Chapter 104

kaṃkṣāvicikitso āgato smi praśnaṃ pṛcchituṃ abhikāṃkṣamāṇo |
tasya sabhikasya praśnam evaṃ pṛṣṭaṃ bhagavaṃ anupūrvam anulomam anusandhim anudharmaṃ vyākarohi || 1 ||
[Analyze grammar]

dūrā sabhikā tuvam āgato si praśnaṃ praṣṭum ihābhikāṃkṣamāṇo |
praśnāntakaro bhavāmi te haṃ anupūrvam anulomam anusaṃdhim anudharmaṃ vyākariṣyāmi || 2 ||
[Analyze grammar]

kiṃprāptam āhu bhikṣuṇaṃ suvrataṃ kiṃ kathaṃ ca dāntam āhu |
buddho ti kathaṃ pravuccati pṛṣṭo me bhagavaṃ anupūrvam anulomaṃ anusaṃdhim anudharmaṃ vyākarohi || 3 ||
[Analyze grammar]

padyena kṛtana ātmanā abhinirvāṇagato vitīrṇakāṃkṣo |
vibhavaṃ ca bhavaṃ ca jñātva loke uṣitavāṃ kṣīṇapunarbhavo sa bhikṣuḥ || 4 ||
[Analyze grammar]

sarvatraupekṣo smṛtimāṃ na ca so hiṃsati kaṃci loke |
tīrṇo śramaṇo anāvilo utsanno yo na karoti āśravaṃ || 5 ||
[Analyze grammar]

yasyendriyāṇi bhāvitāni adhyātmaṃ vahirdhā ca loke |
nirvidhya imaṃ paraṃ ca lokaṃ kālaṃ rakṣati bhāvito dānto || 6 ||
[Analyze grammar]

kalpāni vikīrya kevalāni saṃsāraduḥkhāni catūpapātaṃ |
vigatamalaṃ virajaṃ anaṃgaṇaṃ prāptaṃ jātikṣayantam āhu bhikṣuṃ || 7 ||
[Analyze grammar]

kiṃprāptinam āhu brāhmaṇaṃ śramaṇo kiṃ su kathaṃ susnātako tti |
viśuddho nāgo kathaṃ pravuccati praśnaṃ me bhagavaṃ pṛṣṭo anupūrvam anulomaṃ anusandhim anudharmaṃ vyākarohi || 8 ||
[Analyze grammar]

bāhetva sarvapāpakāni vimalo sādhusamāhito sthitātmā |
saṃsāram avetya kevalaṃ uṣitavāṃ kṣīṇapunarbhavo sa brahmā || 9 ||
[Analyze grammar]

samitāvi prahāya puṇyavipākaṃ virato jñātva imaṃ paraṃ ca lokaṃ |
jātīmaraṇaṃ upātivṛtto śramaṇo tādi pravuccati tathatvā || 10 ||
[Analyze grammar]

visnāpiya sarvapāpakāni adhyātma vahirdhā ca sarvaloke |
devamanuṣyehi kalpitāni kalpaṃ neti punar snātako me || 11 ||
[Analyze grammar]

aguṃ na karoti kiṃci loke sarvayogehi visṛjya bandhanāni |
sarvatra aniśrito vimukto nāgo tāyi pravuccati tathatvā || 12 ||
[Analyze grammar]

kiṃprāptinam āhu vedako ti anuviditaṃ kin ti kathanti vīryavā ti |
ājāneyo kahin ti nāma bhoti praśnaṃ me bhagavaṃ pṛṣṭo anupūrvam anulomam anusaṃdhim anudharmaṃ vyākarohi || 13 ||
[Analyze grammar]

vedāni vicārya kevalāni śramaṇānāṃ + + + + + + |
so sarvavedanāsu vītarāgo sarvavedanām atītya vedako ti || 14 ||
[Analyze grammar]

abhāvetva prapaṃcanāmarūpaṃ adhyātmaṃ vahirdhā ca rāgabhūtaṃ |
yo samāno rāgamūle baṃdhanapramukto anuvidito tāyi pravuccati tathatvā || 15 ||
[Analyze grammar]

yaḥ prahīṇabandhano prahāṇavāṃ sarvaduḥkhakṣayaṃ janetvā |
nānyān sarvatra na rakṣati virajo vīryavān pravuccati tathatvā || 16 ||
[Analyze grammar]

