Chapter 67

abhūṣi rājā ikṣvāku vārāṇasyāṃ mahābalo |
mahāyaśo vijitāvī tasya putro na prajāyitha || 1 ||
[Analyze grammar]

tasya abhūṣi cittaṃ sya tasmiṃ kāle maharddhikaṃ |
yaṃ nūnāhaṃ strīyāgāraṃ osireyaṃ triḥ pakṣataḥ || 2 ||
[Analyze grammar]

caturdaśiṃ paṃcadaśiṃ yāvat pakṣasya aṣṭamiṃ |
so stryāgāram ośirati prajārthaṃ so narādhipaḥ || 3 ||
[Analyze grammar]

tā hṛṣṭamanasaṃkalpā sarvālaṃkārabhūṣitā |
mṛgikā iva saṃtrastāḥ dvāre dvāre upāgami || 4 ||
[Analyze grammar]

kācit jalpantiyo lobhenti aparā ca hasantiyo |
aparā ca dhāvamānā uccāvacam anudhāvati || 5 ||
[Analyze grammar]

sarvā pracalitā āsī sarvā āsi pramūrchitā |
ikṣvākurājanagaraṃ rājapatnīhi mūrchitaṃ || 6 ||
[Analyze grammar]

+ + + + + + + + + + + + + + + |
kāle vikāle āgacche brāhmaṇo mama santike || 7 ||
[Analyze grammar]

prativedayatha me kṣipram api yācanako siyā |
api yācanako asya yatra dinnaṃ mahāphalaṃ || 8 ||
[Analyze grammar]

tato śakro vicinteti trayastriṃśānam īśvaraḥ |
purohitasy' imaṃ karmaṃ yaṃ rājā kartum icchati || 9 ||
[Analyze grammar]

so ca jīrṇo bhavitvāna bhagno daṇḍaparāyaṇo |
vepamānehi gātrehi rājadvāram upāgataḥ || 10 ||
[Analyze grammar]

tato saṃcārakaṃ dūtaṃ brāhmaṇo etad abravīt |
prativedehi me kṣipraṃ draṣṭuṃ icche narādhipaṃ || 11 ||
[Analyze grammar]

tataḥ saṃcārako dūtaḥ rājānam etad abravīt |
brāhmaṇo devam anuprāpto rājānaṃ draṣṭum icchati || 12 ||
[Analyze grammar]

svāgataṃ te mahābrahma atha te anurāgataṃ |
kim icchasi kim eṣāṇo kenārtho kiṃ dadāmi te || 13 ||
[Analyze grammar]

śrutaṃ me evaṃ ikṣvāku janasya iha bhāṣato |
rājā stryāgāram osirati triḥ pakṣasya narādhipa || 14 ||
[Analyze grammar]

caturdaśiṃ paṃcadaśiṃ yāva pakṣasya aṣṭamiṃ |
putrārthiko naraśreṣṭho evaṃ me śruta bhāṣitaṃ || 15 ||
[Analyze grammar]

so haṃ ca taṃ ghoṣaṃ śrutvā hṛṣṭapramuditendriyaḥ |
stryārthiko iha gaccheyaṃ tena me pratimānaya || 16 ||
[Analyze grammar]

ehi kṣipraṃ kaṃcukīya nārīyo darśaye lahuṃ |
yāya se syād abhiprāyo tāyadya tam anugrahe || 17 ||
[Analyze grammar]

so dāni kaṃcukīyena brāhmaṇo tam antaḥpuraṃ |
praveśito tasya devī aliṃdā tada vuccati || 18 ||
[Analyze grammar]

eṣā eva me bhavatu yeyaṃ tiṣṭhati māninī |
tiṣṭhamānā anavadyāṃgī mukham aśrūhi siṃcati || 19 ||
[Analyze grammar]

icchasi tuvaṃ sthavira yuvatīhi paricāritaṃ |
na ca tvāṃ kācid yuvati pāṇināpi parāmṛśe || 20 ||
[Analyze grammar]

icchasi tuvaṃ sthavira yuvatīhi paricāritaṃ |
na ca tvāṃ kācid yuvati pādenāpi parāmṛśe || 21 ||
[Analyze grammar]

