Chapter 48

paśyāmi putra supine taranāvagāḍhaṃ abhyutthitaṃ gajavaraṃ maṇijālacchannaṃ |
madhye purasya adhvanāvasthito ca rātrau nirdhāvate puravarā abhikampamānaḥ || 1 ||
[Analyze grammar]

taṃ dṛṣṭvā mahya supine vipulaṃ ca hāsyaṃ abhyutthitaṃ ruditam eva ca aprameyaṃ |
kampe ca me saṃparitaptaṃ śarīram anta- rdāhaṃ samuddhanati kiṃ tu bhaviṣyate dya || 2 ||
[Analyze grammar]

atha lokapāla avacū manujapradhānaṃ mā bhāya bhūmipati saṃjanayāhi harṣaṃ |
hanta śṛṇohi phalaṃ yaṃ supinasya tatvaṃ samutthitaṃ bahujanasya vibodhanārthaṃ || 3 ||
[Analyze grammar]

eṣo mahāguṇadharo vijahitva rājyaṃ dutiyās tathaiva caturā svajanaṃ ca sphītaṃ |
niḥsaṃśayaṃ varabalaṃ anapekṣamāṇo niryāsyate puravarā viditaṃ sa bhotu || 4 ||
[Analyze grammar]

etasmiṃ nirgate anekavidhaṃ ti duḥkhaṃ jāyiṣyate supini yaṃ hasitaṃ ti tatvaṃ |
yaṃ rodasi supini dāni sukhaṃ anantaṃ śrutvā bhaviṣyati jitaṃ jitaśatrusaṃghaṃ || 5 ||
[Analyze grammar]

mātuḥsvasā avaca kāṃcanarāśivarṇa paśyāmi putra supine ṛṣabhaṃ sujātaṃ |
śvetaṃ sucārukakubhaṃ atiriktaśṛṃgaṃ śṛṇgārasaṃsthitagatiṃ pratipūrṇadehaṃ || 6 ||
[Analyze grammar]

so garjati sumadhuraṃ kapilāhvayāto nirdhāvate hṛdayadṛṣṭipathaṃ harantaḥ |
na ca kaści taṃ prasahate abhigarjamānaṃ pratigarjituṃ kumudarāśinibhaṃ sujātaṃ || 7 ||
[Analyze grammar]

te devarāja avacū karuṇaṃ rudantaṃ mā roda śākyakulanandanajātarāga |
vakṣyāmi te avitathāvacanaṃ vijālaṃ ānandajāni upajānaya tvaṃ sukhāni || 8 ||
[Analyze grammar]

atyantaśuddhacaraṇaṃ kuśalopapetaṃ eṣo nararṣabha gatīmatināṃ vidhijñaḥ |
hitvā janaṃ puruṣasiṃhavaro puro ca nirgamya te abhilaṣe puruṣarṣabhatvaṃ || 9 ||
[Analyze grammar]

so pi amṛtaṃ acalam acyutam aprakampyaṃ nirvāṇam apratisamaṃ pratiśuddhacakṣuḥ |
nirdiśya taṃ puruṣasiṃharutaṃ maharṣiḥ yaṃ śrutva tīrthikagaṇā diśatāṃ vrajanti || 10 ||
[Analyze grammar]

atha rāhulasya idam abravīt pi maitrottareṇa madanena nibaddhacittā |
deva śṛṇohi yatha adya mayāpi dṛṣṭaṃ supinaṃ manoramaṃ phalaṃ ca me tad bhaveyāt || 11 ||
[Analyze grammar]

śuddhodanasya kila rājakulaṃ narendra megho samantaṃ kṣaṇena samādadanto |
lokatrayaṃ prabalatoyadharo sughoṣo vidyutpradīpa vipradyotayanto bahūni || 12 ||
[Analyze grammar]

so śītalaṃ vimalam apratimaṃ prasannaṃ vāri pravṛṣya madhuraṃ abhigarjamāno |
varṣeti sāgaradharo śayane nidāghaṃ eṣo pi antaḥsukhito sa sahāṃpatīko || 13 ||
[Analyze grammar]

brahmā atha upagamitva idaṃ avoca tāṃ rāhulasya jananīṃ śṛṇu mā viṣīda |
iṣṭaṃ phalaṃ tava ayaṃ supino mahārtho saṃpūryate capalam eva janehi prītiṃ || 14 ||
[Analyze grammar]

śuddhodanasya ayam ātmajo cārunetro lokatrayaṃ jaladharo iva varṣamāṇo |
pralhādayiṣyati mahāparitāpataptān dharmaṃ dhruvaṃ karuṇam apratimaṃ janetvā || 15 ||
[Analyze grammar]