Chapter 7 - Ancient Devotion

abhū atītā bahu kalpakoṭyo anusmarāmi dvipadānamuttamam |
abhijñajñānābhibhūvaṃ mahāmunimabhūṣi tatkālamanuttamo jinaḥ || 1 ||
[Analyze grammar]

yathā trisāhasrima lokadhātuṃ kaścid rajaṃ kurya aṇupramāṇam |
paramāṇumekaṃ ca tato gṛhītvā kṣetraṃ sahasraṃ gamiyāna nikṣipet || 2 ||
[Analyze grammar]

dvitīyaṃ tṛtīyaṃ pi ca eva nikṣipet sarvaṃ pi so nikṣipi taṃ rajogatam |
riktā bhavetā iya lokadhātuḥ sarvaśca so pāṃsu bhaveta kṣīṇaḥ || 3 ||
[Analyze grammar]

yo lokadhātūṣu bhaveta tāsu pāṃsu rajo yasya pramāṇu nāsti |
rajaṃ karitvāna aśeṣatastaṃ lakṣyaṃ dade kalpaśate gate ca || 4 ||
[Analyze grammar]

evāprameyā bahu kalpakoṭyaḥ parinirvṛtasya sugatasya tasya |
paramāṇu sarve na bhavanti lakṣyāstāvadbahu kṣīṇa bhavanti kalpāḥ || 5 ||
[Analyze grammar]

tāvacciraṃ nirvṛtu taṃ vināyakaṃ tān śrāvakāṃstāṃśca pi bodhisattvān |
etādṛśaṃ jñānu tathāgatānāṃ smarāmi vṛttaṃ yatha adya śvo vā || 6 ||
[Analyze grammar]

etādṛśaṃ bhikṣava jñānametadanantajñānaśca tathāgatasya |
buddhaṃ mayā kalpaśatairanekaiḥ smṛtīya sūkṣmāya anāsravāya || 7 ||
[Analyze grammar]

mahābhiṣaṭko 'si anuttaro 'si anantakalpaiḥ samudāgato 'si |
uttāraṇārthāyiha sarvadehināṃ paripūrṇa saṃkalpu ayaṃ ti bhadrakaḥ || 8 ||
[Analyze grammar]

suduṣkarā antarakalpimān daśa kṛtāni ekāsani saṃniṣadya |
na ca te 'ntarā kāyu kadāci cālito na hastapādaṃ na pi cānyadaṅgam || 9 ||
[Analyze grammar]

cittaṃ pi te śāntagataṃ susaṃsthitamaniñjyabhūtaṃ sada aprakampyam |
vikṣepu naivāsti kadāci pi tava atyantaśāntasthitu tvaṃ anāsravaḥ || 10 ||
[Analyze grammar]

diṣṭayāsi kṣemeṇa ca svastinā ca aviheṭhitaḥ prāpta imāgrabodhim |
asmākamṛddhī iyamevarūpā diṣṭayā ca vardhāma narendrasiṃha || 11 ||
[Analyze grammar]

anāyikeyaṃ praja sarva duḥkhitā utpāṭitākṣī va nihīnasaukhyā |
mārgaṃ na jānanti dukhāntagāminaṃ na mokṣahetorjanayanti vīryam || 12 ||
[Analyze grammar]

apāya vardhanti ca dīrgharātraṃ divyāśca kāyāḥ parihāṇadharmāḥ |
na śrūyate jātu jināna śabdastamondhakāro ayu sarvalokaḥ || 13 ||
[Analyze grammar]

prāptaṃ ca te lokavidū ihādya śivaṃ padaṃ uttama nāsravaṃ ca |
vayaṃ ca lokaśca anugṛhītaḥ śaraṇaṃ ca tvā eti vrajāma nātha || 14 ||
[Analyze grammar]

deśehi dharmaṃ śatapuṇyalakṣaṇā vināyakā apratimā maharṣe |
labdhaṃ ti jñānaṃ pravaraṃ viśiṣṭaṃ prakāśayā loki sadevakasmin || 15 ||
[Analyze grammar]

asmāṃśca tārehi imāṃśca sattvān nidarśaya jñānu tathāgatānām |
yathā vayaṃ pi imamagrabodhiṃ anuprāpnuyāmo 'tha ime ca sattvāḥ || 16 ||
[Analyze grammar]

caryāṃ ca jñānaṃ pi ca sarva jānasi adhyāśayaṃ pūrvakṛtaṃ ca puṇyam |
adhimukti jānāsi ca sarvaprāṇināṃ pravartayā cakravaraṃ anuttaram || 17 ||
[Analyze grammar]

