Chapter 1 - Introductory

kiṃ kāraṇaṃ mañjuśirī iyaṃ hi raśmiḥ pramuktā naranāyakena |
prabhāsayantī bhramukāntarātu ūrṇāya kośādiyamekaraśmiḥ || 1 ||
[Analyze grammar]

māndāravāṇāṃ ca mahanta varṣaṃ puṣpāṇi muñcanti surāḥ suhṛṣṭāḥ |
mañjūṣakāṃścandanacūrṇamiśrān divyān sugandhāṃśca manoramāṃśca || 2 ||
[Analyze grammar]

yehī mahī śobhatiyaṃ samantāt parṣāśca catvāra sulabdhaharṣāḥ |
sarvaṃ ca kṣetraṃ imu saṃprakampitaṃ ṣaḍbhirvikārehi subhīṣmarūpam || 3 ||
[Analyze grammar]

sā caiva raśmī purimādiśāya aṣṭādaśakṣetrasahasra pūrṇāḥ |
avabhāsayī ekakṣaṇena sarve suvarṇavarṇā iva bhonti kṣetrāḥ || 4 ||
[Analyze grammar]

yāvānavīcī paramaṃ bhavāgraṃ kṣetreṣu yāvanti ca teṣu sattvāḥ |
ṣaṭsū gatīṣū tahi vidyamānā cyavanti ye cāpyupapadyi tatra || 5 ||
[Analyze grammar]

karmāṇi citrā vividhāni teṣāṃgatīṣu dṛśyanti sukhā dukhā ca |
hīnā praṇītā tatha madhyamā ca iha sthito addaśi sarvametat || 6 ||
[Analyze grammar]

buddhāṃśca paśyāmi narendrasiṃhān prakāśayanto vivaranti dharmam |
praśāsamānān bahusattvakoṭīḥ udāharanto madhurasvarāṃ giram || 7 ||
[Analyze grammar]

gambhīranirghoṣamudāramadbhutaṃ muñcanti kṣetreṣu svakasvakeṣu |
dṛṣṭāntahetūnayutāna koṭibhiḥ prakāśayanto imu buddhadharmam || 8 ||
[Analyze grammar]

duḥkhena saṃpīḍita ye ca sattvā jātījarākhinnamanā ajānakāḥ |
teṣāṃ prakāśenti praśāntanirvṛtiṃ duḥkhasya anto ayu bhikṣave ti || 9 ||
[Analyze grammar]

udārasthāmādhigatāśca ye narāḥ puṇyairupetāstatha buddhadarśanaiḥ |
pratyekayānaṃ ca vadanti teṣāṃ saṃvarṇayanto ima dharmanetrīm || 10 ||
[Analyze grammar]

ye cāpi anye sugatasya putrā anuttaraṃ jñāna gaveṣamāṇāḥ |
vividhāṃ kriyāṃ kurviṣu sarvakālaṃ teṣāṃ pi bodhāya vadanti varṇam || 11 ||
[Analyze grammar]

śṛṇomi paśyāmi ca mañjughoṣa iha sthito īdṛśakāni tatra |
anyā viśeṣāṇa sahasrakoṭyaḥ pradeśamātraṃ tatu varṇayiṣye || 12 ||
[Analyze grammar]

paśyāmi kṣetreṣu bahūṣu cāpi ye bodhisattvā yatha gaṅgavālikāḥ |
koṭīsahasrāṇi analpakāni vividhena vīryeṇa janenti bodhim || 13 ||
[Analyze grammar]

dadanti dānāni tathaiva kecid dhanaṃ hiraṇyaṃ rajataṃ suvarṇam |
muktāmaṇiṃ śaṅkhaśilāpravālaṃ dāsāṃśca dāsī rathaaśvaeḍakān || 14 ||
[Analyze grammar]

śibikāstathā ratnavibhūṣitāśca dadanti dānāni prahṛṣṭamānasāḥ |
pariṇāmayanto iha agrabodhau vayaṃ hi yānasya bhavema lābhinaḥ || 15 ||
[Analyze grammar]

traidhātuke śreṣṭhaviśiṣṭayānaṃ yadbuddhayānaṃ sugatehi varṇitam |
ahaṃ pi tasyo bhavi kṣipra lābhī dadanti dānāni imīdṛśāni || 16 ||
[Analyze grammar]

caturhayairyuktarathāṃśca kecit savedikān puṣpadhvajairalaṃkṛtān |
savaijayantān ratanāmayāni dadanti dānāni tathaiva kecit || 17 ||
[Analyze grammar]

dadanti putrāṃśca tathaiva putrīḥ priyāṇi māṃsāni dadanti kecit |
hastāṃśca pādāṃśca dadanti yācitāḥ paryeṣamāṇā imamagrabodhim || 18 ||
[Analyze grammar]

