Chapter 21

padminivanaṃ sucapalaṃ apagatatṛṇakhaṇḍapatrasaṃskāraṃ |
varasurabhikusumanikaraṃ karotha gandhodakasugandhaṃ || 1 ||
[Analyze grammar]

padminivane ca vātā tamālapatragandhavāsitaśarīrā |
siñcantu amṛtagandhāṃ madajananā ca palāyantu || 2 ||
[Analyze grammar]

agaruvaradhūpagarbhā samonamantu nabhato jaladharā taṃ |
padminivanaṃ chādetuṃ varacūrṇarasākulaṃ kṣipraṃ || 3 ||
[Analyze grammar]

ekaikaṃ ca drumavaraṃ dukūlapaṭṭorṇakośikārehi |
kalpayatha kalpavṛkṣān yatha divi devapradhānasya || 4 ||
[Analyze grammar]

sphaṭikamaṇikuṇḍaladharā vigalitavasanā pralambamaṇihārā |
ādāya gandhamālyaṃ gaganapathagatā olīyanti || 5 ||
[Analyze grammar]

māndāravāṇa bharitā kācit saṃgeriyo bharitvāna |
haricandanasya kācit kāci punaḥ kalpaduṣyāṇāṃ || 6 ||
[Analyze grammar]

sthalajajalajaṃ ca mālyaṃ gṛhītvā apsarā muditacittā |
ratanā ābharaṇāni ca jambudvīpaṃ abhimukhīyo || 7 ||
[Analyze grammar]

caturāśītim anūnaṃ chatrasahasrāṇi devakanyāyo |
kanakaratanāmayāni ādāya nabhe pralīyanti || 8 ||
[Analyze grammar]

kūṭāgāraśatehi sphaṭikamaṇicitrehi lepanalepitaiḥ |
bharitam api antarīkṣaṃ duṣyaśatasamucchritapatākaṃ || 9 ||
[Analyze grammar]

gajaśvasanasannikāśā śāradameghā cābhivirocanti |
varasurabhikusumagandhā kamalotpalacampakavimiśrā || 10 ||
[Analyze grammar]

bhujagapatino pi muditā meghehi sugandhatoyabharitehi |
abhyokiranti gagaṇaṃ anyāni ca adbhutaśatāni || 11 ||
[Analyze grammar]

avagāhya taṃ vanavaraṃ devī sakhiparivṛtā jinajanetrī |
vicarati citrarathe devī amaravadhu yathā ratividhijñā || 12 ||
[Analyze grammar]

sā parikilantakāyā drumasya śākhāṃ bhujāya avalambya |
pravijṛmbhitā salīlā tasya yaśavato jananakāle || 13 ||
[Analyze grammar]

atha viṃśatiṃ sahasrā marukanyā āśu-r-eva sannipatitā |
devīṃ kṛtāṃjalipuṭāḥ idam avaca prasannasaṃkalpāḥ || 14 ||
[Analyze grammar]

adya jarāvyādhimathanaṃ janayiṣyasi amaragarbhasukumāraṃ |
devī divi bhuvi mahitaṃ hitaṃ hitakaraṃ naramarūṇāṃ || 15 ||
[Analyze grammar]

mā khu janayī viṣādaṃ parikarma vayaṃ tavaṃ kariṣyāmaḥ |
yaṃ kartavyam udīraya dṛśyatu kṛtam eva tat sarvaṃ || 16 ||
[Analyze grammar]

atha caturi lokapālā saparivārā āśu-r-eva sannipatitā |
divyapraveṇihastā devim upagatā pradakṣiṇato || 17 ||
[Analyze grammar]

sarve pi devasaṃghā devīṃ parivārayitva ākāśe |
sthitā mālyagandhahastā svaparivāreṇopaśobhanti || 18 ||
[Analyze grammar]

dakṣiṇena hi pārśvena jāyante puruṣottamāḥ |
sarve puruṣaśārdūlā bhavanty atravihāriṇaḥ || 19 ||
[Analyze grammar]

kin taṃ na bhidyate pārśvaṃ tasyā jinajanetriye |
janentiye naraśreṣṭhaṃ vedanā ca na jāyati || 20 ||
[Analyze grammar]

manomayena rūpeṇa prādurbhonti tathāgatā |
evaṃ na bhidyate pārśvaṃ vedanā ca na jāyate || 21 ||
[Analyze grammar]

garbhāvāsapariśrānto saptadhā vikramate bhuvi |
diśāṃ ca praviloketi mahāhāsaṃ ca ūhati || 22 ||
[Analyze grammar]

atra kiṃ kāraṇam uktaṃ yaṃ sapta kramate kramān |
na ca aṣṭa na ca ṣaṣṭi atra āgamanaṃ śṛṇu || 23 ||
[Analyze grammar]