atīva no harṣita adya sarve vimānaśreṣṭhā imi prajvalanti |
śriyā dyutīyā ca manoramā ye kiṃ kāraṇaṃ īdṛśu bheṣyate 'dya || 18 ||
[Analyze grammar]

sādhu gaveṣāmatha etamarthaṃ ko devaputro upapannu adya |
yasyānubhāvo ayamevarūpo abhūtapūrvo ayamadya dṛśyate || 19 ||
[Analyze grammar]

yadi vā bhaved buddha narendrarājā utpannu lokasmi kahiṃcidadya |
yasyo nimittaṃ imamevarūpaṃ śriyā daśo dikṣu jvalanti adya || 20 ||
[Analyze grammar]

āścaryabhūto jina aprameyo utpanna lokasmi hitānukampī |
nātho 'si śāstāsi gurūsi jāto anugṛhītā daśimā diśo 'dya || 21 ||
[Analyze grammar]

pañcāśatī koṭisahasra pūrṇā yā lokadhātūna ito bhavanti |
yato vayaṃ vandana āgatā jinaṃ vimānaśreṣṭhān prajahitva sarvaśaḥ || 22 ||
[Analyze grammar]

pūrveṇa karmeṇa kṛtena asmin vicitracitrā hi ime vimānāḥ |
pratigṛhya asmākamanugrahārthaṃ paribhuñjatāṃ lokavidū yatheṣṭam || 23 ||
[Analyze grammar]

deśehi bhagavan dharmaṃ deśehi dvipadottama |
maitrībalaṃ ca deśehi sattvāṃstārehi duḥkhitān || 24 ||
[Analyze grammar]

durlabho lokapradyotaḥ puṣpamaudumbaraṃ yathā |
utpanno 'si mahāvīra adhyeṣāmastathāgatam || 25 ||
[Analyze grammar]

kasya pūrvanimittena māriṣā atha dṛśyate |
vimānāḥ sarvi bhrājanti adhimātraṃ yaśasvinaḥ || 26 ||
[Analyze grammar]

yadi vā devaputro 'dya puṇyavanta ihāgataḥ |
yasyeme anubhāvena vimānāḥ sarvi śobhitāḥ || 27 ||
[Analyze grammar]

atha vā buddha loke 'sminnutpanno dvipadottamaḥ |
anubhāvena yasyādya vimānā imi īdṛśāḥ || 28 ||
[Analyze grammar]

sahitāḥ sarvi mārgāmo naitat kāraṇamalpakam |
na khalvetādṛśaṃ pūrvaṃ nimittaṃ jātu dṛśyate || 29 ||
[Analyze grammar]

caturdiśaṃ prapadyāmo añcāmaḥ kṣetrakoṭiyo |
vyaktaṃ loke 'dya buddhasya prādurbhāvo bhaviṣyati || 30 ||
[Analyze grammar]

namo 'stu te apratimā maharṣe devātidevā kalaviṅkasusvarā |
vināyakā loki sadevakasmin vandāmi te lokahitānukampī || 31 ||
[Analyze grammar]

āścaryabhūto 'si kathaṃciloke utpannu adyo sucireṇa nātha |
kalpāna pūrṇā śata śūnya āsīdaśīti buddhairayu jīvalokaḥ || 32 ||
[Analyze grammar]

śūnyaśca āsīddvipadottamehi apāyabhūmī tada utsadāsi |
divyāśca kāyāḥ parihāyiṣū tadā aśīti kalpāna śatā supūrṇā || 33 ||
[Analyze grammar]

so dāni cakṣuśca gatiśca leṇaṃ trāṇaṃ pitā co tatha bandhubhūtaḥ |
utpannu lokasmi hitānukampī asmāka puṇyairiha dharmarājā || 34 ||
[Analyze grammar]

pravartayā cakravaraṃ mahāmune prakāśayā dharmu daśādiśāsu |
tārehi sattvān dukhadharmapīḍitān prāmodya harṣaṃ janayasva dehinām || 35 ||
[Analyze grammar]

yaṃ śrutva bodhīya bhaveyu lābhino divyāni sthānāni vrajeyu cāpi |
hāyeyu co āsurakāya sarve śāntāśca dāntāśca sukhī bhaveyuḥ || 36 ||
[Analyze grammar]

