Chapter 5 - On Plants

dharmarājā ahaṃ loke utpanno bhavamardanaḥ |
dharmaṃ bhāṣāmi sattvānāmadhimuktiṃ vijāniya || 1 ||
[Analyze grammar]

dhīrabuddhī mahāvīrā ciraṃ rakṣanti bhāṣitam |
rahasyaṃ cāpi dhārenti na ca bhāṣanti prāṇinām || 2 ||
[Analyze grammar]

durbodhyaṃ cāpi tajjñānaṃ sahasā śrutva bāliśāḥ |
kāṅkṣāṃ kuryuḥ sudurmedhāstato bhraṣṭā bhrameyu te || 3 ||
[Analyze grammar]

yathāviṣayu bhāṣāmi yasya yādṛśakaṃ balam |
anyamanyehi arthehi dṛṣṭiṃ kurvāmi ujjukām || 4 ||
[Analyze grammar]

yathāpi kāśyapā megho lokadhātūya unnataḥ |
sarvamonahatī cāpi chādayanto vasuṃdharām || 5 ||
[Analyze grammar]

so ca vārisya saṃpūrṇo vidyunmālī mahāmbudaḥ |
nirnādayanta śabdena harṣayet sarvadehinaḥ || 6 ||
[Analyze grammar]

sūryaraśmī nivāritvā śītalaṃ kṛtva maṇḍalam |
hastaprāpto 'vatiṣṭhanto vāri muñcet samantataḥ || 7 ||
[Analyze grammar]

sa caiva mama muñceta āpaskandhamanalpakam |
prākharantaḥ samantena tarpayenmedinīmimām || 8 ||
[Analyze grammar]

iha yā kāci medinyāṃ jātā oṣadhayo bhavet |
tṛṇagulmavanaspatyo drumā vātha mahādrumāḥ || 9 ||
[Analyze grammar]

sasyāni vividhānyeva yadvāpi haritaṃ bhavet |
parvate kandare caiva nikuñjeṣu ca yadbhavet || 10 ||
[Analyze grammar]

sarvān saṃtarpayenmeghastṛṇagulmavanaspatīn |
tṛṣitāṃ dharaṇīṃ tarpet pariṣiñcati cauṣadhīḥ || 11 ||
[Analyze grammar]

tacca ekarasaṃ vāri meghamuktamihasthitam |
yathābalaṃ yathāviṣayaṃ tṛṇagulmā pibanti tat || 12 ||
[Analyze grammar]

drumāśca ye keci mahādrumāśca khudrāka madhyāśca yathāvayāśca |
yathābalaṃ sarve pibanti vāri pibanti vardhanti yathecchakāmāḥ || 13 ||
[Analyze grammar]

kāṇḍena nālena tvacā yathaiva śākhāpraśākhāya tathaiva patraiḥ |
vardhanti puṣpehi phalehi caiva meghābhivṛṣṭena mahauṣadhīyaḥ || 14 ||
[Analyze grammar]

yathābalaṃ tā viṣayaśca yādṛśo yāsāṃ ca yad yādṛśakaṃ ca bījam |
svakasvakaṃ tāḥ prasavaṃ dadanti vāriṃ ca taṃ ekarasaṃ pramuktam || 15 ||
[Analyze grammar]

emeva buddho 'pi ha loke kāśyapa utpadyate vāridharo va loke |
utpadya ca bhāṣati lokanātho bhūtāṃ cariṃ darśayate ca prāṇinām || 16 ||
[Analyze grammar]

evaṃ ca saṃśrāvayate maharṣiḥ puraskṛto loke sadevake 'smin |
tathāgato 'haṃ dvipadottamo jino utpannu lokasmi yathaiva meghaḥ || 17 ||
[Analyze grammar]

saṃtarpayiṣyāmyahu sarvasattvān saṃśuṣkagātrāṃstribhave vilagnān |
duḥkhena śuṣyanta sukhe sthapeyaṃ kāmāṃśca dāsyāmyahu nirvṛtiṃ ca || 18 ||
[Analyze grammar]

