Chapter 19

tathaiva ca rājagṛhe purottame paropahāraṃ bhagavāṃ pravṛttavāṃ |
samutkarṣesi svavidhānakovido upālino taṃ vacanopahāraṃ || 1 ||
[Analyze grammar]

tathā paraṃ merutaṭe samāgatāṃ sa vādisiṃho vaśināṃ vaśī vaśī |
paropahāraṃ bhagavāṃ sa bhikṣusaṃghasya taṃ idam avacā mahāmunir iti || 2 ||
[Analyze grammar]

etāṃ sarvāṃ pravakṣyāmi upahārāṃ manoramāṃ |
tasya satvapradhānasya śṛṇu vikrīḍitaṃ śubhaṃ || 3 ||
[Analyze grammar]

utpanne puruṣaśreṣṭhe dharmacakre pravartite |
kaliṃgarājā kārayati rājyaṃ sphītam akaṇṭakaṃ || 4 ||
[Analyze grammar]

nāmena abhayo nāma tasyedaṃ darśanaṃ abhūt |
śubhāśubhānāṃ karmāṇāṃ phalaṃ nāstīti niścayaḥ || 5 ||
[Analyze grammar]

paraloko tathā nāsti dānaphalaṃ kvacid yatra |
vītarāgo vītadoṣo vītamoho na vidyate || 6 ||
[Analyze grammar]

so taṃ ca darśanaṃ prāpya janatāṃ sannipātayet |
svakāṃ dṛṣṭiṃ samākhyāti paścāc ca na nivartate || 7 ||
[Analyze grammar]

yadi mahyaṃ pitā bruyāt pratyakṣaṃ mama agrataḥ |
svayam upagamya evan tac chraddadhe tadā tathā || 8 ||
[Analyze grammar]

sarvadā sa tadā āsi śīlavāṃ maitramānaso |
yadi tasya phalam asti tasya devapuraṃ gatiḥ || 9 ||
[Analyze grammar]

devabhūto mama jñātvā imāṃ dṛṣṭiṃ vimocayet |
ity uktvāsti paraloko dṛṣṭiṃ muñcāhi pāpakāṃ || 10 ||
[Analyze grammar]

yasya ca paralokasya pravṛttir nopalabhyate |
tasmāt pitā mamāgatvā saṃpraharṣayatu mānasaṃ || 11 ||
[Analyze grammar]

tato lokānukampārthaṃ kāruṇo mahadviśāradaḥ |
kaliṃgarājasya rūpaṃ nirmaṇati svayaṃ muniḥ || 12 ||
[Analyze grammar]

prāsādavaraṃ āruhya antaḥpuragato tathā |
antaḥpurasya darśeti yat taṃ prakṛtidarśanaṃ || 13 ||
[Analyze grammar]

tato sa nirmito rājā antarīkṣagatasthitaḥ |
rājānam abhayaṃ dhīro uvāca puruṣottamaḥ || 14 ||
[Analyze grammar]

parityajya svakāryāṇi parakāryeṣu vyāpṛtaḥ |
mithyādarśanasaṃyuktaṃ arājyaṃ rājyasaṃjñitaṃ || 15 ||
[Analyze grammar]

adya bhave gatī tubhyaṃ narako dāruṇo mahat |
ye ca te darśayiṣyanti teṣām api ca sā gati || 16 ||
[Analyze grammar]

anyān hi vihato hanti naṣṭo nāśayate parāṃ |
andhīkaroti anyā pi svayam andhavyapatrapo || 17 ||
[Analyze grammar]

sumuṣṭo muṣase anyā mṛto ca mārase parāṃ |
sukhitān api satvā tvaṃ duḥkhāpayasi durmate || 18 ||
[Analyze grammar]

nimagno kāmapaṃkasmiṃ gṛddhu kām eṣu mūrcchitaḥ |
paralokaṃ draṣṭukāmo dharmāṇāṃ nayanaṃ nṛpaḥ || 19 ||
[Analyze grammar]

asthānam etaṃ bhūmipati yas tvaṃ kāmaparāyaṇaḥ |
asamartho tahiṃ gantuṃ paralokam imaṃ prabho || 20 ||
[Analyze grammar]

