Chapter 76

śrīkṛṣṇa uvāca |
dvādaśyāste vidhiḥ proktaḥ śrāvaṇe yo yudhiṣṭhira |
sarvapāpapraśamanaḥ sarvasaukhyapradāyakaḥ || 1 ||
[Analyze grammar]

ekādaśī yadā sā syācchravaṇena samanvitā |
vijayā sā tithiḥ proktā bhaktānāṃ vijayapradā || 2 ||
[Analyze grammar]

balavānajito daityo balirnāmā mahābalaḥ |
tena devagaṇāḥ sarve tyājitāḥ suramaṃdiram |
tato devā mahāviṣṇuṃ gatvā vacanamūcire |
tvaṃ gatiḥ sarvadevānāṃ śīghraṃ kaṣṭātsamuddhara || 4 ||
[Analyze grammar]

jahi daityaṃ mahābāho baliṃ balaniṣūdana |
śrutvā viṣṇustadā vākyaṃ devānāṃ karuṇodayam || 5 ||
[Analyze grammar]

uvāca vākyaṃ kālajño devānāṃ hitakāmyayā |
jāne vairocaniṃ daityaṃ baliṃ trailokyakaṇṭakam || 6 ||
[Analyze grammar]

tapasā bhāvitātmānaṃ śāntaṃ dāntaṃ jitendriyam |
madbhaktaṃ madgataprāṇaṃ satyasandhaṃ mahābalam |
tapasontaḥ subahunā kāle nāsya bhaviṣyati || 7 ||
[Analyze grammar]

yadā vinayasampannaṃ jñāsye kālena kenacit |
samāhṛtya priyaṃ tasya tadā dāsye divaukasām || 8 ||
[Analyze grammar]

aditirmāṃ prapannā vai putrārthe putralobhinī |
tasyāmatihitaṃ devāḥ kariṣye nātra saṃśayaḥ || 9 ||
[Analyze grammar]

taddevānāṃ hitaṃ sarve cāhitaṃ tu suradviṣām |
tadgacchadhvaṃ nirudvignāḥ kālaḥ kaścitpratīkṣyatām || 10 ||
[Analyze grammar]

evamuktā gatā devāḥ kāryaṃ viṣṇuraciṃtayat |
sā cintayitvā suciraṃ devyā garbhāvatāraṇam |
aditirvarayāmāsa vāṃchitaṃ me bhaviṣyati || 11 ||
[Analyze grammar]

atha kāle bahutithe gate sā garbhiṇī hyabhūt |
suṣuve navame māsi putraṃ sā vāmanaṃ harim || 12 ||
[Analyze grammar]

hrasvapādaṃ hrasvakāyaṃ mahacchirasamarbhakam |
pāṇipādodarakṛśaṃ svayaṃ nārāyaṇaṃ harim || 13 ||
[Analyze grammar]

dṛṣṭvā tu vāmanaṃ jātaṃ yadi sā vaktumudyatā |
niruddhavākyā hyabhavadvaktuṃ kiṃcinna pāritam || 14 ||
[Analyze grammar]

ekādaśyāṃ bhādrapade śravaṇena narottama |
saṃcacāla mahī jāte vāmane tu trivikrame || 15 ||
[Analyze grammar]

bhayaṃ babhūva daityānāṃ devānāṃ toṣa ābhavat |
jātakarmādikāṃstasya saṃskārānsvayameva hi || 16 ||
[Analyze grammar]

cakāra kaśyapo dhīmānprajāpatiranudyataḥ |
ābaddhamekhalo daṃḍī dhṛtvā yajñopavītakam || 17 ||
[Analyze grammar]

kuśasvacchodakadharaḥ kamaṃḍaluvibhūṣitaḥ |
balerbalavato yajñaṃ jagāma bahuvistaram || 18 ||
[Analyze grammar]

dṛṣṭvā balimathovāca vāmano'bhyetya tatkṣaṇam |
atha cāha yajñapate dīyatāṃ mama medinī || 19 ||
[Analyze grammar]

pādatrayapramāṇena paṭhanārthe sthito hyasi |
dattādattā tava mayā baliḥ prāha dvijottamam || 20 ||
[Analyze grammar]

tato varddhitumārabdho vāmano'naṃtavikramaḥ |
pādau bhūmau pratiṣṭhāpya śirasāvṛtya rodasī || 21 ||
[Analyze grammar]

tābhyāmiṃdrādikāṃllokāṃllalāṭe brahmaṇaḥ padam |
na tṛtīya padaṃ lebhe tato nedurdivaukasaḥ || 22 ||
[Analyze grammar]

taddṛṣṭvā mahadāścaryaṃ siddhā devarṣayastathā |
sādhusādhviti deveśaṃ praśaśaṃsurmudānvitāḥ || 23 ||
[Analyze grammar]

