Chapter 74

manojña tantrīsvaragītaghoṣā tripuṣkarasphoṭikasāryamāṇāḥ |
śruyanti śabdā madhurā manojñā raṃge bhavāṃ kiṃ paridīnavaktro || 1 ||
[Analyze grammar]

hṛṣṭasya kālo na hi śocitasya ramitasya kālo aratiṃ jahāhi |
śṛṇohi saṃgītim ivāpsarāṇāṃ hṛṣṭānano asmiṃ manuṣyanandane || 2 ||
[Analyze grammar]

ete viṣayasaṃraktā viṣayāś ca calācalā |
bhaveṣu ca dravyeṣu ca kā ratir bālabuddhināṃ || 3 ||
[Analyze grammar]

aciraṃ munisā sarve atṛptā kāmalolupāḥ |
vyastagātrā gamiṣyanti mṛtā bhasmaparāyaṇāḥ || 4 ||
[Analyze grammar]

tan me saṃjñā na rameti maudgalyāyana na me ratī |
vipulā pratimā caiva bhāvitā matiyā ratiḥ || 5 ||
[Analyze grammar]

samayo khu dharmaṃ carituṃ narakinnarā surāsurasucarā pi |
kāmaratībhir lolitā atṛptamanasā gatā vilayaṃ || 6 ||
[Analyze grammar]

yo vane kāyavivekaṃ rato adhigacche madakālopagato |
spṛhayanti tasya devā pi marucīrṇaṃ hi duṣkaraṃ caritaṃ || 7 ||
[Analyze grammar]

samānaṃ sukhaduḥkheṣu ratīṣu aratīṣu ca |
yaṃ naimittā praśaṃsanti so haṃ śārisuto bhave || 8 ||
[Analyze grammar]

yā gatī bhavato iṣṭā asmākam api rocati |
tvayā sārdhaṃ mṛtaṃ śreyaṃ na ca jīvitaṃ tvayā vinā || 9 ||
[Analyze grammar]

arthena mahyaṃ kāriyaṃ kiṃ bhoti vyaṃjanaṃ bahu |
arthaguruko hy arthavijño arthenārthaṃ cikīrṣati || 10 ||
[Analyze grammar]

vayam api ettasaṃbhāra ṃ vācāgranthaṃ nirarthakaṃ |
āgṛhya bahubhir divasaiḥ vañcitāḥ pūrvaṃ vañcitā || 11 ||
[Analyze grammar]

yo so śruyyati śāstre puṣpam iva udumbaraṃ vane buddhā |
utpadyanti śirighanā utpanno lokapradyoto || 12 ||
[Analyze grammar]

ye dharmā hetuprabhāvā hetun teṣāṃ tathāgato āha |
teṣāṃ ca yo nirodha evaṃvādī mahāśramaṇaḥ || 13 ||
[Analyze grammar]

uṣitaṃ sāgarasalile uṣitaṃ girigahanakānanavaneṣu |
adarśanāt tuhyaṃ mune uṣitā sma ciraṃ kutīrtheṣu || 14 ||
[Analyze grammar]

kumārgā nivṛttā pathe te prasannā mahāsārthavāha pratīrṇā |
taṃ saṃsārakāntāram uttīrya dhīrāḥ viraktā na rajyanti bhūyaḥ || 15 ||
[Analyze grammar]