Chapter 46

manasā devānāṃ vacasā pārthivānāṃ |
nacireṇāḍhyānāṃ karmaṇā daridrāṇām iti || 1 ||
[Analyze grammar]

dhītā tvaṃ kinnararājasya drumarājño yaśasvinī |
etena satyavākyena tiṣṭha baddhāsi kinnarī || 2 ||
[Analyze grammar]

yathā tvaṃ drumarājasya dhītā drumeṇa rājñā saṃvṛddhā |
satyavacanena bhadre manohare mā padaṃ gaccha || 3 ||
[Analyze grammar]

pūrve vā saṃnivāsena pratyutpanne hitena vā |
sarvātaṃ jāyate premaṃ utpalaṃ vā yathodake || 4 ||
[Analyze grammar]

gacchanti avalokesi avalokenti gacchasi |
kiṃ bhadre avalokesi kahiṃ vā tvaṃ gamiṣyasi || 5 ||
[Analyze grammar]

ubhayaṃ abhiprārthemi + + + kiṃpuruṣanagaraṃ |
sudhanuṃ cāvalokemi niratiṃ cābhiprārthaye || 6 ||
[Analyze grammar]

sudhanusya kumārasya kurupaṃcāleṣu nāriyo |
tāhi sārdhaṃ ramamāṇo na so tubhyaṃ smariṣyati || 7 ||
[Analyze grammar]

ānayiṣyāmy ahaṃ sudhanuṃ prekṣitena smitena ca |
kocid dṛddho va mātaṃgo vaśe eṣo bhaviṣyati || 8 ||
[Analyze grammar]

rājyaṃ rājaparidevavīkṣaṇakālena tan dadā sarvaṃ |
apavijjhiyāna prakrami adhautamalinaṃ paṭaṃ gṛhya || 9 ||
[Analyze grammar]

anuraktabhaktibhāvaṃ caikaṃ paricārakaṃ grahetvāna |
parvatarājābhimukho so himavantam abhiprasaresi || 10 ||
[Analyze grammar]

acireṇa gato sudhanū himavantaṃ ramyaparvatanitambaṃ |
tatrāddaśāsi lubdhakau uppalakaṃ mālakaṃ caiva || 11 ||
[Analyze grammar]

paśyati ca śatadrunadīṃ śucivimalasphaṭikavikāśāṃ satataṃ |
+ + + + + + + + + + + + + + + + + + + + + || 12 ||
[Analyze grammar]

śubhā suśītalatoyā prasyandamānā mṛdutaruṇasujātā |
sā śādvalā pralulitā vahanti akṣauhinyo śatadrū || 13 ||
[Analyze grammar]

sudhanū uvāca kāṃcil lubdhakā śyāmāṃ akṣudrānulepanāṃ |
nārīṃ amilānagandhamālyāṃ vikramantiṃ apaśyatha || 14 ||
[Analyze grammar]

avoca lubdhakaputra yādṛśīṃ tvaṃ pṛcchasi sā ito ciraṃ |
uttīrya nadīṃ gatā sā imena kālena himavantaṃ || 15 ||
[Analyze grammar]

pravyāhṛtaṃ hi tāye sudhanur nāmena pṛṣṭhato mahyaṃ |
yadi eṣyati lubdhakaputrā dāsyātha imaṃ abhijñānaṃ || 16 ||
[Analyze grammar]

imam aṅgulīyakaṃ imāṃ ca tālīsagandhīkāṃ mālāṃ |
dāsyātha lubdhakaputrā bhartā mama svāmikasvāmi || 17 ||
[Analyze grammar]

abhivādanaṃ ca lubdhakā mama vacanā svāmikaṃ bhaṇeyātha |
pratigaccha hastināpuraṃ niyato niyamo vinābhāvo || 18 ||
[Analyze grammar]

pratyagrahesi mālāṃ ālambesi mudrikāṃ pramodanto |
api maraṇaṃ abhyupemi manoharāye va samāgamaṃ || 19 ||
[Analyze grammar]

te taṃ bhaṇanti lubdhakā sudhanuṃ ito eva tvaṃ nivartehi |
hastināpurasmiṃ nagare kā tuhyam abhukta varteyā || 20 ||
[Analyze grammar]

taṃ tasya naiva hṛdaye nāpi ca teṣāṃ śṛṇoti so vacanaṃ |
gantuṃ yevādhyavasito śatadruṃ ca mahānadīṃ tīrṇo || 21 ||
[Analyze grammar]

lubdhakā pi te vyavasthitā rājāmarṣo bhaveyā asmākaṃ |
yadi sudhanum evaṃrūpe atyayasmiṃ parityajeyāmaḥ || 22 ||
[Analyze grammar]

avatīrṇā te pi nadiṃ vyāghragaṇasiṃhavāraṇasaṃghoṣāṃ |
mṛgavihaṃgamānuyātāṃ manoramāṃ ca cakravākarutāṃ || 23 ||
[Analyze grammar]

tān tatkṣaṇena tīrṇā mahānadīṃ hansasārasābhirutāṃ |
vyāḍehi kinnarehi ca prapātajālāṃ suramaṇīyāṃ || 24 ||
[Analyze grammar]

evaṃ samentu satvā sarvehi priyehi abodhiprahīṇā |
yatha tasmiṃ samayasmiṃ samāgataḥ kinnariye sudhanuḥ || 25 ||
[Analyze grammar]

vicitragambhīrakatho bahuśruto kileśaghātī paravādimardano |
sa bhikṣu śobheta svayaṃbhuśāsane nabhe va candro paripūrṇamaṇḍalo || 26 ||
[Analyze grammar]