Chapter 18 - The Advantages of a Religious Preacher

ya imaṃ sūtra bhāṣeta parṣāsu ca viśāradaḥ |
anolīnaḥ prakāśeyā guṇāṃstasya śṛṇuṣva me || 1 ||
[Analyze grammar]

aṣṭau guṇaśatāastasya cakṣuṣo bhonti sarvaśaḥ |
yenāsya vimalaṃ bhoti śuddhaṃ cakṣuranāvilam || 2 ||
[Analyze grammar]

sa māṃsacakṣuṣā tena mātāpitṛkasaṃbhunā |
paśyate lokadhātvemāṃ saśailavanakānanām || 3 ||
[Analyze grammar]

meruṃ sumeru sarvā ca cakravālā sa paśyati |
ye cānye parvatāḥ khaṇḍāḥ samudrāṃścāpi paśyati || 4 ||
[Analyze grammar]

yāvānavīci heṣṭhena bhavāgraṃ copariṣṭataḥ |
sarvaṃ sa paśyate dhīro māṃsacakṣusya īdṛśam || 5 ||
[Analyze grammar]

na tāva divyacakṣu sya bhoti no cāpi jāyate |
viṣayo māṃsacakṣusya bhavettasyāyamīdṛśaḥ || 6 ||
[Analyze grammar]

śrotrendriyaṃ tasya viśuddhu bhoti anāvilaṃ prākṛtakaṃ ca tāvat |
vividhān hi yeneha śṛṇoti śabdāniha lokadhātau hi aśeṣato 'yam || 7 ||
[Analyze grammar]

hastīna aśvāna śṛṇoti śabdān rathāna goṇāna ajaiḍakānām |
bherīmṛdaṅgāna sughoṣakānāṃ vīṇāna veṇūnatha vallakīnām || 8 ||
[Analyze grammar]

gītaṃ manojñaṃ madhuraṃ śṛṇoti na cāpi so sajjati tatra dhīraḥ |
manuṣyakoṭīna śṛṇoti śabdān bhāṣanti yaṃ yaṃ ca yahiṃ yahiṃ te || 9 ||
[Analyze grammar]

devāna co nitya śṛṇoti śabdān gītasvaraṃ ca madhuraṃ manojñam |
puruṣāṇa istrīṇa rutāni cāpi tatha dārakāṇāmatha dārikāṇām || 10 ||
[Analyze grammar]

ye parvateṣveva guhānivāsī kalaviṅkakā kokila barhiṇaśca |
pakṣīṇa ye jīvakajīvakā hi teṣāṃ ca valgū śṛṇute hi śabdān || 11 ||
[Analyze grammar]

narakeṣu ye vedana vedayanti sudāruṇāṃścāpi karonti śabdān |
āhāraduḥkhairavapīḍitānāṃ yān preta kurvanti tathaiva śabdān || 12 ||
[Analyze grammar]

asurāśca ye sāgaramadhyavāsino muñcanti ghoṣāṃstatha cānyamanyān |
sarvānihastho sa hi dharmabhāṇakaḥ śṛṇoti śabdānna ca ostarīyati || 13 ||
[Analyze grammar]

tiryāṇa yonīṣu rutāni yāni anyonyasaṃbhāṣaṇatāṃ karonti |
iha sthitastānapi so śṛṇoti vividhāni śabdāni bahūvidhāni || 14 ||
[Analyze grammar]

ye brahmaloke nivasanti devā akaniṣṭha ābhāsvara ye ca devāḥ |
ye cānyamanyasya karonti ghoṣān śṛṇoti tatsarvamaśeṣato 'sau || 15 ||
[Analyze grammar]

svādhyāya kurvantiha ye ca bhikṣavaḥ sugatāniha śāsani pravrajitvā |
parṣāsu ye deśayate ca dharmaṃ teṣāṃ pi śabdaṃ śṛṇute sa nityam || 16 ||
[Analyze grammar]

ye bodhisattvāściha lokadhātau svādhyāya kurvanti paraspareṇa |
saṃgīti dharmeṣu ca ye karonti śṛṇoti śabdān vividhāṃśca teṣām || 17 ||
[Analyze grammar]

bhagavān pi buddho naradamyasārathiḥ parṣāsu dharmaṃ bruvate yamagram |
taṃ cāpi so śṛṇvanti ekakāle yo bodhisattvo imu sūtra dhārayet || 18 ||
[Analyze grammar]

sarve trisāhasri imasmi kṣetre ye sattva kurvanti bahūṃ pi śabdān |
abhyantareṇāpi ca bāhireṇa avīciparyanta bhavāgramūrdhvam || 19 ||
[Analyze grammar]

sarveṣa sattvāna śṛṇoti śabdān naṃ cāpi kṣetraṃ uparudhyate 'sya |
paṭvindriyo jānati sthānasthānaṃ śrotrendriyaṃ prākṛtakaṃ hi tāvat || 20 ||
[Analyze grammar]