āsvādaṃ pi tu kāmeṣu buddhvā doṣān tathaiva ca |
kāme niḥsaraṇajñasya te vai jāne paraṃparāṃ || 21 ||
[Analyze grammar]

etac chrutvā naraśreṣṭho abhayo kampito bhayāt |
prahvo idam uvāca taṃ antarīkṣe sudarśanaṃ || 22 ||
[Analyze grammar]

śraddadhāmi taṃ te deva evam etaṃ nānyathā |
prasīda bhava me nātha abhayaṃ parimocaya || 23 ||
[Analyze grammar]

tadvasāntaḥpurāmātyaḥ śāstā me apratipudgalaḥ |
vinayavaśī tavāsmi tathānyā janatā bahu || 24 ||
[Analyze grammar]

paropahāra iti eṣas tena paramabuddhinā |
vṛtto anugrahārthāya satvānāṃ varabuddhinā || 25 ||
[Analyze grammar]

devī kusumbharājasya kusumā iti viśrutā |
iṣṭā kusumbharājasya strīsahasrāṇam uttamā || 26 ||
[Analyze grammar]

tasya mātā pitā caiva jīrṇā daṇḍaparāyaṇā |
dhītaram evam āhansu kusume putri he śṛṇu || 27 ||
[Analyze grammar]

vayaṃ jīrṇā tuvaṃ bālā kāmapralulitā asi |
icchema pratisṛjyantau icchema maraṇam ātmanaḥ || 28 ||
[Analyze grammar]

etac ca vacanaṃ śrutvā kusumā labhate mataṃ |
avarṇo yaṃ mama asyā yady ambātāto praghātyate || 29 ||
[Analyze grammar]

dāsyāmi viṣasaṃyuktaṃ bhaktam eṣāṃ sudāruṇaṃ |
bhuktvā yena ubhāv etau mariṣyanti na saṃśayaḥ || 30 ||
[Analyze grammar]

yadāsyā niścitā buddhi mātāpitṛṣu dāruṇā |
tato utpādaye śāstā kāruṇyaṃ kusumāṃ prati || 31 ||
[Analyze grammar]

tataḥ kusumāye śāstā mātaraṃ pitaraṃ tathā |
apanāmayati saṃbuddho anyau sthāpeti nirmitau || 32 ||
[Analyze grammar]

kusumā viṣasaṃyuktaṃ taṃ bhojanam āpadyati |
nirmitān āha bhuṃjantu ambā tāto ca bhojanaṃ || 33 ||
[Analyze grammar]

avikampamānā bhuṃjanti bhojanaṃ jinanirmitāḥ |
na caiṣāṃ bādhate kiṃcit kāyaṃ nirmitakā hi te || 34 ||
[Analyze grammar]

dvitīyaṃ divasaṃ caiva tṛtīyaṃ caturthaṃ paṃcamaṃ |
viṣasaṃyuktaṃ bhuktvāna sudhāṃ va yāpenti nirmitau || 35 ||
[Analyze grammar]

tataḥ kṛtāṃjalī bhūtvā kusumā nirmitāṃ bravīt |
ātmānaṃ me nivedayatha anugrāhyā yadi ahaṃ || 36 ||
[Analyze grammar]

tāṃ yācamānāṃ prāñjalikāṃ kusumāṃ nirmitā bravīt |
yā tavāpatti jānātha tathā ca anutiṣṭhatha || 37 ||
[Analyze grammar]

buddhaḥ puruṣaśārdūlaḥ dvātriṃśavaralakṣaṇaḥ |
utpannaḥ kulasaṃpannaḥ sarvavidyāguṇānvitaḥ || 38 ||
[Analyze grammar]

tasya sarvaṃ guṇābhūtaṃ atītānāgatasthitaṃ |
viditaṃ vādisiṃhasya atra vijaha saṃśayaṃ || 39 ||
[Analyze grammar]

prāsādavaram āruhya sastryāgāro sa pārthivaḥ |
yāced darśanam icchāma vayaṃ sarvārthadarśinaḥ || 40 ||
[Analyze grammar]

taṃ sarvaguṇasaṃpannaṃ vanditvā śaraṇaṃ vraje |
tato asmākaṃ yaṃ tatraiva pṛcchasi vakṣyate jino || 41 ||
[Analyze grammar]

