Chapter 19

[English text for this chapter is available]

vyāsa uvāca |
sanatkumāra sarvajña nārade hi gate divi |
daityarāṭ kimakārṣītsa tanme vada suvistarāt || 1 ||
[Analyze grammar]

sanatkumāra uvāca |
tamāmaṃtrya gate daityaṃ nārade divi daityarāṭ |
tadrūpaśravaṇādāsīdanaṃgajvarapīḍitaḥ || 2 ||
[Analyze grammar]

atho jalaṃdharo daityaḥ kālādhīnaḥ pranaṣṭadhīḥ |
dūtamāhvāya yāmāsa saiṃhikeyaṃ vimohitaḥ || 3 ||
[Analyze grammar]

āgataṃ taṃ samālokya kāmākrāṃtamanāssa hi |
susaṃbodhya samācaṣṭa siṃdhuputro jalaṃdharaḥ || 4 ||
[Analyze grammar]

jalaṃdhara uvāca |
bhobho dūtavaraśreṣṭha sarvakāryaprasādhaka |
saiṃhikeya mahāprājña kailāsaṃ gaccha parvatam || 5 ||
[Analyze grammar]

tatrāsti yogī śaṃbhvākhya stapasvī ca jaṭādharaḥ |
bhasmabhūṣitasarvāṅgo virakto vijitendriyaḥ || 5 ||
[Analyze grammar]

tatra gatveti vaktavyaṃ yoginaṃ dūta śaṃkaram |
jaṭādharaṃ viraktaṃ taṃ nirbhayena hṛdā tvayā || 7 ||
[Analyze grammar]

he yogiṃste dayāsindho jāyāratnena kiṃ bhavet |
bhūtapretapiśācādisevitena vanaukasā || 8 ||
[Analyze grammar]

mannāthe bhuvane yoginnocitā gatirīdṛśī |
jāyāratnamatastvaṃ me dehi ratnabhuje nijam || 9 ||
[Analyze grammar]

yāniyāni suratnāni trailokye tāni saṃti me |
madadhīnaṃ jagatsarvaṃ viddhi tvaṃ sacarācaram || 10 ||
[Analyze grammar]

indrasya gajaratnaṃ coccaiḥśravoratnamuttamam |
balādgṛhītaṃ sahasā pārijā tatarustathā || 11 ||
[Analyze grammar]

vimānaṃ haṃsasaṃyuktamaṃgaṇe mama tiṣṭhati |
ratnabhūtaṃ mahādivyamuttamaṃ vedhasodbhutam || 12 ||
[Analyze grammar]

mahāpadmādikaṃ divyaṃ nidhiratnaṃ svadasya ca |
chatraṃ me vāruṇaṃ gehe kāṃcanasrāvi tiṣṭhati || 13 ||
[Analyze grammar]

kiñjalkinī mahāmālā sarvadā'mlānapaṃkajā |
matpitussā mamaivāsti pāśaśca kaṃpatestathā || 14 ||
[Analyze grammar]

mṛtyorutkrāṃtidā śaktirmayā nītā balādvarā |
dadau mahyaṃ śucirdivye śuciśauce ca vāsasī || 15 ||
[Analyze grammar]

evaṃ yogīndra ratnāni sarvāṇi vilasaṃti me |
atastvamapi me dehi svastrīratnaṃ jaṭādhara || 16 ||
[Analyze grammar]

sanatkumāra uvāca |
iti śrutvā vacastasya nandinā sa praveśitaḥ |
jagāmograsabhāṃ rāhurvismayodbhutalocanaḥ || 17 ||
[Analyze grammar]

tatra gatvā śivaṃ sākṣāddevadevaṃ mahāprabhum |
svatejodhvastatamasaṃ bhasmalepavirājitam || 18 ||
[Analyze grammar]

mahārājopacāre vilasaṃtaṃ mahādbhutam |
sarvāṅgasundaraṃ divyabhūṣaṇairbhūṣitaṃ haram || 19 ||
[Analyze grammar]

praṇanāma ca taṃ garvāttattejaḥ krāṃtavigrahaḥ |
nikaṭaṃ gatavāñchaṃbhossa dūto rāhusaṃjñakaḥ || 20 ||
[Analyze grammar]

atho tadagra āsīno vaktukāmo hi saiṃhikaḥ |
tryaṃbakaṃ sa tadā saṃjñāprerito vākyamabravīt || 21 ||
[Analyze grammar]

daityapannagasevyasya trailokyādhipatessadā |
dūto'haṃ preṣitastena tvatsakāśamihāgataḥ || 22 ||
[Analyze grammar]

|| rāhuruvāca |
jalaṃdharobdhitanayassarvadaityajaneśvaraḥ |
trailokyasyeśvarassothābhavatsarvādhināyakaḥ || 23 ||
[Analyze grammar]

sa daityarājo balavāndevānāmaṃtakopamaḥ |
yoginaṃ tvāṃ samuddiśya sa yadāha śṛṇuṣva tat || 24 ||
[Analyze grammar]

mahādivyaprabhāvasya tasya daityapateḥ prabhoḥ |
sarvaratneśvarasya tvamājñāṃ śṛṇu vṛṣadhvaja || 25 ||
[Analyze grammar]