śirāṃsi kecinnayanāni kecid dadanti kecitpravarātmabhāvān |
datvā ca dānāni prasannacittāḥ prārthenti jñānaṃ hi tathāgatānām || 19 ||
[Analyze grammar]

paśyāmyahaṃ mañjuśirī kahiṃcit sphītāni rājyāni vivarjayitvā |
antaḥpurān dvīpa tathaiva sarvān amātyajñātīṃśca vihāya sarvān || 20 ||
[Analyze grammar]

upasaṃkramī lokavināyakeṣu pṛcchanti dharmaṃ pravaraṃ śivāya |
kāṣāyavastrāṇi ca prāvaranti keśāṃśca śmaśrūṇyavatārayanti || 21 ||
[Analyze grammar]

kāṃścicca paśyāmyahu bodhisattvān bhikṣū samānāḥ pavane vasanti |
śūnyānyaraṇyāni niṣevamāṇān uddeśasvādhyāyaratāṃśca kāṃścit || 22 ||
[Analyze grammar]

kāṃścicca paśyāmyahu bodhisattvān girikandareṣu praviśanti dhīrāḥ |
vibhāvayanto imu buddhajñānaṃ paricintayanto hyupalakṣayanti || 23 ||
[Analyze grammar]

utsṛjya kāmāṃśca aśeṣato 'nye paribhāvitātmāna viśuddhagocarāḥ |
abhijña pañceha ca sparśayitvā vasantyaraṇye sugatasya putrāḥ || 24 ||
[Analyze grammar]

pādaiḥ samaiḥ sthitviha keci dhīrāḥ kṛtāñjalī saṃmukhi nāyakānām |
abhistavantīha harṣaṃ janitvā gāthāsahasrehi jinendrarājam || 25 ||
[Analyze grammar]

smṛtimanta dāntāśca viśāradāśca sūkṣmāṃ cariṃ keci prajānamānāḥ |
pṛcchanti dharmaṃ dvipadottamānāṃ śrutvā ca te dharmadharā bhavanti || 26 ||
[Analyze grammar]

paribhāvitātmāna jinendraputrān kāṃścicca paśyāmyahu tatra tatra |
dharmaṃ vadanto bahuprāṇakoṭināṃ dṛṣṭāntahetūnayutairanekaiḥ || 27 ||
[Analyze grammar]

prāmodyajātāḥ pravadanti dharmaṃ samādapento bahubodhisattvān |
nihatya māraṃ sabalaṃ savāhanaṃ parāhanantī imu dharmadundubhim || 28 ||
[Analyze grammar]

paśyāmi kāṃścit sugatasya śāsane saṃpūjitānnaramaruyakṣarākṣasaiḥ |
avismayantān sugatasya putrān anunnatān śāntapraśāntacārīn || 29 ||
[Analyze grammar]

vanaṣaṇḍa niśrāya tathānyarūpā avabhāsu kāyātu pramuñcamānāḥ |
abhyuddharanto narakeṣu sattvāṃstāṃścaiva bodhāya samādapenti || 30 ||
[Analyze grammar]

vīrye sthitāḥ keci jinasya putrā middhaṃ jahitvā ca aśeṣato 'nye |
caṃkramyayuktāḥ pavane vasanti vīryeṇa te prasthita agrabodhim || 31 ||
[Analyze grammar]

ye cātra rakṣanti sadā viśuddhaṃ śīlaṃ akhaṇḍaṃ maṇiratnasādṛśam |
paripūrṇacārī ca bhavanti tatra śīlena te prasthita agrabodhim || 32 ||
[Analyze grammar]

kṣāntībalā keci jinasya putrā adhimānaprāptāna kṣamanti bhikṣuṇām |
ākrośa paribhāṣa tathaiva tarjanāṃ kṣāntyā hi te prasthita agrabodhim || 33 ||
[Analyze grammar]

