Chapter 78

nīvaraṇaṃ vijahitvā śṛṇotha ekāgramānasā sarve |
yatha bodhisatvacaryā suduṣkarā harṣaṇīyā ca || 1 ||
[Analyze grammar]

tiryagyonigatasyāpi gajasya svamātare sauhṛdam āsi |
kiṃ punaḥ manuṣyabhūto guruṃ puricareya taṃ vipraṃ || 2 ||
[Analyze grammar]

kāmaṃ pi bodhisatvā sarvajagati vatsalā prakṛtisnigdhā |
ativatsalā tu guruṣu yathā śrutaṃ kīrtayiṣyāmi || 3 ||
[Analyze grammar]

himavantapādapārśve caṇḍogre caṇḍaparvate ramye |
tāpasakula-āśramehi kvacit kvaci kṛtābhyalaṃkāre || 4 ||
[Analyze grammar]

kinnarakuṃjaravānaravarāhaśārdūlavyāghragaṇacīrṇe |
rurumahiṣasarabhacarite vṛṣabhacamariśambarākīrṇe || 5 ||
[Analyze grammar]

moraśukajīvajīvakacakorakaraviṃkaśakunamithunehi |
samantaṃ hi taṃ vanavaraṃ śobhati madhuraṃ ravantehi || 6 ||
[Analyze grammar]

śobhanti ca kvacikvacit padmasarā rājahaṃsaparipūrṇā |
kalahaṃsalīlagalitā gajayūthavilolitāś ca pure || 7 ||
[Analyze grammar]

kvacid bhramaramadhukaribhiś cūrṇitakusumehi pādapasamīpaṃ |
kṛtasaṃstarā vicitrā hariṇaśakunalīlitā sthānti || 8 ||
[Analyze grammar]

kvacid vṛddhatāpasehi dhyānaratiratehi nirjharagatehi |
saṃśobhate vanavaraṃ svādhyāyaratehi ca parehi || 9 ||
[Analyze grammar]

kvaci dṛṣṭakumārehi dīrghajaṭāajinavalkaladharehi |
saṃśobhate vanavaraṃ vicitraphalamūlahastehi || 10 ||
[Analyze grammar]

tasmiṃ pravaṇe bhirāme pariharati janetrīṃ netraprahīṇāṃ |
jīrṇāṃ durbalagātrāṃ gajottamo sarvabhāvena || 11 ||
[Analyze grammar]

so gajagaṇena sārdhaṃ ramanto apanirgato mahaddūraṃ |
rājā ca saha balena gajagrahaṇakāraṇaṃ prāpto || 12 ||
[Analyze grammar]

dṛṣṭvāna taṃ gajavaraṃ rājñaḥ sūto pi harṣito avaci |
gajavaro lakṣaṇupapeto gajottamo pārthiva yūthe || 13 ||
[Analyze grammar]

gajagaṇagataṃ gajendraṃ taṃ dṛṣṭvā vāhanaṃ udāraṃ taṃ |
saṃgṛhṇi kāśirājā vanāt puravaraṃ nibandhitvā || 14 ||
[Analyze grammar]

so naiva pibati pānaṃ na ca bhuṃjati śvasati ca so bhīkṣṇaṃ |
taṃ avaca madhuragirayā sa hastiratnaṃ pṛthivīpālo || 15 ||
[Analyze grammar]

nāgavara mā kṛśo bhava pratīccha bhaktaṃ pibāhi pānīyaṃ |
abhirāmayiṣyāmi idha purottame khu śociṣṭhāḥ || 16 ||
[Analyze grammar]

na khu śocāmi narapate bandhanam uparodhanaṃ kṣudhapipāsāṃ |
ito ca me duḥkhataraṃ nareśvara tena śocāmi || 17 ||
[Analyze grammar]

kin tava ito gajavara duḥkhataraṃ duḥkhataraṃ punar anyaṃ |
yena te na pratibhāti pānīyam aśanaṃ ca ākhyāhi || 18 ||
[Analyze grammar]

mātā mama gatavayā jīrṇā ativatsalā nayanahīnā |
sā mayā vinā mariṣyati nareśvara tena śocāmi || 19 ||
[Analyze grammar]

tasyāhaṃ bisamṛṇālaṃ pūrvaṃ upānayāmi anayanāye |
bhuṃjāmi paścātmanā sādya anasanā ti śocāmi || 20 ||
[Analyze grammar]

grīṣme paridagdhagātrā śītalavanacchāditodakaṃ caivaṃ |
upanāmemi snapemi ca sādya anātha ti śocāmi || 21 ||
[Analyze grammar]

saṃprati vane anayanā paribhramati reṇuguṇṭhitaśarīrā |
hā putreti ca vadati tad adya duḥkhataram āsādya || 22 ||
[Analyze grammar]