nāhetu nākāraṇamadya mārṣāḥ sarve vimānā iha jājvalanti |
nimitta darśenti ha kiṃ pi loke sādhu gaveṣāma tametamartham || 37 ||
[Analyze grammar]

anūna kalpāna śatā hyatītā naitādṛśaṃ jātu nimittamāsīt |
yadi vopapanno iha devaputro utpannu loke yadi veha buddhaḥ || 38 ||
[Analyze grammar]

sudurlabhaṃ darśana nāyakānāṃ svabhyāgataṃ te bhavarāgamardana |
sucirasya te darśanamadya loke paripūrṇa kalpāna śatebhi dṛśyase || 39 ||
[Analyze grammar]

tṛṣitāṃ prajāṃ tarpaya lokanātha adṛṣṭapūrvo 'si kathaṃci dṛśyase |
audumbaraṃ puṣpa yathaiva durlabhaṃ tathaiva dṛṣṭo 'si kathaṃci nāyaka || 40 ||
[Analyze grammar]

vimāna asmākamimā vināyaka tavānubhāvena viśobhitādya |
parigṛhya etāni samantacakṣuḥ paribhuñja cāsmākamanugrahārtham || 41 ||
[Analyze grammar]

deśehi dharmaṃ bhagavan vināyaka pravartayā dharmamayaṃ ca cakram |
nirnādayā dharmamayaṃ ca dundubhiṃ taṃ dharmaśaṅkhaṃ ca prapūrayasva || 42 ||
[Analyze grammar]

saddharmavarṣaṃ varṣayasva loke valgusvaraṃ bhāṣa subhāṣitaṃ ca |
adhyeṣito dharmamudīrayasva mocehi sattvā nayutāna koṭyaḥ || 43 ||
[Analyze grammar]

kiṃ kāraṇaṃ mārṣa idaṃ bhaviṣyati yenā vimānāni parisphuṭāni |
ojena varṇena dyutīya cāpi adhimātra vṛddhāni kimatra kāraṇam || 44 ||
[Analyze grammar]

na īdṛśaṃ no abhidṛṣṭapūrvaṃ śrutaṃ ca keno tatha pūrva āsīt |
oja 'sphuṭāni yatha adya etā adhimātra bhrājanti kimatra kāraṇam || 45 ||
[Analyze grammar]

yadi vā nu kaścidbhavi devaputraḥ śubhena karmeṇa samanvito iha |
upapannu tasyo ayamānubhāvo yadi vā bhaved buddha kadāci loke || 46 ||
[Analyze grammar]

sādhu darśana buddhāna lokanāthāna tāyinām |
tradhātukasmi buddhā vai sattvānāṃ ye pramocakāḥ || 47 ||
[Analyze grammar]

samantacakṣu lokendrā vyavalokenti diśo daśa |
vivaritvāmṛtadvāramotārenti bahūn janān || 48 ||
[Analyze grammar]

śūnyā acintiyāḥ kalpā atītāḥ pūrvi ye abhū |
adarśanājjinendrāṇāṃ andhā āsīddiśo daśa || 49 ||
[Analyze grammar]

vardhanti narakāstīvrāstiryagyonistathāsurāḥ |
preteṣu copapadyante prāṇikoṭyaḥ sahasraśaḥ || 50 ||
[Analyze grammar]

divyāḥ kāyāśca hīyante cyutā gacchanti durgatim |
aśrutvā dharma buddhānāṃ gatyeṣāṃ bhoti pāpikā || 51 ||
[Analyze grammar]

caryāśuddhigatiprajñā hīyante sarvaprāṇinām |
sukhaṃ vinaśyatī teṣāṃ sukhasaṃjñā ca naśyati || 52 ||
[Analyze grammar]

anācārāśca te bhonti asaddharme pratiṣṭhitāḥ |
adāntā lokanāthena durgatiṃ prapatanti te || 53 ||
[Analyze grammar]

dṛṣṭo 'si lokapradyota sucireṇāsi āgataḥ |
utpannu sarvasattvānāṃ kṛtena anukampakaḥ || 54 ||
[Analyze grammar]

diṣṭayā kṣemeṇa prāpto 'si buddhajñānamanuttaram |
vayaṃ te anumodāmo lokaścaiva sadevakaḥ || 55 ||
[Analyze grammar]

vimānāni sucitrāṇi anubhāvena te vibho |
dadāma te mahāvīra pratigṛhṇa mahāmune || 56 ||
[Analyze grammar]