sādhū ti pratiśrutvāna nirmitāṃ prati so tadā |
rājā sāntaḥpuro śīghraṃ prāsādam abhirūḍhavāṃ || 42 ||
[Analyze grammar]

satvaraṃ sa prahvo rājā sastryāgāro kṛtāṃjaliḥ |
imāṃ vyāharate rājā vācāṃ kusumayā saha || 43 ||
[Analyze grammar]

ye sarvaguṇasaṃpannā lokānām anukampakā |
gṛhītā atyantaṃ teṣāṃ sāñjalī saumanasyakā || 44 ||
[Analyze grammar]

tato amantraye śāstā śrāvakāṃ śāsane ratāṃ |
cāruvarṇaṃ siṃhahanuṃ dṛḍhabāhuṃ aninditaṃ || 45 ||
[Analyze grammar]

kīrtimantaṃ mahānāgaṃ ca cāturantaṃ mahābalaṃ |
nīlakeśaṃ ca buddhaṃ ca śāntaṃ sāstraviśāradaṃ || 46 ||
[Analyze grammar]

tathā śārasam atulyaṃ guptakāmam aninditaṃ |
siṃhanandiṃ viśālākṣaṃ lakṣaṇeyam anuttamaṃ || 47 ||
[Analyze grammar]

eṣa bhikṣavo gacchāmi śāstāram anubandhatha |
kusumāṃ pramukhāṃ kṛtvā vineṣyāmi bahuṃ janaṃ || 48 ||
[Analyze grammar]

sādhū ti te pratiśrutvā vaśībhūtā svayaṃbhuvaḥ |
parivārayitvā saṃbuddhaṃ idaṃ vacanam āhu te || 49 ||
[Analyze grammar]

asmākaṃ pi pādo vīrā vihaṃgamadhyam akramaḥ |
anuyāsyāma saṃbuddhaṃ yatra gacchati cakṣumāṃ || 50 ||
[Analyze grammar]

nimeṣāntareṇa saṃprāpto bhagavāṃ śiṣyasaṃvṛtaḥ |
nagaraṃ kusumāyās tu anukampāya prāṇināṃ || 51 ||
[Analyze grammar]

ākāraṃ vajrapāṇisya nāyako abhinirmiṇe |
devasaṃghaṃ ca manasā dhyāye dhyānaviśāradaḥ || 52 ||
[Analyze grammar]

prabhāmaṇḍalam utsṛje yojanāni caturdaśa |
devatā ca abhivādenti yātrāṃ paramabuddhinaḥ || 53 ||
[Analyze grammar]

tato ca kusumā devī prahvī sugatam abravīt |
eṣā te prāñjalī nātha pādāṃ icchāmi vanditaṃ || 54 ||
[Analyze grammar]

tataḥ pratiṣṭhito śāstā prāsādavaramūrdhani |
prabhayā ca diśā sarvā abhibhūya yaśaskaraḥ || 55 ||
[Analyze grammar]

tato ca kusumā devī saha rājñā jinakramāṃ |
vandate parivāro ca deviye narapuṅgavaṃ || 56 ||
[Analyze grammar]

śaraṇaṃ tvāṃ naraśreṣṭha gacchāma suravandita |
mātaraṃ pitaraṃ hatvā kīdṛśaṃ labhate phalaṃ || 57 ||
[Analyze grammar]

śṛṇohi kusume satyaṃ mātāpitṛvadhe phalaṃ |
anantaraṃ mahāvīciṃ narakaṃ upapadyate || 58 ||
[Analyze grammar]

tato buddhānubhāvena śāstā vadathakovidaḥ |
kusumāyā mahāvīciṃ upadarśeti nāyakaḥ || 59 ||
[Analyze grammar]

tato ca kusumā devī nirayaṃ trasya dāruṇaṃ |
aśruvegaṃ pramuñcantī idaṃ vacanam abravīt || 60 ||
[Analyze grammar]

mātāpitṛbhyāṃ kāruṇikā duṣṭacittasya kidṛśaṃ |
paraloke phalaṃ bhavati yat satyaṃ tad udīraya || 61 ||
[Analyze grammar]

duṣṭacittasya kusume taṃ cittaṃ syād amuñciyaṃ |
tad eva paralokasmiṃ phalaṃ sadyaṃ ca hiṃsayā || 62 ||
[Analyze grammar]