kāṃścicca paśyāmyahu bodhisattvān krīḍāratiṃ sarva vivarjayitvā |
bālān sahāyān parivarjayitvā āryeṣu saṃsargaratān samāhitān || 34 ||
[Analyze grammar]

vikṣepacittaṃ ca vivarjayantān ekāgracittān vanakandareṣu |
dhyāyanta varṣāṇa sahasrakoṭyo dhyānena te prasthita agrabodhim || 35 ||
[Analyze grammar]

dadanti dānāni tathaiva kecit saśiṣyasaṃgheṣu jineṣu saṃmukham |
khādyaṃ ca bhojyaṃ ca tathānnapānnaṃ gilānabhaiṣajya bahū analpakam || 36 ||
[Analyze grammar]

vastrāṇa koṭīśata te dadanti sahasrakoṭīśatamūlya kecit |
anarghamūlyāṃśca dadanti vastrān saśiṣyasaṃghāna jināna saṃmukham || 37 ||
[Analyze grammar]

vihāra koṭīśata kārayitvā ratnāmayāṃśco tatha candanāmayān |
prabhūtaśayyāsanamaṇḍitāṃśca niryātayanto sugatāna saṃmukham || 38 ||
[Analyze grammar]

ārāma caukṣāṃśca manoramāṃśca phalairupetān kusumaiśca citraiḥ |
divāvihārārtha dadanti kecit saśrāvakāṇāṃ puruṣarṣabhāṇām || 39 ||
[Analyze grammar]

dadanti dānānimamevarūpā vividhāni citrāṇi ca harṣajātāḥ |
datvā ca bodhāya janenti vīryaṃ dānena te prasthita agrabodhim || 40 ||
[Analyze grammar]

dharmaṃ ca kecit pravadanti śāntaṃ dṛṣṭāntahetūnayutairanekaiḥ |
deśenti te prāṇasahasrakoṭināṃ jñānena te prasthita agrabodhim || 41 ||
[Analyze grammar]

nirīhakā dharma prajānamānā dvayaṃ pravṛttāḥ khagatulyasādṛśāḥ |
anopaliptāḥ sugatasya putrāḥ prajñāya te prasthita agrabodhim || 42 ||
[Analyze grammar]

bhūyaśca paśyāmyahu mañjughoṣa parinirvṛtānāṃ sugatāna śāsane |
utpanna dhīrā bahubodhisattvāḥ kurvanti satkāru jināna dhātuṣu || 43 ||
[Analyze grammar]

stūpāna paśyāmi sahasrakoṭyo analpakā yathariva gaṅgavālikāḥ |
yebhiḥ sadā maṇḍita kṣetrakoṭiyo ye kāritā tehi jinātmajehi || 44 ||
[Analyze grammar]

ratnāna saptāna viśiṣṭa ucchritāḥ sahasra pañco paripūrṇa yojanā |
dve co sahasre pariṇāhavantaśchatradhvajāsteṣu sahasrakoṭayaḥ || 45 ||
[Analyze grammar]

savaijayantāḥ sada śobhamānā ghaṇṭāsamūhai raṇamāna nityam |
puṣpaiśca gandhaiśca tathaiva vādyaiḥ saṃpūjitā naramaruyakṣarākṣasaiḥ || 46 ||
[Analyze grammar]

kārāpayantī sugatasya putrā jināna dhātuṣviha pūjamīdṛśīm |
yebhirdiśāyo daśa śobhitā yaḥ supuṣpitairvā yatha pārijātaiḥ || 47 ||
[Analyze grammar]

ahaṃ cimāśco bahuprāṇakoṭya iha sthitāḥ paśyiṣu sarvametat |
prapuṣpitaṃ lokamimaṃ sadevakaṃ jinena muktā iyamekaraśmiḥ || 48 ||
[Analyze grammar]

aho prabhāvaḥ puruṣarṣabhasya aho 'sya jñānaṃ vipulaṃ anāsravam |
yasyaikaraśmiḥ prasṛtādya loke darśeti kṣetrāṇa bahū sahasrān || 49 ||
[Analyze grammar]