na ca tāva divyasmi karoti yatnaṃ prakṛtya saṃtiṣṭhati śrotrametat |
sūtraṃ hi yo dhārayate viśārado guṇā sya etādṛśakā bhavanti || 21 ||
[Analyze grammar]

ghrāṇendriyaṃ tasya viśuddha bhoti vividhāṃśca gandhān bahu ghrāyate 'sau |
ye lokadhātau hi imasmi sarve sugandha durgandha bhavanti kecit || 22 ||
[Analyze grammar]

jātīya gandho atha mallikāyā tamālapatrasya ca candanasya |
tagarasya gandho agarusya cāpi vividhāna puṣpāṇa phalāna cāpi || 23 ||
[Analyze grammar]

sattvāna gandhān pi tathaiva jānati narāṇa nārīṇa ca dūrataḥ sthitaḥ |
kumārakāṇāṃ ca kumārikāṇāṃ gandhena so jānati teṣa sthānam || 24 ||
[Analyze grammar]

rājñāṃ pi so jānati cakravartināṃ balacakravartīnatha maṇḍalīnām |
kumārakāmātya tathaiva teṣāṃ gandhena cāntaḥpura sarva jānati || 25 ||
[Analyze grammar]

paribhogaratnāni bahūvidhāni kupyāni bhūmau nihitāni yāni |
strīratnabhūtāni bhavanti yāpi gandhena so jānati bodhisattvaḥ || 26 ||
[Analyze grammar]

teṣāṃ ca yā ābharaṇā bhavanti kāyasmi āmukta vicitrarūpā |
vastraṃ ca mālyaṃ ca vilepanaṃ ca gandhena so jānati bodhisattvaḥ || 27 ||
[Analyze grammar]

sthitāṃ niṣaṇṇāṃ śayitāṃ tathaiva krīḍāratiṃ ṛddhibalaṃ ca sarvam |
so jānatī ghrāṇabalena dhīro yo dhārayet sūtramidaṃ variṣṭham || 28 ||
[Analyze grammar]

sugandhatailāna tathaiva gandhān nānāvidhān puṣpaphalāna gandhān |
sakṛtasthito jānati ghrāyate ca amukasmi deśasmi imasmi gandhān || 29 ||
[Analyze grammar]

ye parvatānāṃ vivarāntareṣu bahu candanā puṣpita tatra santi |
ye cāpi tasminnivasanti sattvāḥ sarveṣa gandhena vidurvijānati || 30 ||
[Analyze grammar]

ye cakravālasya bhavanti pārśve ye sāgarasyo nivasanti madhye |
pṛthivīya ye madhyi vasanti sattvāḥ sarvān sa gandhena vidurvijānati || 31 ||
[Analyze grammar]

surāṃśca jānāti tathāsurāṃśca asurāṇa kanyāśca vijānate 'sau |
asurāṇa krīḍāśca ratiṃ ca jānati ghrāṇasya tasyedṛśakaṃ balaṃ hi || 32 ||
[Analyze grammar]

aṭavīṣu ye keci catuṣpadāsti siṃhāśca vyāghrāstatha hastināgāḥ |
mahiṣā gavā ye gavayaśca tatra ghrāṇena so jānati teṣa vāsam || 33 ||
[Analyze grammar]

striyaśca yā gurviṇikā bhavanti kumārakāṃ vāpi kumārikāṃ vā |
dhārenti kukṣau hi kilāntakāyā gandhena so jānati yaṃ tahiṃ syāt || 34 ||
[Analyze grammar]

āpannasattvāṃ pi vijānate 'sau vināśadharmāṃ pi vijānate 'sau |
iyaṃ pi nārī vyapanītaduḥkhā prasaviṣyate puṇyamayaṃ kumāram || 35 ||
[Analyze grammar]

puruṣāṇa abhiprāyu bahuṃ vijānate abhiprāyagandhaṃ ca tathaiva ghrāyate |
raktāna duṣṭāna tathaiva mrakṣiṇāṃ upaśāntacittāna ca gandha ghrāyate || 36 ||
[Analyze grammar]

pṛthivīya ye cāpi nidhāna santi ghanaṃ hiraṇyaṃ ca suvarṇarūpyam |
mañjūṣa lohī ca tathā supūrṇā gandhena so ghrāyati bodhisattvaḥ || 37 ||
[Analyze grammar]

hārārdhahārān maṇimuktikāśca anarghaprāptā vividhā ca ratnā |
gandhena so jānati tāni sarvā anarghanāmaṃ dyutisaṃsthitaṃ ca || 38 ||
[Analyze grammar]