tato ca pratiniḥsṛjati kusumā dāruṇaṃ manaṃ |
purato dharmarājasya prītisukhasamarpitā || 63 ||
[Analyze grammar]

tato kāmāna āsvādaṃ bhāṣate sarvakovidaḥ |
ādīnavaṃ ca kāmānāṃ bhāṣate puruṣottamaḥ || 64 ||
[Analyze grammar]

tato kāmānāṃ niḥsaraṇaṃ bhāṣate cintyavikramaḥ |
guṇān vadati nirvāṇe adbhutāṃ bhūtadarśimān || 65 ||
[Analyze grammar]

kusumāṃ pramukhāṃ kṛtvā koṭīyo dvādaśa muniḥ |
mānuṣāṇāṃ vinayati upahāro ayaṃ iti || 66 ||
[Analyze grammar]

dhruvo nāma abhūc chreṣṭhī nagare kāśivardhane |
tasyedaṃ darśanaṃ pāpaṃ mātāpitṛsamāgame || 67 ||
[Analyze grammar]

yo mātaraṃ ca pitaraṃ ca jīrṇakaṃ gatayauvanaṃ |
jñātipakṣaṃ samānetvā bhakṣyabhojyena tarpayet || 68 ||
[Analyze grammar]

agniskandhe ca jvalite dāhayeya pitṝn ubhau |
upahāro vidhātavyo tasya puṇyam anantakaṃ || 69 ||
[Analyze grammar]

rākṣasīnāṃ sahasrāṇi nāyako abhinirmiṇi |
prāsādavarasuptasya dhruvasya purataḥ sthitā || 70 ||
[Analyze grammar]

daṇḍahastā kaśāhastā śaktihastā tathaiva ca |
kuṭhārahastā asihastā ulkāhastā tathaiva ca || 71 ||
[Analyze grammar]

atha tomarahastā ca nārācaśatapāṇiyo |
kuntamudgarahastāś ca śreṣṭhisya purataḥ sthitāḥ || 72 ||
[Analyze grammar]

dhikkṛtāṃ dhikkṛtāṃ dṛṣṭiṃ prāpto 'si puruṣādhamā |
dhikkṛtaṃ mithyātvam āsādya na śraddadhitum arhasi || 73 ||
[Analyze grammar]

ye te duṣkarakartāraḥ ye te pūrvopakāriṇaḥ |
maitracittā āpanneṣu teṣu tvaṃ vadham icchasi || 74 ||
[Analyze grammar]

yeṣāṃ na śakyaṃ pratikartuṃ apatyena kathaṃcana |
sarvaratnaṃ pi dadatā teṣāṃ tvaṃ vadham icchasi || 75 ||
[Analyze grammar]

jīvitāt te mṛtaṃ śreyo na ca darśanam īdṛśaṃ |
yaḥ tvaṃ supuruṣācīrṇaṃ darśanaṃ pratibādhase || 76 ||
[Analyze grammar]

adya te jīvitaṃ nāsti sabhāryasya sabandhunaḥ |
sabhṛtyasya saputrasya pretya ca nirayaṃ gatiḥ || 77 ||
[Analyze grammar]

imaṃhi nāma evaṃ vā māriṣa bhadram astu vaḥ |
mithyādarśanasampannaṃ mūḍḥāpaṇḍitamānasaṃ || 78 ||
[Analyze grammar]

parāṃ anyāṃ pi janatāṃ grāhentaṃ pāpadarśanaṃ |
dhruvaṃ śreṣṭhiṃ vināśema āryadarśanakutsakaṃ || 79 ||
[Analyze grammar]

etan tu vacanaṃ śrutvā dhruvo udvignamānasaḥ |
sasvinnagātro prahvaś ca babhūva trastamānasaḥ || 80 ||
[Analyze grammar]

bhrāntacitto diśovekṣī trasto bhavati mānasaḥ |
kṛtāñjalipuṭo bhūtvā idaṃ vacanam abravīt || 81 ||
[Analyze grammar]

rakṣogaṇo prasīdaṃtu parivārasya mahya ca |
yuṣme gatiś ca lenaś ca mama śaraṇam eva ca || 82 ||
[Analyze grammar]

