Chapter 9

tataś ca kāśyapasthaviraḥ mahākātyāyanam abravīt |
nirdiṣṭā prathamā bhūmi mahāsatva manoramā || 1 ||
[Analyze grammar]

dvitīyāṃ saṃkramantānāṃ bhūmiṃ naravarātmajā |
kiṃ cittaṃ bodhisattvānāṃ jāyate samanantaraṃ || 2 ||
[Analyze grammar]

ke ca adhyāśayā santi dvitīyāyāṃ jinātmaja |
bhūmiṃ tāṃ bodhisatvānāṃ yathābhūtam udīrayed iti || 3 ||
[Analyze grammar]

tataḥ kātyāyanaḥ sthaviraḥ kāśyapam idam abravīt |
nirdeśaṃ bodhisatvānāṃ kīrtayiṣye manoramaṃ || 4 ||
[Analyze grammar]

dvitīyāṃ saṃkramantānāṃ prathamato 'nujāyate |
aratī bodhisatvānāṃ bhaveṣv iti na saṃśayaṃ || 5 ||
[Analyze grammar]

buddhe dharme ca saṃghe ca na kāṃkṣanti kathaṃcana |
iti adhyāśayas teṣāṃ kalyāṇa upadiśyate || 6 ||
[Analyze grammar]

aṅgeṣu chidyamāneṣu manas teṣāṃ na kupyate |
evam adhyāśayas teṣāṃ snigdhamṛdūpadiśyate || 7 ||
[Analyze grammar]

antaḥkuśalakarmāṇi sevanti puruṣottamāḥ |
evam adhyāśayā madhurā bhavanti dhutabuddhinām iti || 8 ||
[Analyze grammar]

budhyanty āśayasaṃyuktā loke lokottare tathā |
evam adhyāśayā tīkṣṇā bhavanti śuddhakarmaṇām iti || 9 ||
[Analyze grammar]

sarvabhūtāna hitārthaṃ saṃcinonti śubhaṃ bahuṃ |
evam adhyāśayā vipulā bhavanti paramarṣiṇām iti || 10 ||
[Analyze grammar]

vicitrāṇi manojñāṇi denti dānāny amatsarāḥ |
evam adhyāśayā vicitrā bhavanty uttamadarṣinām iti || 11 ||
[Analyze grammar]

aparyādinnacittās te prativedhaparākramāḥ |
evam adhyāśayas teṣām aparyādinna ucyate || 12 ||
[Analyze grammar]

na te śakyanti saṃhartuṃ duṣṭacittena kenacit |
evam adhyāśayas teṣāṃ na jātu upahanyate || 13 ||
[Analyze grammar]

yaṃ nānyaḥ praṇidhiḥ kaścit evaṃ satvasyopajāyate |
sarvasatvasukhārthāya tad asādhāraṇaṃ vidur iti || 14 ||
[Analyze grammar]

aparatīrthikamataṃ śrutvāvajñā pratiṣṭhate |
unnatādhyāśayās tena narasiṃhā bhavanti te ti || 15 ||
[Analyze grammar]

na kāmaguṇabhogārthaṃ saṃcinvanti śubhaṃ vidūḥ |
tataś cākṛpaṇās teṣāṃ bhavanty adhyāśayā sadeti || 16 ||
[Analyze grammar]

kāmaiḥ te nāvakīryante buddhatve kṛtaniścayāḥ |
tenānivartiyās teṣām adhyāśayā iti smṛtāḥ || 17 ||
[Analyze grammar]

vaśi pratyekabuddhānāṃ na spṛhenti kathaṃcana |
evaṃ cākṛtrimo bhavati teṣām adhyāśayaḥ sadeti || 18 ||
[Analyze grammar]

lābhasatkāram utsṛjya paramārthābhikāṃkṣiṇo |
śuddha adhyāśayas teṣām ity evam upadiśyate || 19 ||
[Analyze grammar]

na saṃharanti vīriyaṃ dharme lokair abhidrutā |
evam adhyāśayās teṣāṃ dṛḍhā santi maharṣiṇām iti || 20 ||
[Analyze grammar]

mūrchitās te na bhuṃjanti parānnāny avasrutā |
svabhāvādhyāśayas teṣām evam ārya praśaṃsyate ti || 21 ||
[Analyze grammar]

nātra prasyandanti kāmeṣu niṣkramyābhiratāḥ sadā |
evam adhyāśayo tṛpto bodhisatve praśaṃsyate ti || 22 ||
[Analyze grammar]

svayaṃbhūsarvadarśitvam abhikāṅkṣanti paṇḍitāḥ |
pudgalādhyāśayā bhavanti caivam apratimā dhruvāḥ || 23 ||
[Analyze grammar]

na prārthayanti mahābhogān adānaguṇasaṃpadā |
anantādhyāśayāś caivaṃ bhavanti puruṣottamā iti || 24 ||
[Analyze grammar]

sarvehi etehi viṃśadbhiḥ sarvadharmaviśāradā |
samanvitā satpuruṣā śubhair adhyāśayair varā iti || 25 ||
[Analyze grammar]

ity eṣā dvitīyā bhūmi bodhisatvānam ucyate |
nānākuśalakośānāṃ lokārthasukhacāriṇāṃ || 26 ||
[Analyze grammar]

ye hi doṣehi saṃyuktā vivartanti tathāvidhā |
ye caivaṃ parivartantā na vivartanti paṇḍitāḥ || 27 ||
[Analyze grammar]

durārohāṃ dhuradhīrāḥ pratipadyanti śūratāṃ |
tāṃ ca lokānukampārthaṃ bahuduḥkhā caranti te || 28 ||
[Analyze grammar]

te te devamanuṣyāṇāṃ pūjyāḥ sarve tathāgatāḥ |
tathā hi vividhaṃ duḥkhaṃ upenti jñānapūrvakaṃ || 29 ||
[Analyze grammar]

nānādhātum imaṃ lokam anuvartanti paṇḍitāḥ |
tena teṣāṃ gatā kīrti loke samarumānuṣe iti || 30 ||
[Analyze grammar]