yasya bandhanāni saṃskṛttāni adhyātma vahirdhā ca sarvaloke |
sarvarāgabandhanapramukto ājāneyo ti tam āhu bhūriprajñā || 17 ||
[Analyze grammar]

kṣetrajño khalu punar nāma bhavati iti sabhiko praśnaṃ pṛcchet muniṃ |
tat te munī nāma kathaṃ pravuccati praśnaṃ me bhagavaṃ pṛṣṭo anupūrvam anulomaṃ anusaṃdhim anudharmaṃ vyākarohi || 18 ||
[Analyze grammar]

kṣetrāṇi saṃyama kevalāni divyaṃ mānuṣaṃ yaṃ ca brāhmaṃ kṣetraṃ |
sa sarvamūlakṣetrabandhanāt pramukto kṣetrajño tāyi pravuccati tathatvā || 19 ||
[Analyze grammar]

kośāni vicārya kevalāni divyaṃ mānuṣaṃ yaṃ ca brahmakośaṃ |
sa sarvakośabandhanāt pramukto kuśalo tāyi pravuccati tathātvā || 20 ||
[Analyze grammar]

vicārya ubhayāni prahīṇāni adhyātma vahirdhā ca śuklamūlaṃ |
kṛṣṇamūlam upātivṛtto paṇḍito tāyi pravuccati tathātvā || 21 ||
[Analyze grammar]

satāṃ ca asatāṃ ca jñātva dharmaṃ adhyātma vahirdhā ca muktacitto |
devamanuṣyehi pūjiyo so saṃgamalam atītya so muni || 22 ||
[Analyze grammar]

śrotriyo + + + + + + + + + + + + + + + + + + |
+ + + kiṃ su nāma bhoti praśnaṃ me bhagavaṃ pṛṣṭo anupūrvam anulomam anusandhim anudharmaṃ vyākarohi || 23 ||
[Analyze grammar]

śrutvā sarvadharmam abhijñāya sāvadyam anavadyaṃ ca sadevake loke |
asamo aparigraho viśuddho anigho tāyi tam āhu śrotriyan ti || 24 ||
[Analyze grammar]

hitvā ālayāni āsayāni bandhanāni ativṛtto neti |
garbhaśayyaṃ arato sarvapāpakehi āryo tāyi pravuccati tathatvā || 25 ||
[Analyze grammar]

yo me caraṇehi prāptiprāpto samyagjñātva upetya sarvadharmāṃ |
vidyācaraṇena so upeto caraṇavā tāyi pravuccati tathātvā || 26 ||
[Analyze grammar]

duḥkhavipākaṃ yad asti kiṃcid dharmaṃ ūrdhvaṃ adho tiryaksadevakasmiṃ |
parivarjayitvā parijñācārī māyaṃ mānaṃ ca atho pi krodhalobhaṃ |
paryantam akāsi nāmarūpaṃ taṃ parivrājakam āhu prāptiprāptaṃ || 27 ||
[Analyze grammar]

yāni ca trīṇi yāni ca ṣaṣṭi śramaṇapravādaniśritāni bhūriprajña |
saṃjñākṣarasaṃjñāniśritāni osaraṇāni vīra osaresi mārgā || 28 ||
[Analyze grammar]

antako si duḥkhasya pārago si dharmāṇāṃ samyaksaṃbuddho si anāśravo si |
dyutimāṃ dhṛtimāṃ prabhūtaprajño duḥkhasyāntakaro khu vītarāgo || 29 ||
[Analyze grammar]

muni mauneyapadeṣu prāptiprāpto akaṃpiyo |
atulya ādityabandhu vimuktido śubhavrato || 30 ||
[Analyze grammar]

tasya te nāganāgasya mahāvīrasya bhāṣato |
sarvadevatānumodanti ubhau nāradaparvatā || 31 ||
[Analyze grammar]

ahaṃ kāṃkṣitam anveṣe taṃ me vyākārṣi cakṣumāṃ |
upayāsā ca te sarve vidhvastā vinalīkṛtā || 32 ||
[Analyze grammar]

addhā muni si saṃbuddho nāsti nīvaraṇāni ca |
evaṃ puṇye ca pāpe ca ubhayatra na lipyase || 33 ||
[Analyze grammar]

śītībhūto damaprāpto dyutimāṃ satyavikramāṃ |
pādāṃ vīra prasārehi sabhiko vandi śāstuno || 34 ||
[Analyze grammar]