āścaryaprāptāḥ sma nimitta dṛṣṭvā imamīdṛśaṃ cādbhutamaprameyam |
vadasva mañjusvara etamarthaṃ kautūhalaṃ hyapanaya buddhaputra || 50 ||
[Analyze grammar]

catvārimā parṣa udagracittāstvāṃ cābhivīkṣantiha māṃ ca vīra |
janehi harṣaṃ vyapanehi kāṅkṣāṃ tvaṃ vyākarohī sugatasya putra || 51 ||
[Analyze grammar]

kimarthameṣaḥ sugatena adya prabhāsa etādṛśako vimuktaḥ |
aho prabhāvaḥ puruṣarṣabhasya aho 'sya jñānaṃ vipulaṃ viśuddham || 52 ||
[Analyze grammar]

yasyaikaraśmī prasṛtādya loke darśeti kṣetrāṇa bahūn sahasrān |
etādṛśo artha ayaṃ bhaviṣyati yenaiṣa raśmī vipulā pramuktā || 53 ||
[Analyze grammar]

ye agradharmā sugatena spṛṣṭāstada bodhimaṇḍe puruṣottamena |
kiṃ teha nirdekṣyati lokanātho atha vyākariṣyatyayu bodhisattvān || 54 ||
[Analyze grammar]

analpakaṃ kāraṇametta bheṣyati yaddarśitāḥ kṣetrasahasra neke |
sucitracitrā ratanopaśobhitā buddhāśca dṛśyanti anantacakṣuṣaḥ || 55 ||
[Analyze grammar]

pṛccheti maitreyu jinasya putra spṛhenti te naramaruyakṣarākṣasāḥ |
catvārimā parṣa udīkṣamāṇā mañjusvaraḥ kiṃ nviha vyākariṣyati || 56 ||
[Analyze grammar]

atītamadhvānamanusmarāmi acintiye aparimitasmi kalpe |
yadā jino āsi prajāna uttamaścandrasya sūryasya pradīpa nāma || 57 ||
[Analyze grammar]

saddharma deśeti prajāna nāyako vineti sattvāna anantakoṭyaḥ |
samādapetī bahubodhisattvānacintiyānuttami buddhajñāne || 58 ||
[Analyze grammar]

ye cāṣṭa putrāstada tasya āsan kumārabhūtasya vināyakasya |
dṛṣṭvā ca taṃ pravrajitaṃ mahāmuniṃ jahitva kāmāṃllaghu sarvi prāvrajan || 59 ||
[Analyze grammar]

dharmaṃ ca so bhāṣati lokanātho anantanirdeśavaraṃ ti sūtram |
nāmeva vaipulyamidaṃ pravucyati prakāśayī prāṇisahasrakoṭinām || 60 ||
[Analyze grammar]

samanantaraṃ bhāṣiya so vināyakaḥ paryaṅka bandhitva kṣaṇasmi tasmin |
anantanirdeśavaraṃ samādhiṃ dharmāsanastho muniśreṣṭha dhyāyī || 61 ||
[Analyze grammar]

divyaṃ ca māndāravavarṣamāsīdaghaṭṭitā dundubhayaśca neduḥ |
devāśca yakṣāśca sthitāntarīkṣe kurvanti pūjāṃ dvipadottamasya || 62 ||
[Analyze grammar]

sarvaṃ ca kṣetraṃ pracacāla tatkṣaṇam āścaryamatyadbhutamāsi tatra |
raśmiṃ ca ekāṃ pramumoca nāyako bhruvāntarāttāmatidarśanīyām || 63 ||
[Analyze grammar]

pūrvāṃ ca gatvā diśa sā hi raśmiraṣṭādaśakṣetrasahasra pūrṇā |
prabhāsayaṃ bhrājati sarvalokaṃ darśeti sattvāna cyutopapādam || 64 ||
[Analyze grammar]

ratnāmayā kṣetra tathātra kecidvaiḍūryanirbhāsa tathaiva kecit |
dṛśyanti citrā atidarśanīyā raśmiprabhāsena vināyakasya || 65 ||
[Analyze grammar]

devā manuṣyāstatha nāga yakṣā gandharva tatrāpsarakinnarāśca |
ye cābhiyuktāḥ sugatasya pūjayā dṛśyanti pūjenti ca lokadhātuṣu || 66 ||
[Analyze grammar]

buddhāśca dṛśyanti svayaṃ svayaṃbhuvaḥ suvarṇayūpā iva darśanīyāḥ |
vaiḍūryamadhye ca suvarṇabimbaṃ parṣāya madhye pravadanti dharmam || 67 ||
[Analyze grammar]

