Chapter 126

yudhiṣṭhira uvāca |
gṛhastho maraṇe prāpte kathaṃ tyajati jīvitam |
etanme brūhi govinda paraṃ kautūhalaṃ hi me || 1 ||
[Analyze grammar]

śrīkṛṣṇa uvāca |
nānyaduṣkṛṣṭamuddiṣṭaṃ tajjñairanaśanātparam |
tasyāhaṃ lakṣaṇaṃ vakṣye yajjapyaṃ ca mumūrṣatā || 2 ||
[Analyze grammar]

yādṛgrūpaśca bhagavāṃściṃtanīyo janārdanaḥ |
āsannamātmanaḥ kālaṃ jñātvā prājño yudhiṣṭhira || 3 ||
[Analyze grammar]

nirdhūtamaladoṣaśca snāto niyatamānasaḥ |
samabhyarcya hṛṣīkeśaṃ puṣpadhūpādibhistataḥ || 4 ||
[Analyze grammar]

praṇipātaiḥ stavaiḥ puṇyairgaṃdhairdhūpaistu pūjayet |
dattvā dānaṃ ca viprebhyo vikalādibhya eva ca |
samarpya brāhmaṇebhyaśca devārcādyupayogi ca || 5 ||
[Analyze grammar]

baṃdhu putrakalatreṣu kṣetradhānyadhanādiṣu |
mitravarge ca rājendra mamatvaṃ vinivartayet || 6 ||
[Analyze grammar]

mitrāṇyamitrānmadhyasthānparānsvāṃśca punaḥ punaḥ |
atyarthamapakāreṇa nopakāreṇa cintayet || 7 ||
[Analyze grammar]

tataśca prayataḥ kuryādutsargaṃ sarvakarmaṇām |
śubhāśubhānāṃ rājendra vākyaṃ cedamudīrayet || 8 ||
[Analyze grammar]

parityajāmyahaṃ bhogāṃstyajāmi suhṛdo'khilān |
bhojanaṃ hi mayotsṛṣṭamutsṛṣṭamanulepanam || 9 ||
[Analyze grammar]

sragbhūṣaṇādikaṃ geyaṃ dānamāsanameva ca |
homādayaḥ parārthā ye ye ca nityakramāgatāḥ || 10 ||
[Analyze grammar]

naimittikāstathā kāmyāḥ śrāddhadharmādayojjhitāḥ |
tyaktāścāśramikā dharmā varṇadharmāstathojjhitāḥ || 11 ||
[Analyze grammar]

padbhyāṃ karābhyāṃ viharankurvāṇaḥ karma codvahan |
na pāpaṃ kasyacinnyāyyāḥ prāṇinaḥ saṃtu nirbhayāḥ || 12 ||
[Analyze grammar]

nabhasi prāṇino ye ca ye jale ye ca bhūtale |
kṣitervivaragā ye ca ye ca pāṣāṇasaṃpuṭe || 13 ||
[Analyze grammar]

dhānyādiṣu ca vastreṣu śayaneṣvāsaneṣu ca |
te svayaṃ tu vibudhyaṃte dattaṃ tebhyo'bhayaṃ mayā || 14 ||
[Analyze grammar]

na me'sti bāṃdhavaḥ kaścidviṣṇuṃ muktvā jagadgurum |
mitrapakṣe ca me viṣṇuradhaścordhvaṃ tathā punaḥ || 15 ||
[Analyze grammar]

pārśvato mūrdhni hṛdaye bāhubhyāṃ caiva cakṣuṣoḥ |
śrotrādiṣu ca sarveṣu mama viṣṇuḥ pratiṣṭhitaḥ || 16 ||
[Analyze grammar]

iti sarvaṃ samutsṛjya dhṛtvā sarveśamacyutam |
vāsudevetyavirataṃ nāma devasya kīrtayet || 17 ||
[Analyze grammar]

dakṣiṇāgreṣu darbheṣu śete vai prākchirāstathā |
udakchirā vā rājeṃdra ciṃtayañjagataḥ patim || 18 ||
[Analyze grammar]

viṣṇuṃ jiṣṇuṃ hṛṣīkeśaṃ keśavaṃ madhusūdanam |
nārāyaṇaṃ naraṃ śauriṃ vāsudevaṃ janārdanam || 19 ||
[Analyze grammar]

vārāhaṃ yajñapuruṣaṃ puṃḍarīkākṣamacyutam |
vāmanaṃ śrīdharaṃ kṛṣṇaṃ nṛsiṃhamaparājitam || 20 ||
[Analyze grammar]

padmanābhamajaṃ śrīśaṃ dāmodaramadhokṣajam |
sarveśvareśvaraṃ śuddhamanaṃtaṃ viśvarūpiṇam || 21 ||
[Analyze grammar]

cakriṇaṃ gadinaṃ śāṃtaṃ śaṃkhinaṃ garuḍadhvajam |
kirīṭakaustubhadharaṃ praṇamāmyahamavyayam || 22 ||
[Analyze grammar]

ahamasmi jagannātha mayi vāsaṃ kuru drutam |
āvayoraṃtaraṃ māstu samīrākāśayoriva || 23 ||
[Analyze grammar]

ayaṃ viṣṇurayaṃ śaurirayaṃ kṛṣṇaḥ puro mama |
nīlotpaladalaśyāmaḥ padmapatrāyatekṣaṇaḥ || 24 ||
[Analyze grammar]

eṣa paśyatu māmīśaḥ paśyāmyahamadhokṣajam |
itthaṃ japedekamanāḥ smaransarveśvaraṃ harim || 25 ||
[Analyze grammar]