pūtivalī palitamukho vadarīkusumo va vāso durgandhaḥ |
chagalo va gandhaprāpto apagaccha na me tvayā kāryaṃ || 22 ||
[Analyze grammar]

vṛttiṃ vo demi dhanaṃ vā dhānyaṃ vā grāmavarāṇi vā |
tam eva dāniṃ bhuṃjāhi kiṃ alindāya kāhisi || 23 ||
[Analyze grammar]

kāsano mūrchito cāhaṃ mūrchiyāmi muhur muhuḥ |
omūtremi svakāṃ śayyāṃ eṣā me utthapeṣyati || 24 ||
[Analyze grammar]

tūṣṇīṃ bhohi tuvaṃ kubje varṇakam eva pīṣahi |
priyo ahaṃ aliṃdāye na tuvaṃ manasīkara || 25 ||
[Analyze grammar]

tūṣṇīṃ bhohi tuvaṃ kubje mālām eva ca gūhasi |
priyo ahaṃ aliṃdāye na tuvaṃ manasīkara || 26 ||
[Analyze grammar]

saced rājakule piṇḍaṃ brāhmaṇa bhoktum icchasi |
tam eva dāni bhuṃjāhi kim alindāya kāhisi || 27 ||
[Analyze grammar]

mā bhavān rājā ikṣvāku dattaṃ samanutapyaye |
priyaṃ yadi pravāretvā paścāt samanutapyasi |
āmantremi ca gacchāmi yaṃ na desi nimantritaṃ || 28 ||
[Analyze grammar]

na brahma anutapyāmi bhohi tvaṃ tuṣito punaḥ |
sarvā pi te upasthāntu aliṃdāye saha imā || 29 ||
[Analyze grammar]

imāṃ ca vṛṣaliṃ kubjāṃ maithunārthaṃ dadāmi te |
dāsī vā te ayaṃ bhotu nehi nāṃ yena icchasi || 30 ||
[Analyze grammar]

viṣaṃ khādiya mariṣyaṃ sacen me deva dāsyasi |
imaṃ vā theraṃ bhagnāṃgaṃ mārayiṣyaṃ rahogataṃ || 31 ||
[Analyze grammar]

sarvakubjāhi me vairaṃ yā kācit pṛthivyāśritā |
yatrāyaṃ vṛṣalī kubjā mama icchati hiṃsituṃ || 32 ||
[Analyze grammar]

te vayaṃ dharmadharā sma sarvajīvehi brāhmaṇa |
gacchāsi mā me garhanto mahyaṃ karohi bhaṇḍanaṃ || 33 ||
[Analyze grammar]

mṛto va jīrṇo vidhvaṃsī guruvāsī ca brāhmaṇa |
ete loke pratikūlā kṛṣṇasarpo va roṣito || 34 ||
[Analyze grammar]

āsāṃprataṃ na ikṣvāku yaṃ varaṃ no labhāmatha |
yaṃ me striyaṃ pravāretvā paścāt samanutapyasi || 35 ||
[Analyze grammar]

āmantremi ca gacchāmi dattvā rājānutapyasi |
yo me strībhiḥ pravāretvā mithyākaroṣi yācanāṃ || 36 ||
[Analyze grammar]

na brahma anutapyāmi bhohi no taruṇo punaḥ |
sarvā pi te upasthāntu aliṃdāya saha imā || 37 ||
[Analyze grammar]

imāṃ bhadra ramāpehi brāhmaṇa yāvad icchasi |
āstṛtasmiṃ śayane bhohi sā tava syā vaśānugā || 38 ||
[Analyze grammar]

so tāṃ haste grahetvāna suśroṇitanumadhyamāṃ |
rudanmukhīm aśrukaṇṭhīṃ rājadvārāto niṣkrame || 39 ||
[Analyze grammar]

rājakulāto niṣkramya anuprākāre kuṭi nirmitā |
sunivastrā bhavitvāna ehi bhadre ramāmatha || 40 ||
[Analyze grammar]

abhimukhī ramāpehi mā bhavāhi parāṅmukhī |
prahṛṣṭā me ramāpehi varan te rāmito ahaṃ || 40 ||
[Analyze grammar]

hasantī me ramāpehi varan te rāmito ahaṃ |
ehi bhadre ramāpehi varaṃ te rāmito ahaṃ || 41 ||
[Analyze grammar]

vinā tandrāya utthehi alinde pūjito ahaṃ |
gatvā rājānaṃ vedesi prīto bhohi jitaṃ mayā || 42 ||
[Analyze grammar]