ājñāpayatha kiṃ kṛtvā mahyādya abhayaṃ bhave |
mama sabandhuvargasya na cāgaccheya durgatiṃ || 83 ||
[Analyze grammar]

te ca bravīnsu bhūtagaṇā dhruvaṃ śreṣṭhiṃ nabhe sthitā |
mā asmākaṃ śaraṇaṃ gaccha tam eva śaraṇaṃ vraja || 84 ||
[Analyze grammar]

hitaiṣiṇaṃ sarvabhūtānāṃ buddhaṃ dhutajanārcitaṃ |
sarvalokottaraṃ vādiṃ śākyasiṃhaṃ manoramaṃ || 85 ||
[Analyze grammar]

kahin nu so + + + + + + bhagavāṃ bhūtavandito |
vayaṃ pi taṃ naraśreṣṭhaṃ gacchema śaraṇaṃ muniṃ || 86 ||
[Analyze grammar]

eṣo sarvaguṇopetaḥ pure ratanakholake |
nānākusumasaṃcchanne udyāne gandhamādane || 87 ||
[Analyze grammar]

vaśībhūtasahasrāṇāṃ navatīhi puraskṛto |
vihārakuśalo dhīro tatra viharate muniḥ || 88 ||
[Analyze grammar]

taṃ tvaṃ śaraṇaṃ gacchāhi sarvehi jñātibhiḥ saha |
taṃ ca paśya narādityaṃ tāṃ ca dṛṣṭiṃ parityaja || 89 ||
[Analyze grammar]

yaṃ ca so deśate dharmaṃ dṛṣṭāntavihitaṃ śubhaṃ |
taṃ ca prajñāya paśyāhi evan te jīvitaṃ bhavet || 90 ||
[Analyze grammar]

agatvā ca tuvaṃ śreṣṭhi na dhruvaṃ pratipatsyase |
idan te maraṇaṃ sadyaṃ taṃ śraddhāno samācara || 91 ||
[Analyze grammar]

tataḥ śreṣṭhi sabandhujano bhūtvā sudīnamānaso |
mūrdhinā patito bhūmau yato so puruṣottamaḥ || 92 ||
[Analyze grammar]

sarvākāraguṇopeto mahākāruṇiko muni |
sabandhupakṣo śaraṇaṃ upemi tvā mahāyaśā || 93 ||
[Analyze grammar]

bhītasya bhayāntakara abhayaṃ dātum arhasi |
sapakṣo bho mahāsatva ahaṃ bhayaparāyaṇo || 94 ||
[Analyze grammar]

icchāmi caraṇaṃ śāstuḥ vandituṃ vādināṃ vara |
draṣṭum icchāmi satpuruṣaṃ anugrāhyā yadi vayaṃ || 95 ||
[Analyze grammar]

tato abhyudgato śāstā vaśībhūtapuraskṛtaḥ |
nimeṣāntareṇa saṃprāpto satvānukampāya nāyakaḥ || 96 ||
[Analyze grammar]

taṃ dṛṣṭvā gagaṇe sthitaṃ dāntaṃ kṣāntaṃ puraskṛtaṃ |
saumanasyaṃ samutpannaṃ śreṣṭhisya saha bandhubhiḥ || 97 ||
[Analyze grammar]

śaraṇaṃ vādiśārdūlaṃ śreṣṭhī tatra upāgataḥ |
sujātadarśanatvaṃ ca śreṣṭhī paryadhigacchasi || 98 ||
[Analyze grammar]

tasyātyayaṃ naraśreṣṭho parigṛhya tathāgato |
satyavādī udīreti satyāni caturā muniḥ || 99 ||
[Analyze grammar]

śubhāśubhānāṃ karmāṇāṃ phalaṃ vistaraśo vibhuḥ |
prakāśaye narādityo siṃho vā nadate vane || 100 ||
[Analyze grammar]

siṃhanādaṃ imaṃ śrutvā śreṣṭhi parijanaiḥ saha |
prāpnoti madhuraṃ satyaṃ phalaṃ prathamake kṣaṇe || 101 ||
[Analyze grammar]

yat tasya parikarma tat kṛtaṃ pana maharṣiṇā |
tam āhur upahāro ti sarvadharmaviśāradāḥ || 102 ||
[Analyze grammar]

tarur nāma abhū rājā dvīpe kasmiṃ ci sāgare |
tasya darśanam utpannaṃ pāpakaṃ bāliśapriyaṃ || 103 ||
[Analyze grammar]

