Chapter 55

ramaṇīyāny araṇyāni vanagulmāṃ ca paśyiya |
uruvilvāya sāmante prahāṇaṃ prahitaṃ mayā || 1 ||
[Analyze grammar]

parikrāmya vyāyamantaṃ uttamārthasya prāptaye |
namuci karuṇāṃ vācaṃ bhāṣamāṇa ihāgamat || 2 ||
[Analyze grammar]

kṛśo tvam asi durvarṇo santike maraṇaṃ tava |
saṃhara mahāprahāṇaṃ na āśā tuhya jīvite || 3 ||
[Analyze grammar]

jīvitaṃ te hitaṃ śreṣṭhaṃ jīvan puṇyāni kāhisi |
karohi puṇyāni tāni yena pretya na śocasi || 4 ||
[Analyze grammar]

carantena brahmacaryaṃ agnihotraṃ ca juhūtā |
anantaṃ jāyate puṇyaṃ kiṃ prahāṇena kāhisi || 5 ||
[Analyze grammar]

dūraṃ āśā prahāṇasya duṣkaraṃ durabhisaṃbhuṇaṃ |
imāṃ vācāṃ bhaṇe māro bodhisatvasya santike || 6 ||
[Analyze grammar]

taṃ tathā idāniṃ māraṃ bodhisatvo dhyabhāṣata |
kṛṣṇabandhu pāpīmaṃ nāhaṃ puṇyārthiko ihāgataḥ || 7 ||
[Analyze grammar]

aṇumātraiḥ puṇyaiḥ artho mahyaṃ māra na vidyati |
yeṣāṃ tu artho puṇyehi kathaṃ tāṃ māra na vidyasi || 8 ||
[Analyze grammar]

nāhaṃ amaro ti manyāmi maraṇāntaṃ hi jīvitaṃ |
anivartaṃ gamiṣyāmi brahmacaryaparāyaṇaḥ || 9 ||
[Analyze grammar]

nadīnām api śrotāṃsi ayaṃ vāto va śoṣayet |
kiṃ mama prahitātmasya śoṇitaṃ nopaśoṣaye || 10 ||
[Analyze grammar]

śarīraṃ upaśuṣyati pittaṃ śleṣmaṃ ca vātajaṃ |
mānsāni lohitaṃ caiva avajīryatu sāṃprataṃ || 11 ||
[Analyze grammar]

mānsehi kṣīyamāṇehi bhūyo cittaṃ prasīdati |
bhūyo smṛti ca vīryaṃ ca samādhi cāvatiṣṭhati || 12 ||
[Analyze grammar]

tasya caivaṃ viharato prāptasya uttamaṃ padaṃ |
nāyam atra kṣataṃ kāyaṃ paśya satvasya śuddhatāṃ || 13 ||
[Analyze grammar]

asti cchando ca vīryaṃ ca prajñā ca mama vidyati |
nāhaṃ taṃ paśyāmi loke yo prahāṇāto vāraye || 14 ||
[Analyze grammar]

+ + + + + + + + + + + + + + + |
eṣo sajjo prāṇaharo dhiggrāmyaṃ no ca jīvitaṃ || 15 ||
[Analyze grammar]

tasmā smṛtimanto santo saṃprajāno niropadhiḥ |
+ + + + + + + + + + + + + + + || 16 ||
[Analyze grammar]

eṣo haṃ ca paraṃ cittaṃ bhāvayitvāna yodhane |
balena vanaṃ bhinditvā anuṣṭheyam anuṣṭhito || 17 ||
[Analyze grammar]

ahaṃ bodhitaror adhastāt aprāpte amṛte pade |
dṛṣṭvā namucino senāṃ sannaddhām utsṛtadhvajāṃ || 18 ||
[Analyze grammar]

yuddhāya pratiyāsyāmi nāhaṃ sthānārtham upāviśe |
tām ahaṃ nivartiṣyāmi senāṃ te anupūrvasaḥ || 19 ||
[Analyze grammar]

kāmā te prathamā senā dvitīyā ārati vuccati |
tṛtīyā kṣutpipāsā ca caturthī tṛṣṇā vuccati || 20 ||
[Analyze grammar]

paṃcamā styānamiddhaṃ te ṣaṣṭhī bhīru pravuccati |
saptamā vicikitsā te mānārtho bhoti aṣṭamā |
lobho ti śloko satkāro mithyālabdho ca yo yaśo || 21 ||
[Analyze grammar]

eṣā namucino senā sannaddhā ucchritadhvajā |
pragāḍhā atra dṛśyante eke śramaṇabrāhmaṇāḥ || 22 ||
[Analyze grammar]

na tām aśūro jayati jitvā vā anuśocati |
tāṃ prajñāya te bhetsyāmi āmapātraṃ va ambunā || 23 ||
[Analyze grammar]

vaśīkaritvāna te śalyaṃ kṛtvā sūpasthitāṃ smṛtaṃ |
ālabdhavīryo viharanto vineṣyaṃ śrāvakāṃ pi tu || 24 ||
[Analyze grammar]

pramādam anuyujanti bālā durmedhino janā |
gaṃsāmi te akāmasya yatra duḥkhaṃ nirudhyati || 25 ||
[Analyze grammar]

tasya śokaparītasya vināśaṃ gacchi ucchriti |
tataś ca surmano yakṣo tatraivāntarahāyithā || 26 ||
[Analyze grammar]