Chapter 108

naiva dviṣanti saprajñā asthisena vanīpakaṃ |
brahmacāri priyo me si yāce brahme yad icchasi || 1 ||
[Analyze grammar]

yācento apriyo bhavati adento bhavati apriyo |
tasmād bhavantaṃ na yācāmi mā me vidveṣaṇā bhavet || 2 ||
[Analyze grammar]

yo hi yācanako santo yācitavyaṃ na yācati |
paraṃ ca puṇyaṃ tyājeti ātmanā ca vihanyati || 3 ||
[Analyze grammar]

yācanāṃ rodanam āhu adānaṃ pratirodanaṃ |
tasmād bhavantaṃ na yācāmi mā me ārodanaṃ bhavet || 4 ||
[Analyze grammar]

na vai yācati saprajño nāryo veditum arhati |
uddeśa āryā tiṣṭhanti eṣā āryāṇa yācanā || 5 ||
[Analyze grammar]

dadāmi te brāhmaṇa rohiṇīnāṃ pūrṇaṃ sahasraṃ saha puṅgavena |
āryo hi āryasya kathaṃ na dadyā śrutvāna gāthāṃ kathitām subhāṣitāṃ || 6 ||
[Analyze grammar]

na vai yācati saprajño nāryo vedayitum arhati |
uddeśe āryās tiṣṭhante eṣā āryāṇa yācanā || 7 ||
[Analyze grammar]

sarvapāpasyākaraṇaṃ kuśalasyopasaṃpadā |
svacittaparyādāpanaṃ etad buddhānuśāsanaṃ || 8 ||
[Analyze grammar]

arati me viṣaye dya khyāyati śūnyaṃ dṛṣṭva viviktamānuṣaṃ |
te citrakathā bahuśrutā kahiṃ te gautama śrāvakā gatā || 9 ||
[Analyze grammar]

magadhāṃ gatā kośalāṃ gatā vajjibhūmiṃ ca athāpare gatā |
mṛgakā va asaṃgacāriṇo praviviktā viharanti bhikṣavaḥ || 10 ||
[Analyze grammar]

siṃca bhikṣu imāṃ nāvāṃ maitrāye siktā te laghu bheṣyati |
chittvā rāgaṃ ca doṣaṃ ca tato nirvāṇam eṣyasi || 11 ||
[Analyze grammar]

siṃca bhikṣu imāṃ nāvāṃ karuṇāya siktā te laghu bheṣyati |
chittvā rāgaṃ ca doṣaṃ ca tato nirvāṇam eṣyasi || 12 ||
[Analyze grammar]

siṃca bhikṣu imāṃ nāvāṃ muditāya siktā te laghu bheṣyati |
chittvā rāgaṃ ca doṣaṃ ca tato nirvāṇam eṣyasi || 13 ||
[Analyze grammar]

siṃca bhikṣu imāṃ nāvāṃ upekṣāye siktā te laghu bheṣyati |
chittvā rāgaṃ ca doṣaṃ ca tato nirvāṇam eṣyasi || 14 ||
[Analyze grammar]

maitrāvihārī yo bhikṣuḥ prasanno buddhaśāsane |
adhigacchati padaṃ śāntaṃ asecanaṃ ca mocanaṃ || 15 ||
[Analyze grammar]

karuṇāvihārī yo bhikṣu prasanno buddhaśāsane |
adhigacchati padaṃ śāntaṃ apṛthagjanasevitaṃ || 16 ||
[Analyze grammar]

muditāvihārī yo bhikṣu prasanno buddhaśāsane |
adhigacchati padaṃ śāntaṃ akāpuruṣasevitaṃ || 17 ||
[Analyze grammar]

upekṣāvihārī yo bhikṣu prasanno buddhaśasane |
adhigacchati padaṃ śāntaṃ nirvāṇaṃ padam acyutaṃ || 18 ||
[Analyze grammar]

dharmārāmo dharmarato dharmam anuvicintayaṃ |
dharmaṃ samanusmaraṃ bhikṣu saddharmān na parihāyati || 19 ||
[Analyze grammar]

udagracitto sumanā abhibhūya priyāpriyaṃ |
tato prāmodyabahulo bhikṣu nirvāṇasantike || 20 ||
[Analyze grammar]

na śīlavratamātreṇa bāhuśrutyena vā punaḥ |
atha vā samādhilābhena prāntaśayyāsanena ca || 21 ||
[Analyze grammar]

spṛhayaṃ naiṣkramyasukhaṃ apṛthagjanasevitaṃ |
bhikṣu viśvāsam āpadye aprāpte āśravakṣaye || 22 ||
[Analyze grammar]

bhikṣu na tāvatā bhavati yāvatā bhikṣate parāṃ |
viṣamāṃ dharmāṃ samādāya bhikṣu bhoti na tāvatā || 23 ||
[Analyze grammar]

yo ca kāmāṃ ca pāpāṃ cādhikṛtvā brahmacaryavāṃ |
niḥśreṇībhūto saprajño sa vai bhikṣūti vuccati || 24 ||
[Analyze grammar]

yato care yato tiṣṭhe yato āse yato śaye |
yato saṃmiṃjaye kāyaṃ yato kāyaṃ prasāraye || 25 ||
[Analyze grammar]

yatayāyī yataseyyo asyā yatasaṃkalpa dhyāyi apramatto |
adhyāyarato samāhito eko saṃtuṣito tam āhu bhikṣuṃ || 26 ||
[Analyze grammar]

cakṣuṣā saṃvaro sādhu sādhu śrotreṇa saṃvaraḥ |
ghrāṇena saṃvaro sādhu sādhu jihvāya saṃvaro || 27 ||
[Analyze grammar]

kāyena saṃvaro sādhu manasā sādhu saṃvaraḥ |
sarvatra saṃvṛto bhikṣuḥ sarvaduḥkhā pramucyate || 28 ||
[Analyze grammar]

yo vīro dhṛtisaṃpanno dhyāyī apratipudgalo |
arhanto sugato loke tasyāhaṃ paricārako || 29 ||
[Analyze grammar]

yo vuhyamānaṃ tāreti dharmanāvāya gautamo |
uttīrṇo pārago buddho tasyāhaṃ paricārako || 30 ||
[Analyze grammar]