Chapter 110

yudhiṣṭhira uvāca |
yadi kartuṃ na śaknoti vrataṃ nakṣatrapauruṣam |
gṛhītaṃ rabhasā kṛṣṇa hyanyadvā vratamuttamam || 1 ||
[Analyze grammar]

saṃpūrṇaṃ jāyate yena yadacīrṇaṃ purā sthitam |
kuru prasādaṃ guhyārthametanme vaktumarhasi || 2 ||
[Analyze grammar]

śrīkṛṣṇa uvāca |
sādhusādhu mahābāho kururāja yudhiṣṭhira |
rahasyānāṃ rahasyaṃ te kathayāmi vratottamam || 3 ||
[Analyze grammar]

sampūrṇaṃ nāma taccāpi vrataṃ samyakphalapradam |
yaccīrṇaṃ naranārībhirbhavetsaṃpūrṇakārakam || 4 ||
[Analyze grammar]

avaśyaṃ tacca kartavyamakṣīṇaphalakāṃkṣibhiḥ |
kiñcidbhagnaṃ pramādena yadgataṃ vratināṃ sthitam |
tatsaṃpūrṇaṃ bhavetsarvaṃ vratenānena pāṇḍava || 5 ||
[Analyze grammar]

upadravairbahuvidhairmadānmohācca pārthiva |
yadbhagnaṃ kiñcideva syādvrataṃ vipravināyakaiḥ |
tatsaṃpūrṇaṃ bhavetpārtha satyaṃsatyaṃ na saṃśayaḥ || 6 ||
[Analyze grammar]

kāṃcanaṃ raupyakaṃ rūpaṃ śilpinā taddhaṭāpayet |
bhagnavrate tu yo devastatsvarūpaṃ sunirmitam || 7 ||
[Analyze grammar]

rūpaṃ strīpuṃsayorvāpi prārabdhaṃ yadvrate kila |
navaniṣpāditaṃ kiñciddaivātsarvaṃ tathotthitam || 8 ||
[Analyze grammar]

dvibhujaṃ paṅkajārūḍhaṃ saumyaprahasitānanam |
niṣpāditaṃ śilpabhāvāttasminneva dinedine || 9 ||
[Analyze grammar]

tanmāse ca punaḥ prāpte brāhmaṇo vidhinā gṛhe |
snāpayetpayasā dadhnā ghṛtakṣīrarasāṃbubhiḥ || 10 ||
[Analyze grammar]

gaṃdhacaṃdanapuṣpaiśca carcayetkuṃkumādinā |
toyapūrṇasya kumbhasya pṛthvyāṃ vinyasya caṃdanaiḥ || 11 ||
[Analyze grammar]

dhūpadīpākṣatairvastrai ratnairapyupahārakaiḥ |
arghyaṃ dadyācca tannāmnā maṃtreṇānena pāṃḍava || 12 ||
[Analyze grammar]

upasannasya dīnasya prāyaścittakṛtāñjaleḥ |
śaraṇaṃ ca prapannasya kuruṣvādya dayāṃ prabho || 13 ||
[Analyze grammar]

paratra bhayabhītasya bhagnakhaṇḍavratasya ca |
kuru prasādaṃ saṃpūrṇaṃ vrataṃ saṃpūrṇamastu me || 14 ||
[Analyze grammar]

tapaśchidraṃ vratacchidraṃ yacchidraṃ bhagnake vrate |
tava prasādāddeveśa sarvamacchidramastu naḥ || svāhā || 15 ||
[Analyze grammar]

pūrvato dakṣiṇataḥ paścimata uttarataḥ |
vidikṣu coparyyadhastāddikpālebhyo namonamaḥ || 16 ||
[Analyze grammar]

idamarghyamidaṃ pādyaṃ naivedyaṃ te namonamaḥ |
evaṃ procya tataḥ pādau jānunī kaṭiśīrṣake || 17 ||
[Analyze grammar]