tato daityagaṇānsarvāñjitvā tribhuvanaṃ vaśī |
balimāha tato gaccha sutalaṃ svabalānugaḥ || 24 ||
[Analyze grammar]

tatra tvamīpsitānbhogānbhuktvā madbāhupālitaḥ |
asyeṃdrasyāvasāne tu tvamevendro bhaviṣyasi || 25 ||
[Analyze grammar]

evamukto baliḥ prāyānnamaskṛtya narottamam |
visṛjyemaṃ baliṃ devānsakalānsa uvāca ha || 26 ||
[Analyze grammar]

svāni dhiṣṇyāni gacchadhvaṃ tiṣṭhadhvaṃ vigata jvarāḥ |
devenoktā gatā devā hṛṣṭāḥ saṃpūjya vāmanam || 27 ||
[Analyze grammar]

devaḥ kṛtvā jagatkāryaṃ tatraivāṃtarddhimāgamat |
etatsarvaṃ samabhavadekādaśyāṃ narādhipa || |
teneṣṭā devadevasya sarvadā vijayā tithiḥ || 28 ||
[Analyze grammar]

eṣā vai phālgune māsi puṣyeṇa sahitā nṛpa |
vijayā procyate sadbhiḥ koṭikoṭiguṇottarā || 29 ||
[Analyze grammar]

ekādaśyāṃ sopavāso rātrau saṃpūjayeddharim |
raupye sauvarṇapātre vā dāruvaṃśamaye'pi vā || 30 ||
[Analyze grammar]

kuṃḍikāṃ sthāpayetpārśve chatraṃ vai pāduke tathā |
śubhāṃ ca vaiṣṇavīṃ yaṣṭiṃ tathā sūtrakamaḍalū || 31 ||
[Analyze grammar]

ācchādya pātraṃ vāsobhiḥ phalaiścāpi suśobhanaiḥ |
mārgacārmaṇagandhaiśca bhaktyā vā mṛgacarmaṇā || 32 ||
[Analyze grammar]

tilāḍhakena vittāḍhyaḥ prasthena kuḍavena vā |
vrīhibhirvātha godhūmaiḥ phalaiḥ śuklatilairbhavet || 33 ||
[Analyze grammar]

puṣpairgaṃdhairdhūpadīpaiḥ pakvānnai rarcayeddharim |
nānāvidhaiśca naivedyairbhakṣyabhojyairguḍaudanaiḥ || 34 ||
[Analyze grammar]

svasvavittānusāreṇa sahiraṇyaṃ ca kārayet |
maṃtraiḥ śataguṇaṃ caiva bhaktyā lakṣa guṇottaram |
bhaktimāṃśca guṇopetaṃ koṭikoṭiguṇottaram || 35 ||
[Analyze grammar]

ebhirmaṃtrapadaistatra pūjayedgaruḍadhvajam |
upahārairnaraśreṣṭha śucirbhūtvā samāhitaḥ || 36 ||
[Analyze grammar]

oṃ jalajopamadehāya jalajāsyāya śaṃkhine |
jalarāśisvarūpāya namaste puruṣottama || 37 ||
[Analyze grammar]

namaḥ kamalanābhāya namaste jala śāyine |
namaste keśavānaṃta vāsudeva namo'stu te || 38 ||
[Analyze grammar]

malayeṣu samutpannaṃ gandhāḍhayaṃ sumanoharam |
mayā niveditaṃ tubhyaṃ gṛhāṇa parameśvara || 39 ||
[Analyze grammar]

vanaspatisamutpannaṃ gandhāḍhyaṃ sumanoharam |
mayā niveditaṃ puṣpaṃ gṛhāṇa puruṣottama || 40 ||
[Analyze grammar]

namaḥ kamalakiṃjalkapītanirmalavāsase |
manoharavapuḥskandhadhṛtacakrāya śārṅgiṇe || 41 ||
[Analyze grammar]

matsyaḥ kūrmo varā haśca nārasiṃhaśca vāmanaḥ |
rāmo rāmaśca kṛṣṇaśca nāmabhirvāmanāya te |
pādādyaikaikāṃgasya pūjanaṃ śīrṣagaṃ tataḥ || 42 ||
[Analyze grammar]

dhūpo'yaṃ devadeveśa śaṃkhacakragadādhara |
acyutānaṃta govinda vāsudeva namo'stu te || 43 ||
[Analyze grammar]

tvameva pṛthivī jyotirvāyurākāśameva ca |
tvameva jyotiṣāṃ jyotirdīpo'yaṃ pratigṛhyatām || 44 ||
[Analyze grammar]