śrutvā gajendravacanaṃ manujendro sumadhuraṃ sukaruṇaṃ ca |
aśruparipūrṇavadano naravaro vāraṇam adhyabhāṣita || 23 ||
[Analyze grammar]

ekatyeṣu manuṣyeṣu sudullabhā edṛśā guṇā samyak |
yena tava imā gajavara hṛdayasmiṃ jāyate pīḍā || 24 ||
[Analyze grammar]

muṃcatha laghu gajavaraṃ caratu vane gurujanaṃ paricaranto |
bhavatu jananī āśvastā naṃdatu saha putraratanena || 25 ||
[Analyze grammar]

sā gajavarasya mātā duḥkhārditaśokaśalyasaṃśīrṇā |
gagaṇam iva kālamehgo nādayati vanaṃ paricarantī || 26 ||
[Analyze grammar]

bhavatu jananī savatsā nandantu vanamṛgā ca vanadevatā |
ākhyāte nandatu me anayanā mātā ratanakena || 27 ||
[Analyze grammar]

iṣṭaṃ lubdhehi dantahetoḥ vyāghrehi rudhiramānsārthaṃ |
nītaṃ va rājadhāniṃ gajottamaṃ kāśim āvikṣe || 28 ||
[Analyze grammar]

vanadevatā bhaṇanti gajottamo pravaralakṣaṇasamaṃgī |
taṃ gṛhṇe kāśirājā vanāt puravaraṃ nibandhitvā || 29 ||
[Analyze grammar]

taṃ khu maraṇaṃ bhaviṣyati mahyaṃ anāthāye naṣṭanayanāye |
so pi ca gajo mariṣyati suvatsalo mahyaṃ śokena || 30 ||
[Analyze grammar]

yo vicare girivareṣu vaneṣu pravareṣu phullaśikhareṣu |
sa khu mariṣyati nāgo mama copavanaṃ ca śocanto || 31 ||
[Analyze grammar]

atha tava na jātu gajavara janetrī tvayi roṣitā na paribhraṣṭā |
premnena anucarittha tatha tuhya vibhokṣaṇaṃ bhavatu || 32 ||
[Analyze grammar]

atha tvaya na jātu vīra adattva tava jananiye prathamabhaktaṃ |
phalamūlabhojanaṃ vā tatha tuhya vibhokṣaṇaṃ bhavatu || 33 ||
[Analyze grammar]

atha gajavaro tvarito mātaram upagamya ālapati snigdhaṃ |
sukumāralatāye ca parimārjati reṇupariśuddhāṃ || 34 ||
[Analyze grammar]

baddho smi kāśirājñā purottame dāruṇehi pāśehi |
tava tu kṛtena anayanā mukto puna dharmarājena || 35 ||
[Analyze grammar]

sā gajavarasya ghoṣaṃ śrutvā sparśaṃ ca tasya upalabhya |
prītamanasā udagrā punaḥ sanayanā gajaṃ labdhvā || 36 ||
[Analyze grammar]

evaṃ nandatu nandanto kāśirājā sabāndhavo |
yathāhaṃ adya nandāmi putreṇa nayanehi ca || 37 ||
[Analyze grammar]

etaṃ putraṃ pūrvaṃ śailavane mṛgānvite |
saputrā adya netrehi paśyati varakuṃjaraṃ || 38 ||
[Analyze grammar]

pūrvajātim abhijñāya saṃbuddho vadatāṃ varo |
jātakam idam ākhyāsi śāstā bhikṣuṇam antike || 39 ||
[Analyze grammar]

ahaṃ gajavaro āsi mātā sā āsi hastinī |
tenādyāpy asyā putro haṃ gāḍasnehā ca gautamī || 40 ||
[Analyze grammar]

eyaṃ dīrghasmiṃ saṃsāre snehadveṣeṇa duḥkhitā |
snehadveṣaprahāṇārthaṃ dharmaṃ caratha nirmamā || 41 ||
[Analyze grammar]