āsīta sukhaduḥkheṣu samo mitrāhiteṣu ca |
oṃ namo vāsudevāya ityetatsatataṃ japet || 26 ||
[Analyze grammar]

yathāyathā bhavetkāmastathā tannāmakīrtayet |
dhyāyecca devadeveśaṃ viṣṇo rūpaṃ manoramam || 27 ||
[Analyze grammar]

prasannanetrabhrūcakraśaṃkhacakragadādharam |
śrīvakṣasaṃ sumanasaṃ caturvaktraṃ kirīṭinam || 28 ||
[Analyze grammar]

pītāṃbaradharaṃ kṛṣṇaṃ cārukeyūradhāriṇam |
ciṃtayettu sadārūpaṃ manaḥ kṛtvaikaniścayam || 29 ||
[Analyze grammar]

yādṛśe vā manaḥ sthairyaṃ rūpe badhnāti cakriṇaḥ |
tadeva ciṃtayedrūpaṃ vāsudeveti kīrtayet || 30 ||
[Analyze grammar]

itthaṃ japansmarannityaṃ svarūpaṃ paramātmanaḥ |
aprāṇaparamodārastaccittastatparāyaṇaḥ || 31 ||
[Analyze grammar]

sarvapātakayukto'pi puruṣaḥ puruṣarṣabha |
prayāti devadeveśe layamīḍyatamecyute || 32 ||
[Analyze grammar]

yathāgnistṛṇa jātāni dahatyanilasaṃgataḥ |
tathānaśanasaṃkalpaḥ puṃsāṃ pāpamasaṃśayam || 33 ||
[Analyze grammar]

yudhiṣṭhira uvāca |
utkrāṃtikāle bhūtānāṃ muhyaṃti cittavṛttayaḥ |
jarāvyādhivihīnānāṃ kimuta vyādhidoṣiṇām || 34 ||
[Analyze grammar]

atyaṃtavayasā dagdho vyādhinā copapīḍitaḥ |
yadi sthātuṃ na śaknoti kṣitistho darbhasaṃstare || 35 ||
[Analyze grammar]

kimapyanyopyupāyo'sti na vānaśanakarmaṇi |
vaikalyaṃ yena nāpnoti tanme brūhi janārdana || 36 ||
[Analyze grammar]

tvayoktaṃ bhagavandhyānaṃ tadbrūhi mama tattvataḥ |
dhyānasvarūpamakhilaṃ kathayasva janārdana || 37 ||
[Analyze grammar]

śrīkṛṣṇa uvāca |
nātra bhūmirna ca kuśāḥ svāstarāśca na kāraṇam |
cittasyālaṃ vanībhūto viṣṇurevātra kāraṇam || 38 ||
[Analyze grammar]

tiṣṭhanbhuñjansvapangacchaṃstathā dhāvannitastataḥ |
utkrāṃtikāle govindaṃ saṃsmaraṃstanmayo bhavet || 39 ||
[Analyze grammar]

yaṃ yañcāpi smaranbhāvaṃ tyajanyante kalevaram |
taṃ tamevaiti kaunteya sadā tadbhāvabhāvitaḥ || 40 ||
[Analyze grammar]

tasmātpradhānamaṃtroktaṃ vāsudevasya cintanam |
yadyatpṛṣṭaṃ tvayā dhyānaṃ tadeva kathayāmi te || 41 ||
[Analyze grammar]

purā me kathitaṃ pārtha mārkaṃḍeyena dhīmatā || 42 ||
[Analyze grammar]

rājyopabhogaśayanāsanavāhaneṣu strīgaṃdhamālyamaṇivastravibhūṣaṇeṣu |
icchābhilāṣamatimātramudeti mohāddhyānaṃ tadāttamiti saṃpravadaṃti tajjñāḥ || 43 ||
[Analyze grammar]

saṃchedanairdahanatāḍanapīḍanaiśca gātraprahāradamanairvinikartanaiśca |
yasyeha cetasi hi yāti na cānukaṃpā dhyānaṃ tu raudramiti tatpravadaṃti tajjñāḥ || 44 ||
[Analyze grammar]

sūtrārthamārgaṇamahāvratabhāvanābhirbaṃdhapramokṣagatirāgatihetu cintā |
pañcendriyādyupaśamaśca śamaśca bhūterdhyānaṃ tu dharmyamiti tatpravadaṃti saṃtaḥ || 45 ||
[Analyze grammar]

yasyendriyāṇi viṣayairna vivarjitāni saṅkalpanātmaja vikalpavikārayogaiḥ |
tatvekaniṣṭhahṛdayo nibhṛtāṃtarātmā dhyānaṃ tu śuklamiti tatpravadaṃti siddhāḥ || 46 ||
[Analyze grammar]

ādye tiryagadhogatiśca niyataṃ dhyāne tu raudre sadā dharmye devagatiḥ śubhaṃ phalamahośukle ca janmakṣayaḥ |
tasmājjanmarujāpahe hitatare saṃsāranirvāhake dhyāne śuklatare rajaḥpramathane kuryātprayatnaṃ budhaḥ || 47 ||
[Analyze grammar]

samāḥ sahasrāṇi tu sapta vai jale daśaikamagnau pavane ca ṣoḍaśa |
gavāṃ gṛhe ṣaṣṭiraśītirāhave anāśane bhārata cākṣayā gatiḥ || 48 ||
[Analyze grammar]