Chapter 30

pratiyekabuddho grāmaṃ piṇḍāya upasaṃkrame |
yathādhautena pātreṇa tato grāmāto niṣkramet || 1 ||
[Analyze grammar]

tam enaṃ grāmiko dṛṣṭvā saṃbuddham idam abravīt |
kiñci arogo bhagavāṃ labhyate piṇḍayāpanaṃ || 2 ||
[Analyze grammar]

tato 'sya bhagavan pātraṃ grāmikasya praṇāmaye |
na cātra adarśī bhikṣāṃ daurmanasyaṃ grāmikasya 'bhūt || 3 ||
[Analyze grammar]

andhabhūto ayaṃ loko mithyādṛṣṭihato sadā |
etādṛśaṃ dakṣiṇīyaṃ na pūjenti yathārahaṃ || 4 ||
[Analyze grammar]

grāmāntaṃ upasaṃkramya sthihitvāna catuṣpathe |
avidhāvidhaṃ ti krandati tato sannipate janāḥ || 5 ||
[Analyze grammar]

mahājano samāgatvā istriyo puruṣā pi ca |
grāmikaṃ upasaṃkramya kiṃ karoma avidhāvidhaṃ ti || 6 ||
[Analyze grammar]

yaṃ nūnaṃ koṭi yuṣmākaṃ na saṃvibhāgarato jano |
eṣo hi etasmiṃ grāmasmiṃ eko bhikṣu vihanyati || 7 ||
[Analyze grammar]

grāmikasya vacanaṃ śrutvā sarvo grāmo sa-istriyo |
sārāyaṇīyaṃ karensu saṃbuddhasya punaḥ punaḥ || 8 ||
[Analyze grammar]

tam enaṃ grāmiko vaca sabhāryāko saputrako |
sarvasukhavihāreṇa nimantremi tathāgataṃ || 9 ||
[Analyze grammar]

grāmikasya svakā dhītā śucivastrā suvāsanā |
ācāraguṇasampannā upasthīya tathāgataṃ || 10 ||
[Analyze grammar]

grāmikasya prasādena tasmiṃ grāmasmiṃ suvrato |
saṃbuddho parinirvāyi ṛṣi kṣīṇapunarbhavaḥ || 11 ||
[Analyze grammar]

taṃ nirvṛtaṃ dhyāyetvāna stūpaṃ kāresi grāmiko |
nṛtyavāditagītena pūjāṃ kāresi maharṣiṇo || 12 ||
[Analyze grammar]

samāsādya sitaṃ puṣpaṃ vātena apakarṣitaṃ |
ekādhyaṃ saṃharitvāna dīrghamālāṃ vagūhayet || 13 ||
[Analyze grammar]

sā yādṛśī tatraiva mahyaṃ mālā citrā upaniśritā |
etādṛśī me śirasi bhotu mālā yathā ayaṃ |
yatra yatropapadyehaṃ tatra m' etaṃ samṛdhyatu || 14 ||
[Analyze grammar]

sā taṃ karmaṃ karitvāna kalyāṇaṃ buddhavarṇitaṃ |
trāyastriṃśeṣu deveṣu upapadyi 'tha apsarā || 15 ||
[Analyze grammar]

apsarāśatasahasraṃ ca puraskṛtvāna tāṃ sthitā |
tāsāṃ sā pravarā śreṣṭhā nārī sarvāṅgaśobhanā || 16 ||
[Analyze grammar]

tato tāsāṃ cyavitvāna devakanyā maharddhikā |
rājño kṛkisya bhāryāya kukṣismiṃ upapadyi 'tha || 17 ||
[Analyze grammar]

nirgate dvādaśamāse rājabhāryā prajāyata |
mālinīṃ nāma nāmena nārīṃ sarvaṅgaśobhanāṃ || 18 ||
[Analyze grammar]

+ + + + + + ativarṇā atirūpavatī abhūt |
śreṣṭhā ca rājakanyānāṃ dhītā sā kāśirājino || 19 ||
[Analyze grammar]

ācāraguṇasampannā śucivastrā suvāsanā |
rājño kṛkisya antike tiṣṭhate prāṃjalīkṛtā || 20 ||
[Analyze grammar]

tam enam avadad rājā tiṣṭhantīṃ prāṃjalīkṛtāṃ |
brāhmaṇāṃ me tuvaṃ bhadre bhojāpehi atandritā || 21 ||
[Analyze grammar]

pituḥ sā vacanaṃ śrutvā brāhmaṇānām anūnakāṃ |
viṃśatsahasrāṃ bhojeti sarvakāmehi mālinī || 22 ||
[Analyze grammar]

tam enaṃ brāhmaṇā dṛśya mālinīm apsaropamāṃ |
rāgagrasitacittāś ca ullapanti punar punaḥ || 23 ||
[Analyze grammar]

uddhatāṃ unnatāṃ dṛṣṭvā capalāṃ prākaṭendriyāṃ |
mālinī saṃvicinteti na ime dakṣiṇārahā || 24 ||
[Analyze grammar]

sā āruhitvā prāsādaṃ samantena vilokaye |
adarśī bhagavato siṣyaṃ saṃbuddhasya śirīmato || 25 ||
[Analyze grammar]

sā prāsādavaragatā kāśikavaracandanena āliptā |
rājño kṛkisya dhītā sarvā diśatā viloketi || 26 ||
[Analyze grammar]

sā addaśāsi + + + prāsādiken' iṃjitena praviśantāṃ |
buddhasya śrāvakān bāhitapāpāṃ antimaśarīrāṃ || 27 ||
[Analyze grammar]

sā dāsīṃ preṣeti eteṣāṃ ṛṣīṇāṃ vandanaṃ bruhi |
vanditvā ca bhaṇāhi praviśatha bhadanta niṣīdātha || 28 ||
[Analyze grammar]

