Chapter 14

[English text for this chapter is available]

naṃdikeśvara uvāca |
so'pi brahmāṇamudvīkṣya tāvatā dviguṇaṃ smayan |
nāgraṃ dṛṣṭamaneneti niścikāya vivekavān || 1 ||
[Analyze grammar]

anugrahītuṃ māṃ mugdhaṃ haṃtuṃ cāsya vidhermadam |
devadevaḥ sa evālaṃ bhūtabhartetyamanyata || 2 ||
[Analyze grammar]

mūlasaṃdarśanāśaktyā tejaḥstaṃmbhasya me madaḥ |
vyapeta eva manye'dya yadbhaktistryaṃbake'jani || 3 ||
[Analyze grammar]

stūyate vītagarvatvātsa idānīṃ maheśvaraḥ |
yasya dakṣiṇavāmābhyāmaṃgābhyāṃ nau samudbhavau || 4 ||
[Analyze grammar]

adyāpyavītagarvatvāllabdhvāsau kūṭasākṣiṇam |
hiraṇyagarbho māmevamatisaṃdhātumicchati || 5 ||
[Analyze grammar]

tadadya sakalasyāpi duḥkhasyāpanaye kṣamaḥ |
sa eva śaraṇatvena prāptavyaḥ śaṃkaro mayā || 6 ||
[Analyze grammar]

tathā kṛtāparādhasya kṛtaghnasya gurudruhaḥ |
tamṛte rakṣitā ko'nyastameva staumi śaṃkaram || 7 ||
[Analyze grammar]

viṣṇuruvāca |
jaya pṛdhvīmayākāra jaya cāpomayākṛte |
jaya prabhākarākāra jayāmṛtakarākṛte || 8 ||
[Analyze grammar]

jaya vaiśvānarākāra jaya gandhavahākṛte |
jaya hotṛmayākāra jayākāśamayākṛte || 9 ||
[Analyze grammar]

rakṣa māṃ triguṇātīta rakṣa māṃ kālavigraha |
rakṣa māmakṣayaiśvarya rakṣa māṃ karuṇākara || 10 ||
[Analyze grammar]

sraṣṭā tvaṃ sarvajagatāṃ rakṣitā sarvadehinām |
hartā ca sarvabhūtānāṃ tvāṃ vinaivāsti ko'paraḥ || 11 ||
[Analyze grammar]

aṇūnāmapyaṇīyāṃstvaṃ mahāṃstvaṃ mahatāmapi |
antarbahistvamevaitajjagadākramya vartase || 12 ||
[Analyze grammar]

nigamāstava niśvāsā viśvaṃ te śilpavaibhavam |
sa tvaṃ tvadīya evāsi jñānamātmā tava prabho || 13 ||
[Analyze grammar]

amarā dānavā daityāḥ siddhā vidyādharā narāḥ |
prāṇinaḥ pakṣiṇaḥ śailāḥ śikhino'pi tvameva hi || 14 ||
[Analyze grammar]

svargastvamapavargastvaṃ tvamoṃkārastvamadhvaraḥ |
tvaṃ yogastvaṃ parā saṃvitkiṃ tvaṃ na bhavasīśvara || 15 ||
[Analyze grammar]

tvamādirmadhyamaṃtaśca tasthuṣāṃ jagmuṣāmapi |
kālasvarūpatāṃ prāpya kalayasyakhilaṃ jagat || 16 ||
[Analyze grammar]

pareśaḥ parataḥ śāstā sarvānugrāhakaḥ śivaḥ |
sa eṣa me kathaṃkāraṃ sākṣādbhavati dhūrjaṭiḥ || 17 ||
[Analyze grammar]

yaṃ dṛṣṭvā śaraṇaṃ prāpto niḥśreyasamavāpnuyāt |
atha vā staumi taddhāma jātamātraṃ yathāmiti || 18 ||
[Analyze grammar]

tacchrutvaiṣa kṛpāṃ kuryādavaśyaṃ sarvataḥ śrutiḥ |
iti niścitya vaikuṃṭhaḥ stotuṃ samupacakrame || 19 ||
[Analyze grammar]

tameva taijasaṃ staṃbhaṃ praṇamya parameśvaram |
ādimadhyāṃtarahitaṃ matvā taṃ jagadīśvaram |
haṭhāttena viraṃcena vāryamāṇopi sasmitam || 20 ||
[Analyze grammar]

śrīviṣṇuruvāca |
jaya deva mahādeva vāmadeva vṛṣadhvaja |
kālāṃtaka kratudhvaṃsinnīlakaṃṭheṃduśekhara || 21 ||
[Analyze grammar]

jaya śaṃbho śiveśāna śarva tryaṃbaka dhūrjaṭe |
smaravairinpurārāte sthāṇo bhava maheśvara || 22 ||
[Analyze grammar]

jayeśa khaṃḍaparaśo śūlinpaśupate hara |
sarvajña bharga bhūteśa kapālinnīlalohita || 23 ||
[Analyze grammar]

jaya rudra makhārāte pinākinpramathādhipa |
gaṃgādhara vyomakeśa girīśa parameśvara || 24 ||
[Analyze grammar]

jaya bhīma mṛgavyādha kṛttivāsaḥ kṛpānidhe |
kṛśānuretaḥ kailāse nityameva hi vartase || 25 ||
[Analyze grammar]

tvadājñayā marudrāti phaṇī vahati bhūbharam |
dīpyataḥ sūryaśaśinau brahmāṃḍaṃ plavateṃ'budhau || 26 ||
[Analyze grammar]

jyotīṃṣi saṃcaraṃte khe sarvaṃ tvacchāsanātprabho |
ahaṃ brahmā ca jagatāṃ sargasaṃtrāṇayoralam || 27 ||
[Analyze grammar]

vidhāya kalpase puṣṭyai sūte sasyāni medinī |
nākrāmaṃtyavyayaḥ sīmāṃ yacca tvanmahireva saḥ || 28 ||
[Analyze grammar]

aṇimādimahāsiddhiniḥsādhāraṇavaibhavaḥ |
kathaṃ tvāmamarairanyairupekṣe samabhiṣṭutam || 29 ||
[Analyze grammar]

viśuktve vismarāmastvāṃ smarāmaḥ saṃkaṭepi ca |
na roṣo jātu bhakteṣu prasādaḥ sarvadaiva te || 30 ||
[Analyze grammar]

yadā vidhitserbhaktiṃ tvaṃ yadā ca prāvṛṇoṣi tām |
mohabodhau tadā puṃsāṃ kalpete baṃdhamokṣayoḥ || 31 ||
[Analyze grammar]

iti stutassāṃjalibaddhapāṇinā patiḥ paśūnāmatha cakrapāṇinā |
kṛtāpahāse ca sarojasaṃbhave madoddhate prādurabhūddayānidhiḥ || 32 ||
[Analyze grammar]