Chapter 85

na hi cittaprasannena svalpikā bhavati dakṣiṇā |
tathāgate ca saṃbuddhe ye ca buddhāna śrāvakā || 1 ||
[Analyze grammar]

sarve kṣayāntā nicayāḥ patanāntāḥ samucchrayāḥ |
saṃyogā viprayogāntā maraṇāntaṃ hi jīvitaṃ || 2 ||
[Analyze grammar]

kṛtapuṇyā hi vardhanti nyagrodhā viya subhūmiyaṃ jātā |
anupanthake viya drumā alpapuṇyā vihīnā tti || 3 ||
[Analyze grammar]

pūrve vāsanivāsena pratyutpanne hitena vā |
evan taṃ jāyate premnaṃ utpalaṃ vā yathodake || 4 ||
[Analyze grammar]

yatra mano niviśati cittaṃ vāpi prasīdati |
niṣṭhāṃ paṇḍitā gaccheyuḥ saṃvutthā me purā bhave || 5 ||
[Analyze grammar]

madhyantike vītinate kukkulavattato mahī |
atha gāyasi vaktrāṇi na tāpayati ātapo || 6 ||
[Analyze grammar]

upari tapati ādityo heṣṭā tapati vālikā |
udagracitto sumano atha vaktrāṇi gāyasi || 7 ||
[Analyze grammar]

na ātapo tāpayati antakā tāpayanti māṃ |
antakāś ca vighātāś ca te tāpenti na ātapo || 8 ||
[Analyze grammar]

itvaraṃ khu ayaṃ tāpo yo khu kāyaṃ pratāpaye |
kāryā nāma vivādā ca te tāpenti na ātapo || 9 ||
[Analyze grammar]

kin te janeti saṃkṣobhaṃ ayaṃ kena pratapyati |
tāpena pīḍito kāyo taṃ tvaṃ ākhyāhi pṛcchito || 10 ||
[Analyze grammar]

vṛṣalī deva kāntā me kuṃbhadāsī ariṃdama |
tasyā upasthito sarvo tayāsmi upatāpito || 11 ||
[Analyze grammar]

māṣo me yācanālabdho gaṃgātīrasmiṃ gopito |
purastime nagarasya tadarthāya vrajāmy ahaṃ || 12 ||
[Analyze grammar]

yehi artho ayānasya ūrdhvaṃ tiṣṭhanti tiṣṭhato |
yāne tu vahyamānasya purato dhāvanti dhāvato |
gaṃsāmy ahaṃ mahārāja tasya māṣasya kāraṇā || 13 ||
[Analyze grammar]

sace te artho māṣeṇa ahaṃ māṣaṃ dadāmi te |
karohi kṛtyaṃ māṣeṇa uṣṇe māṇava mā vraja || 14 ||
[Analyze grammar]

yaṃ ca māṣaṃ devo dadyāt taṃ dvitīyaṃ bhaviṣyati |
etehi dvīhi māṣehi tuṣṭā sā vṛṣalī bhave || 15 ||
[Analyze grammar]

sace te artho māṣehi duve māṣā dadāmi te |
karohi kṛtyaṃ māṣehi uṣṇe māṇava mā vraja || 16 ||
[Analyze grammar]

bhavataś ca duve māṣā taṃ tṛtīyaṃ bhaviṣyati |
etehi trīhi māṣehi tuṣṭā sā vṛṣalī bhave || 17 ||
[Analyze grammar]

sace te artho māṣehi bhūyo māṣāṃ dadāmi te |
karohi kṛtyaṃ māṣehi uṣṇe māṇava mā vraja || 18 ||
[Analyze grammar]

bhavataś ca trayo māṣā taṃ caturthaṃ bhaviṣyati |
caturhi deva māṣehi udagrā vṛṣalī bhave || 19 ||
[Analyze grammar]

dinno me ardharājyaṃ te stokastokena māṇava |
ekaṃ muṃcasi na māṣaṃ kathaṃ anto bhaviṣyati || 20 ||
[Analyze grammar]

na hi anto anantāye tṛṣṇāye iha vidyati |
pravrajiṣyāmy ahaṃ rājan na rājyena rato smi ca || 21 ||
[Analyze grammar]

bahūhi kāmehi alaṃ me yehi bālo na tṛpyati |
alaṃ me sarvakāmehi pravrajiṣyāmi nagāriyaṃ || 22 ||
[Analyze grammar]

kāma jānāmi te mūlaṃ saṃkalpāt kāma jāyase |
na kāmaṃ kalpayiṣyāmi tato me na bhaviṣyasi || 23 ||
[Analyze grammar]

alpeṣu bālo kāmeṣu bahūṣv api na tṛpyati |
apahāya sarvakāmāni pratibuddho va paśyati || 24 ||
[Analyze grammar]

icchāmi dānaṃ prabhavanti ca te icchā praśāntā ca na bhonti evaṃ |
etaṃ va icchāya phalaṃ viditvā na prārthaye putrapaśuṃ dhanaṃ ca || 25 ||
[Analyze grammar]

alpasya imaṃ mahāvipāko upako adhyagame mahāntam arthaṃ |
sulabdha lābhā khalu māṇavasya yo pravraje kāmaratiṃ prahāya || 26 ||
[Analyze grammar]

alpasya imaṃ mahāvipāko upako adhyagame mahāntam arthaṃ |
sulabdha lābhā khalu māṇavasya yo pravrajet kāmaratiṃ prahāya || 27 ||
[Analyze grammar]

ayam eva so āmravano brahmadattasya śrīmato |
yatra kṣuraṃ ca bhāṇḍaṃ ca olaṃbitvā pravrajito || 28 ||
[Analyze grammar]

mā kiṃci vadatha gaṃgapālaṃ munināṃ maunapadehi śikṣamāṇaṃ |
eṣo atare tam arṇavoghaṃ yaṃ taritvāna bhavanti vītarāgāḥ || 29 ||
[Analyze grammar]

tapasā prajahanti pāpakāni tapasā vidhamanti andhakāraṃ |
bhāvan tapasā abhibhūya gaṃgapālo nāmena abhibhāṣe brahmadattaṃ || 30 ||
[Analyze grammar]

sāṃdṛṣṭikaṃ paśyatha yāvad evaṃ kṣāntisaurabhyasyidaṃ vipākaṃ |
lokasya sadevakasya pravrajyaṃ devāna manujāna vandanīyaṃ || 31 ||
[Analyze grammar]

nārī naro jihmaye vāraṇena utkarṣaye yatra karoti cchandaṃ |
vipratyanīkaṃ khalu devatānāṃ pratyākhyāto alpatareṇa eṣa || 32 ||
[Analyze grammar]

āyuṃ ca varṇaṃ ca manuṣyaloke prahīyate manujānāṃ sugātrī |
tenaiva varṇena dhanaṃ pi arjyaṃ parihīyase jīrṇatarāsi adya || 33 ||
[Analyze grammar]