Chapter 16

[English text for this chapter is available]

nandīśvara uvāca |
yakṣeśvarāvatāraṃ ca śṛṇu śaṃbhormunīśvara |
garviṇaṃ garvahantāraṃ satāmbhaktivivarddhanam || 1 ||
[Analyze grammar]

purā devāśca daityāśca pīyūṣārthammahābalāḥ |
kṣīrodadhiṃ mamanthuste sukṛta svārtha sandhayaḥ || 2 ||
[Analyze grammar]

mathyamāne'mṛte pūrvaṃ kṣīrābdhessuradānavaiḥ |
agneḥ samutthitaṃ tasmādviṣaṃ kālānalaprabham || 3 ||
[Analyze grammar]

taṃ dṛṣṭvā nikhilā devā daityāśca bhayavihvalāḥ |
vidrutya tarasā tāta śaṃbhoste śaraṇaṃ yayuḥ || 4 ||
[Analyze grammar]

dṛṣṭvā taṃ śaṃkaraṃ sarve sarvadevaśikhāmaṇim |
praṇamya tuṣṭuvurbhaktyā sācyutā natamastakāḥ || 5 ||
[Analyze grammar]

tataḥ prasanno bhagavācchaṅkaro bhaktavatsalaḥ |
papau viṣaṃ mahāghoraṃ surāsuragaṇārdanam || 6 ||
[Analyze grammar]

patiṃ taṃ viṣamaṃ kaṇṭhe nidadhe viṣamulbaṇam |
rejetenāti sa vibhurnīlakaṇṭho babhūva ha || 7 ||
[Analyze grammar]

tataḥ surā suragaṇā mamanthuḥ punareva tam |
viṣadāhavinirmuktāḥ śivānugrahato'khilāḥ || 8 ||
[Analyze grammar]

tāto bahūni ratnāni nissṛtāni tato mune |
amṛtaṃ ca padārthaṃ hi suradānavayormune || 9 ||
[Analyze grammar]

tatpapuḥ kevalandevā nāsurāḥ kṛpayā hareḥ |
tato babhūva sumahadratnaṃ teṣāṃ mitho'kadam || 10 ||
[Analyze grammar]

dvandvayuddhambabhūvātha devadānavayormune |
tatra rāhubhayāccandro vidudrāva tadarditaḥ || 11 ||
[Analyze grammar]

jagāma sadanaṃ śaṃbhoḥ śaraṇambhaya vihvalaḥ |
supraṇamya ca tuṣṭāva pāhipāhīti saṃvadan || 12 ||
[Analyze grammar]

tatassatāmabhayadaḥ śaṃkaro bhaktavatsalaḥ |
dadhre śirasi candraṃ sa vibhuśśaraṇamāgatam || 13 ||
[Analyze grammar]

athāgatastadā rāhustuṣṭāva supraṇamya tam |
śaṃkaraṃ sakalādhīśaṃ vāgbhiriṣṭābhirādarāt || 14 ||
[Analyze grammar]

śaṃbhustanmatamājñāya tacchirāṃsyacyutena ha |
purā chinnāni vai ketusaṃjñāni nidadhe gale || 15 ||
[Analyze grammar]

tato yuddhe'surāḥ sarve devaiścaiva parājitāḥ |
pītvā'mṛtaṃ surāssarvve jayamprāpurmahābalāḥ || 16 ||
[Analyze grammar]

viṣṇuprabhṛtayaḥ sarvve babhūvuścātigarvitāḥ |
balāni cāṃkuraṃtontaśśivamāyāvimohitāḥ || 17 ||
[Analyze grammar]

tatassa śaṃkaro devaḥ sarvādhīśotha garvahā |
yakṣo bhūtvā jagāmāśu yatra devāḥ sthitā mune || 18 ||
[Analyze grammar]

sarvāndṛṣṭvācyutamukhāndevānyakṣapatissa vai |
mahāgarvāḍhyamanasā maheśāḥ prāha garvahā || 19 ||
[Analyze grammar]

yakṣeśvara uvāca |
kimarthaṃ saṃsthitā yūyamatra sarve surā mithaḥ |
kimu kāṣṭhākhilambrūta kāraṇaṃ menupṛcchate || 20 ||
[Analyze grammar]

devā ūcuḥ |
abhūdatra mahāndeva raṇaḥ paramadāruṇaḥ |
asurā nāśitāssarve'vaśiṣṭā vidrutā gatāḥ || 21 ||
[Analyze grammar]

