Chapter 169

śrīkṛṣṇa uvāca |
annadānasya māhātmyaṃ kathayāmi tavānagha |
yatproktamṛṣibhiḥ pūrvaṃ tadihaikamanāḥ śṛṇu || 1 ||
[Analyze grammar]

dadasvānnaṃ dadasvānnaṃ dadasvānnaṃ yudhiṣṭhira |
sadyastuṣṭikaraṃ loke kiṃ dattena pareṇa te || 2 ||
[Analyze grammar]

rāmeṇa daśarathinā vanasthena nijānujaḥ |
nirvedādyatpurā proktastadahaṃ prabravīmi te || 3 ||
[Analyze grammar]

pṛthivyāmannapūrṇāyāṃ vayamannasya kāṃkṣiṇaḥ |
saumitre nūnamasmābhirna brāhmaṇamukhe hutam || 4 ||
[Analyze grammar]

yaducyate karmabījaṃ tasyāvaśyaṃ phalaṃ naraiḥ |
prāpyate lakṣmaṇāsmābhirnānnaṃ vipramukhe hutam || 5 ||
[Analyze grammar]

yatra prāpyaṃ tadaprāpyaṃ vidyayā pauruṣeṇa vā |
satyo lokapravādo'yaṃ nādattamupatiṣṭhati || 6 ||
[Analyze grammar]

bhakṣopayogādannasya dānaṃ śreyaskaraṃ param || 7 ||
[Analyze grammar]

prakārāṃtarabhojyāni dānānyanyāni bhārata |
annameva paraṃ dānaṃ satyavākyaṃ paraṃ padam || 8 ||
[Analyze grammar]

buddhiścārthātparo lobhaḥ santoṣaḥ paramaṃ sukham |
snātānāmanuliptānāṃ bhūṣitānāṃ ca bhūṣaṇaiḥ || 9 ||
[Analyze grammar]

na sukhaṃ na ca santoṣo bhavedannādṛte nṛṇām |
śveto nāma mahīpālaḥ sārvabhaumo'bhavatpurā || 10 ||
[Analyze grammar]

teneṣṭaṃ bahubhiryajñaiḥ saṃgrāmā bahavo jitāḥ |
dānāni ca pradattāni dharmataḥ pālitā mahī || 11 ||
[Analyze grammar]

bhuktā bhogāḥ suvipulā śatrūṇāṃ mūrdhani sthitam |
vānaprasthena vidhinā tyaktvā rājaśriyaṃ nṛpa || 12 ||
[Analyze grammar]

svargaṃ jagāma bhuktvā tu pūjyamāno marudgaṇaiḥ |
vimānamarkapratimaṃ pratipede mudā yutaḥ || 13 ||
[Analyze grammar]

tatrāste ramamāṇo'sau sākaṃ vidyādharaiḥ sukham |
prasiddhaiḥ stūyate siddhaiḥ sevyate'psarasāṃ gaṇaiḥ || 14 ||
[Analyze grammar]

gaṃdharvairgīyate hṛṣṭaiḥ śakreṇāpyanugamyate |
divyamālyāṃbaradharo divyābharaṇabhūṣitaḥ || 15 ||
[Analyze grammar]

sa ca nityaṃ vitānāgryādavatīrya mahītalam |
svamāṃsānyatti kauṃteya pūrvaṃ tyaktvā kalevaram || 16 ||
[Analyze grammar]

taccharīraṃ tathaivāste rakṣitaṃ pūrvakarmabhiḥ |
sa kadācitsureśānaṃ brahmāṇaṃ samupasthitaḥ || 17 ||
[Analyze grammar]

praṇamya prāṃjalirbhūtvā nirvedādidamabravīt |
bhagavaṃstvatprasādena prāptaṃ svargasukhaṃ mayā || 18 ||
[Analyze grammar]

sarveṣāmapi saṃpūjyaḥ surāṇāṃ surapuṃgava |
kiṃ tu kṣudbādhate'tyarthaṃ svargasthasyāpi me prabho || 19 ||
[Analyze grammar]