vakṣaḥkukṣidṛṣṭipṛṣṭhabāhvaṃsāṃkaśiroruhān |
pūjayettasya devasya tataḥ paścātkṣamāpayet || 18 ||
[Analyze grammar]

pūjitastvaṃ yathāśaktyā namaste'stu surottama |
aihikāmuṣmikīṃ nātha kāryasiddhiṃ diśasva me || 19 ||
[Analyze grammar]

evaṃ kṣamāpayitvā tu devarūpaṃ vidhānataḥ |
tato dvijasya kaunteya vidhijñasyopapādayet || 20 ||
[Analyze grammar]

sthitvā pūrvamukho vipro gṛhṇīyāddarbhapāṇinā |
viprasya haste yacchecca dātā vai cottarāmukhaḥ |
maṃtreṇānena kauṃteya sopavāsaḥ prayatnataḥ || 21 ||
[Analyze grammar]

idaṃ vrataṃ mayā khaṃḍaṃ kṛtamāsītpurā dvija |
bhagavaṃstvaprasādena saṃpūrṇaṃ tadihāstu me || 22 ||
[Analyze grammar]

brāhmaṇo'pi pratīcchettu maṃtreṇānena tadvratam |
vāksaṃpūrṇaṃ manaḥpūrṇaṃ pūrṇaṃ kāyavratena te |
saṃpūrṇasya prasādena bhava pūrṇamanorathaḥ || 23 ||
[Analyze grammar]

brāhmaṇā yatprabhāṣaṃte hyanumodaṃti devatāḥ |
sarvadevamayā viprā naitadvacanamanyathā || 24 ||
[Analyze grammar]

jaladhiḥ kṣāratāṃ nītaḥ pāvakaḥ sarvabhakṣatām |
sahasranetraḥ śakro'pi kṛto viprairmahātmabhiḥ || 25 ||
[Analyze grammar]

brāhmaṇānāṃ tu vacanādbrahmahatyā praṇaśyati |
aśvamedhaphalaṃ sāgraṃ prāpyate nātra saṃśayaḥ || 26 ||
[Analyze grammar]

vyāsavālmīkivacanādbrāhmaṇavacanācca gargagautama parāśaradhaumyāṃgirasavāṣṭhināradādimunivacanātsaṃpūrṇaṃ bhavatu te vratam || 27 ||
[Analyze grammar]

evaṃvidhavidhānena gṛhītvā brāhmaṇo vrajet |
taddānaṃ preṣayetsa brāhmaṇasya gṛhe svayam |
tataḥ paṃca mahāyajñānnirvapedbhojanādi ca || 28 ||
[Analyze grammar]

evaṃ yaḥ kurute bhaktyā vratametatsakṛttathā |
tasya saṃpūrṇatāṃ yāti tadvrataṃ yatpurā sthitam || 29 ||
[Analyze grammar]

khaṃḍaṃ saṃpūrṇatāṃ yāti prasanne vratadaivate |
saṃpūrṇaṃ ca tataḥ kṛtvā saṃpūrṇāṃgo bhavedvratī || 30 ||
[Analyze grammar]

bhogī bhavyo lasatkīrtiḥ sva saṃpūrṇamanorathaḥ |
sthitvā varṣaśataṃ martye tataḥ svarge'maro bhavet || 31 ||
[Analyze grammar]

yatheṣṭaceṣṭācārī ca brahmaviṣṇvindrapūjitaḥ |
svargaloke ciraṃ sthitvā punarmokṣamavāpnuyāt || 32 ||
[Analyze grammar]

prāyaścittamidaṃ proktaṃ purā gargeṇa me prabho |
gokule gokulākīrṇe mayā bālye'pyupoṣitam || 33 ||
[Analyze grammar]

evaṃ tvamapi kauṃteya cara saṃpūrṇakaṃ vratam || 34 ||
[Analyze grammar]

bhagnāni yāni madamohavaśādgṛhītvā janmāntareṣvapi nareṇa samatsareṇa |
saṃpūrṇapūjanaparasya puro bhavaṃti sarvavratāni paripūrṇaphalapradāni || 35 ||
[Analyze grammar]