śṛṇotha me devamanuṣyasaṃghā upasaṃkramadhvaṃ mama darśanāya |
tathāgato 'haṃ bhagavānanābhibhūḥ saṃtāraṇārthaṃ iha loki jātaḥ || 19 ||
[Analyze grammar]

bhāṣāmi ca prāṇisahasrakoṭināṃ dharmaṃ viśuddhaṃ abhidarśanīyam |
ekā ca tasyo samatā tathatvaṃ yadidaṃ vimuktiścatha nirvṛtī ca || 20 ||
[Analyze grammar]

svareṇa caikena vadāmi dharmaṃ bodhiṃ nidānaṃ kariyāna nityam |
samaṃ hi etadviṣamatva nāsti na kaści vidveṣu na rāgu vidyate || 21 ||
[Analyze grammar]

anunīyatā mahya na kācidasti premā ca doṣaśca na me kahiṃcit |
samaṃ ca dharmaṃ pravadāmi dehināṃ yathaikasattvasya tathā parasya || 22 ||
[Analyze grammar]

ananyakarmā pravadāmi dharmaṃ gacchantu tiṣṭhantu niṣīdamānaḥ |
niṣaṇṇa śayyāsanamāruhitvā kilāsitā mahya na jātu vidyate || 23 ||
[Analyze grammar]

saṃtarpayāmī imu sarvalokaṃ megho va vāriṃ sama muñcamānaḥ |
āryeṣu nīceṣu ca tulyabuddhirduḥśīlabhūteṣvatha śīlavatsu || 24 ||
[Analyze grammar]

vinaṣṭacāritra tathaiva ye narāścāritraācārasamanvitāśca |
dṛṣṭisthitā ye ca vinaṣṭadṛṣṭī samyagdṛśo ye cāviśuddhadṛṣṭayaḥ || 25 ||
[Analyze grammar]

hīneṣu cotkṛṣṭamatīṣu cāpi mṛdvindriyeṣu pravadāmi dharmam |
kilāsitāṃ sarva vivarjayitvā samyak pramuñcāmyahu dharmavarṣam || 26 ||
[Analyze grammar]

yathābalaṃ ca śruṇiyāna mahyaṃ vividhāsu bhūmīṣu pratiṣṭhihanti |
deveṣu martyeṣu manorameṣu śakreṣu brahmeṣvatha cakravartiṣu || 27 ||
[Analyze grammar]

kṣudrānukṣudrā ima oṣadhīyo kṣudrīka etā iha yāva loke |
anyā ca madhyā mahatī ca oṣadhī śṛṇotha tāḥ sarva prakāśayiṣye || 28 ||
[Analyze grammar]

anāsravaṃ dharma prajānamānā nirvāṇaprāptā viharanti ye narāḥ |
ṣaḍabhijña traividya bhavanti ye ca sā kṣudrikā oṣadhi saṃpravuttā || 29 ||
[Analyze grammar]

girikandeṣū viharanti ye ca pratyekabodhiṃ spṛhayanti ye narāḥ |
ye īdṛśā madhyaviśuddhabuddhayaḥ sā madhyamā oṣadhi saṃpravuttā || 30 ||
[Analyze grammar]

ye prārthayante puruṣarṣabhatvaṃ buddho bhaviṣye naradevanāthaḥ |
vīryaṃ ca dhyānaṃ ca niṣevamāṇāḥ sā oṣadhī agra iyaṃ pravuccati || 31 ||
[Analyze grammar]

ye cāpi yuktāḥ sugatasya putrā maitrīṃ niṣevantiha śāntacaryām |
niṣkāṅkṣaprāptā puruṣarṣabhatve ayaṃ drumo vucyati evarūpaḥ || 32 ||
[Analyze grammar]

avivarticakraṃ hi pravartayantā ṛddhībalasmin sthita ye ca dhīrāḥ |
pramocayanto bahu prāṇikoṭī mahādrumo so ca pravuccate hi || 33 ||
[Analyze grammar]

samaśca so dharma jinena bhāṣito meghena vā vāri samaṃ pramuktam |
citrā abhijñā ima evarūpā yathauṣadhīyo dharaṇītalasthāḥ || 34 ||
[Analyze grammar]

anena dṛṣṭāntanidarśanena upāyu jānāhi tathāgatasya |
yathā ca so bhāṣati ekadharmaṃ nānāniruktī jalabindavo vā || 35 ||
[Analyze grammar]

mamāpi co varṣatu dharmavarṣaṃ loko hyayaṃ tarpitu bhoti sarvaḥ |
yathābalaṃ cānuvicintayanti subhāṣitaṃ ekarasaṃ pi dharmam || 36 ||
[Analyze grammar]

tṛṇagulmakā vā yatha varṣamāṇe madhyā pi vā oṣadhiyo yathaiva |
drumā pi vā te ca mahādrumā vā yatha śobhayante daśadikṣu sarve || 37 ||
[Analyze grammar]

iyaṃ sadā lokahitāya dharmatā tarpeti dharmeṇimu sarvalokam |
saṃtarpitaścāpyatha sarvalokaḥ pramuñcate oṣadhi puṣpakāṇi || 38 ||
[Analyze grammar]

madhyāpi ca oṣadhiyo vivardhayī arhanta ye te sthita āsravakṣaye |
pratyekabuddhā vanaṣaṇḍacāriṇo niṣpādayī dharmamimaṃ subhāṣitam || 39 ||
[Analyze grammar]