yayā māṃsānyahaṃ svasya bhakṣyayāmyaśanaṃ vinā |
brahmovāca |
śvetābhijanasaṃpanna śveta śṛṇu vaco mama || 20 ||
[Analyze grammar]

tvayādhītaṃ hutaṃ dattaṃ guravaḥ paritoṣitāḥ |
nāśanaṃ bhavatā dattaṃ yaddvijebhyo narādhipa || 21 ||
[Analyze grammar]

anannadānasya phalaṃ tvayedamupabhujyate |
tarhyannadānato nānyaccharīrārogyakārakam || 22 ||
[Analyze grammar]

nānyadannādṛte puṃsāṃ kiñcitsañjīvanauṣadham |
mahīṃ gatvā mahārāja kuruṣva vacanaṃ mama || 23 ||
[Analyze grammar]

tapaḥ svādhyāyasaṃpanne śāstrajñe saṃjitendriye |
yena saṃpadyate tṛptirakṣayā kṣmāṃpate tava || 24 ||
[Analyze grammar]

viriṃcervacanādgatvā tvarāyukto mahītalam |
agastyaṃ bhojayāmāsa bhaktyā bharatasattama || 25 ||
[Analyze grammar]

bhojayitvā tataḥ prādāddakṣiṇāṃ kṣīṇakalmaṣaḥ |
ekāvaliṃ svakātkaṇṭhātsamuttārya samujjvalām || 26 ||
[Analyze grammar]

tato dundubhighoṣeṇa pūjitaḥ surasattamaiḥ |
śvetastṛpto gataḥ svargaṃ dattvānnaṃ dakṣiṇāyutam || 27 ||
[Analyze grammar]

paulastye nihate paścāddevadānavasaṃkaṭe |
rāmāyaikāvaliṃ prādādagastyaḥ parayā mudā || 28 ||
[Analyze grammar]

etadannasya māhātmyaṃ kathayāmyaparaṃ ca te |
na cānnādaparaṃ kiñcitsatyaṃ tava mayoditam || 29 ||
[Analyze grammar]

annaṃ vai prāṇināṃ prāṇā annamojo balaṃ sukham |
etasmātkāraṇātsadbhirannadaḥ prāṇadaḥ smṛtaḥ || 30 ||
[Analyze grammar]

sudūrādāśayā yasya gṛhaṃ prāptā bubhukṣitāḥ |
tṛptāḥ pratinivartaṃte ko'nyastatsadṛśaḥ pumān || 31 ||
[Analyze grammar]

dīkṣitaḥ kapilā satrī rājā bhikṣurmahodadhiḥ |
dṛṣṭamātrā punaṃtyete tasmātpaśyaṃti nityaśaḥ || 32 ||
[Analyze grammar]

ekasyāpyatitherannaṃ yaḥ pradātumaśaktimān |
tasyā'rambhaiḥ parikleśairvasataḥ kiṃ phalaṃ gṛhe || 33 ||
[Analyze grammar]

śakyate duṣkare'pyarthe cirarātrāya jīvitum |
na tvāhāravihīnena śakyaṃ vartayituṃ ciram || 34 ||
[Analyze grammar]

bhuktvā gṛhe gṛhasthasya maithunaṃ yaśca sevate |
yasyānnaṃ tasya te putrā iti prāhurmanīṣiṇaḥ || 35 ||
[Analyze grammar]

duṣkṛtaṃ hi manuṣyāṇāmannamāśritya tiṣṭhati |
yo yasyānnaṃ samaśnāti sa tasyāśnāti duṣkṛtam || 36 ||
[Analyze grammar]

vanaspatigate some parānnaṃ yastu bhuṃjati |
tasya māsakṛtaṃ puṇyaṃ dātāramupagacchati || 37 ||
[Analyze grammar]

kasmānna dīyate nityaṃ kasmādannaṃ na dīyate |
yasyedṛśī phalāvāptiḥ kathitā pūrvasūribhiḥ || 38 ||
[Analyze grammar]

bhikṣāṃ vā puṣkalāṃ vāpi haṃtakāraṃ dvijātaye |
bhojanaṃ vā yathālābhamadattvāśnāti kilbiṣam || 39 ||
[Analyze grammar]