upariṃ ca deveṣu tathaiva puṣpā mandāravāṃścaiva mañjūṣakāṃśca |
yā pārijātasya ca santi puṣpā iha sthito ghrāyati tā sa dhīraḥ || 39 ||
[Analyze grammar]

vimāna ye yādṛśakāśca yasya udāra hīnāstatha madhyamāśca |
vicitrarūpāśca bhavanti yatra iha sthito ghrāṇabalena ghrāyati || 40 ||
[Analyze grammar]

udyānabhūmiṃ ca tathā prajānate sudharma devāsani vaijayante |
prāsādaśreṣṭhe ca tathā vijānate ye co ramante tahi devaputrāḥ || 41 ||
[Analyze grammar]

iha sthito ghrāyati gandhu teṣāṃ gandhena so jānati devaputrān |
yo yatra karmā kurute sthito vā śete vā gacchati yatra vāpi || 42 ||
[Analyze grammar]

yā devakanyā bahupuṣpamaṇḍitā āmuktamālyābharaṇā alaṃkṛtāḥ |
ramanti gacchanti ca yatra yatra gandhena so jānati bodhisattvaḥ || 43 ||
[Analyze grammar]

yāvadbhavāgrādupariṃ ca devā brahmā mahābrahma vimānacāriṇaḥ |
tāṃścāpi gandhena tahiṃ prajānate sthitāṃśca dhyāne atha vyutthitān vā || 44 ||
[Analyze grammar]

ābhāsvarān jānati devaputrān cyutopapannāṃśca apūrvakāṃśca |
ghrāṇendriyaṃ īdṛśa tasya bhoti yo bodhisattvo imu sūtra dhārayet || 45 ||
[Analyze grammar]

ya keci bhikṣū sugatasya śāsane abhiyuktarūpā sthita cakrameṣu |
uddeśasvādhyāyaratāśca bhikṣavo sarvān hi so jānati bodhisattvaḥ || 46 ||
[Analyze grammar]

ye śrāvakā bhonti jinasya putrā viharanti kecit sada vṛkṣamūle |
gandhena sarvān vidu jānate tān amutra bhikṣū amuko sthito ti || 47 ||
[Analyze grammar]

ye bodhisattvāḥ smṛtimanta dhyāyino uddeśasvādhyāyaratāśca ye sadā |
parṣāsu dharmaṃ ca prakāśayanti gandhena tān jānati bodhisattvaḥ || 48 ||
[Analyze grammar]

yasyāṃ diśāyāṃ sugato mahāmunirdharmaṃ prakāśeti hitānukampakaḥ |
puraskṛtaḥ śrāvakasaṃghamadhye gandhena so jānati lokanātham || 49 ||
[Analyze grammar]

ye cāpi sattvā sya śṛṇoti dharmaṃ śrutvā ca ye prītamanā bhavanti |
iha sthito jānati bodhisattvo jinasya parṣāmapui tatra sarvām || 50 ||
[Analyze grammar]

etādṛśaṃ ghrāṇabalaṃ sya bhoti na ca tāva divyaṃ bhavate sya ghrāṇam |
pūrvaṃgamaṃ tasya tu eta bhoti divyasya ghrāṇasya anāsravasya || 51 ||
[Analyze grammar]

jihvendriyaṃ tasya viśiṣṭu bhoti na jātu hīnaṃ rasa svādayeta |
nikṣiptamātrāśca bhavanti divyā rasena divyena samanvitāśca || 52 ||
[Analyze grammar]

valgusvarāṃ madhura prabhāṣate girāṃ śravaṇīyamiṣṭāṃ ca manoramāṃ ca |
parṣāya madhyasmi ha premaṇīyaṃ gambhīraghoṣaṃ ca sadā prabhāṣate || 53 ||
[Analyze grammar]

yaścāpi dharmaṃ śṛṇute 'sya bhāṣato dṛṣṭāntakoṭīnayutairanekaiḥ |
prāmodya tatrāpi janeti so 'graṃ pūjāṃ ca tasya kurute 'prameyām || 54 ||
[Analyze grammar]

devā pi nāgāsuraguhyakāśca draṣṭuṃ tamicchanti ca nityakālam |
śṛṇvanti dharmaṃ ca sagauravāśca ime guṇāstasya bhavanti sarve || 55 ||
[Analyze grammar]