bahubodhisattvāḥ smṛtimanta dhīrāḥ sarvatra traidhātuki ye gatiṃgatāḥ |
paryeṣamāṇā imamagrabodhiṃ drumā va vardhanti ti nityakālam || 40 ||
[Analyze grammar]

ye ṛddhimantaścatudhyānadhyāyino ye śūnyatāṃ śrutva janenti prītim |
raśmīsahasrāṇi pramuñcamānāste caiva vuccanti mahādrumā iha || 41 ||
[Analyze grammar]

etādṛśī kāśyapa dharmadeśanā meghena vā vāri samaṃ pramuktam |
bahvī vivardhanti mahauṣadhīyo manuṣyapuṣpāṇi anantakāni || 42 ||
[Analyze grammar]

svapratyayaṃ dharma prakāśayāmi kālena darśemi ca buddhabodhim |
upāyakauśalyu mamaitadagraṃ sarveṣa co lokavināyakānām || 43 ||
[Analyze grammar]

paramārtha evaṃ mayaṃ bhūtabhāṣito te śrāvakāḥ sarvi na enti nirvṛtim |
caranti ete vara bodhicārikāṃ buddhā bhaviṣyantimi sarvaśrāvakāḥ || 44 ||
[Analyze grammar]

candrasūryaprabhā yadvannipatanti samaṃ nṛṣu |
guṇavatsvatha pāpeṣu prabhāyā nonapūrṇatā || 45 ||
[Analyze grammar]

tathāgatasya prajñābhā samā hyādityacandravat |
sarvasattvān vinayate na conā naiva cādhikā || 46 ||
[Analyze grammar]

yathā kulālo mṛdbhāṇḍaṃ kurvan mṛtsu samāsvapi |
bhavanti bhājanā tasya guḍakṣīradhṛtāmbhasām || 47 ||
[Analyze grammar]

aśuceḥ kānicittatra dadhno 'nyāni bhavanti tu |
mṛdamekāṃ sa gṛhṇāti kurvan bhāṇḍāni bhārgavaḥ || 48 ||
[Analyze grammar]

yādṛk prakṣipyate dravyaṃ bhājanaṃ tena lakṣyate |
sattvāviśeṣe 'pi tathā rucibhedāttathāgatāḥ || 49 ||
[Analyze grammar]

yānabhedaṃ varṇayanti buddhayānaṃ tu niṃścitam |
saṃsāracakrasyājñānānnirvṛtiṃ na vijānate || 50 ||
[Analyze grammar]

yastu śūnyān vijānāti dharmānātmavivarjitān |
saṃbuddhānāṃ bhagavatāṃ bodhiṃ jānāti tattvataḥ || 51 ||
[Analyze grammar]

prajñāmadhyavyavasthānāt pratyekajina ucyate |
śūnyajñānavihīnatvācchrāvakaḥ saṃprabhāṣyate || 52 ||
[Analyze grammar]

sarvadharmāvabodhāttu samyaksaṃbuddha ucyate |
tenopāyaśatairnityaṃ dharmaṃ deśeti prāṇinām || 53 ||
[Analyze grammar]

yathā hi kaścijjātyandhaḥ sūryendugrahatārakāḥ |
apaśyannevamāhāsau nāsti rūpāṇi sarvaśaḥ || 54 ||
[Analyze grammar]

jātyandhe tu mahāvaidyaḥ kāruṇyaṃ saṃniveśya ha |
himavantaṃ sa gatvāna tiryagūrdhvamadhastathā || 55 ||
[Analyze grammar]

sarvavarṇarasthānā nagāllabhata oṣadhīḥ |
evamādīścatasro 'tha prayogamakarottataḥ || 56 ||
[Analyze grammar]

dantaiḥ saṃcūrṇya kāṃcittu piṣṭvā cānyāṃ tathāparām |
sūcyagreṇa praveśyāṅge jātyandhāya prayojayet || 57 ||
[Analyze grammar]

sa labdhacakṣuḥ saṃpaśyet sūryendugrahatārakāḥ |
evaṃ cāsya bhavetpūrvajñānāttadudāhṛtam || 58 ||
[Analyze grammar]

evaṃ sattvā mahājñānā jātyandhāḥ saṃsaranti hi |
pratītyotpādacakrasya ajñānādduḥkhavartmanaḥ || 59 ||
[Analyze grammar]

evamajñānasaṃmūḍhe loke sarvaviduttamaḥ |
tathāgato mahāvaidya utpannaḥ karuṇātmakaḥ || 60 ||
[Analyze grammar]

upāyakuśalaḥ śāstā saddharmaṃ deśayatyasau |
anuttarāṃ buddhabodhiṃ deśayatyagrayānike || 61 ||
[Analyze grammar]

