Mahavastu [sanskrit verses and english]

by Émile Senart | 1882 | 56,574 words

This is the Sanskrit Mahavastu: a lengthy work on Buddhist teachings and narratives belonging to the school of early Buddhism (Mahasanghika). This edition only includes those metrical verses occuring in the various stories and Jatakas, as well as the corresponding English translation by J. J. Jones.

nāhaṃ kriṇāmi nāpi vikriṇāmi na cāpi me sannidhi asti kiṃcit |
parīttarūpaṃ mama bhojanaṃ imaṃ syāmākaprasthaṃ nalam eṣo duvinnaṃ || 1 ||
[Analyze grammar]

alpāto alpakaṃ dadyāt anumadhyāto madhyimaṃ |
bahukāto bahukaṃ dadyāt adānaṃ nopapadyati || 2 ||
[Analyze grammar]

natvāhaṃ kauśika brūmi bhuṃjāhi ca dadāhi ca |
āryamārgasamāpanno ekāṃśaṃ vindate sukhaṃ || 3 ||
[Analyze grammar]

nāhaṃ kriṇāmi nāpi vikriṇāmi na cāpi me sannidhi asti kiṃcit |
parīttarūpaṃ mama bhojanaṃ imaṃ syāmākaprasthaṃ nalameṣo trayāṇāṃ || 4 ||
[Analyze grammar]

vaḍiśaṃ so saṃgilati dīrghasūtraṃ ayomayaṃ |
yo atithismiṃ āsīne adattvā bhuṃjati bhojanaṃ || 5 ||
[Analyze grammar]

natvāhaṃ kauśika brūmi bhuṃjāhi ca dadāhi ca |
āryamārgasamāpanno ekāṃśaṃ vindate sukhaṃ || 6 ||
[Analyze grammar]

nāhaṃ kriṇāmi nāpi vikriṇāmi na cāpi me saṃnidhi asti kiṃcit |
parīttarūpaṃ mama bhojanaṃ imaṃ syāmākaprasthaṃ nalameṣo caturṇāṃ || 7 ||
[Analyze grammar]

moghaṃ tasya hutaṃ bhoti moghaṃ cāpi samāhitaṃ |
yo atithismiṃ āsīne adattvā bhuṃjati bhojanaṃ || 8 ||
[Analyze grammar]

natvāhaṃ kauśika brūmi bhuṃjāhi ca dadāhi ca |
āryamārgasamāpanno ekāṃśaṃ vindate sukhaṃ || 9 ||
[Analyze grammar]

nāhaṃ kriṇāmi nāpi vikriṇāmi na cāpi me saṃnidhi asti kiṃci |
parīttarūpaṃ mama bhojanaṃ imaṃ syāmākaprasthaṃ nalameṣo paṃcānāṃ || 10 ||
[Analyze grammar]

satyaṃ tasya hutaṃ bhoti satyaṃ cāpi samāhitaṃ |
yo atithismiṃ āsīne dattvā bhuṃjati bhojanaṃ || 11 ||
[Analyze grammar]

natvāhaṃ kauśika brūmi bhuṃjāhi ca dadāhi ca |
āryamārgasamāpanno ekāṃśaṃ vindate sukhaṃ || 12 ||
[Analyze grammar]

nāhaṃ kriṇāmi nāpi vikriṇāmi na cāpi me sannidhi asti kiṃcit |
parīttarūpaṃ mama bhojanaṃ imaṃ syāmākaprasthaṃ nalameṣo ṣaṇāṃ || 13 ||
[Analyze grammar]

sarasvatīṃ so juhoti cāhutāṃ gamaye api |
yo atithismiṃ āsīne dattvā bhuṃjati bhojanaṃ || 14 ||
[Analyze grammar]

natvāhaṃ kauśika brūmi bhuṃjāhi ca dadāhi ca |
āryamārgasamāpanno ekāṃśaṃ vindate sukhaṃ || 15 ||
[Analyze grammar]

udāravarṇā iti brāhmaṇā ime ayaṃ ca vo sunakho kisya hetu |
uccāvacāṃ varṇanibhāṃ nidarśaye ākhyātha me ko nu bhave bhavanto || 16 ||
[Analyze grammar]