śakro ham asmi devendro trayastriṃśānam īśvaraḥ |
varaṃ varehi kalyāṇi yat kiṃcit manasīcchasi || 43 ||
[Analyze grammar]

śakraś ce me varaṃ dadyāt trayastriṃśānam īśvaraḥ |
putraṃ ahaṃ varaṃ yācāmi etaṃ śakra varaṃ dada || 44 ||
[Analyze grammar]

sacet sumanasā + + + alindā ramayāsi me |
utpadye yācito putro sujāto rāṣṭravardhano || 45 ||
[Analyze grammar]

siṃhabāhu subalavāṃ varṇarūpeṇa śobhanaḥ |
utpadyiṣyati te putro sujāto rāṣṭravardhano || 46 ||
[Analyze grammar]

siṃhāsupīḍo balavāṃ so bhaviṣyati pāpako |
kuśasamajño saprajñāno pararāṣṭrapramardano || 47 ||
[Analyze grammar]

prasannamukhavarṇā tvaṃ smitapūrvaṃ ca prekṣasi |
bhoti khalu uttamārthāya edṛśī varṇasampadā || 48 ||
[Analyze grammar]

indreṇa me mahārāja putro datto mahābalo |
siṃhāsupīḍo balavāṃ pararāṣṭrapramardano || 49 ||
[Analyze grammar]

imāṃ gale gṛhītvāna nāśetha vijitā mama |
yā me āṇāṃ pratikrośe na tām icchāmi prekṣituṃ || 50 ||
[Analyze grammar]

pāpikāṃ yadi me ambe bhāryāram ānayiṣyasi |
na te haṃ pāpikāṃ bhāryāṃ pāṇināpi parāmṛśe || 51 ||
[Analyze grammar]

mama tvaṃ pāpikāṃ bhāryāṃ amba ānayitum icchasi |
na te haṃ pāpikāṃ bhāryāṃ pādenāpi parāmṛśe || 52 ||
[Analyze grammar]

sukho putraka saṃvāso anyonyasamalakṣaṇā |
samānavarṇā ubhaye nānyonyam abhiniṃdati || 53 ||
[Analyze grammar]

abhimanyati kalyāṇī patiṃ dṛṣṭvāna pāpakaṃ |
varaṃ te pāpikā bhāryā pāpako hi si putrakā || 54 ||
[Analyze grammar]

na me śrutaṃ vā dṛṣṭaṃ vā rājāno bhonti durbhagāḥ |
pāpikāhi vā nārīhi pravicāreti nararṣabho || 55 ||
[Analyze grammar]

rājā aham asmi kṣatriyo vijitāvī mahābalo |
prabhūtakośo balavāṃ dravyakāmā hi nāriyo || 56 ||
[Analyze grammar]

pararāṣṭrehi nārīyo sarvālaṃkārabhūṣitāḥ |
ānīyanti dhanakrītā yeṣāṃ dūraṃ pitur gṛhaṃ || 57 ||
[Analyze grammar]

tasya bhāryāram ānesi madrakarājasya dhītaraṃ |
sarvācārehi saṃpannāṃ sarvāṅgopetāṃ prajāpatīṃ || 58 ||
[Analyze grammar]

idaṃ rājakulaṃ sphītam anantaratanākaraṃ |
atha divā vā rātrau vā pradīpaṃ na labhāmahe || 59 ||
[Analyze grammar]

naiva rātriṃ vā divaṃ vā paśyāma itaretaraṃ |
anyamanyam apaśyantā āsāmahe rahogatā || 60 ||
[Analyze grammar]

iha mo tamasaṃgrahe vasāmo andhakārake |
andhānāṃ viya saṃvāso tathā me pratibhāyati || 61 ||
[Analyze grammar]

ahaṃ etaṃ na jānāmi ko artho kisya vā punaḥ |
ambāṃ me gatvā pṛcchāhi sā te taṃ vyākariṣyati || 62 ||
[Analyze grammar]

