Chapter 159

yudhiṣṭhira uvāca |
gosahasravidhānaṃ ca kathayasva janārdana |
kasminkāle pradātavyaṃ kathaṃ deyaṃ ca tadbhavet || 1 ||
[Analyze grammar]

śrīkṛṣṇa uvāca |
gāvaḥ pavitrā lokānāṃ gāva eva parāyaṇam |
brahmaṇā sṛjatā lokānvṛttihetoḥ prajeśvara |
gāvaḥ prathamataḥ sṛṣṭāstrailokya hitakāmyayā || 2 ||
[Analyze grammar]

yāsāṃ mūtrapurīṣeṇa devatāyatanānyapi |
śucīni samajāyaṃta kiṃbhūtamadhikaṃ tataḥ || 3 ||
[Analyze grammar]

mūlaṃ yajñasya kāmyasya sarvadevamayāḥ śubhāḥ |
gomaye vasate lakṣmīḥ paryāptaṃ tannidarśanam || 4 ||
[Analyze grammar]

brāhmaṇāścaiva gāvaśca kulamekaṃ dvidhā kṛtam |
ekatra maṃtrāstiṣṭhanti haviranyatra tiṣṭhati || 5 ||
[Analyze grammar]

yāsāṃ putrairdhṛtā lokā dhāritāḥ sarvadevatāḥ |
tāsāṃ dānavidhānaṃ ca śṛṇu tatpṛthivīpate || 6 ||
[Analyze grammar]

ekā'pi gaurguṇopetā kṛtsnaṃ tārayate kulam |
surūpā śīlasaṃpannā yuvatiḥ supayasvinī || 7 ||
[Analyze grammar]

suvatsā suduhā caiva pāparogavivarjitā |
vidhivattādṛśā dattā kṛtsnaṃ tārayate kulam || 8 ||
[Analyze grammar]

kiṃ punardaśa yo dadyācchataṃ vā vidhipūrvakam |
sahasraṃ tu punardadyāttasya vai kimihocyate || 9 ||
[Analyze grammar]

gosahasraṃ purā dattaṃ nahuṣeṇa mahībhṛtā |
sa gato brahmaṇaḥ sthānaṃ yayātiśca mahāmatiḥ || 10 ||
[Analyze grammar]

gaṃgātīre mahaddattamadityā putrakāmyayā |
lebhe putraṃ trilokeśaṃ nārāyaṇamakalmaṣam || 11 ||
[Analyze grammar]

śrūyate pitṛbhirgītā gāthāstāḥ śṛṇu bhūpate || 12 ||
[Analyze grammar]

yadi kaścitkule'smākaṃ gosahasraṃ pradāpayet |
yāsyāmaḥ paramāṃ siddhiṃ kāritāṃ puṇyakarmaṇā || 13 ||
[Analyze grammar]

duhitā vā kule kācidgosahasrapradāyinī |
sopānaḥ sugatirdatto bhaviṣyati na saṃśayaḥ || 14 ||
[Analyze grammar]

ataḥ paraṃ pravakṣyāmi yajñaṃ vai sarvakāmikam |
gosahasraṃ tadā dadyācchāstroktavidhivannaraḥ || 15 ||
[Analyze grammar]

tīrthe goṣṭhe gṛhe vāpi maṃḍapaṃ kārayecchubham |
daśadvādaśahastaṃ vā caturvaktraṃ satoraṇam || 16 ||
[Analyze grammar]

tanmadhye kārayedvediṃ caturhastāmanūpamām |
hastamātrapramāṇena hastena samalaṃkṛtām || 17 ||
[Analyze grammar]

pūrvottare'thadigbhāge grahavediṃ prakalpayet |
grahayajñavidhānena grahāṃstatra kramādyajet || 18 ||
[Analyze grammar]

brahmā viṣṇuśca rudraśca pūjyāḥ prathamameva hi |
ṛtvijaḥ parikartavyā ṣoḍaśāṣṭau ca śobhanāḥ || 19 ||
[Analyze grammar]

catvāro vā mahārāja upādhyāyaśca paṃcamaḥ |
sarvābharaṇasaṃpannāḥ karṇaveṣṭāṃgulīyakaiḥ || 20 ||
[Analyze grammar]