vayaṃ sarve mahāvīrā daityaghnā balavattarāḥ |
agresmākaṃ kiyantaste daitya kṣudrabalāssadā || 22 ||
[Analyze grammar]

nandīśvara uvāca |
iti śrutvā vacasteṣāṃ surāṇāṃ garvagarbhitam |
garvahāsau mahādevo yakṣarūpo vaco'bravīt || 23 ||
[Analyze grammar]

yakṣeśvara uvāca |
he surā nikhilā yūyaṃ madvacaśśṛṇutādarāt |
yathārthaṃ vacmi nāsatyaṃ sarvagarvāpahārakam || 24 ||
[Analyze grammar]

garvvamenaṃ na kuruta karttā harttā'paraḥ prabhuḥ |
vismṛtāśca maheśānaṃ kathayadhvamvṛthābalāḥ || 25 ||
[Analyze grammar]

yuṣmākañcetsa hi mado jānatāṃ svabalammahat |
matsthāpitaṃ tṛṇamidaṃ chinta svāstraiśca taissurāḥ || 26 ||
[Analyze grammar]

nandīśvara uvāca |
ityuktvaikatṛṇanteṣāṃ nicikṣepa purastataḥ |
jahre sarvamadaṃ yakṣarūpa īśassatāṃgatiḥ || 27 ||
[Analyze grammar]

atha sarve surā viṣṇupramukhā vīramāninaḥ |
kṛtvā svapauruṣantatra svāyudhāni vicikṣipuḥ || 28 ||
[Analyze grammar]

tatrāsan viphalānyāśu tānyastrāṇi divaukasām |
śivaprabhāvatasteṣāṃ mūḍhagarvāpahāriṇaḥ || 29 ||
[Analyze grammar]

athāsīttu nabhovāṇī devavismayahāriṇī |
yakṣo'yaṃ śaṃkaro devāḥ sarvagarvāpahārakaḥ || 30 ||
[Analyze grammar]

kartā harttā tathā bharttā'yameva parameśvaraḥ |
etadbalena valino jīvāḥ sarve'nyathā na hi || 31 ||
[Analyze grammar]

asya māyāprabhāvādvai mohitāḥ svaprabhuṃ śivam |
madato bubudhu naivādyāpi bodhatanumprabhum || 32 ||
[Analyze grammar]

nandīśvara uvāca |
iti śrutvā nabhovāṇīṃ bubudhuste gatasmayāḥ |
yakṣeśvarampraṇemuśca tuṣṭuvuśca tamīśvaram || 33 ||
[Analyze grammar]

devā ūcuḥ |
devadeva mahādeva sarvagarvāpahāraka |
yakṣeśvaramahālīla māyā tetyadbhutā prabho || 34 ||
[Analyze grammar]

mohitā māyayādyāpi tava yakṣasvarūpiṇaḥ |
sagarvamabhibhāṣantastvatpuro hi pṛthaṅmayāḥ || 35 ||
[Analyze grammar]

idānīṃ jñānamāyātantavaiva kṛpayā prabho |
kartā hartā ca bhartā ca tvamevānyo na śaṃkara || 36 ||
[Analyze grammar]

tvameva sarvaśaktīnāṃ sarveṣāṃ hi pravartakaḥ |
nivartakaśca sarveśaḥ paramātmāvyayo'dvayaḥ || 37 ||
[Analyze grammar]

yakṣeśvarasvarūpeṇa sarveṣāṃ no mado hṛtaḥ |
ito manyāmahe tattenugraho hi kṛpālunā || 38 ||
[Analyze grammar]

atho sa yakṣanātho'nugṛhya vai sakalān surān |
vibodhya vividhairvākyaistatraivāntaradhīyata || 39 ||
[Analyze grammar]

itthaṃ sa varṇitaḥ śambhoravatāraḥ sukhāvahaḥ |
yakṣeśvarākhyassukhadassatāntuṣṭo'bhayaṃkaraḥ || 40 ||
[Analyze grammar]

idamākhyānamamalaṃ sarvagarvāpahārakam |
satāṃ suśāntidannityaṃ bhuktimuktipradaṃ nṛṇām || 41 ||
[Analyze grammar]

ya idaṃ śṛṇuyādbhaktyā śrāvayedvā sudhīḥ pumān |
sarvakāmānavāpnoti tataśca labhate gatim || 42 ||
[Analyze grammar]

iti śrīśivamahāpurāṇe tṛtīyāyāṃ śatarudrasaṃhitāyāṃ yakṣeśvarāvatāravarṇanaṃ nāma ṣoḍaśodhyāyaḥ || 16 ||
[Analyze grammar]