Chapter 104

śrīkṛṣṇa uvāca |
pañcadaśyāṃ śuklapakṣe phālgunasya narottama |
pākhaṃḍānpatitāṃścaiva tathaivāntyāvasāyinaḥ || 1 ||
[Analyze grammar]

nāstikānbhinnavṛttāṃśca pāpino naiva cālapet |
nārāyaṇe gatamanāḥ puruṣo hi jitendriyaḥ || 2 ||
[Analyze grammar]

tiṣṭhanvrajanpraskhalanvā bhuṃjānopi janārdanam |
kīrtayecca kriyākāle saptakṛtvo mahīpate || 3 ||
[Analyze grammar]

lakṣmyā samanvitaṃ devamarcayecca janārdanam |
saṃdhyādyuparame candrasvarūpaṃ harimīśvaram |
rātrau ca lakṣmīṃ saṃcintya samyagargheṇa pūjayeta || 4 ||
[Analyze grammar]

śrīniśākararūpastvaṃ vāsudeva jagatpate |
manobhilaṣitaṃ deva pūrayasva namonamaḥ || 5 ||
[Analyze grammar]

maṃtreṇānena dattvārghaṃ devadevasya bhaktitaḥ |
naktaṃ bhuñjīta na svairaṃ tailakṣāravivarjitam || 6 ||
[Analyze grammar]

tathaiva caitre vaiśākhe jyeṣṭhe ca nṛpasattama |
arcayecca yathāproktaṃ māsimāsi ca taddine || 7 ||
[Analyze grammar]

niṣpāditaṃ bhavedekaṃ pāraṇaṃ pārtha śaktitaḥ |
dvitīyaṃ cāpi vakṣyāmi pāraṇaṃ te narottama || 8 ||
[Analyze grammar]

āṣāḍhe śrāvaṇe māsi prāpte bhādrapade tathā |
tathaivāśvayujebhyarcya śrīdharaṃ priyayā saha |
arghaṃ candramase dattvā bhuñjātātha yathāvidhi || 9 ||
[Analyze grammar]

dvitīyametadākhyātaṃ tṛtīyaṃ pāraṇaṃ śṛṇu |
kārtikādiṣu māseṣu tathaivābhyarcya keśavam |
bhūtyā samanvitaṃ dadyācchaśāṃkāya tathā niśi || 10 ||
[Analyze grammar]

bhuñjīta ca yathākhyātaṃ tṛtīyaṃ pāraṇaṃ śṛṇu |
pratipūjya tato dadyādbrāhmaṇebhyaśca dakṣiṇām |
pratimāsaṃ ca vakṣyāmi prāśanaṃ kāyaśuddhaye || 11 ||
[Analyze grammar]

caturaḥ prathamānmāsānpañcagavyamudāhṛtam |
kuśodakaṃ tathaivānyaduktaṃ māsacatuṣṭayam || 12 ||
[Analyze grammar]

sūryāṃśutaptaṃ tadvacca jalaṃ kāyaviśodhanam |
gītavādyādikaṃ rātrau tathā kṛṣṇakathāṃ śubhām |
kārayeccaiva devasya pāraṇepāraṇe gate || 13 ||
[Analyze grammar]

janārdanaṃ sapatnīkamarcayetprathamaṃ tataḥ |
saśrīkaṃ śrīdharaṃ tadvattṛtīye bhūtikeśavau || 14 ||
[Analyze grammar]

pratimāsaṃ tu nāmāni kṛṣṇasyaitāni bhārata |
kṛtopavāsaḥ susnātaḥ pūjayitvā janārdanam |
uccārayannaro yāti yathālokaṃ yathāsukham || 15 ||
[Analyze grammar]

tato viprāya vai dadyādudakuṃbhaṃ sadakṣiṇam |
upānadvastrayugmaṃ ca cchatraṃ kanakameva ca || 16 ||
[Analyze grammar]

yadvai māsagataṃ nāma prīyatāmiti kīrtayet |
keśavaṃ mārgaśīrṣe tu pauṣe nārāyaṇaṃ tathā || 17 ||
[Analyze grammar]

mādhavaṃ māghamāse tu govindamapi phālgune |
caitramāse tathā viṣṇuṃ vaiśākhe madhusūdanam || 18 ||
[Analyze grammar]

jyeṣṭhe trivikramo jñeyastathāṣāḍhe ca vāmanaḥ |
śrīdharaḥ śrāvaṇe tadvaddhṛṣīkeśeti cāparam || 19 ||
[Analyze grammar]

rāmo bhādrapade māsi gīyate puṇyakāṃkṣibhiḥ |
padmanābhamāśvayuji dāmodaramataḥ param || 20 ||
[Analyze grammar]

kārtike devadeveśaṃ stuvaṃstarati durgatim |
evaṃ saṃvatsarasyāṃte pratimāse kramoditam |
yadi dātuṃ na śaknoti dadyāccaivaikahelayā || 21 ||
[Analyze grammar]

viśeṣaścātra kathitaścandraṃ kṛtvā hiraṇmayam |
pūjayitvā phalairvastrairbrāhmaṇāya nivedayet || 22 ||
[Analyze grammar]

stuvannevaṃ vidhānena pāraṇe'bhyarcayetprabhum |
tāvaṃti janmānyasukhaṃ nāpnotīṣṭaviyogajam || 23 ||
[Analyze grammar]

ihaiva svasthatāṃ prāpya maraṇe smaraṇaṃ tataḥ |
sthānaṃ tu mama saṃprāpya svargaloke mahīyate || 24 ||
[Analyze grammar]

tato mānuṣyamāsādya nirātaṃko gatajvaraḥ |
dhanadhānyavati sphīte janma sādhukulerhati || 25 ||
[Analyze grammar]

śrīśarvarī madhuni hā bhagavāñchaśāṃkaḥ saṃkalpya candanatilākṣatapuṣpamiśram |
yacchaṃti ye'rghamanayā nṛpa pūrṇimāyāṃ nūnaṃ bhavaṃti paripūrṇamanorathāste || 26 ||
[Analyze grammar]