Chapter 87

idaṃ avocad bhagavān idaṃ vaditvā hy athāparaṃ etad uvāca śāstā |
indradhvajo nāma abhūṣi śāstā suvarṇavarṇo śatapuṇyalakṣaṇo || 1 ||
[Analyze grammar]

mahānubhāvo ṛṣi saṃghanāyako vineti so koṭiśatāni sapta |
puraskṛto śramaṇagaṇasya nāyako so prāviśe indratapanāṃ sunirmitāṃ || 2 ||
[Analyze grammar]

idaṃ avocad bhagavān idaṃ vaditvā hy athāparaṃ etad uvāca śāstā |
eteṣāṃ buddhāna paraṃparāye śirasāhvayo pacchimako abhūṣi || 3 ||
[Analyze grammar]

mahānubhāvo ṛṣi saṃghanāyako vineti so koṭiśatāni sapta |
puraskṛto śramaṇagaṇasya nāyako so prāviśat puṣpavatīṃ sunirmitāṃ || 4 ||
[Analyze grammar]

idaṃ avocad bhagavān idaṃ vaditvā hy athāparaṃ etad uvāca śāstā |
eteṣāṃ buddhānāṃ paraṃparāye kauṇḍinyagotro paścimako abhūṣī || 5 ||
[Analyze grammar]

trayo ime buddhaśatā udārā |
kauṇḍinyagotrā nāma abhūṣi sarve || 6 ||
[Analyze grammar]

mahānubhāvā ṛṣisaṃghanāyakā ekatra kalpe upalāhvayasmiṃ |
trayo trayo koṭiśatāni teṣāṃ mahāsaṃnipāto abhūṣi śrāvakāṇāṃ || 7 ||
[Analyze grammar]

trayo trayo varṣaśatā ca teṣāṃ āyuḥpramāṇaṃ abhu śrāvakāṇāṃ |
treviṃśad varṣasahasrāṇi teṣāṃ saddharmo asthāsi parinirvṛtānāṃ || 8 ||
[Analyze grammar]

idaṃ avocad bhagavān idaṃ vaditvā hy athāparaṃ etad uvāca śāstā |
supātraśāstā paramahitānukampako saddharmanetrīm avalokayanto |
asthāsi so kalpaśataṃ anūnakaṃ dvātriṃśat koṭīnayutā vinesi || 9 ||
[Analyze grammar]

eteṣāṃ buddhānāṃ paraṃparāye |
dvāṣaṣṭi buddhā śikhināmasāhvayā |
sarve abhūṣi padumasmiṃ kalpe |
mahānubhāvā arisaṃghasūdanā |
vinesi te śrāvakāṃ satpathā pṛthū || 10 ||
[Analyze grammar]

idaṃ avocad bhagavān idaṃ vaditvā hy athāparaṃ etad uvāca śāstā |
sujāto ānanda tathāgato utpalaṃ tathāgataṃ vyākārṣīt || 11 ||
[Analyze grammar]

eteṣāṃ buddhānāṃ paraṃparāye sudarśano paścimako abhūṣi |
mahānubhāvo narasaṃghanāyako vinesi so koṭisatāni trīṇi |
puraskṛto śramaṇagaṇasya nāyako so prāviśe devapurāṃ sunirmitāṃ || 12 ||
[Analyze grammar]

eteṣāṃ buddhānāṃ paraṃparāye jinendranāma paścimako abhūṣi |
trayo ime buddhaśatā udārā jinendrā nāmena abhūṣi sarve || 13 ||
[Analyze grammar]

mahānubhāvā ṛṣisaṃghanāyakāḥ ekasmiṃ kalpasmiṃ mahāyaśasmiṃ |
trayastrayo koṭiśatāni teṣāṃ mahāsannipāto abhu nāyakānāṃ || 14 ||
[Analyze grammar]

trayastrayo varṣasahasrāṇi teṣāṃ āyuḥpramāṇaṃ abhu nāyakānāṃ |
trayastriṃśad varṣasahasrāṇi teṣāṃ saddharmo asthāsi parinirvṛtānāṃ || 15 ||
[Analyze grammar]

eteṣāṃ buddhānāṃ paraṃparāye śākyamuniḥ paścimako abhūṣi |
mahānubhāvo ṛṣisaṃghanāyako vinesi so koṭiśatāni trīṇi |
puraskṛto śramaṇagaṇasya nāyako so prāviśe siṃhapurīṃ sunirmitāṃ || 16 ||
[Analyze grammar]

eteṣāṃ buddhānāṃ paraṃparāye dīpaṃkaro paścimako abhūṣi |
mahānubhāvo ṛṣisaṃghanāyako vinesi so śrāvakasahasrāṇi aśītiṃ |
puraskṛto śramaṇagaṇasya nāyako so prāviśed dīpavatīṃ sunirmitāṃ || 17 ||
[Analyze grammar]

eteṣāṃ buddhānāṃ paaraṃparāye maitreyo paścimako bhaviṣyati |
mahānubhāvo ṛṣisaṃghanāyako vineṣyati koṭiśatāni saptati |
puraskṛto śramaṇagaṇasya nāyako pravekṣyati ketumatīṃ sunirmitāṃ || 18 ||
[Analyze grammar]