asmākamanukampārthaṃ paribhuñja vināyaka |
vayaṃ ca sarvasattvāśca agrāṃ bodhiṃ spṛśemahi || 57 ||
[Analyze grammar]

pravartayā cakravaramanuttaraṃ parāhanasvā amṛtasya dundubhim |
pramocayā duḥkhaśataiśca sattvān nirvāṇamārgaṃ ca pradarśayasva || 58 ||
[Analyze grammar]

asmābhiradhyeṣitu bhāṣa dharmamasmānanugṛhṇa imaṃ ca lokam |
valgusvaraṃ co madhuraṃ pramuñca samudānitaṃ kalpasahasrakoṭibhiḥ || 59 ||
[Analyze grammar]

abhijñajñānābhibhu lokanāyako yadbodhimaṇḍasmi niṣaṇṇa āsīt |
daśeha so antarakalpa pūrṇān na lapsi bodhiṃ paramārthadarśī || 60 ||
[Analyze grammar]

devātha nāgā asurātha guhyakā udyukta pūjārtha jinasya tasya |
puṣpāṇa varṣaṃ pramumocu tatra buddhe ca bodhiṃ naranāyake 'smin || 61 ||
[Analyze grammar]

upariṃ ca khe dundubhayo vineduḥ satkārapūjārtha jinasya tasya |
suduḥkhitā cāpi jinena tatra cirabudhyamānena anuttaraṃ padam || 62 ||
[Analyze grammar]

daśāna co antarakalpa atyayāt spṛśe sa bodhiṃ bhagavānanābhibhūḥ |
hṛṣṭā udagrāstada āsu sarve devā manuṣyā bhujagāsurāśca || 63 ||
[Analyze grammar]

vīrāḥ kumārā atha tasya ṣoḍaśa putrā guṇāḍhyā naranāyakasya |
upasaṃkramī prāṇīsahasrakoṭibhiḥ puraskṛtāstaṃ dvipadendramagryam || 64 ||
[Analyze grammar]

vanditva pādau ca vināyakasya adhyeṣiṣū dharma prakāśayasva |
asmāṃśca tarpehi imaṃ ca lokaṃ subhāṣiteneha narendrasiṃha || 65 ||
[Analyze grammar]

cirasya lokasya daśaddiśe 'smin vidito 'si utpannu mahāvināyaka |
nimittasaṃcodanahetu prāṇināṃ brāhmā vimānāni prakampayantaḥ || 66 ||
[Analyze grammar]

diśāya pūrvāya sahasrakoṭyaḥ kṣetrāṇa pañcāśadabhūṣi kampitāḥ |
tatrāpi ye brāhma vimāna agrāste tejavanto adhimātramāsi || 67 ||
[Analyze grammar]

viditva te pūrvanimittamīdṛśamupasaṃkramī lokavināyakendram |
puṣpairihābhyokiriyāṇa nāyakamarpenti te sarva vimāna tasya || 68 ||
[Analyze grammar]

adhyeṣiṣū cakrapravartanāya gāthābhigītena abhisaṃstaviṃsu |
tūṣṇīṃ ca so āsi narendrarājā na tāva kālo mama dharma bhāṣitum || 69 ||
[Analyze grammar]

evaṃ diśi dakṣiṇiyāṃ pi tatra atha paścimā heṣṭima uttarasyām |
upariṣṭimāyāṃ vidiśāsu caiva āgatya brahmāṇa sahasrakoṭyaḥ || 70 ||
[Analyze grammar]

puṣpebhi abhyokiriyāṇa nāyakaṃ pādau ca vanditva vināyakasya |
niryātayitvā ca vimāna sarvānabhiṣṭavitvā punarabhyayāci || 71 ||
[Analyze grammar]

pravartayā cakramanantacakṣuḥ sudurlabhastvaṃ bahukalpakoṭibhiḥ |
darśehi maitrībala pūrvasevitamapāvṛṇohī amṛtasya dvāram || 72 ||
[Analyze grammar]

adhyeṣaṇāṃ jñātva anantacakṣuḥ prakāśate dharma bahuprakāram |
catvāri satyāni ca vistareṇa pratītya sarve imi bhāva utthitāḥ || 73 ||
[Analyze grammar]

avidya ādīkariyāṇa cakṣumān prabhāṣate sa maraṇāntaduḥkham |
jātiprasūtā imi sarvadoṣā mṛtyuṃ ca mānuṣyamimeva jānatha || 74 ||
[Analyze grammar]

