Chapter 4

so taṃ dānaṃ datvā praṇidhesi lokanāyako asya |
devamanuṣyācāryo āryaṃ dharmaṃ prakāśeyaṃ || 1 ||
[Analyze grammar]

dharmolkāṃ vicareyaṃ parāhaṇe dharmabherīṃ sapatākāṃ |
ucchreyaṃ dharmaketuṃ āryaṃ śaṃkhaṃ prapūreyaṃ || 2 ||
[Analyze grammar]

evaṃ ca mahyaṃ asyā prakāśanā deśanā ca dharmasya |
evaṃ ca bahū satvā ārye dharme niveśeyaṃ || 3 ||
[Analyze grammar]

evaṃ ca me śruṇensuḥ devamanuṣyā subhāṣitaṃ vākyaṃ |
evaṃ ca dharmacakraṃ pravartaye bahujanahitāya || 4 ||
[Analyze grammar]

kṛcchrāpannaiḥ satvaiḥ jātijarāpīḍitaiḥ maraṇadharmaiḥ |
bhavacakṣukaiḥ apāyā prajñāskandhaṃ niveśeyaṃ || 5 ||
[Analyze grammar]

saṃjīve kālasūtre saṃghāte raurave avīcismiṃ |
ṣaṭsu gatīhi vikīrṇāṃ bhavasaṃsārāt pramoceyaṃ || 6 ||
[Analyze grammar]

narake pakvavipakvā apāyaprapīḍitāṃ maraṇadharmā |
alpasukhaduḥkhabahulāṃ bhavasaṃsārāt pramoceyaṃ || 7 ||
[Analyze grammar]

arthaṃ careyaṃ loke devamanuṣyāṇāṃ deśiya dharmaṃ |
evaṃ vineya satvāṃ yathā ayaṃ lokapradyoto || 8 ||
[Analyze grammar]

evaṃ ahaṃ lokam imaṃ careyaṃ yathā ayaṃ carati asaṃgamānaso |
cakraṃ va varteya ananyasādṛśo susatkṛto devamanuṣyapūjito || 9 ||
[Analyze grammar]

praṇidhiṃ ca jñātvā susamudgato jino sarvehi hetūbhi upasthitehi|
akhaṇḍa-acchidram avraṇaṃ viyākare arthadarśī matimāṃ || 10 ||
[Analyze grammar]

buddho tuvaṃ hohisi lokanāyako anāgate kalpaśatasahasre |
kapilāhvaye ṛṣivadanasmiṃ śākiyo tadā ayaṃ praṇidhi vipākam eṣyati || 11 ||
[Analyze grammar]

atha sāgarāvalimahī prakampate ca divi devasaṃgheṣu |
vyākaraṇaṃ tasya dyutimato abhyudgami abhyudgataṃ ghoṣaṃ || 12 ||
[Analyze grammar]

eṣa abhiyo bhagavatā atyantasubhāṣitagītadhvajena |
sarvābhibhunā muninā viyākṛto hohisi jino tvaṃ || 13 ||
[Analyze grammar]

taṃ hitasukhāya hohisi sabrahmasurāsurasya lokasya |
hāyiṣyati asurakāyaṃ naramarusaṃgho vivarddhanti || 14 ||
[Analyze grammar]