idaṃ rājakulaṃ sphītaṃ anantaratanākaraṃ |
atha divā vā rātriṃ vā pradīpaṃ na labhāmatha || 63 ||
[Analyze grammar]

naiva rātriṃ vā divā vā paśyāmo itaretaraṃ |
anyamanyaṃ na paśyantā āsāmatha rahogatā || 64 ||
[Analyze grammar]

iha mo tamasaṃgrahe saṃvasāmo ndhakārake |
andhānāṃ viya saṃvāso tathemaṃ pratibhāyati || 65 ||
[Analyze grammar]

yadā dvādaśavarṣan te putraṃ drakṣye prajāpati |
tadā drakṣyatha anyonyaṃ devā me upayācitā || 66 ||
[Analyze grammar]

pāpakaṃ punar āryā yaṃ devānām upayācitaṃ |
dīrgharātraṃ na drakṣyāma anyamanyasamāgamaṃ || 67 ||
[Analyze grammar]

na nūnaṃ tvaṃ labhe anyaṃ lokasmiṃ chattradhārakaṃ |
yādṛśo te ayaṃ deva ahirīko anotrapo || 68 ||
[Analyze grammar]

kin nu rūpeṇa kalyāṇi api cāyaṃ mahābalo |
mahābalo ti kṛtvāna eṣo smākaṃ hi rocati || 69 ||
[Analyze grammar]

kiṃ nu rūpeṇa kalyāṇi api cāyaṃ mahādhano |
mahādhano ti kṛtvāna eṣo smākaṃ hi rocati || 70 ||
[Analyze grammar]

kiṃ nu rūpeṇa kalyāṇi api cāyaṃ śūro siyā |
sa śūro iti kṛtvāna eṣo smākaṃ hi rocati || 71 ||
[Analyze grammar]

kiṃ nu rūpeṇa kalyāṇi api cāyaṃ suśīlavān |
suśīlavāni ti kṛtvāna eṣo 'smākaṃ hi rocati || 72 ||
[Analyze grammar]

kiṃ nu rūpeṇa kalyāṇi api cāyaṃ mahāsvaro |
etasya anubhāvena vayaṃ sarve jīvāmatha || 73 ||
[Analyze grammar]

sukhamitro ca me sahāyo priyo prāṇasamo ca me |
etasya me vinābhāve ubhaye pi na bhavematha || 74 ||
[Analyze grammar]

agamāsi devī udyānaṃ vāpipadminiprekṣikā |
na me padmāni ānesi na khu te haṃ priye priyo || 75 ||
[Analyze grammar]

agamaṃ deva udyānaṃ vāpiyodake snāyituṃ |
piśācaṃ addarśiṃ tatra mūrchitā prapate bhṛśaṃ || 76 ||
[Analyze grammar]

yo ca te chattraṃ dhāreti yo ca padmavane abhū |
manye ekinā striyā jātā tādṛśam asya lakṣaṇaṃ || 77 ||
[Analyze grammar]

agamāsi devi āmravanaṃ vardhamānaṃ nirīkṣikā |
na me āmrāṇi ānesi na khu te haṃ priye priyo || 78 ||
[Analyze grammar]

agamaṃ deva āmravanaṃ vardhamānaṃ nirīkṣakā |
piśācaṃ addarśiṃ tatra mūrchitā prapate bhṛśaṃ || 79 ||
[Analyze grammar]

manye ekinā striyā jātā yo tava cchattraṃ dhāraye |
yo ca padmavane āsi yo ca āmravane abhū || 80 ||
[Analyze grammar]

nārāyaṇasaṃghaṭano rājā balena hastinaḥ |
pāṇinā gṛhya kṣipati hastān mokṣitā dīptakā || 81 ||
[Analyze grammar]

siṃhāsupīḍo balavāṃ śobhe sucipulo mahāṃ |
khe candro iva ābhāti samantaparimaṇḍalaṃ || 82 ||
[Analyze grammar]

cakoratāmranayanaḥ kāmadevo va śobhati |
hastino mokṣaye rājā sthāmopeto nararṣabhaḥ || 83 ||
[Analyze grammar]