garbhāvāsapariśrānto sarvalokahito muniḥ |
paścimo garbhāvāso yaṃ atha vegena prakrami || 24 ||
[Analyze grammar]

bhūmau saptakrame nyaste devasaṃghā nilīyatha |
sahasā lokapālānām aṃkehi dharito muniḥ || 25 ||
[Analyze grammar]

atha varṣaṃ samutpadyi divyakusumaśīkaraḥ |
mandāravarajākīrṇaṃ divyacandanasaṃkulaṃ || 26 ||
[Analyze grammar]

dīrghakālaṃ udagrāś ca suramukhyāgradhūpanaṃ |
pramuṃciṣu vibhūṣārthaṃ tasya uttamabuddhinaḥ || 27 ||
[Analyze grammar]

yad arthañ ca viloketi diśāṃ apratipudgalaḥ |
tatrāham āgamaṃ vakṣye upadeśaṃ manoramaṃ || 28 ||
[Analyze grammar]

na so vidyati satvānāṃ deveṣu manujeṣu ca |
yasyaivaṃ saṃbhavo bhavet garbhokramaṇam eva ca || 29 ||
[Analyze grammar]

khadyotakanakanirbhāsaṃ pārśvaṃ jinajanetriye |
jāyate yadā sarvajñaḥ jāyanto carame bhave || 30 ||
[Analyze grammar]

jātamātrasya tac cittaṃ abhūt pravaravādino |
asti kaścit samabuddhi me cc' etaṃ tarkaṃ nivartituṃ || 31 ||
[Analyze grammar]

kecit saṃsārapāśena arttiyante yathā ahaṃ |
ityarthaṃ puruṣādityo diśāṃ sarvāṃ nirīkṣati || 32 ||
[Analyze grammar]

atha diśā vilokento paśyati vadatāṃ varo |
devakoṭisahasrāṇi tasmāt hāsaṃ pramuṃcati || 33 ||
[Analyze grammar]

taṃ jātamātram ity āhu devatā mārakāyikā |
cāturdvīpo mahākośo cakravartī bhaviṣyasi || 34 ||
[Analyze grammar]

athāsya hāso saṃbhavati na mama satvābhijānatha |
sarvajño sarvadarśī ca bhaviṣyaṃ puruṣottamaḥ || 35 ||
[Analyze grammar]

evam etaṃ praśaṃsanti viśeṣā upadeśakāḥ |
tathā hi narasiṃhānāṃ śāsanaṃ saṃprakāśitaṃ || 36 ||
[Analyze grammar]

yaṃ tiṣṭhantī janaye vīraṃ saṃkusumiteṣu śāleṣu |
śarīram avalambyamānā taṃ anativaraṃ jinaṃ vande || 37 ||
[Analyze grammar]

saṃpratijāto sugato samehi padehi dharaṇiṃ avatiṣṭhet |
sapta ca padāni agamā sarvāṃ ca diśāṃ vilokesi || 38 ||
[Analyze grammar]

taṃ sāmaṃ caṃkramantam anvāgami vījanaṃ ca cchatraṃ ca |
mā varaviduno kāye daṃśā maśakā ca nipatensuḥ || 39 ||
[Analyze grammar]

saṃpratijātaṃ sugataṃ devā prathamaṃ jinaṃ pratigṛhṇe |
paścāc ca taṃ manuṣyāḥ anativaraṃ aṅke dhārensuḥ || 40 ||
[Analyze grammar]

pratyagrahensu devāḥ sugataṃ dvātriṃśalakṣaṇapradarśiṃ |
paścāc ca taṃ manuṣyā anativaraṃ aṃke dhārensuḥ || 41 ||
[Analyze grammar]

nirvāyensu pradīpā mānuṣakā obhāsita 'bhūl lokaṃ |
saṃpratijāte sugate ulkādhāre naramarūṇāṃ || 42 ||
[Analyze grammar]

saṃpratijāte sugate udakārthikā pradhāvinsuḥ |
atha purato udupānā pūrā mukhato viṣyandensu || 43 ||
[Analyze grammar]

dvi vāridhārā udgami ekā śītasya ekā uṣṇasya |
yatra snapayensu sugataṃ vigrahaṃ iva jātarūpasya || 44 ||
[Analyze grammar]

eṣā prasūṣyati narendravadhūttamaṃ taṃ vatsaṃ vibuddhavarapuṣkaragarbhagauraṃ |
yo prāpsyate dharaṇimaṇḍagatottamārthaṃ māraṃ nihatya sabalaṃ tam upemi vīraṃ || 45 ||
[Analyze grammar]

amrakṣitā garbhamalena gātrā jātaṃ jale paṃkajam uttamaṃ vā |
vapuṣmato bālaraviprakāśo sabrahmakān amarān abhibhoti || 46 ||
[Analyze grammar]

