Chapter 12

śrīkṛṣṇa uvāca |
atha pāpāpahaṃ vakṣye bṛhadvratamanuttamam |
surāsuramunīnāṃ ca durllabhaṃ vidhinā śṛṇu || 1 ||
[Analyze grammar]

parvaṇyāśvayujasyāṃte pāyasaṃ ghṛta saṃyutam |
naktaṃ bhuñjīta śuddhātmā odanaṃ vaikṣavānvitam || 2 ||
[Analyze grammar]

ācamyātha śucirbhūtvā bilvajaṃ daṃtadhāvanam |
bhakṣayitvā mahādevaṃ praṇamyedamudīrayet || 3 ||
[Analyze grammar]

ahaṃ devavratamidaṃ kartumicchāmi śāśvatam |
tavājñayā mahādeva yathā nirvahate kuru || 4 ||
[Analyze grammar]

ityevaṃ niyamaṃ kṛtvā yāvadvarṣāṇi ṣoḍaśa |
tithayaḥ pratipatpūrvāṃ bhajiṣyāmītyanukramāt || 5 ||
[Analyze grammar]

tato mārgaśire māsi pratipadyapare'hani |
pṛṣṭvā guruṃ copavāsaṃ mahādevaṃ smaranmuhuḥ || 6 ||
[Analyze grammar]

snātvā devaṃ samabhyarcya rātrau prajvālya dīpakān |
yamunāṃ ca mahādevaṃ natvā paścānnimaṃtrayet || 7 ||
[Analyze grammar]

mahādevaratānviprānsapatnīkānyatavratān |
ṣoḍaśāṣṭau tadardhaṃ vā ekaṃ vā śaktyapekṣayā || 8 ||
[Analyze grammar]

āmaṃtrya svagṛhaṃ gatvā mahādevaṃ smarankṣitau |
śucivastrāstṛtāyāṃ tu nirāhāro niśi svapeta || 9 ||
[Analyze grammar]

bhāskarodayamāsādya snātvā cādāya dīpakān |
naivedyaṃ snapanaṃ puṣpaṃ dhūpaṃ gaccheṣchivālaye || 10 ||
[Analyze grammar]

abhyaṃgayitvā deveśaṃ kaṣāyaiśca virūkṣayet |
snapayetpañcagavyena payasā tadanaṃtaram || 11 ||
[Analyze grammar]

ghṛtena madhunā dadhnā rasena payasā punaḥ |
tilāṃbunā tataḥ snāpya snāpayeduṣṇavā riṇā || 12 ||
[Analyze grammar]

lepayetsughanaṃ paścātkarpūrāgarucaṃdanaiḥ |
puṣpaiḥ saṃpūjya dātavyaṃ haimaṃ śirasi paṃkajam || 13 ||
[Analyze grammar]

vastrayugmaṃ patākāṃ ca pañcavarṇaṃ vitānakam |
dhūpaṃ dīpaṃ ca ghaṃṭāñca dadyāddevasya śaktitaḥ || 14 ||
[Analyze grammar]

paścānnivedya naivedyaṃ stutvā svabhavanaṃ vrajet |
susamiddhaṃ tataḥ kṛtvā pūjayejjātavedasam || 15 ||
[Analyze grammar]

vratinaśca tathācāryaṃ bhojayenmithunāni ca |
hemavastrādidānena yathāśakti kṣamāpayet || 16 ||
[Analyze grammar]

evaṃ visṛjya tānsarvānsārddhaṃ baṃdhujanaiḥ svayam |
āśayitvā pañcagavyaṃ hṛṣṭo bhuñjīta vāgyataḥ || 17 ||
[Analyze grammar]

evameva vidhiṃ kṛtvā prārabhetādhano dhanī |
vittasāmarthyataścaiva pratimāsaṃ ca kṛtsnaśaḥ || 18 ||
[Analyze grammar]

vittahīno yathā kaścicchraddhayā ca punaḥpunaḥ |
puṣpārcanavidhānena sarvametatsamācaret || 19 ||
[Analyze grammar]