annaṃ caturvidhaṃ svādu rasaiḥ ṣaḍbhiḥ samanvitam |
bhakṣyabhojyasamāyuktaṃ prasīda parameśvara || 45 ||
[Analyze grammar]

annaṃ prajāpatirviṣṇū rudreṃdraśaśibhāskarāḥ |
annaṃ tvaṣṭā yamo'gniśca pāpaṃ haratu me'vyayaḥ || 46 ||
[Analyze grammar]

jagadādirjagadūpamanādirjagadaṃtakṛt |
jalāśayo jagadyoniḥ prīyatāṃ me janārdanaḥ || 47 ||
[Analyze grammar]

anekakarmanirbaṃdhadhvaṃsinaṃ jala śāyinam |
nato'smi mathurāvāsaṃ mādhavaṃ madhusūdanam || 48 ||
[Analyze grammar]

namo vāmanarūpāya namaste'stu trivikrama |
namaste maṇibandhāya vāsudeva namo'stu te || 49 ||
[Analyze grammar]

namo namaste govinda vāmaneśa trivikrama || 50 ||
[Analyze grammar]

aghaughasaṃkṣayaṃ kṛtvā sarvakāmaprado bhava || 51 ||
[Analyze grammar]

sarvagaḥ sarvadeveśaḥ śrīdharaḥ śrīniketanaḥ |
viśveśvaraśca viṣṇuśca śrīśāyī ca namonamaḥ || 52 ||
[Analyze grammar]

evaṃ saṃpūjya yo rātrāvekādaśyāṃ nṛpottama |
jāgaraṃ tatra kurvīta gītavāditranisvanaiḥ || 53 ||
[Analyze grammar]

yā ca śravaṇasaṃyuktā dvādaśī paramā tithiḥ |
tasyāṃ ca saṃgame snātvā sarvapāpaiḥ pramucyate || 54 ||
[Analyze grammar]

evaṃ saṃpūjya yatnena prabhāte vimale sati |
pradeyaṃ śāstraviduṣe brāhmaṇāya ca maṃtrataḥ || 55 ||
[Analyze grammar]

brāhmaṇaścāpi mantreṇa pratigṛhṇīta maṃtravat |
vāmano'sya pratigrāhī vāmanāya namonamaḥ || 56 ||
[Analyze grammar]

oṃ guhye | oṃ śirasi | oṃ pādayoḥ | oṃ nābhau || oṃ bhujayoḥ | oṃ sarvāṃge | sarvātmane namaḥ |
puṣpaṃ phalaṃ ca naivedyaṃ sarvametadyathāvidhi |
naro dadyādupoṣyaivamekādaśyāṃ samaṃtrakam || 57 ||
[Analyze grammar]

pūrvoktavidhinā prātarbhojanaṃ pṛṣadājyakam |
pūrvaṃ dattvā brāhmaṇebhyaḥ paścādbhuñjīta vāgyataḥ || 58 ||
[Analyze grammar]

bhūyobhūyo'pi rājeṃdra sarvatraivaṃ vidhiḥ smṛtaḥ |
samāpte tu vrate rājanyatpuṇyaṃ tannibodha me || 59 ||
[Analyze grammar]

caturyugāni rājeṃdra ekasaptatisaṃkhyayā |
prāpya viṣṇupure rājankrīḍate kālamakṣayam || 60 ||
[Analyze grammar]

ihāgatya bhavedrājā pratipakṣakṣayaṃkaraḥ |
hastyaśvarathapattīnāṃ dātā bhoktā vimatsarī || 61 ||
[Analyze grammar]

rūpasaubhāgyasaṃpanno dīrghāyurnīrujo bhavet |
putraiḥ parivṛto jīvo jīvecca śaradaḥ śatam || 62 ||
[Analyze grammar]

etasyāḥ phalamākhyātamekādaśyā mayā tava |
pūrvameva samākhyātā dvādaśī śravaṇānvitā || 63 ||
[Analyze grammar]

upoṣyaikādaśīṃ paścāddvādaśīmapyupoṣayet |
na cātra vidhilopaḥ syādubhayordevatā hariḥ || 64 ||
[Analyze grammar]

budhaśravaṇasaṃyuktā dvādaśī saṃgamodakam |
dānaṃ dadhyodanaṃ satyamupavāsaḥ paro vidhiḥ || 65 ||
[Analyze grammar]

sagareṇa kakutsthena dhuṃdhumāreṇa gādhinā |
etaiścānyaiśca rājeṃdra kṛtaṃ vai dvādaśīvratam || 66 ||
[Analyze grammar]

sā dvādaśī budhayutā śravaṇena sākaṃ syādvai jayāya kathitā ṛṣibhirnabhasye |
tāmādareṇa samupoṣya naro'maratvaṃ prāpnoti pārtha aṇimādiguṇopapannam || 67 ||
[Analyze grammar]