Chapter 8 - Announcement of the Future Destiny of the Five Hundred Monks

śṛṇotha me bhikṣava etamarthaṃ yathā carī mahya sutena cīrṇā |
upāyakauśalyasuśikṣitena yathā ca cīrṇā iya bodhicaryā || 1 ||
[Analyze grammar]

hīnādhimuktā ima sattva jñātvā udārayāne ca samuttrasanti |
tatu śrāvakā bhontimi bodhisattvāḥ pratyekabodhiṃ ca nidarśayanti || 2 ||
[Analyze grammar]

upāyakauśalyaśatairanekaiḥ paripācayanti bahubodhisattvān |
evaṃ ca bhāṣanti vayaṃ hi śrāvakā dūre vayaṃ uttamamagrabodhiyā || 3 ||
[Analyze grammar]

etāṃ cariṃ teṣvanuśikṣamāṇāḥ paripāku gacchanti hi sattvakoṭyaḥ |
hīnādhimuktāśca kusīdarūpā anupūrva te sarvi bhavanti buddhāḥ || 4 ||
[Analyze grammar]

ajñānacaryāṃ ca caranti ete vayaṃ khalu śrāvaka alpakṛtyāḥ |
nirviṇṇa sarvāsu cyutopapattiṣu svakaṃ ca kṣetraṃ pariśodhayanti || 5 ||
[Analyze grammar]

sarāgatāmātmani darśayanti sadoṣatāṃ cāpi samohatāṃ ca |
dṛṣṭīvilagnāṃśca viditva sattvāṃsteṣāṃ pi dṛṣṭiṃ samupāśrayanti || 6 ||
[Analyze grammar]

evaṃ caranto bahu mahya śrāvakāḥ sattvānupāyena vimocayanti |
unmādu gaccheyu narā avidvasū sa caiva sarvaṃ caritaṃ prakāśayet || 7 ||
[Analyze grammar]

pūrṇo ayaṃ śrāvaka mahya bhikṣavaścarito purā buddhasahasrakoṭiṣu |
teṣāṃ ca saddharma parigrahīṣīd bauddhaṃ idaṃ jñāna gaveṣamāṇaḥ || 8 ||
[Analyze grammar]

sarvatra caiṣo abhu agraśrāvako bahuśrutaścitrakathī viśāradaḥ |
saṃharṣakaścā akilāsi nityaṃ sada buddhakṛtyena ca pratyupasthitaḥ || 9 ||
[Analyze grammar]

mahāabhijñāsu sadā gatiṃgataḥ pratisaṃvidānāṃ ca abhūṣi lābhī |
sattvāna co indriyagocarajño dharmaṃ ca deśeti sadā viśuddham || 10 ||
[Analyze grammar]

saddharma śreṣṭhaṃ ca prakāśayantaḥ paripācayī sattvasahasrakoṭyaḥ |
anuttarasminniha agrayāne kṣetraṃ svakaṃ śreṣṭhu viśodhayantaḥ || 11 ||
[Analyze grammar]

anāgate cāpi tathaiva adhve pūjeṣyatī buddhasahasrakoṭyaḥ |
saddharma śreṣṭhaṃ ca parigrahīṣyati svakaṃ ca kṣetraṃ pariśodhayiṣyati || 12 ||
[Analyze grammar]

deśeṣyatī dharma sadā viśārado upāyakauśalyasahasrakoṭibhiḥ |
bahūṃśca sattvān paripācayiṣyati sarvajñajñānasmi anāsravasmin || 13 ||
[Analyze grammar]

so pūja kṛtvā naranāyakānāṃ saddharma śreṣṭhaṃ sada dhārayitvā |
bhaviṣyatī buddha svayaṃbhu loke dharmaprabhāso diśatāsu viśrutaḥ || 14 ||
[Analyze grammar]

kṣetraṃ ca tasya suviśuddha bheṣyatī ratnāna saptāna sadā viśiṣṭam |
ratnavabhāsaśca sa kalpu bheṣyatī suviśuddha so bheṣyati lokadhātuḥ || 15 ||
[Analyze grammar]

