Chapter 20

tuṣitabhavanād atiyaśo cyaviṣyati anantajñātadarśāvī |
riṃcatha buddhakṣetraṃ + + + varalakṣaṇadharasya || 1 ||
[Analyze grammar]

te śrutva buddhaśabdaṃ pratyekajināḥ maheśvaravarāṇāṃ |
nirvāṃsu muktacittā svayaṃbhuno cittavaśavartī || 2 ||
[Analyze grammar]

sarveṣāṃ bodhisatvānāṃ janetvā puruṣottamāṃ |
carame saptame divase mātā jahati jīvitaṃ || 3 ||
[Analyze grammar]

atra kiṃ kāraṇaṃ bhavati yadi sarvajñamātaro |
janetvā puruṣaśreṣṭhaṃ śīghraṃ jahanti jīvitaṃ || 4 ||
[Analyze grammar]

vasanto tuṣite kāye bodhisatvo mahāsmṛtiṃ |
labhate śubhakarmeṇa parīkṣanto janetriyaṃ || 5 ||
[Analyze grammar]

yasyeha pariśeṣaṃ syā nārīye jīvitaṃ bhavet |
divasāni sapta māsā ca daśa tasyā uram otaret || 6 ||
[Analyze grammar]

kiṃ kāraṇaṃ ayuktaṃ hi asmadvidham anuttaraṃ |
dhāretvā uttare kāle maithunaṃ parisevituṃ || 7 ||
[Analyze grammar]

athāpi pratiseveyuḥ kāmāṃ sugatamātari |
na pitā devasaṃghānāṃ bhinnavṛtto ti vakṣyate || 8 ||
[Analyze grammar]

bhagavāṃ ca nāma kāmānāṃ doṣāṃ satataṃ bhāṣati |
atha ca lokanāthasya mātā kāmāṃ niṣevati || 9 ||
[Analyze grammar]

ye ca nṛpatināṃ veśmasthāni ratnakaraṇḍakā |
ratanaṃ puruṣaśreṣṭhā bhājanaṃ jinamātara iti || 10 ||
[Analyze grammar]

paśyati vilokayanto lokaṃ atha arcimasya orodhe |
nārīṃ amaravadhunibhāṃ vidyullatānibhāṃ iva sudīpāṃ || 11 ||
[Analyze grammar]

so tāṃ niśāmya jananīṃ āmantrayate amarāṃ cyaviṣyāmi |
antimam upeṣyi vāsaṃ garbhe marumānuṣasukhārthaṃ || 12 ||
[Analyze grammar]

taṃ avaca devasaṃgho kṛtāṃjalipuṭo varābharaṇadhārī |
ṛdhyatu uttamapudgala tava praṇidhi ahīnaguṇarūpa || 13 ||
[Analyze grammar]

vayaṃ api lokahitāya manoramām ośiritva kāmaratiṃ |
pūjārthaṃ tava atideva manuṣyaloke vasiṣyāmo || 14 ||
[Analyze grammar]

te vimalaruciravarṇaṃ mandāravapuṣpavarṣam ākāśe |
pravarṣinsu udagracittāḥ śuciṃ sumadhurāhi vācāhi || 15 ||
[Analyze grammar]

yam amaravasanā praśamanamanoramā śokaduḥkhavinimiśrā|
na nandasi na ca niṣevasi kāmān idam adbhutaṃ tubhyaṃ || 16 ||
[Analyze grammar]

yaṃ pi abhibhūya marugaṇaṃ jambūnadaparvatopamaprakāśo |
udyotayasi daśa diśāṃ surarṣabha idaṃ āścaryaṃ || 17 ||
[Analyze grammar]

abhibhavasi devasaṃghāṃ samaheśvaradānavāṃ samāragaṇāṃ |
tārāgaṇāṃ khagacarāṃ amitamati idaṃ pi āścaryaṃ || 18 ||
[Analyze grammar]

kiṃ cāpi viprayogaṃ tvayā na icchāma bhūtasaṃghaguru |
api tu aravindanayanā bhaviṣyasi gatir naramarūṇāṃ || 19 ||
[Analyze grammar]

atha cyavanakālasamaye viśuddhaśatapatrapadmanayanasya |
ānandito marugaṇaḥ ghoṣeti diśāhi sarvāhi || 20 ||
[Analyze grammar]

eṣā ca vartati kathā tuṣitapure sā ca apratimā sudīpā |
rājño 'rcimasya mahiṣī rājānam upetya idam āha || 21 ||
[Analyze grammar]

sā hariṇavatsanayanā viśuddhagandharvavadhunibhā śyāmā |
sahitam idaṃ arcimasya sumadhuram idam abravi sudīpā || 22 ||
[Analyze grammar]

