Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 2.47
tasyaiva sthirasukhaprāptyarthamupāyamāha —
prayatnaśaithilyānantyasamāpattibhyām || sādhana 47 ||
vṛttiḥ — tadāsanaṃ prayatnaśaithilyenā''nantyasamāpattyā ca sthiraṃ sukhaṃ bhavatīti sambandhaḥ | yadā yadā''sanaṃ badhnāmīti icchāṃ karoti prayatnaśaithilye'pyakleśenaiva tadā tadā''sanaṃ sampadyate | yadā cākāśādigata ānantye cetasaḥ samāpattiḥ kriyate'vadhānena [pā0 avyavadhānena] tādātmyamāpadyate tadā dehāhaṃkārābhāvānnāsanaṃ duḥkhajanakaṃ bhavati | asmiṃścāsanajaye sati samādhyantarāyabhūtā na prabhavantyaṅgamejayatvādayaḥ || 47 ||