prakāśayati madhyāṃ tu madhyaprajñāya nāyakaḥ |
saṃsārabhīrave bodhimanyāṃ saṃvarṇayatyapi || 62 ||
[Analyze grammar]

traidhātukānniḥsṛtasya śrāvakasya vijānataḥ |
bhavatyevaṃ mayā prāptaṃ nirvāṇamamalaṃ śivam |
tāmeva tatra prakāśemi naitannirvāṇamucyate |
sarvadharmāvabodhāttu nirvāṇaṃ prāpyate 'mṛtam || 63 ||
[Analyze grammar]

maharṣayo yathā tasmai karuṇāṃ saṃniveśya vai |
kathayanti ca mūḍho 'si mā te 'bhūjjñānavānaham || 64 ||
[Analyze grammar]

abhyantarāvasthitastvaṃ yadā bhavasi koṣṭhake |
bahiryadvartate tadvai na jānīṣe tvamalpadhīḥ || 65 ||
[Analyze grammar]

yo 'bhyantare 'vasthitastu bahirjñātaṃ kṛtākṛtam |
so adyāpi na jānāti kutastvaṃ vetsyase 'lpadhīḥ || 66 ||
[Analyze grammar]

pañcayojanamātraṃ tu yaḥ śabdo niścarediha |
taṃ śrotuṃ na samartho 'si prāgevānyaṃ vidūrataḥ || 67 ||
[Analyze grammar]

tvayi ye pāpacitta vā anunītāstathāpare |
te na śakyaṃ tvayā jñātumabhimānaḥ kuto 'sti te || 68 ||
[Analyze grammar]

krośamātre 'pi gantavye padavīṃ na vinā gatiḥ |
mātuḥ kukṣau ca yadvṛttaṃ vismṛtaṃ tattadeva te || 69 ||
[Analyze grammar]

abhijñā yasya pañcaitāḥ sa sarvajña ihocyate |
tvaṃ mohādapyakiṃcijjñaḥ sarvajño 'smīti bhāṣase || 70 ||
[Analyze grammar]

sarvajñatvaṃ prārthayase yadyabhijñābhinirhareḥ |
taṃ cābhijñābhinirhāramaraṇyastho vicintaya |
dharmaṃ viśuddhaṃ tena tvamabhijñāḥ pratilapsyase || 71 ||
[Analyze grammar]

so 'rthaṃ gṛhya gato 'raṇyaṃ cintayet susamāhitaḥ |
abhijñāḥ prāptavān pañca nacireṇa guṇānvitaḥ || 72 ||
[Analyze grammar]

tathaiva śrāvakāḥ sarve prāptanirvāṇasaṃjñinaḥ |
jino 'tha deśayettasmai viśrāmo 'yaṃ na nirvṛtiḥ || 73 ||
[Analyze grammar]

upāya eṣa buddhānāṃ vadanti yadimaṃ nayam |
sarvajñatvamṛte nāsti nirvāṇaṃ tatsamārabha || 74 ||
[Analyze grammar]

tryadhvajñānamanantaṃ ca ṣaṭ ca pāramitāḥ śubhāḥ |
śūnyatāmanimittaṃ ca praṇidhānavivarjitam || 75 ||
[Analyze grammar]

bodhicittaṃ ca ye cānye dharmā nirvāṇagāminaḥ |
sāsravānāsravāḥ śāntāḥ sarve gaganasaṃnibhāḥ || 76 ||
[Analyze grammar]

brahmavihārāścatvāraḥ saṃgrahā ye ca kīrtitāḥ |
sattvānāṃ vinayārthāya kīrtitāḥ paramarṣibhiḥ || 77 ||
[Analyze grammar]

yaśca dharmān vijānāti māyāsvapnasvabhāvakān |
kadalīskandhaniḥsārān pratiśrutkāsamānakān || 78 ||
[Analyze grammar]

tatsvabhāvaṃ ca jānāti traidhātukamaśeṣataḥ |
abaddhamavimuktaṃ ca na vijānāti nirvṛtim || 79 ||
[Analyze grammar]

sarvadharmān samān śūnyānnirnānākaraṇātmakān |
na caitān prekṣate nāpi kiṃciddharmaṃ vipaśyati || 80 ||
[Analyze grammar]

sa paśyati mahāprajño dharmakāyamaśeṣataḥ |
nāsti yānatrayaṃ kiṃcidekayānamihāsti tu || 81 ||
[Analyze grammar]

sarvadharmāḥ samāḥ sarve samāḥ samasamāḥ sadā |
evaṃ jñātvā vijānāti nirvāṇamamṛtaṃ śivam || 82 ||
[Analyze grammar]