yo brāhmaṇaṃ vā śramaṇaṃ vā anyaṃ vāpi vanīyakaṃ |
āmantretvā na bhojayate tam āhuḥ śreṣṭhalakṣaṇaṃ || 104 ||
[Analyze grammar]

mahājanaṃ nimantretvā bahuṃ ca śūdrabrāhmaṇāṃ |
yo bubhukṣāyam āneti kṛtvā kārānibandhanaṃ || 105 ||
[Analyze grammar]

uttarāgamane kulavā maheśākhyo mahāyaśāḥ |
prabhūtavastrābharaṇo tatra so copapadyate || 106 ||
[Analyze grammar]

grāheti janatāṃ rājā evaṃ pāpena cetasā |
te tasya vacanaṃ śrutvā śraddadhāti mahājanaḥ || 107 ||
[Analyze grammar]

etaṃ darśanaṃ vijñāya devagandharvavanditaḥ |
paṃca bhikṣusahasrāṇi kṣaṇena nirmiṇe muniḥ || 108 ||
[Analyze grammar]

te taṃ dvīpam upāgamya tarur yatra janādhipaḥ |
rājyaṃ pālayate tatra caṃkramiṣu vaśīgaṇā || 109 ||
[Analyze grammar]

te tu narādhipo dṛṣṭvā nirmitā bhikṣuvarṇitā |
vāhanato taritvāna vanditvā pādam abravīt || 110 ||
[Analyze grammar]

nimantrayāmi ṛṣayo prīto bhaktena tattvataḥ |
adhivāsensu me ṛṣayo anugrāhyā yadi vayaṃ || 111 ||
[Analyze grammar]

adhivāsitaṃ viditvā tato nirdhāvate punaḥ |
pādāṃ vanditvā ṛṣīṇāṃ gato rājakulaṃ svakaṃ || 112 ||
[Analyze grammar]

rātriṃ prabhātāṃ vijñāya rājapuruṣam abravīt |
gaccha tvaṃ ṛṣayopagamya siddhena tvaṃ nimantraya || 113 ||
[Analyze grammar]

te ca praveśitā rājñā ṛṣi veśam atyadbhutaṃ |
śaraṇyaṃ guṇasaṃpannaṃ dṛḍhārgalasuyantritaṃ || 114 ||
[Analyze grammar]

saptāhe samatikrānte rājā tāṃ pratyavekṣate |
adīnamukhavarṇāś ca dhyāyante bhikṣuvarṇitā || 115 ||
[Analyze grammar]

so bhūyaḥ parivarjetvā nirmitā manujādhipaḥ |
dvitīyaṃ samatikramya dvitīye pratyavekṣate || 116 ||
[Analyze grammar]

tṛtīye ca caturthe ca paṃcame ṣaṣṭhasaptame |
navame daśame saptāhe idaṃ vacanam abravīt || 117 ||
[Analyze grammar]

devā ca nāgā gandharvā yakṣā ca guhyakāsurā |
āgatā ṛṣirūpeṇa mama saṃvegakāraṇāt || 118 ||
[Analyze grammar]

nivedayatha ātmānam anugrāhyā yadi vayaṃ |
athāsmākam anugrāhyo ātmānaṃ parivedaye || 119 ||
[Analyze grammar]

anugrāhyo 'si bhūmipate idaṃ vacanam uvāca te |
yad vayaṃ vacanaṃ brūma tathā tam anutiṣṭhata || 120 ||
[Analyze grammar]

eṣo kāśīpure śāstā vārāṇasyāṃ vane śubhe |
pāragaḥ sarvadharmāṇāṃ sarvasaṃśayasūdanaḥ || 121 ||
[Analyze grammar]

prāsādavaram āruhya yāce prahvaḥ sabāndhavaḥ |
icchāma puruṣaśreṣṭhaṃ draṣṭum apratipudgalaṃ || 122 ||
[Analyze grammar]

sa etat vacanaṃ śrutvā tatheti udapādayi |
atha vaihāyasaṃ śāstā taṃ dvīpam upasaṃkramīt || 123 ||
[Analyze grammar]

vaśībhūtāś ca catvāro kuṃjaro karabhogajaḥ |
vāraṇo 'tha mahādhyāyī manāpo 'tha samāgatā || 124 ||
[Analyze grammar]