tahi śrāvakāṇāṃ gaṇanā na vidyate te cāpramāṇāḥ sugatasya śrāvakāḥ |
ekaikakṣetrasmi vināyakānāṃ raśmiprabhā darśayate hi sarvān || 68 ||
[Analyze grammar]

vīryairupetāśca akhaṇḍaśīlā acchidraśīlā maṇiratnasādṛśāḥ |
dṛśyanti putrā naranāyakānāṃ viharanti ye parvatakandareṣu || 69 ||
[Analyze grammar]

sarvasvadānāni parityajantaḥ kṣāntībalā dhyānaratāśca dhīrāḥ |
bahubodhisattvā yatha gaṅgavālikāḥ sarve 'pi dṛśyanti tayā hi raśmyā || 70 ||
[Analyze grammar]

aniñjamānāśca avedhamānāḥ kṣāntau sthitā dhyānaratāḥ samāhitāḥ |
dṛśyanti putrāḥ sugatasya aurasā dhyānena te prasthita agrabodhim || 71 ||
[Analyze grammar]

bhūtaṃ padaṃ śāntamanāsravaṃ ca prajānamānāśca prakāśayanti |
deśenti dharmaṃ bahulokadhātuṣu sugatānubhāvādiyamīdṛśī kriyā || 72 ||
[Analyze grammar]

dṛṣṭvā ca tā parṣa catasra tāyinaścandrārkadīpasya imaṃ prabhāvam |
harṣasthitāḥ sarvi bhavitva tatkṣaṇamanyonya pṛcchanti kathaṃ nu etat || 73 ||
[Analyze grammar]

acirācca so naramaruyakṣapūjitaḥ samādhito vyutthita lokanāyakaḥ |
varaprabhaṃ putra tadādhyabhāṣata yo bodhisattvo vidu dharmabhāṇakaḥ || 74 ||
[Analyze grammar]

lokasya cakṣuśca gatiśca tvaṃ vidurvaiśvāsiko dharmadharaśca mahyam |
tvaṃ hyatra sākṣī mama dharmakośe yathāhu bhāṣiṣyi hitāya prāṇinām || 75 ||
[Analyze grammar]

saṃsthāpayitvā bahubodhisattvān harṣitva saṃvarṇiya saṃstavitvā |
prabhāṣate tajjina agradharmān paripūrṇa so antarakalpa ṣaṣṭim || 76 ||
[Analyze grammar]

yaṃ caiva so bhāṣati lokanātho ekāsanasthaḥ pravarāgradharmam |
taṃ sarvamādhārayi so jinātmajo varaprabho yo abhu dharmabhāṇakaḥ || 77 ||
[Analyze grammar]

so co jino bhāṣiya agradharmaṃ praharṣayitvā janatāmanekām |
tasmiṃśca divase vadate sa nāyakaḥ purato hi lokasya sadevakasya || 78 ||
[Analyze grammar]

prakāśitā me iya dharmanetrī ācakṣito dharmasvabhāva yādṛaśaḥ |
nirvāṇakālo mama adya bhikṣavo rātrīya yāmasmiha madhyamasmin || 79 ||
[Analyze grammar]

bhavathāpramattā adhimuktisārā abhiyujyathā mahya imasmi śāsane |
sudurlabhā bhonti jinā maharṣayaḥ kalpāna koṭīnayutāna atyayāt || 80 ||
[Analyze grammar]

saṃtāpajātā bahubuddhaputrā duḥkhena cogreṇa samarpitābhavan |
śrutvāna ghoṣaṃ dvipadottamasya nirvāṇaśabdaṃ atikṣiprametat || 81 ||
[Analyze grammar]

āśvāsayitvā ca narendrarājā tāḥ prāṇakoṭyo bahavo acintiyāḥ |
mā bhāyathā bhikṣava nirvṛte mayi bhaviṣyatha buddha mamottareṇa || 82 ||
[Analyze grammar]