candro ca sūryo ca ihāgatā te ayaṃ ca so mātali devasārathiḥ |
ahaṃ ca śakro tridaśāna īśvaro ayaṃ ca so paṃcaśikho + + + ti || 17 ||
[Analyze grammar]

yasyaiṣa pratigṛhṇāti annaṃ ca pānaṃ ca kauśika |
pāṇisvaraṃ kumbhathūnaṃ mṛdaṃgānāṃ svarāṇi ca |
suptaṃ na pratibodhenti pratibuddho ca nandati || 18 ||
[Analyze grammar]

tuvaṃ no jñātī purimāsu jātiṣu tvaṃ kauśikā matsaripāpadharmaḥ |
tuhyānukaṃpāya ihāgatā sma mā pāpadharmo nirathaṃ vrajesi || 19 ||
[Analyze grammar]

ye matsarī roṣakapāpadharmā pradveṣakā śramaṇabrāhmaṇānāṃ |
pāpāni karmāṇi samācaritvā ito cyutāḥ te nirayaṃ vrajanti || 20 ||
[Analyze grammar]

ye ceha dānāni dadanti paṇḍitā prasannacittāḥ śramaṇabrāhmaṇeṣu |
puṇyāni kṛtvā iha jīvaloke ito cyutāste sugatiṃ vrajanti || 21 ||
[Analyze grammar]

eṣo adyaivaṃ kariṣyāmi puṇyaṃ dāsyāmi dānaṃ śramaṇabrāhmaṇeṣu |
etehi dadyād aham annapānaṃ nāhaṃ adattvā amṛtaṃ pi pāsye || 22 ||
[Analyze grammar]

evaṃ ca me dadato sarvakālaṃ bhogā ca me ca sarvā kṣipihanti |
tato ahaṃ sugatiṃ pravrajiṣyaṃ prahāya kāmāni tathādhikāni || 23 ||
[Analyze grammar]

nagottame girivaragandhamādane modenti devavarādhipātmajā |
upāgatā ṛṣivara sarvi pūjituṃ supuṣpitāṃ drumavaraśākhāṃ gṛhṇiya || 24 ||
[Analyze grammar]

śuciṃ sugandhāṃ tridaśehi satkṛtāṃ supuṣpitāṃ amaravarehi sevitāṃ |
śākhāṃ dadensur nama astu māriṣa yathaiva mo śakra tathaiva so tuvaṃ || 25 ||
[Analyze grammar]

tāṃ yācamānāṃ anudrakṣi brāhmaṇa ityabrīṣi kalahaṃ udīraye |
na mahyaṃ puṣpehi ihārtha vidyati yā yeva vo śreyatarā gṛhṇātu || 26 ||
[Analyze grammar]

tadiyaṃ tvaṃ eva samīkṣa brāhmaṇa jānāhi mo māriṣa yā nu śreyā |
yasyaiva no māriṣa tāṃ dayiṣyasi sā eva no śreyatarā bhaviṣyati || 27 ||
[Analyze grammar]

akāryam etaṃ vacanaṃ sugātrikā sa brāhmaṇo krodhaśabdaṃ viyāhare |
gatvāna bhūtādhipatiṃ hi pṛcchatha so eva vo jñāsyati yā nu śreyā || 28 ||
[Analyze grammar]

tadāpi tāyo paramārthadarśino udārikā varṇavareṇa arthikā |
gatvāna vocantridaśādhipasya jānāhi mo māriṣa kā nu śreyā || 29 ||
[Analyze grammar]

tān dṛṣṭvā aṇāttamanā puraṃdaro ityabravīt āttamano sarveṣu |
+ + + yuṣme sadṛśā sugātrikā ko thehapūrvaṃ kalahaṃ udīraye || 30 ||
[Analyze grammar]

yo sarvaloke carati mahāmuniḥ nāmena so nārado satyavikramo |
so abravīt parvate gandhamādane gatvāna bhūtādhipatiṃ hi pṛcchatha || 31 ||
[Analyze grammar]

ito so uttarato diśāyāṃ gaṃgāya kūle himavantapārśve |
so kauśiko dullabhapānabhojano tasya sudhāṃ preṣayi devasārathiḥ || 32 ||
[Analyze grammar]

agniṃ juhantasya pratiṣṭhato mama prabhaṃkaro lokatamonudo yathā |
ādityalokasmiṃ tatheva īryasi kā devatā kisya ihāgato si || 33 ||
[Analyze grammar]