tato jātamātro kule arcimasya atikramya dhīro padāni iha sapta |
samolokayitvā diśāṃ ūhasāsi ayaṃ dānim eko bhavo paścimo ti || 47 ||
[Analyze grammar]

tataś ca cchatraṃ ekaṃ vibhrājamānaṃ maṇīmuktaśreṣṭhaṃ parābhāvibhrājaṃ |
vidhūtena dāmena mandāravāṇāṃ bahū devaputrā nabhe dhārayensuḥ || 48 ||
[Analyze grammar]

sabālārkaśaṃkhapratīkāśavarṇaṃ varaṃ hemacchatraṃ nabhe dhārayensuḥ |
tato vījanīyo visṛṣṭā bhramensuḥ kareṇa gṛhītvā jinaṃ vījayensuḥ || 49 ||
[Analyze grammar]

tato puṇyagandhā sukhoṣṇā prabhūtā lahuṃ premaṇīyā hitā mānuṣāṇāṃ |
śivā nandanīyā tuṣārānubaddhā duve vāridhārā nabhe udgatāsuḥ || 50 ||
[Analyze grammar]

tato meruśṛṃgād anekaprakārā pramuktottarīyā samantormijātā |
bhṛśaṃ viśvagandhādhivāsānuvātā dṛḍhaṃ ṣaḍvikāraṃ mahīṃ kampayensuḥ || 51 ||
[Analyze grammar]

suvarṇasya rūpyamaṇīnāṃ śubhānā vimāneṣu devā satūryāvighuṣṭā |
sujātānujātaṃ jinaṃ prekṣamāṇā sacandrārkatāraṃ nabhaṃ śobhayensuḥ || 52 ||
[Analyze grammar]

ayaṃ so sadevaṃ sanāgaṃ sayakṣaṃ mahoghaṃ maharṣī jagaṃ uttaritvā |
tataḥ kṣemam ekāṃ diśaṃ prāpsyatīti prahṛṣṭā 'sya devā nabhe vyāharensuḥ || 53 ||
[Analyze grammar]

naro cetiyeṣu praviṣṭo akāmo mahālokanātho narendrāṇa śāstā |
yadā uttamāṃgena vandāpayensuḥ tato asya pādāni prādurbhavensu || 54 ||
[Analyze grammar]

tato devatā devatāṃ ity avocat na eṣo 'nurūpo mamaṃ vandamāno |
praṇāmaṃ ca eṣo yady anyasya kuryāt dṛḍhaṃ saptadhā asya mūrdhnaṃ phaleyā iti || 55 ||
[Analyze grammar]

rājakulaṃ ca kumāre praviṣṭe uvāca purohitaṃ nṛpatiḥ |
lakṣaṇavidhiguṇakuśalāṃ viprān paryeṣatha śīghraṃ || 56 ||
[Analyze grammar]

taṃ vijñāya ca devā maheśvarā nāma cittavaśavartī |
mā lakṣaṇā akuśalā vikalpayiṣyanti dvijasaṃghā || 57 ||
[Analyze grammar]

vigatamadamānadarpāḥ aṣṭa sahasrā maheśvaravarāṇāṃ |
devagaṇehi gurukṛtaṃ saṃpratijātaṃ upagamensuḥ || 58 ||
[Analyze grammar]

te rājakuladvāre śucivasanavarasthitā stimitaśabdā |
pratihārarakṣam abravīt sumadhurakaraviṃkarutaghoṣāḥ || 59 ||
[Analyze grammar]

rājavaraṃ upagamya brūvīhi ime lakṣaṇaguṇavidhijñāḥ |
tiṣṭhanti aṣṭasahasraṃ praviśensuḥ yadi anumatan te || 60 ||
[Analyze grammar]

sādhū ti pratiśrutvā pratihārarakṣo praviśya rājakulaṃ |
abravīt kṛtāṃjalipuṭo prītimanaso pṛthivīpālaṃ || 61 ||
[Analyze grammar]

atulabala dīptayaśasā kāraya rājyaṃ ciraṃ nihataśatruḥ |
dvāre te amarasadṛśās tiṣṭhanti praveṣṭum icchanti || 62 ||
[Analyze grammar]

pratipūrṇavimalanayanā madhurasvaramattavāraṇavicārī |
bhavati mama teṣu saṃkā na te manujā devaputrā te || 63 ||
[Analyze grammar]

paricaṃkramatāṃ teṣāṃ dharaṇirajo kramavarā na saṃkirati |
na ca sāna paśyāmi padaṃ pṛthivyām idaṃ api āścaryaṃ || 64 ||
[Analyze grammar]

gambhīrastimitaceṣṭā āryākārā praśāntadṛṣṭipathā |
vipulāṃ janenti prītiṃ janasya samudīkṣamānasya || 65 ||
[Analyze grammar]