bhadrikā khu ayaṃ kubjā yā rājānaṃ praśaṃsati |
kāśikāni te vastrāṇi dadāmi caturo ahaṃ || 84 ||
[Analyze grammar]

mahendrakarājadhītā rājānaṃ dṛśya duḥkhitā |
ayaṃ nāma mama bhartā evaṃrūpo ti śokitā || 85 ||
[Analyze grammar]

na bhāṣantīye kubjāye jihvāye asti cchedako |
sutīkṣṇena śastreṇa yā rājānaṃ praśaṃsati || 86 ||
[Analyze grammar]

pratitarjenti rājāno bandhena ca vadhena ca |
tasmāsya varṇaṃ bhāṣāmi rakṣaṃ jīvitam ātmano || 87 ||
[Analyze grammar]

na paśyāmi na drakṣyāmi ko artho jīvitena me |
adyaivāhaṃ gamiṣyāmi purā prāṇā jananti me || 88 ||
[Analyze grammar]

sā dāni kupitā devī madrakarājasya ātmajā |
kubjādvitīyā yānena svakaṃ jñātikulaṃ gatā || 89 ||
[Analyze grammar]

sā ca sālasya va yaṣṭi cchinnā paraśunā yathā |
evaṃ mediniyaṃ pati putraśokasamanvitā || 90 ||
[Analyze grammar]

aho mama mandabhāgyāye artho paryāhṛto kule |
paṃcaśatayojanāto mahendradhītā ihāgatā || 91 ||
[Analyze grammar]

śaktubhakṣā janapadā nityaṃ kambalaprāvṛtā |
lūhabhuktā lūhakarmā kathaṃ mārgaṃ gamiṣyasi || 92 ||
[Analyze grammar]

nṛtyagītavādyakrīḍāye cittamāyāśatena vā |
vividhehi upāyehi vṛttiṃ kalpeyam ātmano || 93 ||
[Analyze grammar]

mātaram abhivādayitvā kṛtvāna ca pradakṣiṇaṃ |
tato vīṇāṃ gṛhītvāna prākrame uttarāmukhaḥ || 94 ||
[Analyze grammar]

avidhāvidhaṃ praviśitha antako iha āgato |
piśāco mānuṣarūpeṇa yo mām icchati khādituṃ || 95 ||
[Analyze grammar]

sarve vasanti grāmasmiṃ ye ca kāyena pāpakā |
ekarātriṃ vasitvāna śuve gaṃsāmi ambike || 96 ||
[Analyze grammar]

kiṃ dāni ahaṃ karomi kasya vā garahāmy ahaṃ |
uttrāsayati mān dṛṣṭvā samudre rājñaso yathā || 97 ||
[Analyze grammar]

kiṃ dāni ahaṃ karomi kasya vā garahāmy ahaṃ |
uttrāsayati mān dṛṣṭvā mṛgī bhrāntā va lubdhakaṃ || 98 ||
[Analyze grammar]

anūrjako yenāgato rātriṃdivam anuvrajan |
gaccha kuśa svakaṃ rājyaṃ nechāmi durvarṇaṃ ahaṃ || 99 ||
[Analyze grammar]

ahaṃ supriyo te syāme suśroṇi tanumadhyame |
tava kāmehi mahantaṃ rājyaṃ pi nābhiprārthaye || 100 ||
[Analyze grammar]

nāhaṃ gamiṣyāmi susaṃvṛtoru diśāṃ na jānāmi yato smi āgato |
saṃmūḍharūpo vicarāmi loke matto smi kāmaiḥ mṛgamandalocane || 101 ||
[Analyze grammar]

vikṣepo tava cittasya yaṃ anicchantim icchasi |
akāmāṃ rāja kāmesi naitat paṇḍitalakṣaṇaṃ || 102 ||
[Analyze grammar]

akāmāṃ vā sakāmāṃ vā yo naro labhate priyāṃ |
lābhaṃ tatra praśaṃsanti alābho tatra pāpako || 103 ||
[Analyze grammar]

prabhosi strīsahasraṃ pi ekarātreṇa rāmituṃ |
ekastriyāye kāmena mahadduḥkhaṃ nigacchasi || 104 ||
[Analyze grammar]