śaṃkhopamaṃ śveta-atulyasannibhaṃ manojñagandhaṃ priyarūpadarśanaṃ |
na dṛṣṭapūrvaṃ maya cakṣuṣedṛśaṃ kā devatā kin tu dadāsidaṃ mama || 34 ||
[Analyze grammar]

ahaṃ mahendreṇa maharṣi preṣito sudhāhariṃ tvāṃ tvaritaṃ upāgami |
jānāhi māṃ mātaliṃ devasārathiṃ bhuṃjāhimāṃ kāṃkṣiṣu bhogamuttamaṃ || 35 ||
[Analyze grammar]

bhuktvā himāṃ dvādaśa + + + hi pāpakā kṣudhāpipāsāṃ aratiṃ jvaraṃ kramā |
krodhopanāhaṃ ca vivādapaiśūnyaṃ śītoṣṇatandrītarasaṃ ca uttamaṃ || 36 ||
[Analyze grammar]

na mātale kalpati mahya bhuṃjituṃ pūrve adattvā iti bruvan anuttamaṃ |
na cāpi ekasya na mahya varṇitaṃ asaṃvibhāgo hi sukhaṃ na vindati || 37 ||
[Analyze grammar]

mitraṃ opāyikaṃ pāripanthikā strīghātakā ye paharanti arthaṃ |
sarve pi te matsarine samā matā prāptaṃ adattvā amṛtaṃ pi nāse || 38 ||
[Analyze grammar]

tā preṣitā devarājena ātmajā kanyā catasro tapanīyasannibhā |
sudhāṃ pi ādāya pratigrahārhāṃ taṃ āśramaṃ yatra abhūṣi kauśikaḥ || 39 ||
[Analyze grammar]

dṛṣṭvā tu tāḥ arthadarśo matīmāṃ prabhāsayantīyo anantarāśritāḥ |
sthitā catasro pramadā caturdiśaṃ so dāni kauśika adhyabhāṣitha || 40 ||
[Analyze grammar]

purimāṃ diśan tiṣṭhasi devate tvaṃ alaṃkṛtā tāravarā ca oṣadhī |
pṛcchāmi te kāṃcanavedivigrahe ākhyāhi me tvaṃ katamāsi devatā || 41 ||
[Analyze grammar]

śiro ham asmi manujeṣu saṃmatā akṣudrasattvā parisevino sadā |
sukheṣiṇī tuhya sukāśamāgatā taṃ māṃ sudhāye varaprajña bhāgaya || 42 ||
[Analyze grammar]

śīlenupetaṃ caraṇena buddhiye upetasattvaṃ praguṇena karmaṇā |
tvayā upeto śirijātimantiyā preṣeti dāsaṃ viya bhogavāṃ sukhī || 43 ||
[Analyze grammar]

atho pi dāse alaso aśilpako sudurgato vāpi naro arūpavāṃ |
tvayā upeto śirijātimantiyā tad idam asādhu yad idaṃ tvayā kṛtaṃ || 44 ||
[Analyze grammar]

prabhāsayantī yaśasā yaśasvinī manorameśāhūyanāṃ diśāṃ prati |
pṛcchāmi tvāṃ kāṃcanavedivigrahe ācikṣa me tvaṃ katamāsi devatā || 45 ||
[Analyze grammar]

śraddhāham asmi manujeṣu sammatā akṣudrasattvā pratisevinī sadā |
sukheṣiṇī tuhya sakāśam āgatā taṃ māṃ sudhāye varaprajña bhāgaya || 46 ||
[Analyze grammar]

bhāryāpi me kho sadṛśā hi satkṛtā kalyāṇadharmā ca pativratā ca |
prahāya svakulaṃ dhītarā ca karoti śraddhāṃ puna kumbhakāśiye || 47 ||
[Analyze grammar]