ākāṅkṣamāṇaśca ima lokadhātuṃ svareṇa sarvāmabhivijñapeyā |
snigdhaḥ svaro 'sya madhuraśca bhoti gambhīra valguśca supremaṇīyaḥ || 56 ||
[Analyze grammar]

rājāna ye kṣitipati cakravartinaḥ pūjārthikāstasyupasaṃkramanti |
saputradārā kariyāṇa añjaliṃ śṛṇvanti dharmasya ca nityakālam || 57 ||
[Analyze grammar]

yakṣāṇa co bhoti sadā puraskṛto nāgāna gandharvagaṇāna caiva |
piśācakānāṃ ca piśācikānāṃ susatkṛto mānitu pūjitaśca || 58 ||
[Analyze grammar]

brahmāpi tasya vaśavarti bhoti maheśvaro īśvara devaputraḥ |
śakrastathānye 'pi ca devaputrā bahudevakanyāścupasaṃkramanti || 59 ||
[Analyze grammar]

buddhāśca ye lokahitānukampakāḥ saśrāvakāstasya niśāmya ghoṣam |
karonti rakṣāṃ mukhadarśanāya tuṣṭāśca bhonti bruvato 'sya dharmam || 60 ||
[Analyze grammar]

pariśuddha tasyo bhavatetmabhāvo yathāpi vaiḍūryamayo viśuddhaḥ |
sattvāna nityaṃ priyadarśanaśca yaḥ sūtra dhāreti idaṃ udāram || 61 ||
[Analyze grammar]

ādarśapṛṣṭhe yatha vimbu paśyet loko 'sya kāye ayu dṛśyate tathā |
svayaṃbhu so paśyati nānyi sattvāḥ pariśuddhi kāyasmi ima evarūpā || 62 ||
[Analyze grammar]

ye lokadhātau hi ihāsti sattvā manuṣya devāsura guhyakā vā |
narakeṣu preteṣu tiraścayoniṣu pratibimbu saṃdṛśyati tatra kāye || 63 ||
[Analyze grammar]

vimāna devāna bhavāgra yāvacchailaṃ pi co parvatacakravālam |
himavān sumeruśca mahāṃśca meruḥ kāyasmi dṛśyantimi sarvathaiva || 64 ||
[Analyze grammar]

buddhān pi so paśyati ātmabhāve saśrāvakān buddhasutāṃstathānyān |
ye bodhisattvā viharanti caikakā gaṇe ca ye dharma prakāśayanti || 65 ||
[Analyze grammar]

etādṛśī kāyaviśuddhi tasya yahi dṛśyate sarviya lokadhātuḥ |
na ca tāva so divya na prāpuṇoti prakṛtīya kāyasyiyamīdṛśī bhavet || 66 ||
[Analyze grammar]

manaindriyaṃ tasya viśuddha bhoti prabhāsvaraṃ śuddhamanāvilaṃ ca |
so tena dharmān vividhān prajānati hīnānathotkṛṣṭa tathaiva madhyamān || 67 ||
[Analyze grammar]

ekāmapi gātha śruṇitva dhīro artha bahuṃ jānati tasya tatra |
samitaṃ ca bhūtaṃ ca sadā prabhāṣate māsān pi catvāri tathāpi varṣam || 68 ||
[Analyze grammar]

ye cāpi sattvā iha lokadhātau abhyantare bāhiri ye vasanti |
devā manuṣyāsuraguhyakāśca nāgāśca ye cāpi tiraścayoniṣu || 69 ||
[Analyze grammar]

ṣaṭsu gatīṣu nivasanti sattvā vicintitaṃ teṣa bhaveta yaṃ ca |
ekakṣaṇe sarvi vidurvijānate dhāretva sūtraṃ ima ānuśaṃsāḥ || 70 ||
[Analyze grammar]

yaṃ cāpi buddhaḥ śatapuṇyalakṣaṇo dharmaṃ prakāśedida sarvaloke |
tasyāpi śabdaṃ śṛṇute viśuddhaṃ yaṃ cāpi so bhāṣati gṛhyate tat || 71 ||
[Analyze grammar]

bahūn vicinteti ca agradharmān bahūṃśca so bhāṣati nityakālam |
na cāsya saṃmoha kadāci bhoti dhāretva sūtraṃ imi ānuśaṃsāḥ || 72 ||
[Analyze grammar]

saṃdhiṃ visaṃdhiṃ ca vijānate 'sau sarveṣu dharmeṣu vilakṣaṇāni |
prajānate artha niruktayaśca yathā ca taṃ jānati bhāṣate tathā || 73 ||
[Analyze grammar]

yaṃ bhāṣitaṃ bhotiha dīrgharātraṃ pūrvehi lokācariyehi sūtram |
taṃ dharma so bhāṣati nityakālaṃ asaṃtrasanto pariṣāya madhye || 74 ||
[Analyze grammar]

manaindriyaṃ īdṛśamasya bhoti dhāretva sūtraṃ imu vācayitvā |
na ca tāva asaṅgaṃ labhate ha jñānaṃ pūrvaṃgamaṃ tasya imaṃ tu bhoti || 75 ||
[Analyze grammar]

ācāryabhūmau hi sthitaśca bhoti sarveṣa sattvāna katheya dharmam |
niruktikoṭīkuśalaśca bhoti imu dhārayanto sugatasya sutram || 76 ||
[Analyze grammar]