anyaṃ ca dāni adbhutaṃ śarīracchāyā na dṛśyate teṣāṃ |
na ca teṣu sandhiśabdo caṃkramatāṃ śrūyate kaścit || 66 ||
[Analyze grammar]

niḥsaṃśayaṃ upagatā putravaraṃ tava naravarādhipa draṣṭuṃ |
abhinandya ca abhivandya ca paśyāsi ayonijāṃ devāṃ || 67 ||
[Analyze grammar]

varamālyagandhahastā līlāceṣṭā manoramaśārīrā |
dīpyantā iva śiriye asaṃśayaṃ pravaramarutas te || 68 ||
[Analyze grammar]

taṃ arcimo niśāmya vacanam idaṃ harṣakampitaśarīro |
abravīd bhaṇe sucapalaṃ praviśantu niveśanam udāraṃ || 69 ||
[Analyze grammar]

kiṃ kāraṇaṃ na edṛśāḥ prākṛtapuruṣāṇa bhonti ākārāḥ |
na pi mānuṣāṇa edṛśī ṛddhi bhavati yādṛśīṃ bhaṇasi || 70 ||
[Analyze grammar]

atha so pratihārarakṣo upagamya maheśvarān idam avocat |
prahvo kṛtāṃjalipuṭo praṇamya hṛṣṭo muditacitto || 71 ||
[Analyze grammar]

abhinandate narapatiḥ praviśantu bhavanto devapurakalpaṃ |
rājavṛṣabhasya veśmaṃ narādhipatinā anujñātāḥ || 72 ||
[Analyze grammar]

etaṃ śrutvā vacanaṃ aṣṭasahasraṃ maheśvaravarāṇāṃ |
praviśanti pārthivakulaṃ anihatakulavaṃśamukhyasya || 73 ||
[Analyze grammar]

atha arcimo pi rājā maheśvarāṃ dūrato niśāmetvā |
pratyutthito saparivāro gauravabalabhāvitaśarīro || 74 ||
[Analyze grammar]

tān avaca rājavṛṣabho svāgatam anurāgataṃ vaḥ sarveṣāṃ |
prīto 'smi darśanena praśamadamabalena ca bhavatāṃ || 75 ||
[Analyze grammar]

saṃvidyante imāni asmākaṃ āsanapradhānāni |
āstāṃ tāva bhavanto asmākam anugrahārthāya || 76 ||
[Analyze grammar]

atha te teṣv āsaneṣu bahuratanaviśuddhacitrapādeṣu |
vigatamadamānadarpā niṣīdi anavadyakarmāntāḥ || 77 ||
[Analyze grammar]

te kaṃcid eva kālaṃ āgamayitvā narādhipam avocat |
śṛṇvatu bhavāṃ prayojanaṃ yaṃ asmākam iha gamanāye || 78 ||
[Analyze grammar]

sarvānavadyagātraḥ utpanno lokasundaro tuhyaṃ |
putro kila manujapate lakṣaṇaguṇapāramīprāpto || 79 ||
[Analyze grammar]

vayam api lakṣaṇakuśalāḥ samarthā guṇadoṣalakṣaṇaṃ jñātuṃ |
yadi na gurutvaṃ bhavato paśyema mahāpuruṣarūpaṃ || 80 ||
[Analyze grammar]

so avaca haṃta paśyatha suvyapadeśakṣemaṃ mama putraṃ |
marumanujaharṣajananaṃ lakṣaṇaguṇapāramiprāptaṃ || 81 ||
[Analyze grammar]

atha sa mṛdukācilindikapraveṇiyaṃ guṇadharaṃ grahetvāna |
aṃkena vādicandraṃ upanāmayati suravarāṇāṃ || 82 ||
[Analyze grammar]

ālokayitva dūrāt maheśvarāḥ varakramān daśabalasya |
mūrdhani vigalitamukuṭā nipatensu mahītale hṛṣṭā || 83 ||
[Analyze grammar]

samā heṣṭā ca dīrghā ca āyatā ca ucchaṃga paṃcamā |
eṇi vṛhac ca tiṣṭhanto kośa nyagrodha te daśā || 84 ||
[Analyze grammar]

mṛdu jālā ca pratipūrṇā ekā ūrdhvāgra paṃcamā |
ślakṣṇacchavi haṃsāntarā ca utsadā ca te daśa || 85 ||
[Analyze grammar]

rasaṃ suvarṇa sīho ca samā śuklā ca paṃcamā |
samā prabhūtā brahmā ca nīlā gopakṣma te daśa || 86 ||
[Analyze grammar]

ūrṇā uṣṇīṣa śīrṣaṃ ca nātho dvātriṃśalakṣaṇo |
te dāni brāhmaṇā rājñā arcimena ucyanti || 87 ||
[Analyze grammar]