śīlaṃ śrutaṃ cāpi athāpi saṃyamaṃ śraddhā satī yatra + + + ekadā |
naiṣā sāvadyena vighātadarśanā tad idam asādhu yad idaṃ tvayā kṛtaṃ || 48 ||
[Analyze grammar]

sā me va santike api ca vadyase vijāne mūḍhāsi dhūrtānuvartinī |
na edṛśī arhati āsanodakaṃ kuto sudhāṃ gaccha na me tvaṃ rocasi || 49 ||
[Analyze grammar]

jahāti rātrī aruṇasmiṃ udgate sā tiṣṭhase tāravarā va oṣadhī |
pṛcchāmi te kāṃcanavedivigrahe ācikṣa me tvaṃ katamāsi devatā || 50 ||
[Analyze grammar]

mṛgīva bhrāntā sarabhāya varjitā nirākṛtā mandaṃ mamaṃ avekṣase |
kā te sahāyā mṛdugātri lakṣate na bhāyase ekikā tuvaṃ devatā || 51 ||
[Analyze grammar]

na me sahāyā iha āgatā kauśika + + + pravarāsmi devatā |
āśā sudhāye iha āgatāsmi tan me sudhāye varaprajña bhāgaya || 52 ||
[Analyze grammar]

āśāya kṣetrāṇi kṛṣanti karṣakā saputradārā saṃghaṭanti ekato |
naṃ varṣa harati asanī ca utthitā tad idam asādhu yad idaṃ tvayā kṛtaṃ || 53 ||
[Analyze grammar]

āśāye eke manujā dhanārthikā nāvāṃ samāruhya taranti sāgaraṃ |
ālambane tatra sīdanti athāpi ca duḥkhaṃ nigacchanti vinaṣṭapuṇyāḥ || 54 ||
[Analyze grammar]

sā me va santike api ca vadyase vijāne mūḍhāsi dhūrtānuvartinī |
na edṛśī arhati āsanodakaṃ kuto sudhāṃ gaccha na me tvaṃ rocasi || 55 ||
[Analyze grammar]

kā dṛṣṭāsi + + + pinaddhamañjarī sīhāṃgadā kāṃcipramṛṣṭadhāraṇī |
kuśāgraraktā supinaddhakuṇḍalā uśīravarṇā pratibhāya śobhasi || 56 ||
[Analyze grammar]

gate yathā prāvṛṣi atra sārade alaṃkṛtā lohitamālinī + + + |
pṛcchāmi tvāṃ kāṃcanavedivigrahe ācikṣa me tvaṃ katamāsi devatā || 57 ||
[Analyze grammar]

hirīyamasmi manujāna sammatā akṣudrasattvapratisevinī sadā |
sukheṣiṇī tuhya sakāśam āgatā na tu tvāṃ śakromi maharṣi yācituṃ || 58 ||
[Analyze grammar]

kāvarṇadhātu iha strī na vidyati jānāmi dharmeṇa sugātri lakṣase |
te tāṃ ayācantiye prasavāmy ahaṃ sudhāmahaṃ jīvitaṃ taṃ dadāmi te || 59 ||
[Analyze grammar]

tvām evahaṃ kāṃcanavedivigrahe āmantrayitvāna pravekṣyi āśramaṃ |
tvām evahaṃ sarvaguṇena pūjaye tava adattvā amṛtaṃ pi no alaṃ || 60 ||
[Analyze grammar]

taṃ āśramaṃ puṣpavicitrasaṃstṛtaṃ dvijehi ghuṣṭaṃ rucirasvarehi |
sā succhavī taṃ ca praviṣṭā āśrama udakupetaṃ phalamūlaśobhitaṃ || 61 ||
[Analyze grammar]

vṛkṣāgraṇīnāṃ bahavo nupuṣpitā sālā piyālā panasā ca tindukā |
śobhāṃjanā loghra + + + pāṭalā supuṇyagandhā mucilindakā ca || 62 ||
[Analyze grammar]