ābharaṇastambhitabhujā pravaravasanadhāriṇī sakhīhi saha |
tvayā vinā rājarṣabha rajanīm imāṃ kṣapayituṃ chando || 23 ||
[Analyze grammar]

śataraśmisya naravarā prāsādavarasya uttamāṃ bhūmiṃ |
śayanavaram āruhe yatra kumudavasanasannibhaṃ vimalaṃ || 24 ||
[Analyze grammar]

tena vacanena tuṣṭo devīye arcimāṃ manāpena |
āmantrayati naravaro parivāram udagrasaṃkalpo || 25 ||
[Analyze grammar]

prativedayantu me laghu śataraśmiṃ pravarakusumasaṃcchannaṃ |
muktakusumāvakīrṇaṃ karotha divi devabhuvanaṃ vā || 26 ||
[Analyze grammar]

osaktapaṭṭadāmaṃ śataraśmiṃ śobhatāṃ capalam eva |
varahemajālacchannaṃ sumeruvaraśṛṃgasaṃkāśaṃ || 27 ||
[Analyze grammar]

caturaṃginī ca senā saśūlanārācatomaravicitrā |
parivārayatāṃ capalaṃ śataraśmimanojñasaṃghātaṃ || 28 ||
[Analyze grammar]

osṛṣṭā yevājñā narapatinā sajjaṃ eva ca sarva |
kṛtvā tatra svakulaṃ rājānam upetya idam āhu || 29 ||
[Analyze grammar]

varṣasahasram anūnaṃ āyuḥ paripāletu mahīpālo |
sajjaṃ ti vimānavaraṃ śobhati tava harṣasaṃjananaṃ || 30 ||
[Analyze grammar]

atha sā amaravadhunibhā devī utthāya āsanavarāto |
abravīt mahīpativaraṃ āditye astamitamātre || 31 ||
[Analyze grammar]

eṣā samādiyāmi prāṇiṣu avihiṃsaṃ brahmacariyaṃ ca |
viramāmi cāpy adinnān madyād anibaddhavacanāc ca || 32 ||
[Analyze grammar]

akhilavacanāc ca naravara prativiramāmi tathaivaṃ paiśūnyāt |
paruṣavacanāc ca narapati viramāmi ayaṃ mama cchando || 33 ||
[Analyze grammar]

parakāmeṣu ca īrṣyāṃ na saṃjaneṣyaṃ nāpi abhidrohaṃ |
bhūteṣu upajaneṣyaṃ viparītamatiṃ ca vijahāmi || 34 ||
[Analyze grammar]

ekādaśaprakāraṃ śīlaṃ sevāmy ahaṃ pṛthivīpāla |
rajanīm imām anūnām evaṃ mama jāyate chandaḥ || 35 ||
[Analyze grammar]

api ca kkhu bhūmipālā kāmavitarko mā māṃ pratikāṃkṣi |
preṣaya mā te apuṇyaṃ bhaveya mama brahmacāriṇiye || 36 ||
[Analyze grammar]

sarve tava saṃkalpāṃ paripuremīti pārthivo avaci |
abhirama bhavanavaragatā ahaṃ ca rājyaṃ ca te vaśyaṃ || 37 ||
[Analyze grammar]

sā strīsahasram agryaṃ anuraktaṃ gṛhya taṃ vimānavaraṃ |
abhiruhya abhiniṣīde manāpaparipūrṇasaṃkalpā || 38 ||
[Analyze grammar]

sā kañcid eva kālaṃ tasmiṃ himakumudapuṇḍarīkanibhe |
śayane prasamadamaratā tuṣṇīṃbhāvena kṣepayati || 39 ||
[Analyze grammar]

sā dāni dakṣiṇena pārśvena parinyāse śarīravaraṃ |
kusumalatā va drumavaraṃ śayanaṃ parivelliyāśāyitā || 40 ||
[Analyze grammar]

atha tāṃ niśāmya śayanopagatāṃ devīṃ divi pramadārūpanibhāṃ |
tuṣitālayā cyaviya devagaṇāḥ prāsādamūrdhni pratisthihiṃsu || 41 ||
[Analyze grammar]