yenāyutaṃ sahasraṃ vā bhojitaṃ syāddvijanmanām |
tena brahmagṛhāsannaṃ nūnaṃ baddhaṃ kuṭīrakam || 40 ||
[Analyze grammar]

vārāṇasyāṃ purā pārtha vaṇigāpaṇajīvanaḥ |
dhaneśvara iti khyāto devabrāhmaṇapūjakaḥ || 41 ||
[Analyze grammar]

tasyāpaṇaikadeśe tu muktvāṃḍaṃ pāṃḍuracchavi |
sasarpa sarpastaddeśādvaṇigdṛṣṭvā viśaṃkitaḥ || 42 ||
[Analyze grammar]

tadaṃḍaṃ vaṇijā tena dṛṣṭaṃ kāruṇyabuddhinā |
tataḥ prabhṛtyanudinaṃ rarakṣa ca puṣoṣa ca || 43 ||
[Analyze grammar]

nirjagāma dinaiḥ kaiścidbhitvāṃḍaṃ sarpapotakaḥ |
taṃ vaṇikkṣīrapānādyairupacārairavardhayat || 44 ||
[Analyze grammar]

lilihe ghṛtabhāṃḍāni jighre ca gaṃdhasaṃcayān |
luloṭha pāṃsuprakare cacāra vārimadhyagaḥ || 45 ||
[Analyze grammar]

vaṇijā rakṣyamāṇaḥ sa snehāccāharahaḥ punaḥ |
jagāma sumahānkālo'bhavadeṣa bhayaṃkaraḥ || 46 ||
[Analyze grammar]

athaikasmindine gaṃgāṃ gataḥ snātuṃ trilokagām |
vaṇigāpaṇe paṇyavidaṃ sthāpayitvā sutaṃ matam || 47 ||
[Analyze grammar]

vyavahartuṃ samārabdhaṃ vaṇikputreṇa dhīmatā |
dadāti pratigṛhṇāti ghṛtatailayavaikṣavam || 48 ||
[Analyze grammar]

vyavahārākulatayā pādayoraṃtareṇa saḥ |
sarpaścacāla cāpalyādvaṇigvikṣepamabhyagāt || 49 ||
[Analyze grammar]

jānannapi tadvṛttāṃtaṃ nidāne niyatervaśāt |
trāsātsaṃtarjayāmāsa balena padacāriṇam || 50 ||
[Analyze grammar]

sa mahītaḥ samutthāya mūrddhānamavaruhya ca |
uvāca dāruṇataraṃ vacanaṃ pannagādhamaḥ || 51 ||
[Analyze grammar]

śaraṇāgataṃ poṣitaṃ ca tava pitrā priyaṃkaram |
kasmānmāṃ haṃsi duṣṭātmankathaṃ jīvanvimokṣyase || 52 ||
[Analyze grammar]

anaṃtaraṃ kalakalaḥ saṃjāto rodatāṃ nṛṇām |
dhaneśvarasuto daṣṭaḥ sarpeṇāpi bhṛśākulaḥ || 53 ||
[Analyze grammar]

acyutānaṃta goviṃda kṛṣṇakṛṣṇetyudīrayan |
dhaneśvaropyanuprāptaḥ provācākulayā girā || 54 ||
[Analyze grammar]

kiṃ kṛtaṃ mama putreṇa tava pavraga vipriyam |
yadayaṃ bhavatā mūrdhni svabhogenābhiveṣṭitaḥ || 55 ||
[Analyze grammar]

mūrkha mitraṃ susaṃbaṃdhaṃ hīnajātijano hi yaḥ |
yaḥ karotyabuthoṃgārānsa svahastena karṣati || 56 ||
[Analyze grammar]

tamuvāca ca sarpo'sau vāṣpagadgadayā girā |
niraparādho bhavataḥ putreṇāhaṃ samāhataḥ || 57 ||
[Analyze grammar]

tadahaṃ paśyataste'dya daśāmyenaṃ narādhipa |
yathā na bhūyo bhūtānāṃ bhavedasmātkvacidbhayam || 58 ||
[Analyze grammar]