netaṃ duḥkhaṃ prajānāmi yaśasvinī varṇalābhinī |
yaṃ sucīrṇe brahmacaryasmiṃ tvaṃ me bhāryā bhaviṣyati || 105 ||
[Analyze grammar]

dhig astu te brahmacaryaṃ aghan te bhotu pāpakaṃ |
sunakhīṃ vā śṛgālīṃ vā paratra kāmayiṣyasi || 106 ||
[Analyze grammar]

mā evaṃ avaca bhadre suśroṇi tanumadhyame |
śramaṇā pi hime sādhu brahmacaryeṇa śobhate || 107 ||
[Analyze grammar]

te pi bhadre sucīrṇena iha cīrṇena śobhate |
svargeṣu upapadyanti tridaśe kāmakāmino || 108 ||
[Analyze grammar]

tan te bhadre ahaṃ brūmi suśroṇi tanumadhyame |
na te anyo pati asti iti siṃhasvaro kuśaḥ || 109 ||
[Analyze grammar]

saced va satyaṃ vacanaṃ naimittānāṃ bhaviṣyati |
na te bhāryā bhaviṣyāmi kāmaṃ chindāhi khaṇḍaśaḥ || 110 ||
[Analyze grammar]

nāhaṃ chettuṃ tavechāmi suśroṇi tanumadhyame |
acchinnā yeva tvaṃ bhadre mama bhāryā bhaviṣyasi || 111 ||
[Analyze grammar]

mahāntaṃ ca mama rājyaṃ bahūśvaṃ bahupauruṣaṃ |
anantabahupradānaṃ bahvācchādanabhojanaṃ || 112 ||
[Analyze grammar]

so haṃ rājyaṃ ca rāṣṭraṃ ca cchorayitvā ihāgataḥ |
tava kāmehi samantarājyaṃ nābhiprārthaye || 113 ||
[Analyze grammar]

pāṣāṇe khanase kūpaṃ karṇikāreṇa karṇikāṃ |
vātaṃ jālena bandhesi anicchantīṃ yam icchasi || 114 ||
[Analyze grammar]

akānto kiṃ kāmayasi + + + + + + |
gaccha kuśa svakaṃ rājyaṃ ātmānaṃ kiṃ kilāmasi || 115 ||
[Analyze grammar]

na etaṃ kilamathaṃ mahyaṃ brahmacaryaṃ idaṃ mama |
paratra me tuvaṃ bhāryā mahyaṃ bhadre bhaviṣyasi || 116 ||
[Analyze grammar]

etan tava brahmacaryaṃ upāttaṃ bhotu pāpakaṃ |
sunakhīṃ vā śṛgālīṃ vā gardabhīṃ vābhiprārthaye || 117 ||
[Analyze grammar]

rājaputro śūro vīro yuddhasmiṃ apratipudgalo |
kuśo 'yam ārūḍhaprajño idaṃ vacanam abravīt || 118 ||
[Analyze grammar]

gacchanto te ahaṃ bhadre suśroṇi tanumadhyame |
nigaḍehi te bandheyaṃ kin te kuryu sajātayo || 119 ||
[Analyze grammar]

tam eva dharmam aparādhya yan te utpāditaṃ purā |
tam eva dharmaṃ smaramāṇo tvaṃ me bandhitum icchasi || 120 ||
[Analyze grammar]

prabhomi te ahaṃ bhadre bandhayitvā prajāpatī |
yen icchakaṃ pracāretuṃ pitā te kiṃ kariṣyati || 121 ||
[Analyze grammar]

prabhosi strīsahasraṃ pi ekarātreṇa rāmituṃ |
tvam eva me varaṃ bhadre śuddhadanti prajāpati || 122 ||
[Analyze grammar]

jānāmi te mahārāja balavāṃ tvaṃ naraṣabha |
durvarṇo durdṛśo cāsi duḥsparśo ca mahīpati || 123 ||
[Analyze grammar]

sthūloṣṭho sthūlaśiro ca sthūlāṅgo si mahodaro |
paśyituṃ tvāṃ na icchāmi mā ātmānaṃ kilāmaye || 124 ||
[Analyze grammar]

