Chapter 7

śrīkṛṣṇa uvāca |
yadetatte samākhyātaṃ gaṃbhīraṃ narakārṇavama |
vratopavāsaniyamaplavenottīryate sukham || 1 ||
[Analyze grammar]

durllabhaṃ prāpya mānuṣyaṃ vidyutpatanacañcalam |
tathātmānaṃ samādadhyādbhraśyate na punaryathā || 2 ||
[Analyze grammar]

dāna vratamayī kīrtiryasya syādiha dehinaḥ |
paraloke'pi sa tayā jñāyate jñātivarddhanaḥ || 3 ||
[Analyze grammar]

jñāyate neha nāmutra vratasvādhyāyavarjitaḥ |
puruṣaḥ puruṣavyāghra tasmādvrataparo bhavet || 4 ||
[Analyze grammar]

atra te kathayiṣyāmi itihāsaṃ purātanam |
siddhena saha saṃvādamavaṃtyāṃ brāhmaṇasya hi || 5 ||
[Analyze grammar]

yogarddhisiddhyā saṃsiddhaḥ kaścitsiddho mahītalam |
cacāra vikṛtaṃ kṛtvā vapuḥ paramabhīṣaṇam || 6 ||
[Analyze grammar]

nigīrṇadaṃto laṃboṣṭhaḥ piṃgākṣastanumūrddhajaḥ |
truṭitaika karṇo durvaṇaḥ śīrṇavastro mahodaraḥ || 7 ||
[Analyze grammar]

cipiṭākṣaḥ sphuṭitapājjaṃghāḍhyaḥ kṛśakūrparaḥ |
diśaḥ paśyati saṃhṛṣṭo babhrāmodbhrāṃtacittavat || 8 ||
[Analyze grammar]

mūlajālikavipreṇa dṛṣṭaḥ pṛṣṭaśca ko bhavān |
kadā svargātsamāyātaḥ kena kāryeṇa me vada || 9 ||
[Analyze grammar]

kacciddṛṣṭā tvayā raṃbhā bhābhāsitadigaṃtarā |
cittasaṃmohanakarī devānāmekasundarī || 10 ||
[Analyze grammar]

gatvā madvacanādvācyā nirvācyā doṣadarśibhiḥ |
āvaṃtyastvāṃ kuśalinīṃ pṛcchati sma dvijo ttamaḥ || 11 ||
[Analyze grammar]

siddhaḥ prasiddhaṃ taṃ vipraṃ prāhedaṃ vismayānvitaḥ |
kathaṃ tvayāhaṃ vijñātaḥ svargādabhyāgataḥ sphuṭam || 12 ||
[Analyze grammar]

brāhmaṇastamathovāca vijñāto'si mayā yathā |
tathā te'haṃ pravakṣyāmi kṣīṇāghaughāvadhāraya || 13 ||
[Analyze grammar]

gātratrayaṃ virūpaṃ syāddvitīyaṃ vā svarūpataḥ |
dṛṣṭvā sarvāṃga vairūpyaṃ vijñāto'si tato mayā || 14 ||
[Analyze grammar]

durllaṃghyā prakṛtiḥ sākṣādanubhūtakarī bhavet |
prakṛteranyathābhāvaḥ sarvathā lakṣyate janaiḥ || 15 ||
[Analyze grammar]

viprasyaivaṃ vacaḥ śrutvā jagāmādarśanaṃ śanaiḥ |
punaḥ kaiścidahorātrairājagāma sa tāṃ purīm || 16 ||
[Analyze grammar]

mūlajālakavipreṇa pṛṣṭaḥ prāhāmarāvatīm |
gato'haṃ pṛṣṭavāṃstatra raṃbhāṃ vibhramakāriṇīm || 17 ||
[Analyze grammar]

śakrasyāvasare vṛtte vrajantyāḥ svagṛhaṃ mayā |
tvatsaṃdeśaḥ samākhyātaḥ sāvadatko na vedmi tam || 18 ||
[Analyze grammar]

vidyayā kalayā cāpi pauruṣeṇa vratena ca |
tapasā vā pumānmartyo divi vijñāyate ciram || 19 ||
[Analyze grammar]

brāhmaṇastamathovāca mugdhā dagdhāgnisaṃbhavā |
na bhakṣayāmi śakaṭaṃ vratenaitena vetti mām || 20 ||
[Analyze grammar]

tasyaitadvacanaṃ śrutvā sa siddhaḥ suviśuddhadhīḥ |
prahasyāmaṃtrya taṃ vipraṃ jagāmādarśanaṃ punaḥ || 21 ||
[Analyze grammar]

kadācicca ratā tena svargamārgaṃ yadṛcchayā |
dṛṣṭvā raṃbhāṃ dvijaproktaṃ sarvameva niveditam || 22 ||
[Analyze grammar]

raṃbhovāca |
ko na jānāmi taṃ vipraṃ śakaṭavratacāriṇam |
mūlajālairvartayaṃtaṃ mahākālavanāśrayam || 23 ||
[Analyze grammar]

darśanādatha saṃbhāṣādupakārātsahāsanāt |
caturdhā snehanirbaṃdho nṛṇāṃ saṃjāyate'dhikaḥ || 24 ||
[Analyze grammar]

na darśanaṃ na saṃbhāṣā kadācitsaha tena me |
nāmaśravaṇamātreṇa snehaḥ saṃdarśito mahān || 25 ||
[Analyze grammar]

ityevamuktvā raṃbhorū raṃbhā jaṃbhāriṇoṃtikam |
vismayotphullanayanā jagāma gajagāminī || 26 ||
[Analyze grammar]

gatvā nivedayāmāsa snehavrataviceṣṭitam |
purato ruddhahṛdayā brāhmaṇasya ca dhīmataḥ || 27 ||
[Analyze grammar]

śakraḥ provāca cārvaṃgīṃ gīrvāṇahṛdayaṃgamām |
kimānayāmi taṃ vipraṃ samīpaṃ tava suvratam || 28 ||
[Analyze grammar]

divyamālyāṃbaradharaṃ divyasragunulepanam |
vimānavaramāropya darśayāmāsa taṃ punaḥ || 29 ||
[Analyze grammar]

tatrasthaḥ sa dvijo bhogīvibhunakti saha raṃbhayā |
śakaṭavratamāhātmyamityetatte mayoditam || 30 ||
[Analyze grammar]

rājyaśriyaṃ jagati sarvajanopabhogyāmāpnoti śakraśivakeśavayornivāsam |
nāprāpyamasti bhuvane sudṛḍhavratānāṃ tasmātsadā vratapareṇa nareṇa bhāvyam || 31 ||
[Analyze grammar]