samanantaraṃ bhāṣitu dharma tena bahuprakārā vividhā anantāḥ |
śrutvānaśītī nayutāna koṭyaḥ sattvāḥ sthitāḥ śrāvaka bhūtale laghum || 75 ||
[Analyze grammar]

kṣaṇaṃ dvitīyaṃ aparaṃ abhūṣi jinasya tasyo bahu dharma bhāṣataḥ |
viśuddhasattvā yatha gaṅgavālukāḥ kṣaṇena te śrāvakabhūta āsīt || 76 ||
[Analyze grammar]

tatottarī agaṇiyu tasya āsīt saṃghastadā lokavināyakasya |
kalpāna koṭīnyayutā gaṇenta ekaika no cāntu labheya teṣām || 77 ||
[Analyze grammar]

ye cāpi te ṣoḍaśa rājaputrā ye aurasā cailakabhūta sarve |
te śrāmaṇerā avaciṃsu taṃ jinaṃ prakāśayā nāyaka agradharmam || 78 ||
[Analyze grammar]

yathā vayaṃ lokavidū bhavema yathaiva tvaṃ sarvajinānamuttama |
ime ca sattvā bhavi sarvi eva yathaiva tvaṃ vīra viśuddhacakṣuḥ || 79 ||
[Analyze grammar]

so cā jino āṃśayu jñātva teṣāṃ kumārabhūtāna tathātmajānām |
prakāśayī uttamamagrabodhiṃ dṛṣṭāntakoṭīnayutairanekaiḥ || 80 ||
[Analyze grammar]

hetūsahasrairupadarśayanto abhijñajñānaṃ ca pravartayantaḥ |
bhūtāṃ cariṃ darśayi lokanātho yathā caranto vidu bodhisattvāḥ || 81 ||
[Analyze grammar]

idameva saddharmapuṇḍarīkaṃ vaipulyasūtraṃ bhagavānuvāca |
gāthāsahasrehi analpakehi yeṣāṃ pramāṇaṃ yatha gaṅgavālikāḥ || 82 ||
[Analyze grammar]

so cā jino bhāṣiya sūtrametadvihāru praviśitva vilakṣayīta |
pūrṇānaśītiṃ caturaśca kalpān samāhitaikāsani lokanāthaḥ || 83 ||
[Analyze grammar]

te śrāmaṇerāśca viditva nāyakaṃ vihāri āsannamaniṣkramantam |
saṃśrāvayiṃsu bahuprāṇikoṭināṃ bauddha imaṃ jñānamanāsravaṃ śivam || 84 ||
[Analyze grammar]

pṛthak pṛthagāsana prajñapitvā abhāṣi teṣāmidameva sūtram |
sugatasya tasya tada śāsanasmin adhikāra kurvanti mamevarūpam || 85 ||
[Analyze grammar]

gaṅgā yathā vāluka aprameyā sahasra ṣaṣṭiṃ tada śrāvayiṃsu |
ekaiku tasya sugatasya putro vineti sattvāni analpakāni || 86 ||
[Analyze grammar]

tasyo jinasya parinirvṛtasya caritva te paśyisu buddhakoṭyaḥ |
tehī tadā śrāvitakehi sārdhaṃ kurvanti pūjāṃ dvipadottamānām || 87 ||
[Analyze grammar]

caritva caryāṃ vipulāṃ viśiṣṭāṃ buddhā ca te bodhi daśaddiśāsu |
te ṣoḍaśā tasya jinasya putrā diśāsu sarvāsu dvayo dvayo jināḥ || 88 ||
[Analyze grammar]

ye cāpi saṃśrāvitakā tadāsī te śrāvakā teṣa jināna sarve |
imameva bodhiṃ upanāmayanti kramakrameṇa vividhairupāyaiḥ || 89 ||
[Analyze grammar]

ahaṃ pi abhyantari teṣa āsīnmayāpi saṃśrāvita sarvi yūyam |
teno mama śrāvaka yūyamadya bodhāvupāyeniha sarvi nemi || 90 ||
[Analyze grammar]

ayaṃ khu hetustada pūrva āsīdayaṃ pratyayo yena hu dharma bhāṣe |
nayāmyahaṃ yena mamāgrabodhiṃ mā bhikṣavo utrasatheha sthāne || 91 ||
[Analyze grammar]

yathāṭavī ugra bhaveya dāruṇā śūnyā nirālamba nirāśrayā ca |
bahuśvāpadā caiva apāniyā ca bālāna sā bhīṣaṇikā bhaveta || 92 ||
[Analyze grammar]