āvanditabuddhānāṃ ākhyātā puruṣadamyasārathināṃ |
indradhvajāto yāva anāgato vāpi maitreyo || 19 ||
[Analyze grammar]

śāstā ādityavat tapati pratapantaṃ tejasā puruṣasiṃhaṃ |
pṛcchati aśokārāme ānando jinaṃ jitakleśaṃ || 20 ||
[Analyze grammar]

adbhuta kīrti bhagavataḥ + + + yaśo cādbhuto daśadiśāsu |
kiṃ karmaṃ kari bhagavāṃ yena tapasi loke sadevake || 21 ||
[Analyze grammar]

śrutvā ca so maharṣiḥ saṃśayaśalyānantakanirghātī |
pratibhaṇati satvasāro ānandam asaṃgavacanāye || 22 ||
[Analyze grammar]

ānanda śrūyatu me yādṛśam āropitaṃ kuśalamūlaṃ |
buddhehi śrāvakehi ca tahiṃ tahiṃ saṃsarantena || 23 ||
[Analyze grammar]

bodhiṃ abhiprārthayatā prārthayamānena acyutaṃ sthānaṃ |
sumahantā adhikārā mayā kṛtā hṛṣṭacittena || 24 ||
[Analyze grammar]

dīpaṃkare ca buddhe sarvābhibhusmiṃ buddhe ānanda |
padumottare ca buddhe atyuccasāhvaye + + + || 25 ||
[Analyze grammar]

yaśottarasmiṃ ca śākyasiṃhe ca arthadarśismiṃ tiṣye |
puṣye cāpi naruttame vipaśyismiṃ cāpi saṃbuddhe || 26 ||
[Analyze grammar]

śikhismiṃ pi krakucchande mahāprajñe konākamuni kāśyape |
sumahantā adhikārā kṛtā mayā hṛṣṭacittena || 27 ||
[Analyze grammar]

ete mahānubhāvā anantā + + + lokaviśrutā |
udārā satkṛtā mayā tena prabhavāmi ānanda || 28 ||
[Analyze grammar]

tena yaśo atuliyā ca kīrtī abhyudgatā daśadiśāsu |
tena ahaṃ virocāmi sadevake sabrahmake loke || 29 ||
[Analyze grammar]

śrutvāna ca so vacanaṃ avitathavacanasya lokanāthasya |
ānandito hṛṣṭacitto ānando uttaraṃ pṛcchet || 30 ||
[Analyze grammar]

kevaciram atītā te saṃbuddhā enti lokasmi ucyatāṃ |
kevaciraṃ asthāṃsu hitāya sarvasya lokasya || 31 ||
[Analyze grammar]

evaṃ kanakaprakāśo hṛṣṭo saṃbuddho muditamānaso |
cirakālam atyatītān kīrtayati maharṣiṇo buddhān || 32 ||
[Analyze grammar]

eṣa paramārthadarśī samatulyo samasamo ca buddhehi |
darśayati prātihāryaṃ buddho tatha sarvabuddhehi || 33 ||
[Analyze grammar]

buddhānām eṣa viṣayo acintiyo atuliyo asaṃkhyeyo |
saṃhṛṣṭo smi bhagavaṃ śrutvā vacanaṃ amṛtakalpaṃ || 34 ||
[Analyze grammar]

ananto adhigato artho sadevakabrahmakasya lokasya |
buddhānāṃ eṣa viṣayo acintiyo eṣa anyehi || 35 ||
[Analyze grammar]

eko śākyakumāro śākyasuto śākiyottamakulīno |
śākyakulanaṃdijanano buddho tatha bodhayati lokaṃ || 36 ||
[Analyze grammar]

dīpaṃkarasya atyaye paripūrṇa kalpakoṭī ānanda |
sarvābhibhū daśabalo dīpāloke samutpadye || 37 ||
[Analyze grammar]