śrīgarbha eṣo vidu bodhisattvo gatiṃ gato jñāni anāsravasmin |
spṛśiṣyate uttamamagrabodhiṃ vimalāgranetro ti jino bhaviṣyati || 83 ||
[Analyze grammar]

tāmeva rātriṃ tada yāmi madhyame parinirvṛto hetukṣaye va dīpaḥ |
śarīra vaistāriku tasya cābhūt stūpāna koṭīnayutā anantakā || 84 ||
[Analyze grammar]

bhikṣuśca tatrā tatha bhikṣuṇīyo ye prasthitā uttamamagrabodhim |
analpakāste yatha gaṅgabālikā abhiyukta tasyo sugatasya śāsane || 85 ||
[Analyze grammar]

yaścāpi bhikṣustada dharmabhāṇako varaprabho yena sa dharma dhāritaḥ |
aśīti so antarakalpa pūrṇāṃ tahi śāsane bhāṣati agradharmān || 86 ||
[Analyze grammar]

aṣṭāśataṃ tasya abhūṣi śiṣyāḥ paripācitā ye tada tena sarve |
dṛṣṭā ca tebhirbahubuddhakoṭyaḥ satkāru teṣāṃ ca kṛto maharṣiṇām || 87 ||
[Analyze grammar]

caryāṃ caritvā tada ānulomikīṃ buddhā abhūvan bahulokadhātuṣu |
parasparaṃ te ca anantareṇa anyonya vyākarṣu tadāgrabodhaye || 88 ||
[Analyze grammar]

teṣāṃ ca buddhāna paraṃpareṇa dīpaṃkaraḥ paścimako abhūṣi |
devātidevo ṛṣisaṃghapūjito vinītavān prāṇisahasrakoṭyaḥ || 89 ||
[Analyze grammar]

yaścāsi tasyo sugatātmajasya varaprabhasyo tada dharma bhāṣataḥ |
śiṣyaḥ kusīdaśca sa lolupātmā lābhaṃ ca jñānaṃ ca gaveṣamāṇaḥ || 90 ||
[Analyze grammar]

yaśorthikaścāpyatimātra āsīt kulākulaṃ ca pratipannamāsīt |
uddeśa svādhyāyu tathāsya sarvo na tiṣṭhate bhāṣitu tasmi kāle || 91 ||
[Analyze grammar]

nāmaṃ ca tasyo imamevamāsīd yaśakāmanāmnā diśatāsu viśrutaḥ |
sa cāpi tenākuśalena karmaṇā kalmāṣabhūtenabhisaṃskṛtena || 92 ||
[Analyze grammar]

ārāgayī buddhasahasrakoṭyaḥ pūjāṃ ca teṣāṃ vipulāmakārṣīt |
cīrṇā ca caryā vara ānulomikī dṛṣṭaśca buddho ayu śākyasiṃhaḥ || 93 ||
[Analyze grammar]

ayaṃ ca so paścimako bhaviṣyati anuttarāṃ lapsyati cāgrabodhim |
maitreyagotro bhagavān bhaviṣyati vineṣyati prāṇasahasrakoṭyaḥ || 94 ||
[Analyze grammar]

kausīdyaprāptastada yo babhūva parinirvṛtasya sugatasya śāsane |
tvameva so tādṛśako babhūva ahaṃ ca āsīttada dharmabhāṇakaḥ || 95 ||
[Analyze grammar]

imena haṃ kāraṇahetunādya dṛṣṭvā nimittaṃ idamevarūpam |
jñānasya tasya prathitaṃ nimittaṃ prathamaṃ mayā tatra vadāmi dṛṣṭam || 96 ||
[Analyze grammar]

dhruvaṃ jinendro 'pi samantacakṣuḥ śākyādhirājaḥ paramārthadarśī |
tameva yaṃ icchati bhāṣaṇāya paryāyamagraṃ tadadyo mayā śrutaḥ || 97 ||
[Analyze grammar]

tadeva paripūrṇa nimittamadya upāyakauśalya vināyakānām |
saṃsthāpanaṃ kurvati śākyasiṃho bhāṣiṣyate dharmasvabhāvamudrām || 98 ||
[Analyze grammar]

prayatā sucittā bhavathā kṛtāñjalī bhāṣiṣyate lokahitānukampī |
varṣiṣyate dharmamanantavarṣaṃ tarpiṣyate ye sthita bodhihetoḥ || 99 ||
[Analyze grammar]

yeṣāṃ ca saṃdehagatīha kācid ye saṃśayā yā vicikitsa kācit |
vyapaneṣyate tā vidurātmajānāṃ ye bodhisattvā iha bodhiprasthitāḥ || 100 ||
[Analyze grammar]