dhaneśvara uvāca |
upakāraṃ vrataṃ bhaktyā snehapāro na yasya ca |
satāṃ mārgamapākramya prayātaḥ kena vāryate || 59 ||
[Analyze grammar]

kṣaṇamātraṃ pratīkṣasva yāvadeva śiśurmama |
aurdhvadehikakarmāṇi karoti svayamātmanaḥ || 60 ||
[Analyze grammar]

evamuktā gṛhaṃ gatvā yatīnāṃ brahmacāriṇām |
sahasraṃ bhojayāmāsa ghṛtapāyasabhojanaiḥ || 61 ||
[Analyze grammar]

samutthāya tataḥ sarve brāhmaṇā hṛṣṭamānasāḥ |
vaṇikputrasyottamāṃge cikṣipuḥ kusumākṣatān || 62 ||
[Analyze grammar]

vaṇikputra ciraṃ jīva naśyaṃtu tava śatravaḥ |
abhīṣṭaphalasaṃsiddhirastu te brāhmaṇājñayā || 63 ||
[Analyze grammar]

tataḥ sa duṣṭaprakṛtirvipra vāgvajratāḍitaḥ |
pannago nagasaṃkāśaḥ papāta ca mamāra ca || 64 ||
[Analyze grammar]

vipannaṃ pannagaṃ dṛṣṭvā trastacakṣurdhaneśvaraḥ |
āḥ kimetaditi procya viṣādamagamatparam || 65 ||
[Analyze grammar]

poṣito'yaṃ mayā bālaḥ pālito lālitastathā |
mamāpacārātpaṃcatvamāpannaḥ pavanāśanaḥ || 66 ||
[Analyze grammar]

upakāriṣu yaḥ sādhuḥ sādhutve tasya ko guṇaḥ |
apakāriṣu yaḥ sādhuḥ sa sādhuḥ sadbhiriṣyate || 67 ||
[Analyze grammar]

ityevamavadhāryāsau duḥkhasaṃtaptamānasaḥ |
bubhuje nākulatayā na ca suṣvāpa tāṃ niśām || 68 ||
[Analyze grammar]

tataḥ prabhāte gaṃgāyāṃ snātvā saṃtarpya devatāḥ |
sahasraṃ bhojayāmāsa punareva dvijanmanām || 69 ||
[Analyze grammar]

tairbhuktairiṣṭasaṃsiddhairbrāhmaṇai ranumoditaḥ |
vaṇikprāha mamābhīṣṭaṃ saṃjīvatveṣa pannagaḥ || 70 ||
[Analyze grammar]

tato dvijavaronmuktairaṃbubhiḥ pariṣiṃcitaḥ |
udatiṣṭhadahīnāṃgaḥ sahasā hi mahākulaḥ || 71 ||
[Analyze grammar]

praharṣamatulaṃ lebhe dṛṣṭvā taṃ purataḥ sthitam |
pratyagrāvayavaṃ dṛṣṭvā sṛkkiṇīparileliham || 72 ||
[Analyze grammar]

sādhuvādo mahāñjātaḥ praśaśaṃsurdhaneśvaram |
purīnivāsinaḥ sarve vismayotphullalocanāḥ || 73 ||
[Analyze grammar]

sahasrabhojyamāhātmyaṃ kathitaṃ te yudhiṣṭhira |
samyakchraddhāprayuktasya kimanyatkathayāmi te || 75 ||
[Analyze grammar]

yacchaṃti ye'nudivasaṃ dvijapuṃgavānāmannaṃ viśuddhamanaso bhṛśamāgatānām |
martye vihṛtya suciraṃ sasuhṛjjanāste pretya prayāṃti bhavanaṃ muditā murāreḥ || 77 ||
[Analyze grammar]

iti śrībhaviṣye mahāpurāṇa uttaraparvaṇi śrīkṛṣṇayudhiṣṭhirasaṃvāde annadānamāhātmyavarṇanaṃ nāmaikonasaptatyuttaraśatatamo'dhyāyaḥ || 169 ||
[Analyze grammar]