kuvalā tamālā bahavo nuveśanaṃ aśvatthanyagrodha tathaivudumbarā |
tilakā kadambā ca tathaiva campakā prasātikā śyāmaka tatra taṇḍulā || 63 ||
[Analyze grammar]

tatrāpinaddhaprāvṛto kuśāmayo supuṇyagandho ajinopasevito |
āśītakurvī harate niṣaṇṇo niṣīda kalyāṇasukhena āsane || 64 ||
[Analyze grammar]

tasyetavāye kuṣicāya kauśikaḥ jayettamānaye jaṭāyantaṃ dhanena |
nehi pātrehi sudhāṃ svayaṃ dade sā adhyabhāṣi tvaritā mahāmuniṃ || 65 ||
[Analyze grammar]

taṃ saṃprati gṛhyāṇa prītamānasā ityabravī āttamanā jaṭādharaṃ |
kṛtā tvayā kauśika mahya pūjā gacchāmi dāni tridaśāna sevituṃ || 66 ||
[Analyze grammar]

sā kauśikenānumatā dyutīmatā jigīṣamāṇā tridaśāṃ upāgami |
gatvāna sā avaca sahasradarśanaṃ iyaṃ sudhā vāsava yo hi me jayo || 67 ||
[Analyze grammar]

so tatra yo preṣita eva mātali parivṛtto devasabhāya agrato |
hirī sudhāṃ kenabhilabdhe hetunā ityabravī tvaṃ punar evam āhūya || 68 ||
[Analyze grammar]

taṃ so vatārād vinivartayed rathaṃ jāmbūnadaṃ santapanīyasannibhaṃ |
prajvālyamānaṃ ravikarasaṃnibhaṃ alaṃkṛtaṃ suvarṇabimbavicitraṃ || 69 ||
[Analyze grammar]

gatāś ca hastikapivyāghradvīpiyo mṛgā ca vaiḍūryamayā upāgatā |
taṃ puṣkalā jyotīrasamayā śubhā maṇīvaiḍūryamayā ca īdṛśā || 70 ||
[Analyze grammar]

heṣṭā manesī upariṃ ca kupsaraṃ suvarṇacandrā ca rathe upāgatā |
taṃ yānaśreṣṭhaṃ abhiruhya mātali daśa diśāyo abhinandayet mahīṃ || 71 ||
[Analyze grammar]

nagāṃś ca śailāṃś ca vanaspatīṃ ca sasāgarāṃ kampamānāṃ vasundharāṃ |
so kṣipram eva tvaritaṃ upāgami tam āśramaṃ yatra abhūṣi kauśiko || 72 ||
[Analyze grammar]

so mātali + + + + + + dūto ahaṃ pṛcchati te puraṃdaro |
śirīya śraddhāya ca āśāyāpi ca hirī śreyā kena guṇena manyasi || 73 ||
[Analyze grammar]

+ + + + + + + + + + + + + + + śirī me pratibhāti mātali |
śraddhā anityā puna devasārathi āśā visaṃvādikasaṃyatā mama || 74 ||
[Analyze grammar]

hirī manāpā pariśuddhakevalā saṃgrāmaśīrṣe na ratā pravarjitā |
vipaśyamānā surabhī upadrutā hirir nivāreti svacittamātmano || 75 ||
[Analyze grammar]

hirīha śreṣṭhā manujeṣu mātali dahare kāṃkṣyati mahallike ca |
priyaṃ ca bhrātṛvyaṃ karoti caṇḍaṃ hirir nivāreti svacittamātmano || 76 ||
[Analyze grammar]

ko te imāṃ kauśika dṛṣṭam + + + ugro hi indro athavā sahāṃpati |
indro tava indrasagotra kāṃkṣati tasyaiva bhāvasahavratānuja || 77 ||
[Analyze grammar]

sa kauśikaḥ taṃ jahiyāna ucchrayaṃ śīlopapeto asadhuryabhūto |
puṇyāni kṛtvā vipulāni āśramekāyasya bhedāt svargeṣu modati || 78 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Mahavastu Chapter 37

Cover of edition (1949)

The Mahavastu
by J. J. Jones (1949)

Translated from the Buddhist Sanskrit

Buy now!
Like what you read? Consider supporting this website: