabrahmacaryo || 16 ||
[Analyze grammar]

samāgamya sahasrāṇi śatāni nayutāni ca |
saṃprāpnoti amṛtaṃ śāntaṃ yogakṣemam anuttaraṃ || 17 ||
[Analyze grammar]

priyaṃ me kīrtaye rājye priyaṃ me kīrtaye priya |
priyasya buddhasya loka-arthacarasya brāhmaṇa || 18 ||
[Analyze grammar]

dadāmi te grāmavarāṇi ṣoḍaśa yuktāni ājānyarathāni ca daśa |
dāsīśataṃ ca gavāṃ śataṃ ca priyasya buddhasya yaśo prakīrtaye || 19 ||
[Analyze grammar]

kim eva dṛṣṭvā uruvilvavāsi prahāya agniṃ kṛśako vadāno |
pṛcchāmi te kāśyapa etam arthaṃ kathaṃ prahīnaṃ tava agnihotraṃ || 20 ||
[Analyze grammar]

annāni pānāni atho rasāni kāmāṃ striyo cābhivadaṃti yajñe |
etaṃ malan ti upadhīṣu jñātvā tasmān na yajñe na hute ramāmi || 21 ||
[Analyze grammar]

eteṣu tvaṃ na mano akāsi anneṣu pāneṣu tathā raseṣu |
aparaṃ nu taṃ devamanuṣyaśreṣṭhaṃ yahiṃ rataṃ kāśyapa tuhya cittaṃ || 22 ||
[Analyze grammar]

dṛṣṭvā muniṃ śāntam anupadhīkaṃ akiṃcanaṃ sarvabhaveṣv asaktaṃ |
ananyathābhāvam ananyaneyaṃ tasmān na yaṣṭe na hute ramāmi || 23 ||
[Analyze grammar]

mohan te juhito agni mohan te so tapo kṛto |
yaṃ jahe paścime kāle jīrṇāṃ va urago tvacaṃ || 24 ||
[Analyze grammar]

mohaṃ no juhito agni mohaṃ me so tapo kṛto |
yaṃ jahe paścime kāle jīrṇāṃ va urago tvacaṃ || 25 ||
[Analyze grammar]

agnīhi yajñeṣu ca vipramuccati iti sma me āsi pure ajānato |
andhasya jātīmaraṇānusāriṇo apaśyato uttamam acyutaṃ padaṃ || 26 ||
[Analyze grammar]

so dāni paśyāmi anāvilaṃ padaṃ sudeśitaṃ nāgavareṇa tāyinā |
atyantaniṣṭhāpadam āspṛśe ahaṃ saṃsārajātīmaraṇaṃ prahāya || 27 ||
[Analyze grammar]

bahū satvā vihanyanti karontā vividhāṃ tapāṃ |
niṣṭhāṃ anadhigacchantā avitīrṇakathaṃkathā || 28 ||
[Analyze grammar]

dīrgharātraṃ kiliṣṭo smi dṛṣṭisaṃdānasaṃdito |
sarvagrantheṣu me bhagavāṃ parimocesi cakṣumāṃ || 29 ||
[Analyze grammar]