te paśyitūna saṃbuddhaṃ virocantaṃ śaśiprabhaṃ |
tathā stuvanti prāṃjaliyo bhūtadharmaguruṃ guru || 125 ||
[Analyze grammar]

prasannacittā sumanā sarvākāraguṇānvitā |
nātha marumanuṣyāṇāṃ namas te naralambaka || 126 ||
[Analyze grammar]

ko nāma tvaṃ mahāsatva mahātejā mahādyute |
mahābuddhi mahābāhu yathātatham udīraya || 127 ||
[Analyze grammar]

rājavaṃśasamutpanno dharmarājyapratiṣṭhitaḥ |
śaraṇaṃ sarvabhūtānāṃ ahaṃ buddha iti viduḥ || 128 ||
[Analyze grammar]

ahaṃ marumanuṣyāṇāṃ nātho netā cikitsakaḥ |
ahaṃ saṃśayāntakaraḥ saṃbuddho devavanditaḥ || 129 ||
[Analyze grammar]

etat śrutvā taru rājā saṃbuddham idam abravīt |
namas te vādiśārdūla sarvasaṃśayasūdana || 130 ||
[Analyze grammar]

prāsādavaram āruhya sabandhupakṣo sajjanā |
sarāṣṭro śaraṇaṃ gacchāmi tasya no śaraṇaṃ bhava || 131 ||
[Analyze grammar]

svakaṃ ca darśanaṃ rājā samākhyāti maharṣiṇaḥ |
tac chrutvā naraśārdūlo rājānam idam abravīt || 132 ||
[Analyze grammar]

na te lābhā bhūmipate yas tvaṃ durgatigāminaṃ |
pāpaṃ śraddadhase mārgantāṃ dṛṣṭiṃ pratiniḥsṛja || 133 ||
[Analyze grammar]

tāṃ dṛṣṭiṃ pratiniḥsṛjya rājā vacanam abravīt |
dharmam ākhyāhi māṃ dhīra yatra duḥkhaṃ nirudhyate || 134 ||
[Analyze grammar]

tasya ca dharmasaṃyuktaṃ bhāvaye puruṣottamaḥ |
kuśalaṃ sarvasatvānāṃ buddhadharmaviśāradaḥ || 135 ||
[Analyze grammar]

so taṃ dharmaṃ vijānitvā rājā parijanaiḥ saha |
trīṇi saṃyojanāṃ tyaktvā prāptavāṃ prathamaṃ phalaṃ || 136 ||
[Analyze grammar]

asaṃkhyeyā ca janatā prāptavān prathamaṃ phalaṃ |
paśya satpuruṣā rājaṃ maitriyā balam uttamaṃ || 137 ||
[Analyze grammar]

ye tatra nirmitā bhikṣūḥ na caite bhikṣuṇo matā |
upahāraṃ vadanty etaṃ jinā śāstraviśāradāḥ || 138 ||
[Analyze grammar]

asthānam eva jinaputra yadā sthūlāhi bhūmihi |
tat pure adhigaccheyuḥ sarvajñatvaṃ tathāgatāḥ || 139 ||
[Analyze grammar]

kālaṃ va nātināmenti paripūrṇāhi bhūmihi |
darśensu vādiśārdūlā ity evaṃ puruṣottamā || 140 ||
[Analyze grammar]

vārāṇasīṃ vanaṃ gatvā buddhadharmapuraskṛto |
vistareṇa prakāśayati nāyako bhūmayo daśa || 141 ||
[Analyze grammar]

nayānayajñāḥ saṃbuddhāḥ sarvaparamataṃ viduḥ |
adhyāśayaṃ parīkṣanti jātakā sarvaprāṇināṃ || 142 ||
[Analyze grammar]

madhureṇa sugītena nayena guṇadarśinaḥ |
suvinītā bahu janatā saṃbuddhena prajānatā || 143 ||
[Analyze grammar]

na jāyanti na jīryanti na mṛyanti kathaṃcana |
paramaṃ mitram āsādya vinītā varabuddhinā || 144 ||
[Analyze grammar]

gambhīracaritaṃ dhīrā prajānanti parasparaṃ |
anantapratibhānaṃ ca sarve sarvāṅgaśobhanā iti || 145 ||
[Analyze grammar]