te mūrdhanā abhinatā sarve hṛṣṭā kṛtāṃjalipuṭāḥ amarā |
vandanti tāṃ vipulapuṇyadharāṃ devīṃ jinasya jananīṃ śayane || 42 ||
[Analyze grammar]

atha kautūhalaparaṃ saṃjaniyā bahudevakanyā śucimālyadharā |
jinamātur upagatā draṣṭumanā prāsādamūrdhni pratiṣṭhihiṃsu || 43 ||
[Analyze grammar]

upasaṃkramitvā śayanopagatāṃ devīṃ niśāmya varavidyunibhāṃ |
prītisukhaṃ vipulaṃ saṃjaniyā atha saṃpravarṣi divijaṃ kusumaṃ || 44 ||
[Analyze grammar]

mānuṣyakaṃ pi kila edṛśakaṃ rūpaṃ sujātam idam āścaryaṃ |
kaṃcit kālaṃ sthihiya-m-antarato nāyaṃ samā maruvadhūhi bhave || 45 ||
[Analyze grammar]

līlāṃ niśāmayatha he sakhikā pramadāy' imasya yatha opayikāṃ |
śayane virocati manaṃ harati vibhrājate kanakamarīcir iva || 46 ||
[Analyze grammar]

ayan taṃ dhareṣyati mahāpuruṣaṃ atyantadānadamaśīlarataṃ |
sarvāśravāntakaraṇaṃ virajaṃ kiṃ hāyate tava narendravadhū || 47 ||
[Analyze grammar]

cāpodare karatalapratime vararomarājivicitre rucire |
iha so bhaviṣyati anantamatiḥ satataṃ alipta aśubhena śuci || 48 ||
[Analyze grammar]

bahudīrgharātranicitaṃ kuśalaṃ pramadāy' imasya vipulaṃ paramaṃ |
yā taṃ dhareṣyati anantaguṇaṃ cirarātrasannicitapuṇyabalaṃ |
anurūpā tvaṃ ca pramadā pravarā mātā sa caiṣa puruṣapravaro |
putro prahīnavanatho virajo kiṃ hāyate tava narendavadhū || 49 ||
[Analyze grammar]

atha rākṣasā vividharūpadharā āṇattā divi parito capalaṃ |
tiṣṭhantu bho pravaraśastradharāḥ sarvadiśā kurutha asaṃvaraṇā || 50 ||
[Analyze grammar]

teṣām anantara dvijihvagaṇā ārakṣahetu diśatāsu sthitāḥ |
vātaṃ pi yeṣa calitaṃ śruṇiya krodhaṃ samutpatati agnisamo || 51 ||
[Analyze grammar]

teṣām anantaragatās thapitā yakṣāḥ pradīptaśikharā vikṛtā |
ye duṣṭacittā vinivārayātha mā ca vadhaṃ kurutha kasya cāpi || 52 ||
[Analyze grammar]

teṣām anantarasthitā balavāṃ gandharvasaṃgho śubharūpadharāḥ |
ārakṣahetu śubhacāpadharā varalakṣaṇā vipulabuddhimato || 53 ||
[Analyze grammar]

catvāri lokapatino sthapitā gagane svayaṃparivāreṇa saha |
adya cyaviṣyati kila bhagavāṃ lokasya arthasukhavṛddhikaro || 54 ||
[Analyze grammar]

tridaśehi sārdhaṃ tridaśapravaro sthitu antarīkṣe varacakradharo |
aciraṃ cyaviṣyati cyutiṃ caramāṃ ākāṃkṣamāṇa sukhaṃ apratimaṃ || 55 ||
[Analyze grammar]

devīya mūle bahu devagaṇā kṛtvā daśāṃguliṃ natābhimukhā |
samudīrayanti vacanaṃ madhuraṃ ullokayanti tuṣiteṣu jinaṃ || 56 ||
[Analyze grammar]

vyavadānasannicitapuṇyabalā samayo khu antimam upetu bhavaṃ |
sajjā tāva bhavati te jananī anukampa dāni duḥkhitāṃ janatāṃ || 57 ||
[Analyze grammar]

eṣo cyavāmi iti muṃci girāṃ śubhaṃ vacanaṃ udīrayi + + + + + + |
atha supinaṃ janani jinasya tasmiṃ kṣaṇe paśyate varavipākaphalaṃ || 58 ||
[Analyze grammar]

himarajatanibho se ṣaḍviṣāṇo sucaraṇacārubhujo suraktaśīrṣo |
udaram upagato gajapradhāno lalitagatiḥ anavadyagātrasandhiḥ || 59 ||
[Analyze grammar]