bahubodhisattvāna sahasrakoṭyo mahāabhijñāsu sukovidānām |
yehi sphuṭo bheṣyati lokadhātuḥ suviśuddha śuddhehi maharddhikehi || 16 ||
[Analyze grammar]

atha śrāvakāṇāṃ pi sahasrakoṭyaḥ saṃghastadā bheṣyati nāyakasya |
maharddhikānaṣṭavimokṣadhyāyināṃ pratisaṃvidāsū ca gatiṃgatānām || 17 ||
[Analyze grammar]

sarve ca sattvāstahi buddhakṣetre śuddhā bhaviṣyanti ca brahmacāriṇaḥ |
upapādukāḥ sarvi suvarṇavarṇā dvātriṃśatīlakṣaṇarūpadhāriṇaḥ || 18 ||
[Analyze grammar]

āhārasaṃjñā ca na tatra bheṣyati anyatra dharme rati dhyānaprītiḥ |
na mātṛgrāmo 'pi ca tatra bheṣyati na cāpyapāyāna ca durgatībhayam || 19 ||
[Analyze grammar]

etādṛśaṃ kṣetravaraṃ bhaviṣyati pūrṇasya saṃpūrṇaguṇānvitasya |
ākīrṇa sattvehi subhadrakehi yatkiṃcimātraṃ pi idaṃ prakāśitam || 20 ||
[Analyze grammar]

kauṇḍinyagotro mama śrāvako 'yaṃ tathāgato bheṣyati lokanāthaḥ |
anāgate 'dhvāni anantakalpe vineṣyate prāṇisahasrakoṭyaḥ || 21 ||
[Analyze grammar]

samantaprabho nāma jino bhaviṣyati kṣetraṃ ca tasya pariśuddha bheṣyati |
anantakalpasmi anāgate 'dhvani dṛṣṭvāna buddhān bahavo hyanantān || 22 ||
[Analyze grammar]

prabhāsvaro buddhabalenupeto vighuṣṭaśabdo daśasu ddiśāsu |
puraskṛtaḥ prāṇisahasrakoṭibhirdeśeṣyatī uttamamagrabodhim || 23 ||
[Analyze grammar]

tatu bodhisattvā abhiyuktarūpā vimānaśreṣṭhānyabhiruhya cāpi |
viharanta tatra anucintayanti viśuddhaśīlā sada sādhuvṛttayaḥ || 24 ||
[Analyze grammar]

śrutvāna dharmaṃ dvipadottamasya anyāni kṣetrāṇyapi co sadā te |
vrajanti te buddhasahasravandakāḥ pūjāṃ ca teṣāṃ vipulāṃ karonti || 25 ||
[Analyze grammar]

kṣeṇena te cāpi tadāsya kṣetraṃ pratyāgamiṣyanti vināyakasya |
prabhāsanāmasya narottamasya caryābalaṃ tādṛśakaṃ bhaviṣyati || 26 ||
[Analyze grammar]

ṣaṣṭiḥ sahasrā paripūrṇakalpānāyuṣpramāṇaṃ sugatasya tasya |
tataśca bhūyo dviguṇena tāyinaḥ parinirvṛtasyeha sa dharma sthāsyati || 27 ||
[Analyze grammar]

pratirūpakaścāsya bhaviṣyate punastriguṇaṃ tato ettakameva kālam |
saddharmabhraṣṭe tada tasya tāyino dukhitā bhaviṣyanti narā marū ca || 28 ||
[Analyze grammar]

jināna teṣāṃ samanāmakānāṃ samantaprabhāṇāṃ puruṣottamānām |
paripūrṇa pañcāśata nāyakānāṃ ete bhaviṣyanti paraṃparāya || 29 ||
[Analyze grammar]

sarveṣa etādṛśakāśca vyūhā ṛddhibalaṃ ca tatha buddhakṣetram |
gaṇaśca saddharma tathaiva īdṛśaḥ saddharmasthānaṃ ca samaṃ bhaviṣyati || 30 ||
[Analyze grammar]