pratimāsamupoṣyaivaṃ prati patkārttikāvadhau |
pārayettaṃ hutaṃ pārtha prāraṃbhavidhinā sphuṭam || 20 ||
[Analyze grammar]

dvitīye dve pañcadaśyāṃ kṛtvā naktaṃ narādhipaḥ |
pratipatsa dvitīyā cettasyāmupavasetsudhīḥ || 21 ||
[Analyze grammar]

dvitīyopavasecchuklā tataḥ prabhṛti vatsaram |
prāraṃbhavidhinā caivaṃ dvitīyāmapi pārayet || 22 ||
[Analyze grammar]

upavāsadvayaṃ kṛtvā tṛtīyāṃ prārabhettataḥ |
anena kramayogena yāvadvarṣaṃ samāpyate || 23 ||
[Analyze grammar]

kṛtvaivaṃ ṣoḍaśe varṣe pūrṇamāsyāṃ samudyataḥ |
pūrvavaddevamabhyarcya kṛśānuṃ vābhitarpya ca || 24 ||
[Analyze grammar]

hemaśṛṃgīṃ raupyakhurāṃ saghaṃṭāṃ kāṃsyadohanām |
mahādevāya gāṃ dadyāddīkṣitāya dvijāya vai || 25 ||
[Analyze grammar]

śivabhaktiratānviprānviśuddhāṃścaiva ṣoḍaśa |
vastrābharaṇadānaiśca śaktyā saṃpūjayedvratī || 26 ||
[Analyze grammar]

brāhmaṇāṃśca yathāśaktyā bhojayedaparānapi |
anyeṣāṃ ca kṣudhārtānāṃ dadyāddānaṃ yathecchayā || 27 ||
[Analyze grammar]

bṛhattapovrataṃ caiva brahmaghnādyaghaśoṣaṇam |
bhūrbhuvādiṣu lokeṣu bhūribhogapradaṃ nṛṇām || 28 ||
[Analyze grammar]

caturṇāmapi varṇānāṃ svargasopānavatsthitam |
na kuryādyo dhanaṃ prāpya sa muṣṭo naṣṭacetanaḥ || 29 ||
[Analyze grammar]

dhanyamāyuḥpradaṃ puṇyaṃ rūpasaubhāgyavarddhanam |
strīpuṃsayośca nirdiṣṭaṃ vratametatpurātanam || 30 ||
[Analyze grammar]

vidhavayāpi kartavyaṃ bhūyo'vaidhavyahetave |
sadhavayāpi kartavyamaviyogāya sadvratam || 31 ||
[Analyze grammar]

upoṣya pratimāsaṃ tu bhuṃjīta brāhmaṇaiḥ saha |
ekadvitricaturbhirvā svaśaktyā pāṃḍunaṃdana || 32 ||
[Analyze grammar]

aṃte cāṃte suvarṇānāṃ prāraṃbhavidhinācaret |
puṇyasaṃbhāramanvicchangamayitvā śivālayam || 33 ||
[Analyze grammar]

vratavighne mahārāja jāte daivātkathaṃcana |
tāvatyastithayaścānyāḥ samupoṣyāḥ samāptaye || 34 ||
[Analyze grammar]

atha śīghrataraṃ kaścidvrataṃ kartuṃ samudyataḥ |
vidhinānena rājendra tena grāhyaṃ tithidvayam || 35 ||
[Analyze grammar]

aṃte cāṃte ca varṣāṇāṃ prāraṃbhavidhinā ca ret |
athārabdhe vrate kaścidasamāpte mriyeta cet || 36 ||
[Analyze grammar]

so'pi tatphalamāpnoti satyāraṃbhaprabhāvataḥ |
vācakāḥ śrāvakāścaiva vratasyāsya yudhiṣṭhira |
bhavaṃti putrasaṃśliṣṭāḥ śivadhyānānubhāvataḥ || 37 ||
[Analyze grammar]

puṇyaṃ bṛhattapa idaṃ vratamādarādye kurvaṃti ṣoḍaśasamā niratāḥ svadharme |
te bhānumaṃḍalamabhedyamaciṃtyamādyaṃ bhittvā prayānti śaśiśekharapādamūlam || 38 ||
[Analyze grammar]