Chapter 98

bhūtapūrvam atītaṃ bodhāya caranto vādipravaro |
otīrṇo lavaṇajalaṃ timimakaranisevitaṃ ramyaṃ || 1 ||
[Analyze grammar]

atha matsyena makareṇa bhagnaṃ pātraṃ jale samudrasmiṃ |
so vāṇijo visārtho pariplavati sāgare dhīro || 2 ||
[Analyze grammar]

atrāṇāṃ anabhisarāṃ duḥkhārditāṃ vāṇījā viditvāna |
saṃcintayati upāyaṃ kathaṃ duḥkhitāṃ sukhaye satvā || 3 ||
[Analyze grammar]

tasyāsi parivitarko śrutaṃ mayā sāgaro mṛtakuṇapena |
na saṃvasati lavaṇasalilo timimakaraniṣevito rajanīṃ || 4 ||
[Analyze grammar]

tyajeyam ātmānaṃ mā vāṇijakā sāgare vinasyante |
iti dṛḍhamatisya buddhī cittacaritapāramigatasya || 5 ||
[Analyze grammar]

yā eṣa mahākaruṇā + + + hiteṣī sarvasatveṣu |
samupacitā dīrgharātraṃ sāsya bhajahe cittasaṃtānaṃ || 6 ||
[Analyze grammar]

so avaca vāṇijagaṇaṃ ātmaṃ tyajiṣyāmi śliṣyatha mamāṃge |
na hi lavaṇasaliladevatā dhareti rajanīṃ mṛtaśarīraṃ || 7 ||
[Analyze grammar]

tīkṣṇaṃ grahetva śastraṃ nivartaye ātmano + + + śarīraṃ |
kṣipraṃ samudratīraṃ vāṇijakā sarve upanītā || 8 ||
[Analyze grammar]

atipracalitā giridharā sanagaranigamā saśailavanaṣaṇḍā |
sāgara sadānavapurā sabhujagabhavanā ca saṃkṣubhitā || 9 ||
[Analyze grammar]

kim idaṃ ti jano parvatavanadevatā bhujaṃgā kathayensuḥ |
+ + + pratibhaṇe lavaṇasaliladevatā duḥkhitā || 10 ||
[Analyze grammar]

eṣo gajasatvasāro bodhāya caranto vādipravaro |
uttīrṇo lavaṇasalilaṃ mamedaṃ na viditaṃ pramattāye || 11 ||
[Analyze grammar]

so bhinnayānapātro paripūrati sāgare narapravaro |
ātmaṃ priyaṃ parityaji parajanaparimocanārthāya || 12 ||
[Analyze grammar]

tasyaivaṃ anubhāvā pracalitā vasuṃdharā sasāgarameru |
guhyaka sadānavapurā sabhujagabhavanā ca saṃkṣubhitā || 13 ||
[Analyze grammar]

kathaṃ nāma sarvasatvā śaktā pratikartuṃ satvasārāṇāṃ |
bodhāya carantānāṃ prāg eva sarvajñabhūtānāṃ || 14 ||
[Analyze grammar]

yas tu jinaśāsanasmiṃ pratipanno bhavati sarvabhāvena |
etāvatā pratikṛtaṃ bhavati hi gajasatvasārasya || 15 ||
[Analyze grammar]