kiṃ kāraṇaṃ suravareṇa prabhā pramuktā candrāṃśuśītalatarā kanakāvadātā |
yenāsureśvaragaṇā manujeśvarāś ca prahlāditā ca narakā jvalanārcikalpā || 60 ||
[Analyze grammar]

ye tatra tatra janatāṃ pratipālayanti saṃsārapaṃjaragatāṃ madanābhibhūtāṃ |
teṣāṃ vimokṣakaraṇena mahāyaśena āmantraṇārthaṃ anaghena prabhā pramuktā || 61 ||
[Analyze grammar]

muṃcatha amarā purāṇi na kila prāmodyasya ayaṃ kālaḥ |
jarāmaraṇapuraṃ bhettuṃ kālo jñānaprahāreṇa || 62 ||
[Analyze grammar]

so nadiya siṃhanādaṃ narasiṃho cyavanakālasamayasmiṃ |
antarahito kṣaṇena narendrabhavane samutpadye || 63 ||
[Analyze grammar]

yo so tuṣitaṃ kāyaṃ obhāseti śubhena varṇena |
devapurāc cyavamāno anativaro lokapradyotaḥ || 64 ||
[Analyze grammar]

sabrahmakaṃ ca lokaṃ saśramaṇabrāhmaṇā prajā sarvā |
varṇen' obhāseti anativaraḥ lokapradyoto || 65 ||
[Analyze grammar]

āścaryam adbhutam idaṃ paśyatha yāvat maharddhikaḥ śāstā|
smṛtimāṃ susaṃprajāno mātuḥ kukṣismiṃ okrānto || 66 ||
[Analyze grammar]

yāvac ca naravarapravara uttamalakṣaṇasamaṃgi asthāsi |
mātāye kukṣismiṃ smṛtimatimāṃ saṃprajāno ca || 67 ||
[Analyze grammar]

tato ayaṃ sāgaramerumaṇḍalā prakampitā ṣaḍvidham āsi medinī |
kṛto ca loko vimalo manoramo mahāndhākārāpanudasya tejasā || 68 ||
[Analyze grammar]

so 'yaṃ mahānubhāvo smṛtiṃāṃ tuṣitabhavanāc cyavitvāna |
pāṇḍaravarāhakanibho bhavitva gajarūpī ṣaḍḍanto || 69 ||
[Analyze grammar]

vīrāsane śayantiye poṣadhikāye viśuddhavasanāye |
smṛto saṃprajāno kuśalo mātuḥ kukṣismiṃ okrāntaḥ || 70 ||
[Analyze grammar]

sā ca rajanīprabhāte ākhyāsi bhartuno manāpasya |
rājavara pāṇḍaro me gajarājā kukṣim okrānto || 71 ||
[Analyze grammar]

taṃ śṛṇuya bhartu rājā vaipaṃcanikāṃ samāgatāṃ avaci |
supinasmiṃ asyā sarve bhaṇātha bhūtaṃ phalavipākaṃ || 72 ||
[Analyze grammar]

te tatrāpi avaciṃsu nimittikā pṛcchitā svayaṃ rājñā |
dvātriṃśallakṣaṇadharo kukṣiṃ devīya okrānto || 73 ||
[Analyze grammar]

hṛṣṭo bhavāsi naravara yasya tava kulasmiṃ pratyutpanno |
pṛthivīdhara varagarbho anupamasatvo mahāsatvo || 74 ||
[Analyze grammar]

yatha maya paurāṇānām ācāryāṇāṃ svayaṃ samupāhṛtaṃ |
dve 'sya gatayo ananyā bhavanti naravīraśārdūla || 75 ||
[Analyze grammar]

yadi āsiṣyati agāre mahīpati hoti saratano maharddhiko |
nityānubaddhavijayo rājaśatasahasraparivāro || 76 ||
[Analyze grammar]

atha khalu pravrajiṣyati cāturdvīpāṃ mahīṃ vijahiyāna |
hohiti ananyaneyo buddho tenā naramarūṇāṃ || 77 ||
[Analyze grammar]

caturo pi lokapālā rakṣām akarinsu lokanāthasya |
mā kocī ahitaiṣī namucibalanudaṃ vihiṃseya || 78 ||
[Analyze grammar]

sahasrāṇi devānām arcimapuram upagatāni tuṣṭāni |
ārakṣārthaṃ + + + varabuddhino amarapuram iva || 79 ||
[Analyze grammar]

