Chapter 72

abhūṣi rājā vijitāvī vaideho mithilādhipaḥ |
diśāsu viśruto dāne muktatyāgo amatsarī || 1 ||
[Analyze grammar]

hastyaśvarathayānaṃ nārīyo ca alaṃkṛtā |
jātarūpaṃ hiraṇyaṃ ca na kiṃcid na parityajet || 2 ||
[Analyze grammar]

prītiprāmodyabahulo janeya saumanasyatāṃ |
dattvā āttamano bhoti dattvā ca nānutapyati || 3 ||
[Analyze grammar]

śramaṇaṃ brāhmaṇaṃ dṛṣṭvā kṛpaṇam atha vanīpakaṃ |
tarpito annapānena vastraśayyāsanena ca || 4 ||
[Analyze grammar]

gaṇakā mahāmātrā ca kumārāmātyā ca naigamā |
janakāyo samāgatvā rājyāto vipravāsayet || 5 ||
[Analyze grammar]

so ca vipravāsito santo vanaṣaṇḍam upāgame |
āśramaṃ māpayitvāna tatra vāsaṃ prakalpaye || 6 ||
[Analyze grammar]

tasmiṃ ca vanaṣaṇḍasmiṃ saṃharitvā phalāphalaṃ |
santarpayitvā ṛṣayo paścād bhuṃjati ātmanā || 7 ||
[Analyze grammar]

śakro divyena varṇena rājānam upasaṃkrame |
antarīkṣe sthihitvāna idaṃ vacanam abravīt || 8 ||
[Analyze grammar]

na paṇḍitā praśaṃsanti dānaṃ vigarhitaṃ sadā |
etena atidānena rājyāto si pravāsito || 9 ||
[Analyze grammar]

dṛṣṭadharme si duḥkhito rājyahīno si kṣatriya |
paralokaṃ gato santo narakaṃ gansi pārthiva || 10 ||
[Analyze grammar]

sace mama na śraddadhāsi yatra gacchati dāyako |
saṃdarśayiṣyaṃ tāntuhyaṃ dāyakānāntu yā gatiḥ || 11 ||
[Analyze grammar]

sajyotībhūtaṃ jvalitaṃ nirayaṃ śakro ca nirmiṇi |
bahuprāṇasahasrāṇi paccamānāni darśaye || 12 ||
[Analyze grammar]

svayaṃ pṛccha mahārāja dahyamānāṃ imāṃ prajāṃ |
kena te vyasanaṃ prāptā duḥkhāṃ vedatha vedanāṃ || 13 ||
[Analyze grammar]

bhīṣmasvarā krandamānā duḥkhāṃ vedatha vedanāṃ |
etam arthaṃ hi pṛcchāhi kiṃ pāpaṃ akare purā || 14 ||
[Analyze grammar]

vayaṃ dānapatī āsi manuṣyeṣu janādhipa |
bahu dānaṃ daditvāna anubhoma idaṃ duḥkhaṃ || 15 ||
[Analyze grammar]

na eṣo asti pratyayo na etaṃ sthānaṃ vidyati |
yatra dānapati santo cyuto gaccheya durgatiṃ || 16 ||
[Analyze grammar]

manuṣyeṣu cyavitvāna svargaṃ gacchanti dāyakā |
tatra amānuṣāṃ ṛddhiṃ anubhonti svayaṃkṛtāṃ || 17 ||
[Analyze grammar]

kāmaṃ pi duḥkhaṃ narakeṣu + + analparūpam īdṛśaṃ + + + |
+ + + + + + narendra dṛṣṭvā na taṃ yācanakaṃ prabhomi || 18 ||
[Analyze grammar]

kathaṃ girāṃ viyāharanto dāsyaṃ saṃpūrṇasaṃkalpamanoratho sa |
māṃ prāpya prīto kathaṃ pratikrame ti sā me ratir bhavatu sahasranetra || 19 ||
[Analyze grammar]

na taṃ bhave yaṃ na dadeha dānaṃ aharahaṃ va pūraye tarpaye haṃ |
parāyaṇaṃ ahaṃ sa kalpavṛkṣo + + + parṇaphalopapeto || 20 ||
[Analyze grammar]

na me mano kupyati yācitasya dattvā na socāmi nānutapyāmi |
na taṃ upaśrutaṃ yan na prayacche yaṃ ca śrutaṃ kṣipram upānayāmi || 21 ||
[Analyze grammar]

ekakṣaṇe sarvamanorathā me pūrṇā mahyaṃ saṃjito ca sa tattvaṃ |
saptāhaṃ paryaṃke sukhopaviṣṭo sthitaḥ muni śaila ivāprakaṃpyo || 22 ||
[Analyze grammar]

saptame divase nātho nirgato vyāhare girāṃ |
lokadhātusahasrāṇi vijñapento mahāmuniḥ || 23 ||
[Analyze grammar]

sukho vipāko puṇyānāṃ abhiprāyaś ca ṛdhyati |
kṣipraṃ ca paramāṃ śāntiṃ nirvṛttiṃ cādhigacchati || 24 ||
[Analyze grammar]