sā dāsī upagamya pādāṃ vanditvā bhāvitātmanāṃ |
prāñjalikṛtā avocat praviśatha bhadanta niṣīdātha || 29 ||
[Analyze grammar]

rāgā upātivṛttā viśāradā agrapaṇḍitā loke |
buddhasya śrāvakā bāhitapāpā antimaśarīrāḥ || 30 ||
[Analyze grammar]

taṃ pāṇḍaraṃ ca sukṛtaṃ sutoraṇaṃ khaḍga-asiguptaṃ |
praviśensuḥ antaḥpuraṃ rājño dhītuḥ manāpāye || 31 ||
[Analyze grammar]

kāśikapratyāstaraṇaṃ suvicitrakalāpakaṃ maṇivicitraṃ |
vicitrapuṣpāvakīrṇaṃ prajñaptaṃ āsanaṃ āsi || 32 ||
[Analyze grammar]

padmam iva śubhābhāsaṃ jaleruhaṃ yatha jale anupaliptaṃ |
tatha anupaliptacittā tatra niṣīde vigatamohā || 33 ||
[Analyze grammar]

śālīnāmodanavidhim akālakam anekavyaṃjanam upetaṃ |
svahastam upanāmayate yathā bhadantāna abhiroce || 34 ||
[Analyze grammar]

te bhikṣū avacensuḥ śāstā mo agrapaṇḍito loke |
tasyā prathamaṃ bhaktaṃ so bhuṃjaye va mahāvīro || 35 ||
[Analyze grammar]

buddho ti sruṇitva ghoṣaṃ loke kutūhalaṃ aśrutapūrvaṃ |
adhikataraṃ sā prasīde imehi kila so viśiṣṭataro || 36 ||
[Analyze grammar]

sā mālinī avoca bhuñjitvā śāstuno haratha bhaktaṃ |
abhivādanaṃ ca brutha mama vacanāto lokanāthasya || 37 ||
[Analyze grammar]

adhivāse bhaktaṃ bhagavāṃ suvetanā sārdhaṃ bhikṣusaṃghena |
antaḥpurasya madhye rājño dhītuḥ manāpāya || 38 ||
[Analyze grammar]

tyajed ekaṃ kulasyārthaṃ grāmārthaṃ tu kulaṃ tyajet |
grāmaṃ janapadasyārthaṃ ātmārthaṃ pṛthivīṃ tyaje || 39 ||
[Analyze grammar]

satya apiśunavarṇā naṃ ca arthavatī śucī |
anyeṣāṃ madhurā vyaktā buddhasya sakhilā girā || 40 ||
[Analyze grammar]

tarpaṇīyā nirvamhaṇī sarvadāhavināśanī |
nelavarṇā sukhavarṇā buddhasya sakhilā girā || 41 ||
[Analyze grammar]

agadgadā avikalā avitathā ananyathā |
yathātathā avikalpitā buddhasya sakhilā girā || 42 ||
[Analyze grammar]

jñeyajñānā anutpannā anosānā asādiśā |
naravaśā suvibhaktā ca vācā amitabuddhino || 43 ||
[Analyze grammar]

satyaṃ cāpiśunaṃ ca bhāṣati sa sarvataḥ puna maitracitto |
upakāre paramārthasaṃhitaṃ etaṃ vā paramaṃ subhāṣitaṃ || 44 ||
[Analyze grammar]

āviṣṭaṃ gaditaṃ sa bhāṣati uccanīcam atha api madhyamaṃ |
anupadaṃ anvakṣaraṃ viśuddhaṃ etaṃ vā paramaṃ subhāṣitaṃ || 45 ||
[Analyze grammar]

paramakaruṇam uditayuktāṃ girāṃ bhāṣati daśaphalayuktāṃ |
aṣṭāṃg' upetacatuṣprakārāṃ etaṃ vā paramaṃ subhāṣitaṃ || 46 ||
[Analyze grammar]

vācāṃ bhāṣati paṃcapuṇyāṃ suniścitāṃ vā puna chinnasaṃśayāṃ |
na ca karma kiṃci karoti pāpaṃ tathāvidhaṃ uttamapauruṣatvaṃ || 47 ||
[Analyze grammar]

evaṃ upetaṃ varalakṣaṇehi mahādyutigaṇam anuśāsate |
varaṃ jñātīratanaṃ prahāya ratiṃ ca sphītāṃ abhiniṣkrame || 48 ||
[Analyze grammar]

amṛtapadaṃ jigīṣuṃ nandajātā drumasāraṃ varagandham uttamaṃ |
locetvāna kṛtavikṛtaṃ taṃ atha tenaiva pacesi odanaṃ || 49 ||
[Analyze grammar]

evam iha kāśyapaṃ maharṣi paribhāṣanti janā parīttaprajñāḥ |
svākhyātapadaṃ aninditaṃ puruṣājāniyam anatikramaṃ || 50 ||
[Analyze grammar]

śamitāviṃ prahāya puṇyapāpaṃ bhavasaṃyojanasaṃkṣaye rataṃ |
śāntaṃ suvibhaktamānasaṃ taṃ jano garahati anaṃganaṃ || 51 ||
[Analyze grammar]

bhikṣū ca upāsakā ime bahu kāśyapaśāsane ratā |
jvalitaṃ va hutāśanaṃ śikhiṃ etha vandāma sametya kāśyapaṃ || 52 ||
[Analyze grammar]

eṣo dvipadānam uttamo so cakṣudado vināyako |
mānaṃ ca madaṃ ca viprahā etha vandāma sametya kāśyapaṃ || 53 ||
[Analyze grammar]