Chapter 128

[English text for this chapter is available]

sūta uvāca |
satyasandhopi hṛṣṭātmā satāṃ dṛṣṭvā sukhānvitām |
abhīṣṭapatinā yuktāṃ kṛtakṛtyo babhūva ha || 1 ||
[Analyze grammar]

tatastasyaiva liṃgasya dakṣiṇāṃ mūrtimāśritaḥ |
dṛḍhaṃ padmāsanaṃ kṛtvā samyagdhyānaparāyaṇaḥ || 2 ||
[Analyze grammar]

ātmānamātmanaivātha brahmadvāreṇa saṃsthitaḥ |
tato niḥsārayāmāsa pulakena samanvitaḥ || 3 ||
[Analyze grammar]

atha te brāhmaṇāstasya camatkārapurodbhavāḥ |
devatā darśanārthāya prāptā dṛṣṭvā kalevaram || 4 ||
[Analyze grammar]

apriyaṃ tejasā hīnaṃ mṛtamaspṛśyatāṃ gatam |
liṃgasya nātidūrasthaṃ dāhyārthaṃ yatnamāsthitāḥ || 5 ||
[Analyze grammar]

yāvadgurvīṃ citāṃ kṛtvā tamanveṣṭuṃ samudyatāḥ |
tāvannaṣṭaṃ śavaṃ tacca jñāyate naiva kutracit || 6 ||
[Analyze grammar]

tataśca vismayāviṣṭāstaṃ praśaṃsāsamanvitaiḥ |
vacanairbahuśo bhūyo vikathya ca muhurmuhuḥ || 7 ||
[Analyze grammar]

tatastasyotthaliṃgasya sarvaṃ pūjādikaṃ ca yat |
sarve nirūpayāmāsuḥ saptaviṃśatimadhyataḥ || 8 ||
[Analyze grammar]

liṃgānāṃ tadbhavennityaṃ satyasaṃdhasya bhūpateḥ |
kāmadaṃ bhaktajaṃtūnāṃ sarvapātakanāśanam || 9 ||
[Analyze grammar]

ṛṣaya ūcuḥ |
camatkāranareṃdrasya vaṃśe kṣīṇe mahāmate |
ānarttādhipatiḥ ko'nyastatra rājā babhūva ha || 10 ||
[Analyze grammar]

sūta uvāca |
bṛhadbale hate bhūpe saṃgrāme dvijasattamāḥ |
putrabaṃdhusamāyuktāḥ sarva lokāḥ samāyayuḥ || 11 ||
[Analyze grammar]

yatrasthaḥ sa mahīpālaḥ satyasaṃdhastaponvitaḥ |
śokodvignāstataḥ prāhustaṃ bhūpaṃ rahasi sthitam || 12 ||
[Analyze grammar]

kṣīṇo'yaṃ tāvako vaṃśo na kaścidvidyate yataḥ |
dāyādo'pi kathaṃ pṛthvī saṃpratīyaṃ bhaviṣyati || 13 ||
[Analyze grammar]

arājake nṛpaśreṣṭha mātsyo nyāyaḥ pravartate |
rāṣṭre caiva pure caiva grāme caiva viśeṣataḥ || 14 ||
[Analyze grammar]

paradāraratā ye ca ye ca taskaravṛttayaḥ |
sarve rājabhayādrājanmaryādāṃ pālayaṃti vai || 15 ||
[Analyze grammar]

tasmāttvaṃ tapa utsṛjya rājyaṃ pūrvakramāgatam |
kuru rājyaṃ tathā dārānputrārthaṃ prāpya mā ciram || 16 ||
[Analyze grammar]

rājovāca |
saṃnyasto'haṃ dvijaśreṣṭhā na rājyaṃ kartumutsahe |
na sutānāṃ na dārāṇāṃ saṃgrahaṃ ca kathaṃcana || 17 ||
[Analyze grammar]

tatputrārthaṃ pravakṣyāmi yuṣmākaṃ svāminaḥ kṛte |
upāyaṃ yena rājā syādānartto lokapālakaḥ || 18 ||
[Analyze grammar]

jāmadagnyena rāmeṇa yadā kṣatraṃ nipātitam |
garbhasthamapi kārtsnyena kopopahatacetasā || 19 ||
[Analyze grammar]