śmaśānavāsino nityamasthimālādharasya ca |
digaṃbarasya te bhāryā kathaṃ haimavatī śubham || 26 ||
[Analyze grammar]

ahaṃ ratnādhināthosmi sā ca strīratnasaṃjñitā |
tasmānmamaiva sā yogyā naiva bhikṣāśinastava || 27 ||
[Analyze grammar]

mama vaśyāstrayo lokā bhuṃje'haṃ makhabhāgakān |
yāni saṃti trilokesminratnāni mama sadmani || 28 ||
[Analyze grammar]

vayaṃ ratnabhujastvaṃ tu yogī khalu digambaraḥ |
svastrīratnaṃ dehi mahyaṃ rājñassukhakarāḥ prajāḥ || 29 ||
[Analyze grammar]

sanatkumāra uvāca |
vadatyevaṃ tathā rāhau bhrūmadhyācchūlapāṇinaḥ |
abhavatpuruṣo raudrastīvrāśanisamasvanaḥ || 30 ||
[Analyze grammar]

siṃhāsyapracalajihvassajjvālanayano mahān |
ūrddhvakeśaśśuṣkatanurnṛsiṃha iva cāparaḥ || 31 ||
[Analyze grammar]

mahātanurmahābāhustālajaṃgho bhayaṃkaraḥ |
abhidudrāva vegena rāhuṃ sa puruṣo drutam || 32 ||
[Analyze grammar]

sa taṃ khāditu māyāntaṃ dṛṣṭvā rāhurbhayāturaḥ |
adhāvadāta vegena bahistasya ca dadhāra tam || 33 ||
[Analyze grammar]

rāhuruvāca |
devadeva maheśāna pāhi māṃ śaraṇā gatam |
surā'suraissadā vandyaḥ paramaiśvaryavān prabhuḥ || 34 ||
[Analyze grammar]

brāhmaṇaṃ māṃ mahādeva khādituṃ samupāgataḥ |
puruṣoyaṃ taveśāna sevakotibhayaṃkaraḥ || 35 ||
[Analyze grammar]

etasmādrakṣa deveśa śaraṇāgatavatsalaḥ |
na khādeta yathāyaṃ māṃ namaste'stu muhurmuhuḥ || 36 ||
[Analyze grammar]

sanatkumāra uvāca |
mahādevo vacaḥ śrutvā brāhmaṇasya tadā mune |
abravītsvagaṇaṃ taṃ vai dīnānāthapriyaḥ prabhuḥ || 37 ||
[Analyze grammar]

mahādeva uvāca |
prabhuṃ ca brāhmaṇaṃ dūtaṃ rāhvākhyaṃ śaraṇāgatam |
śaraṇyā rakṣaṇīyā hi na daṇḍyā gaṇasattama || 38 ||
[Analyze grammar]

sanatkumāra uvāca |
ityuktau girijeśena sagaṇaḥ karuṇātmanā |
rāhuṃ tatyāja sahasā brāhmaṇeti śrutākṣaraḥ || 39 ||
[Analyze grammar]

rāhuṃ tyaktvāmbare sotha puruṣo dīnayā girā |
śivopakaṃṭhamāgatya mahādevaṃ vyajijñapat || 40 ||
[Analyze grammar]

puruṣa uvāca |
devadeva mahādeva karuṇākara śaṃkara |
tyājitaṃ mama bhakṣyaṃ te śaraṇāgatavatsalaḥ || 41 ||
[Analyze grammar]

kṣudhā māṃ bādhate svāminkṣutkṣāmaścāsmi sarvathā |
kiṃ bhakṣyaṃ mama deveśa tadājñāpaya māṃ prabho || 42 ||
[Analyze grammar]

sanatkumāra uvāca |
ityākarṇya vacastasya puruṣasya mahāprabhuḥ |
pratyuvācādbhutotiḥ sa kautukī svahitaṃkaraḥ || 43 ||
[Analyze grammar]

maheśvara uvāca |
bubhukṣā yadi te'tīva kṣudhā tvāṃ bādhate yadi |
saṃbhakṣayātmanaśśīghraṃ māṃsaṃ tvaṃ hastapādayoḥ || 44 ||
[Analyze grammar]

sanatkumāra uvāca |
śivenaivamājñaptaścakhāda puruṣassvakam |
hastapādodbhavaṃ māṃsaṃ śiraśśeṣo' bhavadyathā || 45 ||
[Analyze grammar]

dṛṣṭvā śirovaśeṣaṃ tu suprasannassadāśivaḥ |
puruṣaṃ bhīmakarmāṇaṃ tamuvāca savismayaḥ || 46 ||
[Analyze grammar]

śiva uvāca |
he mahāgaṇa dhanyastvaṃ madājñāpratipālakaḥ |
saṃtuṣṭaścāsmi te'tīva karmaṇānena sattama || 47 ||
[Analyze grammar]

tvaṃ kīrtimukhasaṃjño hi bhava maddvārakassadā |
mahāgaṇo mahāvīrassarvaduṣṭabhayaṃkaraḥ || 48 ||
[Analyze grammar]

matpriyastvaṃ madarcāyāṃ sadā pūjyo'hi majjanaiḥ |
tvadarcāṃ ye na kurvaṃti naiva te matpriyaṃkarāḥ || 49 ||
[Analyze grammar]

sanatkumāra uvāca |
iti śaṃbhorvaraṃ prāpya puruṣaḥ prajaharṣa saḥ |
tadāprabhṛti deveśa dvāre kīrtimukhaḥ sthitaḥ || 50 ||
[Analyze grammar]

pūjanīyo viśeṣeṇa sa gaṇaśśivapūjane |
nārcayaṃtīha ye pūrvaṃ teṣāmarcā vṛthā bhavet || 51 ||
[Analyze grammar]

iti śrīśivamahāpurāṇe dvitīyāyāṃ rudrasaṃhitāyāṃ pañcame yuddhakhaṇḍe jalaṃdharavadhopākhyāne dūtasaṃvādo nāma ekonaviṃśo'dhyāyaḥ || 19 ||
[Analyze grammar]