purūṣāṇa co tatra sahasra nekā ye prasthitāstāmaṭavīṃ bhaveyuḥ |
aṭavī ca sā śūnya bhaveta dīrghā pūrṇāni pañcāśata yojanāni || 93 ||
[Analyze grammar]

puruṣaśca āḍhyaḥ smṛtimantu vyakto dhīro vinītaśca viśāradaśca |
yo deśikasteṣa bhaveta tatra aṭavīya durgāya subhairavāya || 94 ||
[Analyze grammar]

te cāpi khinnā bahuprāṇikoṭya uvāca taṃ deśika tasmi kāle |
khinnā vayaṃ ārya na śaknuyāma nivartanaṃ adyiha rocate naḥ || 95 ||
[Analyze grammar]

kuśalaśca so pi tada paṇḍitaśca praṇāyakopāya tadā vicintayet |
dhikkaṣṭa ratnairimi sarvi bālā bhraśyanti ātmāna nivartayantaḥ || 96 ||
[Analyze grammar]

yannūnahaṃ ṛddhibalena vādya nagaraṃ mahantaṃ abhinirmiṇeyam |
pratimaṇḍitaṃ veśmasahasrakoṭibhirvihāraudyānupaśobhitaṃ ca || 97 ||
[Analyze grammar]

vāpī nadīyo abhinirmiṇeyam ārāmapuṣpaiḥ pratimaṇḍitaṃ ca |
prākāradvārairupaśobhitaṃ ca nārīnaraiścāpratimairupetam || 98 ||
[Analyze grammar]

nirmāṇu kṛtva iti tān vadeya mā bhāyathā harṣa karotha caiva |
prāptā bhavanto nagaraṃ variṣṭhaṃ praviśya kāryāṇi kuruṣva kṣipram || 99 ||
[Analyze grammar]

udagracittā bhaṇatheha nirvṛtā nistīrṇa sarvā aṭavī aśeṣataḥ |
āśvāsanārthāya vadeti vācaṃ kathaṃ na pratyāgata sarvi asyā || 100 ||
[Analyze grammar]

viśrāntarūpāṃśca viditva sarvān samānayitvā ca punarbravīti |
āgacchatha mahya śṛṇotha bhāṣato ṛddhīmayaṃ nagaramidaṃ vinirmitam || 101 ||
[Analyze grammar]

yuṣmāka khedaṃ ca mayā vitdivā nivartanaṃ mā ca bhaviṣyatīti |
upāyakauśalyamidaṃ mameti janetha vīryaṃ gamanāya dvīpam || 102 ||
[Analyze grammar]

emeva haṃ bhikṣava deśiko vā praṇāyakaḥ prāṇisahasrakoṭinām |
khidyanta paśyāmi tathaiva prāṇinaḥ kleśāṇḍakośaṃ na prabhonti bhettum || 103 ||
[Analyze grammar]

tato mayā cintitu eṣa artho viśrāmabhūtā imi nirvṛtīkṛtāḥ |
sarvasya duḥkhasya nirodha eṣa arhantabhūmau kṛtakṛtya yūyam || 104 ||
[Analyze grammar]

samaye yadā tu sthita atra sthāne paśyāmi yūyāmarhanta tatra sarvān |
tadā ca sarvāniha saṃnipātya bhūtārthamākhyāmi yathaiṣa dharmaḥ || 105 ||
[Analyze grammar]

upāyakauśalya vināyakānāṃ yad yāna deśenti trayo maharṣī |
ekaṃ hi yānaṃ na dvitīyamasti viśrāmaṇārthaṃ tu dviyāna deśitā || 106 ||
[Analyze grammar]

tato vademi ahamadya bhikṣavo janetha vīryaṃ paramaṃ udāram |
sarvajñajñānena kṛtena yūyaṃ naitāvatā nirvṛti kāci bhoti || 107 ||
[Analyze grammar]

sarvajñajñānaṃ tu yadā spṛśiṣyatha daśo balā ye ca jināna dharmāḥ |
dvātriṃśatīlakṣaṇarūpadhārī buddhā bhavitvāna bhavetha nirvṛtāḥ || 108 ||
[Analyze grammar]

etādṛśī deśana nāyakānāṃ viśrāmahetoḥ pravadanti nirvṛtim |
viśrānta jñātvāna ca nirvṛtīye sarvajñajñāne upanenti sarvān || 109 ||
[Analyze grammar]