tataḥ kṣatriyabhāryāḥ prāgṛtusnānātsamāyayuḥ |
brāhmaṇānputrajanmārthaṃ na kāmārthaṃ kathaṃcana || 20 ||
[Analyze grammar]

tataḥ putrāḥ samutpannāstejovīryasamanvitāḥ |
kṣetrajā bhūmipālānāṃ saṃjātāśca mahīkṣitaḥ || 21 ||
[Analyze grammar]

tasmādbṛhadbalasyaitā bhāryāstiṣṭhaṃti yā janāḥ |
brāhmaṇāṃstā upāgamya ṛtusnātā yathocitān || 22 ||
[Analyze grammar]

labhiṣyaṃti ca putrāṃstāstebhyaḥ kṣatriyapuṃgavān |
ye bhūmiṃ pālayiṣyaṃti pālayiṣyaṃti ca prajāḥ || 23 ||
[Analyze grammar]

tathā'trāsti śubhaṃ kuṇḍaṃ vāsiṣṭhaṃ putrajanmadam |
yatra snātā ṛtau nārī sadyo garbhavatī bhavet |
amogharetāḥ kāṃtā ca snānādatra prajāyate || 24 ||
[Analyze grammar]

ye pūrvaṃ kṣatriyā jātā brāhmaṇaiḥ kṣatriṇīṣu ca |
te sarve tatprabhāvena saṃjātā nātra saṃśayaḥ || 25 ||
[Analyze grammar]

yayāyayā dvijo yaśca kṣatriṇyā'bhūdvṛtaḥ purā |
tayā saha samāgatya snātaṃ mantrapuraskṛtam || 26 ||
[Analyze grammar]

sakṛnmaidhunasaṃsargāttatastīrthaprabhāvataḥ |
sarvāsāṃ yatsutā jātā duhitā na kathaṃcana || 27 ||
[Analyze grammar]

ye kecitputradā maṃtrāścātuścaraṇāsaṃbhavāḥ |
te sarve'tra vasiṣṭhena prayuktāḥ kṣattramicchatā || 28 ||
[Analyze grammar]

daṃpatyoḥ snānamātreṇa jāte'tra syātsuputrakaḥ |
tasmātsuputradaṃnāma kuṇḍametannigadyate || 29 ||
[Analyze grammar]

tasmādbhāryāḥ samastāstā bṛhadbalasamudbhavāḥ |
atra snānaṃ prakurvaṃtu yathoktavidhinā janāḥ || 30 ||
[Analyze grammar]

naiva kiṃcidasatyaṃ syānna ca niṃdākaraṃ tathā |
śrūyate ca yataḥ ślokaḥ pūrvācāryairudāhṛtaḥ || 31 ||
[Analyze grammar]

adbhyo'gnirbrahmataḥ kṣattramaśmano lohamucchritam |
teṣāṃ sarvatragaṃ tejaḥ svāsu yoniṣu śāmyati || 32 ||
[Analyze grammar]

tacchrutvā janāḥ sarve sacivānāṃ vacokhilam |
tadācakhyurdrutaṃ gatvā satyasaṃdhasya bhūpateḥ || 33 ||
[Analyze grammar]

tatastāḥ sarvaśo dārā brāhmaṇānatisundarān |
ṛtusnātāḥ samājagmurnṛpapatnyaḥ suharṣitāḥ || 34 ||
[Analyze grammar]

yatra tatputradaṃ tīrthaṃ vasiṣṭhena vinirmitam |
tatra snātvā sakṛtsaṃgaṃ samāsādya dvijodbhavam || 35 ||
[Analyze grammar]

sarvāstāḥ putravatyaśca saṃjātā dvijasattamāḥ |
āsīttasya nareṃdrasya śataṃ paṃcabhiranvitam || 36 ||
[Analyze grammar]

tāsāṃ samabhavadviprāḥ śataṃ paṃcādhikaṃ tathā || 37 ||
[Analyze grammar]

pratyekaṃ varaputrāṇāṃ vaṃśavṛddhikaraṃ param |
ānaṃdajananaṃ samyaksarveṣāṃ rāṣṭravāsinām || 38 ||
[Analyze grammar]

tatra śreṣṭho'bhavatputro ya ānartapatirbhuvi |
aṭonāma suvikhyātaḥ sarvaśatrunibarhaṇaḥ || 39 ||
[Analyze grammar]

aṭeśvaraiti khyāto yena devo'tra nirmitaḥ |
subhaktyā yena dṛṣṭena vaṃśocchittirna jāyate || 40 ||
[Analyze grammar]