astaṃgate ca tasmiṃ sarvābhibhunāyake + + + |
padumottaro daśabalo kalpaśatasahasre utpadye || 38 ||
[Analyze grammar]

tasya parinirvṛtasya padumuttarasya sugatasya + + + |
atyuccagāmi bhagavāṃ kalpaśatasahasre utpadye || 39 ||
[Analyze grammar]

atyuccagāmināthe parinirvṛte lokaviśrute purā vai |
paṃcahi kalpaśatehi yaśottaro buddha utpadye || 40 ||
[Analyze grammar]

nirvṛte yaśottarasmiṃ namondhakāre pranaṣṭe lokasmiṃ |
śākyamuni buddhavīro kalpaśatena samutpadye || 41 ||
[Analyze grammar]

nirvṛte śākyamunismiṃ saṃbuddhe arthadarśi upapadye |
navanavate kalpasmiṃ ānanda imasmiṃ upapadye || 42 ||
[Analyze grammar]

paṃcanavate ca kalpe tiṣyo upapadye lokapradyoto |
dvānavate ca puṣyo nararṣabhaḥ loka utpadye || 43 ||
[Analyze grammar]

ekūnanavate ca kalpe vipaśyī + + + loke upapadye |
triṃśe ca kalpe śikhī viśvabhūś caiva utpadye || 44 ||
[Analyze grammar]

krakucchando mahāloko konākamunī ca kāśyapaśirī ca |
aham eva cānanda utpanno bhadrakalpasmiṃ || 45 ||
[Analyze grammar]

vyākṛto mayā mahātmā bhaviṣyati buddho anāgate dhvāne |
maitreyo mahānubhāvo ānanda imasmiṃ kalpasmiṃ || 46 ||
[Analyze grammar]

kalpam aśeṣaṃ bhagavāṃ dīpaṃkaro buddho loke asthāsi |
sarvābhibhu ca kalpaṃ asthāsi hitāya lokasya || 47 ||
[Analyze grammar]

pratipūrṇāṃ varṣakoṭiṃ padumottaro pi loke asthāsi |
atyuccagāmi bhagavāṃ varṣaśatasahasram asthāsi || 48 ||
[Analyze grammar]

yaśottaro navati varṣasahasrāṇi arthadarśī asthāsi |
paṃcanavatiṃ ca tiṣyo dvānavatiṃ puṣya asthāsi || 49 ||
[Analyze grammar]

aśīti varṣasaharāṇi buddhasya vipasyino purā āyuḥ |
saptati varṣasahasrāṇi śikhīsya āyus tadā āsi || 50 ||
[Analyze grammar]

ṣaṣṭiṃ ca viśvabhuvasya paṃcāśat krakucchandasya purāyuḥ |
triṃśat konākamuner viṃśat punaḥ kāśyapaśirisya || 51 ||
[Analyze grammar]

asmākam api ānanda etarahiṃ parīttaka asmiṃ loke |
varṣaśatamātram eva āyuḥ śākyādhirājasya || 52 ||
[Analyze grammar]

eke asthāsu ṛddhīye eke asthānsu karmaṇā |
ṛddhikarma sthapetvāna antarā parinirvṛtā || 53 ||
[Analyze grammar]

ādityo va tapanto śaradasmiṃ udgato yathākāśe |
yojanaśataṃ prabhāye dīpaṃkaro spharitvāsthāsi || 54 ||
[Analyze grammar]

prabhāsayanto daśadiśaṃ dharmaṃ deśayaṃto dullabhotpādaṃ |
lokān dīpeti tena dīpaṃkaro ti se sā saṃjñā || 55 ||
[Analyze grammar]

sarvābhibhū daśabalo abhibhūya prāṇikoṭisahasrāṇi |
amṛtapadasmiṃ vinesi tena se saṃjñā anabhibhūtā || 56 ||
[Analyze grammar]

padumottaro puravare udyānagato sare abhiramanto |
adarśi rathacakramātraṃ sarasmiṃ abhyudgataṃ padumaṃ || 57 ||
[Analyze grammar]

so tatra abhiruhitva niṣīdi paryaṃkaṃ ābhuṃjitvā |
sparśesi paṃcābhijñā milāyamāne mahāpadume || 58 ||
[Analyze grammar]

paṃcābhijño bhūtva ṛddhiye vaihāyasam abhyudgamya |
upaśritya bodhimūlaṃ daśabalo sarvajñatāṃ prāaptaḥ || 59 ||
[Analyze grammar]

udgamya tālamātraṃ asthāsi atyuccagāmī bhagavāṃ |
tena + + + + + + atyuccasāhvayo ti saṃjñā || 60 ||
[Analyze grammar]

vaistārikaṃ abhūṣi prāvacana + + + adāntadamakasya |
aparimitayaśo bhagavato tena yaśottaro ti abhu saṃjñā || 61 ||
[Analyze grammar]