manoramaṃ dīpavatīpuram uttamaṃ kṛtam anuviśantehi |
manomayavikramagatehi amaragaṇehi abhivirocati || 80 ||
[Analyze grammar]

devīṃ parivāretvā maheśvaragaṇānāṃ kila sahasrāṇi |
aṣṭau gagaṇatalagatā ākāśagatā abhiniṣaṇṇā || 81 ||
[Analyze grammar]

teṣāṃ dāniṃ pṛṣṭhato indrasahasrāṇi vimalaśikharāṇi |
subahūni bahuguṇasya ārakṣārthaṃ niṣaṇṇāni || 82 ||
[Analyze grammar]

teṣāṃ dāniṃ pṛṣṭhato devendrāṇāṃ sahasranayutāni |
kāmāvacarā devā niṣaṇṇā gagane nirālambe || 83 ||
[Analyze grammar]

teṣāṃ devagaṇānāṃ pṛṣṭhato asurā asurāṇāṃ ca dvijihvagaṇā |
yakṣāś ca vikṛtarūpā rākṣasasaṃghāś ca sanniṣāṇṇā || 84 ||
[Analyze grammar]

etāye vidhiye gagaṇaṃ amaraśatasahasrasaṃkulaṃ śrīmaṃ |
atyantasupariśuddhaṃ kuśalam upacitaṃ hi virajena || 85 ||
[Analyze grammar]

svapnāntare yā pramadā dadarśa sūryaṃ nabhā kukṣim anupraviṣṭaṃ |
prasūyate sā varalakṣanāṃgaṃ so bhavati rājā balacakravarti || 86 ||
[Analyze grammar]

svapnāntare yā pramadā dadarśa candraṃ nabhā kukṣim anupraviṣṭaṃ |
prasūyate sā naradevagarbhaṃ so bhavati rājā varacakravartī || 87 ||
[Analyze grammar]

svapnāntare yā pramadā dadarśa śvetaṃ gajaṃ kukṣim anupraviṣṭaṃ |
prasūyate sā gajasattvasāraṃ so bhavati buddho budhitārthadharmo || 88 ||
[Analyze grammar]

kukṣiṃ prabhāsayantaṃ kanakavapuṃ pravaralakṣaṇasamaṃgiṃ |
dhāremi cakravartiṃ varapuruṣaṃ rājaśārdūlaṃ || 89 ||
[Analyze grammar]

gajaṃ ratnaśreṣṭhaṃ madanabalavegāpanayanaṃ pradīpaṃ lokasya tamatimiramohāpanayanaṃ |
guṇānāṃ koṣaṃ tvaṃ aparimitaratnākaradharaṃ dharesi rājarṣi apratihatacakraṃ amararuciṃ || 90 ||
[Analyze grammar]

yathā mama na rāgadoṣā prasahanti narendragarbham upalabhya |
niḥsaṃśayaṃ bhaviṣyati samaruci yatha niścarati vācā || 91 ||
[Analyze grammar]

anyaṃ ca dāni paśyatha āścaryaṃ tasyā devaparṣāye |
tāva vipulāye yā kathā abhū paramaharṣasaṃjananī || 92 ||
[Analyze grammar]

na ca kāmakathānyā vā nāpy apsarasāṃ kathā na gītakathā |
na ca vādyakathā teṣāṃ na pi bhuktakathā na pānakathā || 93 ||
[Analyze grammar]

nābharaṇakathā teṣāṃ na pi vastrakathā pravartati kadācit |
yānodyānakathā yā nodyānakathā vā manasāpi na jāyate teṣāṃ || 94 ||
[Analyze grammar]

sādhū puṇyabalavato dyutī anupamā sadevakaṃ lokaṃ |
abhibhavati nāyakasya vikasati eṣā kathā tatra || 95 ||
[Analyze grammar]

sādhuṃ garbhāvakramaṇām anopamaṃ rūpapāramigatasya |
iti vikasati bahuvidhā kathā pariṣāmadhye etasmiṃ || 96 ||
[Analyze grammar]

sādhūhi nirāmiṣehi saṃjñāpadehi kṣapenti taṃ kālaṃ |
varabuddhino iyaṃ api kathā vikasati pariṣāmadhye || 97 ||
[Analyze grammar]

evaṃ ca bahuprakārāṃ kathāṃ kathentā ramanti devagaṇā |
rūpaṃ varṇaṃ tejaṃ balaṃ ca virajasya kathayantā || 98 ||
[Analyze grammar]