Chapter 98

śrīkṛṣṇa uvāca |
tathā sarvaphalatyāgamāhātmyaṃ śṛṇu bhārata |
yadakṣayaṃ pare loke sarvakāmaphalapradam || 1 ||
[Analyze grammar]

mārgaśīrṣe śubhe māsi caturdaśyāṃ dhṛtavrataḥ |
āraṃbhe śuklapakṣasya kṛtvā brāhmaṇavācanam || 2 ||
[Analyze grammar]

anyeṣvapi tu māseṣu aṣṭamyāṃ narasattama |
sadakṣiṇāpāyasena śaktitaḥ pūjayeddvijān || 3 ||
[Analyze grammar]

aṣṭādaśānāṃ dhānyānāmanyatra phalamūlakam |
varjayedabdamekaṃ tu vidhinauṣadhakārakam || 4 ||
[Analyze grammar]

tataḥ saṃvatsarasyāṃte caturdaśyaṣṭamīṣu ca |
aśaktaśca vrataṃ kartuṃ sahasaiva pramucyate || 5 ||
[Analyze grammar]

sauvarṇaṃ kārayedrudraṃ dharmarājaṃ tathaiva ca |
kūṣmāṇḍaṃ mātuluṃgaṃ ca vṛṃtākaṃ panasaṃ tathā || 6 ||
[Analyze grammar]

āmrāmrātakapitthaṃ ca kaliṃgaṃ servavārukam |
śrīphalaṃ savaṭāśvatthaṃ jaṃbīraṃ kadalīphalam || 7 ||
[Analyze grammar]

badaraṃ dāḍimaṃ śaktyā kāryāṇyetāni ṣoḍaśa |
mūlakāmalakaṃ jaṃbūpuṣkaraṃ karamardakam || 8 ||
[Analyze grammar]

uduṃbaraṃ nālikeraṃ drākṣā ca bṛhatīdvayam |
kaṃkālī kākatuṃḍīraṃ karīrakuṭajaṃ śamī || 9 ||
[Analyze grammar]

raupyāṇi kārayecchaktyā phalānīmāni ṣoḍaśa |
tāmraṃ tālaphalaṃ kuryādagastyaphalameva vā || 10 ||
[Analyze grammar]

piṃḍīrakaṃ ca kharjūraṃ tathā sūraṇa kaṃdakam |
panasaṃ lakucaṃ caiva karkaṭaṃ tiṃtiḍiṃ tathā || 11 ||
[Analyze grammar]

citrāvallīphalaṃ tadvatkūṭaśālmalikāphalam |
madhūkaṃ kāravellaṃ ca vallīṃ gudapaṭola kam || 12 ||
[Analyze grammar]

kārayecchaktito dhīmānphalānyetāni ṣoḍaśa |
udakuṃbhadvayaṃ kuryādānyopari savāsasam |
pakṣapātradvayopetaṃ yamarudrasamanvitam || 13 ||
[Analyze grammar]

dhenvā sahaiva śāṃtāya viprāyātha kuṭuṃbine |
sapatnīkāya saṃpūjya puṇyehani nivedayet || 14 ||
[Analyze grammar]

yathā phaleṣu sarveṣu vasaṃtyamarakoṭayaḥ |
tathā sarvaphalatyāgācchive bhaktiḥ sadāstu me || 15 ||
[Analyze grammar]

yathā śivaśca dharmaśca sadānantaphalapradau |
tadyuktaphaladānena tau syātāṃ me varapradau || 16 ||
[Analyze grammar]

yathā phalānāṃ kāmasya śivabhaktasya sarvadā |
yathānaṃtaphalāvāptirastu janmanijanmani || 17 ||
[Analyze grammar]

yathā bhedaṃ na paśyāmi śivaviṣṇvarkapadmajām |
tathā mamāstu viśvātmā śaṅkaraḥ śaṃkaraḥ sadā || 18 ||
[Analyze grammar]

ityuccārya ca tatsarvamalaṃkṛtya vibhūṣaṇaiḥ |
śaktaścecchayanaṃ dadyātsarvopaskarasaṃyutam |
aśaktastu phalānyeva yathoktāni vidhānataḥ || 19 ||
[Analyze grammar]

tathodakuṃbhasahitau śivadharmau ca kāṃcanau |
viprāya dattvā bhuñjīta tailakṣāravivarjitam |
anyānapi yathā śaktyā bhojayeddvijapuṅgavān || 20 ||
[Analyze grammar]

na śaknoti vihātuṃ cetsarvāṇyapi phalānyuta |
ekameva parityajya taditthaṃ pratipādayet || 21 ||
[Analyze grammar]

etattyāgavratānāṃ tu gave vaiṣṇavayoginām |
śastaṃ sarvaphalatyāgaṃ vrataṃ vedavido viduḥ |
nārībhiśca yathāśaktyā kartavyaṃ rājasattama || 22 ||
[Analyze grammar]

naitasmādaparaṃ kiñcidiha loke paratra ca |
vratamasti muniśreṣṭha yadannaṃ tatphalapradam || 23 ||
[Analyze grammar]

sauvarṇaraupyatāmreṣu yāvaṃtaḥ paramāṇavaḥ |
bhavaṃti cūryamāṇeṣu phaleṣu nṛpasattama |
tāvadyugasahasrāṇi rudraloke mahīyate || 24 ||
[Analyze grammar]

etatsamastakaluṣāpaharaṃ janānāmājīvanāya manujeśvara sarvadā syāt |
janmāntareṣvapi na putrakalatraduḥkhamāpnoti dhāma sa puraṃdarajuṣṭameva || 25 ||
[Analyze grammar]

yo vā śṛṇoti puruṣolpadhano naro vā yo brāhmaṇastu bhavaneṣu ca dhārmikāṇām |
pāpairvimuktaśca paratra puraṃ murārerānaṃdakṛtparamupaiti narendra sopi || 26 ||
[Analyze grammar]