ṛddhasphītapuravarā niṣkramya śākiyo gautamagotro |
apahāya ratnā sapta so śākyamunīti abhu saṃjñā || 62 ||
[Analyze grammar]

arthasmiṃ arthadarśī arahatve vinesi śrāvakaśatāni |
tena samajñā loke abhūṣi jina arthadarśīti || 63 ||
[Analyze grammar]

tiṣyamahe vartante tiṣyo utpadye lokapradyotaḥ |
tena samajñā loke timirāpanudasya tiṣyo ti || 64 ||
[Analyze grammar]

puṣyamahe vartaṃte puṣyo utpadye lokapradyoto |
tena samajñā loke nakṣatrasāhvayo sa puṣyo ti || 65 ||
[Analyze grammar]

animiṣasamantacakṣurvipaśyī rūpāṇi paśyati anīryo |
vipaśyīti viśuddhanayano tena vipaśyī abhūt saṃjñā || 66 ||
[Analyze grammar]

arthaṃ pi arthakarāṇi vidhīni anuśāsate pṛthivīpālo |
tena + + + bhagavato vipaśyīti abhu samajñā || 67 ||
[Analyze grammar]

abhisaṃbudhyitva jino oloketi vipaśyī yaṃ lokaṃ |
keśaridharmaṃ dṛṣṭvā tena vipaśyīti abhu saṃjñā || 68 ||
[Analyze grammar]

yasyutpādā loke hutāsano va prajvalito samāruto |
atiriva śikhī pradīpyate tena śikhīti abhu se saṃjñā || 69 ||
[Analyze grammar]

utpanne ca jinendre devo tadā pravarṣati acchinna |
dhārāhi tenudgamāsi ghoṣo viśvabhusya āsi saṃjñā || 70 ||
[Analyze grammar]

krakucchandasya bhagavato konākamunisya kāśyapaśirisya |
kulavaṃśāt prabhṛtāni mātāpitṛnāmadheyāni || 71 ||
[Analyze grammar]

ādityagotro tejasvī ikṣvākukulasaṃbhavo |
jātītaḥ kṣatriyo agro bhagavāṃ agrapudgalo || 72 ||
[Analyze grammar]

ajite brāhmaṇakule anekaratnasaṃcaye |
apahāya vipulāṃ kāmāṃ pravrajiṣyati brāhmaṇo || 73 ||
[Analyze grammar]

ṛddhisphīte kule caiva sumatipratimaṇḍite |
pṛthivīmaṇḍe maitreyo bhaviṣyati anāgate || 74 ||
[Analyze grammar]

dīpaṃkaro mahāprājño jātīye āsi kṣatriyo |
sarvābhibhū daśabalo so jātīye āsi brāhmaṇo || 75 ||
[Analyze grammar]

padumuttaro daśabalo jātīye āsi kṣatriyo |
atyuccagāmī bhagavāṃ jātīye āsi brāhmaṇo || 76 ||
[Analyze grammar]

yaśottaro śākyamunir jātīye āsi kṣatriyo |
arthadarśī ca tiṣyo ca puṣyo cāpi naruttamo |
jātīye brāhmaṇā ete bhāvitātmā maharṣiṇo || 77 ||
[Analyze grammar]

vipaśyī ca śikhī caiva viśvabhū caiva kṣatriyā |
krakutsando konākamuni kāśyapaś cāpi brāhmaṇā || 78 ||
[Analyze grammar]

śuddhodanasya rājño ikṣvākujasya putro māyāya |
śākyakulanandijanano śākyo bhūt śākyasukumāro || 79 ||
[Analyze grammar]

koṭīśataparivāro spharitva sasureśvaralokaṃ virajo |
vimukto vimuktacitto maitreyo bhaviṣyati samajñā || 80 ||
[Analyze grammar]

dvihim eva te kulehi utpadyanti narottamāḥ |
kṣtriyakule ca prathamaṃ athavāpi brāhmaṇakule || 81 ||
[Analyze grammar]

yadā hi agrā ākhyātā lokasmiṃ bhonti kṣatriyā |
tadā kṣatriyakule buddhā utpadyanti narottamāḥ || 82 ||
[Analyze grammar]

yadā tu guṇasaṃkhyātā lokasmiṃ bhonti brāhmaṇāḥ |
tadā brāhmaṇakule buddhā utpadyanti maharṣiṇaḥ || 83 ||
[Analyze grammar]