ṛṣaya ūcuḥ |
kasmāttasya kṛtaṃ nāma etaccā'ṭa iti smṛtam |
anvayena parityaktaṃ tasmātkīrtaya sūtaja || 41 ||
[Analyze grammar]

sacivairbrāhmaṇairvāpi tasyaitannāma nirmitam |
mātrā vā tatsamācakṣva paraṃ kautūhalaṃ hi naḥ || 42 ||
[Analyze grammar]

sūta uvāca |
na mātrā tatkṛtaṃ nāma na vipraiḥ sacivairnṛpa |
tatkṛtaṃ devadūtena vyomasthena dvijottamāḥ || 43 ||
[Analyze grammar]

yathā tathā pravakṣyāmi śrotavyaṃ susamāhitaiḥ |
yayā sa bhūpatirjāto daśārṇādhipateḥ sutā || 49 ||
[Analyze grammar]

sā rūpayauvanopetā rūpāḍhyaṃ prāpya saddvijam |
prasthitā snātukāmātha putratīrthe mṛgekṣaṇā || 45 ||
[Analyze grammar]

sahitā tena vipreṇa kaṃdarpapratimena ca |
atha tābhyāṃ mahānrāmo mithaḥ saṃdarśanātsthitaḥ || 46 ||
[Analyze grammar]

tādṛṅmātraṃ sukṛcchreṇa prāptaṃ tīrthaṃ sutapradam |
tataḥ snātvā jale tasminniṣkrāṃtau tau sukāmukau || 47 ||
[Analyze grammar]

vrajamānau ca mārge'pi kāmadharmamupāgatau |
atyautsukyātsusaṃhṛṣṭau lajjāṃ tyaktvā sudūrataḥ || 48 ||
[Analyze grammar]

niṃdamānasya lokasya vicchedavacanaistadā |
vīryotsarge'tha saṃjāte yāvaduttiṣṭhate dvijaḥ || 49 ||
[Analyze grammar]

tāvadākāśagā vāṇī sahasā devanirmitā |
aṭatārājamārgeṇa vipreṇānena vai yataḥ || 50 ||
[Analyze grammar]

utpāditastu putro'yamautsukyādbrāhmaṇena tu |
aṭākhyo bhūpatistasmālloke khyāto bhaviṣyati || 51 ||
[Analyze grammar]

dīrghāyurbahuputraśca śatruṃpakṣakṣayāvahaḥ |
etasmātkāraṇādviprā aṭākhyaḥ sa babhūva ha || 52 ||
[Analyze grammar]

svavaṃśoddharacaṃdro'tra vāṃchitārthaprado'rthinām |
tenaitatkṣetramāsādya sthāpitaṃ liṃgamuttamam |
svanāmnā brāhmaṇaśreṣṭhāḥ sarvadeṣṭapradaṃ nṛṇām || 53 ||
[Analyze grammar]

yastanmāghacaturdaśyāṃ pūjayecchraddhayānvitaḥ |
na tasya jāyate kiṃcidduḥkhaṃ saṃtānasaṃbhavam || 54 ||
[Analyze grammar]

api varṣaśatānārī snātvā kuṇḍe sutaprade |
aṭeśvaraṃ tataḥ paśyecchivabhaktiparāyaṇā || 55 ||
[Analyze grammar]

sadyaḥ putramavāpnoti vaṃśavṛddhikaraṃ param || tatprasādānna saṃdehaḥ kārtikeya vaco yathā || 56 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ ṣaṣṭhe nāgarakhaṇḍe hāṭakeśvarakṣetramāhātmye'ṭeśvarotpattimāhātmyavarṇanaṃnāmāṣṭāviṃśatyuttaraśatatamo'dhyāyaḥ || 128 ||
[Analyze grammar]