sarveṣametādṛśakaṃ bhaviṣyati nāmaṃ tadā loki sadevakasmin |
yathā mayā pūrvi prakīrtitāsīt samantaprabhāsasya narottamasya || 31 ||
[Analyze grammar]

paraṃparā eva tathānyamanyaṃ te vyākariṣyanti hitānukampī |
anantarāyaṃ mama adya bheṣyati yathaiva śāsāmyahu sarvalokam || 32 ||
[Analyze grammar]

evaṃ khu ete tvamihādya kāśyapa dhārehi pañcāśatanūnakāni |
vaśibhūta ye cāpi mamānyaśrāvakāḥ kathayāhi cānyeṣvapi śrāvakeṣu || 33 ||
[Analyze grammar]

hṛṣṭā prahṛṣṭā sma śruṇitva etāṃ āśvāsanāmīdṛśikāmanuttarām |
yaṃ vyākṛtāḥ sma paramāgrabodhaye namo 'stu te nāyaka nantacakṣuḥ || 34 ||
[Analyze grammar]

deśemahe atyayu tubhyamantike yathaiva bālā avidū ajānakāḥ |
yaṃ vai vayaṃ nirvṛtimātrakeṇa parituṣṭa āsīt sugatasya śāsane || 35 ||
[Analyze grammar]

yathāpi puruṣo bhavi kaścideva praviṣṭa sa syādiha mitraśālam |
mitraṃ ca tasya dhanavantamāḍhyaṃ so tasya dadyād bahū khādyabhojyam || 36 ||
[Analyze grammar]

saṃtarpayitvāna ca bhojanena anekamūlyaṃ ratanaṃ ca dadyāt |
baddhvāntarīye vasanānti granthiṃ datvā ca tasyeha bhaveta tuṣṭaḥ || 37 ||
[Analyze grammar]

so cāpi prakrāntu bhaveta bālo utthāya so 'nyaṃ nagaraṃ vrajeta |
so kṛcchraprāptaḥ kṛpaṇo gaveṣī āhāra paryeṣati khidyamānaḥ || 38 ||
[Analyze grammar]

paryeṣitaḥ bhojananirvṛtaḥ syād bhaktaṃ udāraṃ avicintayantaḥ |
taṃ cāpi ratnaṃ hi bhaveta vismṛtaṃ baddhvāntarīye smṛtirasya nāsti || 39 ||
[Analyze grammar]

tameva so paśyati pūrvamitro yenāsya dattaṃ ratanaṃ gṛhe sve |
tameva suṣṭhū paribhāṣayitvā darśeti ratnaṃ vasanāntarasmin || 40 ||
[Analyze grammar]

dṛṣṭvā ca so paramasukhaiḥ samarpito ratnasya tasyo anubhāva īdṛśaḥ |
mahādhanī kośabalī ca so bhavet samarpitaḥ kāmaguṇehi pañcahi || 41 ||
[Analyze grammar]

emeva bhagavan vayamevarūpam ajānamānā praṇidhānapūrvakam |
tathāgatenaiva idaṃ hi dattaṃ bhaveṣu pūrveṣviha dīrgharātram || 42 ||
[Analyze grammar]

vayaṃ ca bhagavanniha bālabuddhayo ajānakāḥ smo sugatasya śāsane |
nirvāṇamātreṇa vayaṃ hi tuṣṭā na uttarī prārthayi nāpi cintayī || 43 ||
[Analyze grammar]

vayaṃ ca saṃbodhita lokabandhunā na eṣa etādṛśa kāci nirvṛtiḥ |
jñānaṃ praṇītaṃ puruṣottamānāṃ yā nirvṛtīyaṃ paramaṃ ca saukhyam || 44 ||
[Analyze grammar]

idaṃ cudāraṃ vipulaṃ bahūvidhaṃ anuttaraṃ vyākaraṇaṃ ca śrutvā |
prītā udagrā vipulā sma jātāḥ parasparaṃ vyākaraṇāya nātha || 45 ||
[Analyze grammar]