caturmahāpathe dṛṣṭvā lokajyeṣṭhaṃ dīpaṃkaraṃ |
jaṭilaṃ prastave hṛṣṭo bodhiṃ prarthento anuttarāṃ || 84 ||
[Analyze grammar]

suvarṇapuṣpaṃ + + + grahetvāna kṛtāṃjali |
sarvābhibhuṃ okiresi bodhiṃ prārthento anuttarāṃ || 85 ||
[Analyze grammar]

hemapiṇḍasaṃkāśāṃ puṣpāṃ grahetvā puṣpāṇa aṃjaliṃ |
padumuttaraṃ cokire haṃ bodhiṃ prārthento anuttarāṃ || 86 ||
[Analyze grammar]

atyuccagāmī bhagavāṃ lokasya anukampako |
hiraṇyena okire haṃ bodhiṃ prārthento anuttarāṃ || 87 ||
[Analyze grammar]

yaśottaraṃ mahābhāgaṃ bhikṣusaṃghapuraskṛtaṃ |
upāsanena pratimāne bodhiṃ prārthento anuttarāṃ || 88 ||
[Analyze grammar]

gaṃdhāṃ grahetvā + + + surabhigaṃdhā mahārahāṃ |
śākyamuniṃ okire haṃ bodhiṃ prārthento 'nuttarāṃ || 89 ||
[Analyze grammar]

suvarṇarūpyavaiḍūryaṃ grahetvāna kṛtaṃjali |
arthadarśiṃ okire haṃ bodhiṃ prārthento anuttarāṃ || 90 ||
[Analyze grammar]

tiṣyaṃ cāhaṃ lokanāthaṃ saṃmukhā haṃ abhistave |
pratyutpannaprayogena bodhiṃ prārthento nuttarāṃ || 91 ||
[Analyze grammar]

puṣyaṃ cāhaṃ samāpanno saṃhṛṣṭo prāṃjalīkṛto |
namasyamāno asthāsi bodhiṃ prārthento nuttarāṃ || 92 ||
[Analyze grammar]

vipaśyiṃ dṛṣṭvā āgataṃ pūrṇamāsī va candramaṃ |
ajinaṃ prastare mārge bodhiṃ prārthento nuttarāṃ || 93 ||
[Analyze grammar]

śikhinaṃ lokārthecaraṃ bhikṣusaṃghapuraskṛtaṃ |
tarpesi khādyabhojyena bodhiṃ prārthento nuttarāṃ || 94 ||
[Analyze grammar]

viśvabhuvaṃ ca mahārhehi cīvarehi saśrāvakaṃ |
ācchādaye saṃprahṛṣṭo bodhiṃ prārthento anuttarāṃ || 95 ||
[Analyze grammar]

trihi ca lokanāthehi brahmacaryaṃ care ahaṃ |
kāśyapo māṃ viyākārṣī bodhiṃ prāpsyasi anuttarāṃ || 96 ||
[Analyze grammar]

āpaṃcahi kṛtī yeva trīhi prārthayāmi nirvṛtiṃ |
trīhi ca vāsito loke triṃśako ca vivartitaḥ || 97 ||
[Analyze grammar]

ekanavatismiṃ kalpe yadā loke vivartito |
atha anye bodhisatvo nava kalpāni saṃsare || 98 ||
[Analyze grammar]

vīryakāyena sampanno prajñāpṛthusamāhito |
nava kalpāni sthāyesi vīryeṇa puruṣottamaḥ || 99 ||
[Analyze grammar]

vīryantu yantreti bodhiṃ ananyabhāṣitaṃ balaṃ |
na ca vīryaṃ na praśastaṃ bodhyaṃgabalam indriyaṃ || 100 ||
[Analyze grammar]

prahānadānadamena samudāgacchanti narottamā |
vivartamāne lokasmiṃ bhavanti puna puṃgavā || 101 ||
[Analyze grammar]

te bodhiṃ kalpaśatena samudānenti narottamā |
atha ekanavate kalpe saṃbuddho śākyapuṃgavo || 102 ||
[Analyze grammar]

dānaśīlaṃ parigṛhya bodhisatvā mahāyaśā |
dānaṃ śīlaṃ ca prajñāṃ ca varṇayanti maharṣiṇāṃ || 103 ||
[Analyze grammar]

buddhāna dānaṃ sugatena deśitaṃ anomanyāyena anomabuddhinā |
tādṛśaṃ sugatam anusmaranto nirāmiṣāṃ ko na labheta prītiṃ || 104 ||
[Analyze grammar]