ete udviddhaprākārāṃ aṭṭāṭṭālakakholakā |
yo vā vahati nāgehi etaṃ hi vārayanti te || 125 ||
[Analyze grammar]

ete śaktīhi yudhyanti tomarehi śarehi ca |
asīhi ca sutīkṣṇehi tvāṃ labheyaṃ prajāpati || 126 ||
[Analyze grammar]

sā dāni bhītā rājadhītā aśrukaṇṭhā rudanmukhī |
vāripūrṇehi netrehi idaṃ vacanam abravīt || 127 ||
[Analyze grammar]

sacet mām amba ghātensuḥ kṣatriyā dūragāmino |
asthīni me samānetvā ekamante dahāpaye || 128 ||
[Analyze grammar]

ekamante dahāpetvā elūkaṃ mama kāraye |
elūkaṃ me karitvāna karṇikāram āropaye || 129 ||
[Analyze grammar]

tato ca puṣpite sante vasantasmiṃ himāntake |
tato me ambe smareyāsi evaṃvarṇā mamātmajā || 130 ||
[Analyze grammar]

tato ca so rājaputro yuddhasmi kovido kuśo |
saṃrūḍhaprajñāno asti samādāpya iti sthitā || 131 ||
[Analyze grammar]

imāṃ bandhitvāna bhāgabhāgaṃ karitvāna kṣatriyā |
saṃgrāmaṃ ca daditvāna tataḥ kṣemaṃ bhaviṣyati || 132 ||
[Analyze grammar]

tataḥ ca sā rājaputraṃ kṣatriyāṇī yaśasvinī |
vepamānehi gātrehi idaṃ vacanam abravīt || 133 ||
[Analyze grammar]

satyan te pratijānāmi rājaputra mahābala |
yadi te kocid aparādhye ācare va narādhipaḥ || 134 ||
[Analyze grammar]

ahaṃ pi te prajānāmi śuddhadanti prajāpati |
yadi te kadācid bhūyo pi ācareyaṃ ito paraṃ || 135 ||
[Analyze grammar]

tato prajāpatīmātā aśrukaṇṭhī rudanmukhī |
vāripūrṇehi netrehi idaṃ vacanam abravīt || 136 ||
[Analyze grammar]

ko nu veṇo vā pāṇo vā atha vā punar pukkaso |
kisya rājakule jāto kiṃ sya kurvantato mukhaṃ || 137 ||
[Analyze grammar]

na eṣa veṇo na caṇḍālo atha na punaḥ pukkaso |
putro ikṣvākurājasya taṃ tvaṃ dāso ti manyasi || 138 ||
[Analyze grammar]

mayūrakroṃcābhirutaṃ vāditradhvaniniṣevitaṃ |
kṣatriyasya kulaṃ sphītaṃ taṃ tvaṃ dāso ti manyasi || 139 ||
[Analyze grammar]

śaṃkhapāṇḍarasaṃkāśaṃ nārīsaṃghaniṣevitaṃ |
kṣtriyasya kulaṃ sphītaṃ taṃ tvaṃ dāso ti manyasi || 140 ||
[Analyze grammar]

suvarṇabhājanapratyuptaṃ nārīsaṃghasamākulaṃ |
kṣatriyasya kulaṃ sphītaṃ taṃ tvaṃ dāso ti manyasi || 141 ||
[Analyze grammar]

ṣaṣṭi nagarasahasrāṇi sphītaṃ rājyam akaṇṭhakaṃ |
kṣatriyasya kulaṃ sphītaṃ taṃ tvaṃ dāso ti manyasi || 142 ||
[Analyze grammar]

ṣaṣṭi nāgasahasrāṇi suvarṇālaṃkārabhūṣitā |
suvarṇacchadamātaṃgā iṣādantā samudgatāḥ || 143 ||
[Analyze grammar]

ārūḍhā grāmaṇīyehi khaḍgatomarapāṇibhiḥ |
kṣatriyasya kulaṃ sphītaṃ taṃ tvaṃ dāso ti manyasi || 144 ||
[Analyze grammar]

ṣaṣṭi rathasahasrāṇī sanandighoṣālaṃkṛtā |
ayosubaddhanemikā dvīpicarmaparicchadā || 145 ||
[Analyze grammar]