śobhitāśchatrasaṃpannāstāmrapātradvayānvitāḥ |
grahayajñoktavidhinā homaṃ havyaṃ samācaret || 21 ||
[Analyze grammar]

vedyāḥ pūrvottare bhāge śivakuṃḍaṃ niyojayet |
kuṃbhadvayaṃ ca dvāreṣu paṃcaratnaṃ sapallavam || 22 ||
[Analyze grammar]

kāryaṃ kurukulaśreṣṭha tato homaṃ samārabhet |
lokapālabaliṃ dadyāttulāpuruṣadānavat || 23 ||
[Analyze grammar]

gosahasrādviniṣkṛṣya savatsaṃ daśakaṃ gavām |
gosahasrādbahiṣkuryādvastramālyavibhūṣaṇam |
ataḥ praveśya daśakaṃ vastrairmālyaiśca pūjayet || 24 ||
[Analyze grammar]

suvarṇaghaṃṭikāyuktaṃ tāmradohanakānvitam |
suvarṇatilakopetaṃ khurai raupyairalaṃkṛtaiḥ |
hemaratnamayaiḥ śṛṃgaiścāmaraiścopaśobhitam || 25 ||
[Analyze grammar]

munayaḥ kecidicchanti kāṃcanaṃ naṃdikeśvaram |
lavaṇadroṇaśikhare bhaktyā tamapi kārayet || 26 ||
[Analyze grammar]

ekā pratyakṣaṛṣabhe keṣāṃciddānamiṣyate |
grahānsurāṃśca saṃpūjya mālyavastraphalākṣataiḥ || 27 ||
[Analyze grammar]

patākābhiralaṃkṛtya devatāyatanāni ca |
gośate'pi daśāṃśena sarvametatprakalpayet || 28 ||
[Analyze grammar]

yadi sarvā na vidyante gāvaḥ sarvaguṇottamāḥ |
daśakaṃ pūjya yatnena itaraḥ parikalpayet || 29 ||
[Analyze grammar]

puṣpakālamatho vādyagītamaṃgalanisvanaiḥ |
sarvauṣadhyudakasnātaḥ snapito dvijapuṃga vaiḥ |
imamuccārayenmaṃtraṃ gṛhītakusumāṃjaliḥ || 30 ||
[Analyze grammar]

namo vo viśvamūrtibhyo viśvamātṛbhya eva ca |
lokādhivāsinībhyastu rohiṇībhyo namo namaḥ || 31 ||
[Analyze grammar]

gavāmaṃgeṣu tiṣṭhanti bhuvanānyekaviṃśatiḥ |
brahmādayastathā devā rohiṇyaḥ pāṃtu mātaraḥ || 32 ||
[Analyze grammar]

gāvo mamāgrataḥ saṃtu gāvo me saṃtu pṛṣṭhataḥ |
gāvo me sarvataḥ saṃtu gavāṃ madhye vasāmyaham || 33 ||
[Analyze grammar]

yasmāttvaṃ vṛṣarūpeṇa dharmaścaiva sanātanaḥ |
aṣṭamūrtteradhiṣṭhānamataḥ pāhi sanātanaḥ || 34 ||
[Analyze grammar]

ityāmantrya tato dayādgurave naṃdikeśvaram |
sarvopaskaraṇopetaṃ goyutaṃ ca viśeṣataḥ || 35 ||
[Analyze grammar]

gavāṃ śatamathaikaikaṃ tadardhaṃ cāpi viṃśatiḥ |
daśa pañcaśataṃ dadyādbahubhyastadanujñayā || 36 ||
[Analyze grammar]

naikā bahubhyo dātavyā dātā doṣakaro bhavet |
bahvyastvekasya dātavyāḥ śrīmadārogyavṛddhaye || 37 ||
[Analyze grammar]

payovratastatastiṣṭhedekāhaṃ gosahasradaḥ |
tathaiva brahmacārī syādya icchedvipulāṃ śriyam || 38 ||
[Analyze grammar]

na deyā durbalā dhenurnālpakṣīrā na rogiṇī |
na jīrṇā jīrṇavastrā vā nāpatyagatacetanā || 39 ||
[Analyze grammar]

anena vidhinā yastu gosahasraprado bhavet |
sarvapāpavinirmuktaḥ siddhacāraṇasevitaḥ || 40 ||
[Analyze grammar]

vimānenārkavarṇena kiṃkiṇījālamālinā |
sarveṣāṃ lokapālānāṃ loke saṃpūjyate suraiḥ || 41 ||
[Analyze grammar]

saptāvarānsapta parānsapta caiva parāvarān |
puruṣānuddhareddattvā gosahasraṃ vidhānataḥ || 42 ||
[Analyze grammar]

svargalokāccyuto vātha nārī vā satparāyaṇā |
sapta janmāni rājñī syātstūyamānā punaḥpunaḥ || 43 ||
[Analyze grammar]

na tvevedaṃ dānamātraṃ praśastaṃ pātraṃ kālo goviśeṣo vighiśca |
tasmādetāḥ sarvabhūṣāsametāḥ pātre kāle kṣīravatyo vidhānāt || 44 ||
[Analyze grammar]

ekāpi gaurbahuguṇā guṇine pradattā dātuḥ kulaṃ tripuruṣaṃ vidhivatpunāti |
yaḥ śraddhayā vitaratīha gavāṃ sahasraṃ śakyaṃ phalaṃ na nṛpate'sya mayābhidhātum || 45 ||
[Analyze grammar]