ārūḍhā grāmaṇīyehi cāpahastehi varmihi |
kṣatriyasya kulaṃ sphītaṃ taṃ tvaṃ dāso ti manyasi || 146 ||
[Analyze grammar]

ṣaṣṭi aśvasahasrāṇi ājāneyā hayottamāḥ |
suvarṇamekhalādharā khalīnaratanāmayā || 147 ||
[Analyze grammar]

ārūḍhā grāmaṇīyehi kaśāhastehi varmibhiḥ |
kṣatriyasya kulaṃ sphītaṃ taṃ tvaṃ dāso ti manyasi || 148 ||
[Analyze grammar]

viṃśa brāhmaṇasahasrāṇī rājño bhuṃjanti nityakaṃ |
divā vā yadi vā rātrau sadā satkṛtapūjitā |
kṣatriyasya kulaṃ sphītaṃ taṃ tvaṃ dāso ti manyasi || 149 ||
[Analyze grammar]

kumārāṇāṃ śatā paṃca upetā mātṛpitṛto |
kṣatriyasya kulaṃ sphītaṃ taṃ tvaṃ dāso ti manyasi || 150 ||
[Analyze grammar]

kiṃ tvam unmattarūpā va vikṣiptacittā ca bhāṣasi |
kīdṛśo so kuśo kasmād anupaśyematha vayaṃ || 151 ||
[Analyze grammar]

eṣa deva abhyantarato veśma-antare tiṣṭhati |
āgacchati rājaputraḥ abhiniṣkramya tiṣṭhati || 152 ||
[Analyze grammar]

tasyāsau vacanaṃ śrutvā bhīto saṃvignamānaso |
priya-anumataikāṃso kṛtvā aṃjaliṃ tiṣṭhati || 153 ||
[Analyze grammar]

tvaṃ kṣamāhi mahārāja tvaṃ kṣamāhi nararṣabha |
na vayam evaṃ jānāma siṃhasvara ihāgataḥ || 154 ||
[Analyze grammar]

tvaṃ kṣamāhi mahārāja tvaṃ kṣamāhi nararṣabha |
na vayam evaṃ jānāma mahāsvara ihāgato || 155 ||
[Analyze grammar]

tvaṃ kṣamāhi mahārāja tvaṃ kṣamāhi mahāratha |
na vayam evaṃ jānāma maṃjusvara ihāgato || 156 ||
[Analyze grammar]

yattakā te hastī aśvā ca sarveṣāṃ karṇā pidhīyantu |
mā mama siṃhanādena svakaṃ sainyaṃ bhajiṣyati || 157 ||
[Analyze grammar]

kṣipraṃ ca aśvā yojetha suvarṇa-ucchritadhvajāṃ |
antepurāto niryāsi rājño mahendrasya paścato || 158 ||
[Analyze grammar]

so siṃhanādaṃ nanade śūro yuddhasmiṃ īśvaro |
siṃhanādaṃ naditvāna parigṛhṇati kṣatriyā || 159 ||
[Analyze grammar]

evaṃ puṇyavato arthā sarve bhonti pradakṣiṇāḥ |
yathā nāma kuśo bhāryāya jñātīhi ca samāgato || 160 ||
[Analyze grammar]

pūrvenivāsaṃ bhagavān pūrvejātim anusmaran |
jātakam idam ākhyāsi śāstā bhikṣūṇam antike || 161 ||
[Analyze grammar]

te ca skandhā te dhātavaḥ tāni āyatanāni ca |
ātmano rthaṃ ca bhagavān etam arthaṃ viyākare || 162 ||
[Analyze grammar]

anavarāgrasmiṃ saṃsāre yatra me uṣitaṃ purā |
kuśo ahaṃ tadā āsi sudarśanā yaśodharā || 163 ||
[Analyze grammar]

māyā mātā tadā āsi mahānāmo mahendrako |
māro anyataro rājā evaṃ dhāretha jātakaṃ || 164 ||
[Analyze grammar]

evam idam aparimitaṃ bahuduḥkhaṃ uccanīcacaritaṃ purāṇaṃ |
vigatajvaro vigatabhayo aśoko svajātakaṃ bhāṣati bhikṣusaṃghamadhye || 165 ||
[Analyze grammar]