Chapter 4

yudhiṣṭhira uvāca |
devatvaṃ mānuṣatvaṃ ca tiryaktvaṃ kena karmaṇā |
prāpnoti puruṣaḥ kena garbhavāsaṃ sudāruṇam || 1 ||
[Analyze grammar]

garbhasthaśca kimaśnāti kathamutpadyate punaḥ |
dattotthānādikāndoṣānkathaṃ tarati dustarān || 2 ||
[Analyze grammar]

bālabhāve kathaṃ puṣṭiḥ syādyuvā kena karmaṇā |
kulīnaḥ kena bhavati surūpaḥ sudhanaḥ katham || 3 ||
[Analyze grammar]

kathaṃ dārānavāpnoti gṛhaṃ sarvaguṇairyutam |
paṃḍitaḥ putravāṃstyāgī syādā mayavivarjitaḥ || 4 ||
[Analyze grammar]

kathaṃ sukhena mriyate kathaṃ bhuṃkte śubhāśubham |
sarvamevāmalamate gahanaṃ pratibhāti me || 5 ||
[Analyze grammar]

śrīkṛṣṇa uvāca |
śubhairdevatvamāpnoti miśrairmānuṣatāṃ vrajet |
aśubhaiḥ karmabhirjjaṃtustiryagyoniṣu jāyate || 6 ||
[Analyze grammar]

pramāṇaṃ śrutirevātra dharmādharmaviniścaye |
pāpaṃ pāpena bhavati puṇyaṃ puṇyena karmaṇā || 7 ||
[Analyze grammar]

ṛtukāle tadā bhuktaṃ nirdoṣaṃ yena saṃsthitam |
tadā tadvāyunā spṛṣṭaṃ strīraktenaikatāṃ vrajet || 8 ||
[Analyze grammar]

visargakāle śukrasya jīvaḥ karaṇasaṃyutaḥ |
bhṛtyaḥ praviśate yoniṃ karmabhiḥ svairnniyojitaḥ || 9 ||
[Analyze grammar]

tacchukraraktamekasthamekāhātkalalaṃ bhavet |
pañcarātreṇa kalalaṃ buhudā kāratāṃ vrajet || 10 ||
[Analyze grammar]

budbudaṃ saptarātreṇa māṃsapeśī bhavettataḥ |
dvisaptāhādbhavetpeśī raktamāṃsadṛḍhāṃcitaḥ || 11 ||
[Analyze grammar]

bījasyevāṃkurāḥ peśyāḥ pañcaviṃśa tirātrataḥ |
bhavaṃti māsamātreṇa pañcadhā jāyate punaḥ || 12 ||
[Analyze grammar]

grīvā śiraśca skandhaśca pṛṣṭhavaṃśastathodaram |
māsadvayena sarvāṇi kramaśaḥ saṃbhavaṃti ca || 13 ||
[Analyze grammar]

tribhirmāsaiḥ prajāyaṃte sadravyāṃkurasaṃdhayaḥ |
māsaiścaturbhiraṃgulyaḥ prajāyaṃte yathākramam || 14 ||
[Analyze grammar]

mukhaṃ nāsā ca karṇau ca jāyante pañca māsakaiḥ |
daṃtapaṃktistathā guhyaṃ jāyaṃte ca nakhāḥ punaḥ || 15 ||
[Analyze grammar]

karṇau ca raṃdhrasahitau ṣaṇmāsābhyaṃtareṇa tu |
pāyurmeḍhramupasthaśca nābhiścāpyupa jāyate || 16 ||
[Analyze grammar]

saṃdhayo ye ca gātreṣu māsairjāyaṃti saptabhiḥ |
aṅgapratyaṃgasaṃpūrṇaḥ śiraḥ keśasamanvitaḥ || 17 ||
[Analyze grammar]

vibhaktāvayavaḥ puṣṭaḥ punarmāsāṣṭakena ca |
paṃcātmakasamāyuktaḥ paripakvaḥ sa tiṣṭhati || 18 ||
[Analyze grammar]

māturāhāravīryeṇa ṣaḍvidhena sa tiṣṭhati |
rasena pratyahaṃ bālo vardhate bharatarṣabha || 19 ||
[Analyze grammar]

tatte'haṃ saṃpravakṣyāmi yathāśrutamariṃdama |
nābhisūtranibandhena varddhate sa dinedine || 20 ||
[Analyze grammar]

tataḥ smṛtiṃ labhejjīvaḥ saṃpūrṇe'smiñcharīrake |
sukhaṃ duḥkhaṃ vijānāti nidrāsvapnaṃ purā kṛtam || 21 ||
[Analyze grammar]

mṛtaścāhaṃ punarjāto jātaścāhaṃ punarmṛtaḥ |
nānāyoni sahasrāṇi mayā dṛṣṭāni tāni vai || 22 ||
[Analyze grammar]

adhunā jātamātro'haṃ prāptasaṃskāra eva ca |
etacchreyaḥ kariṣyāmi yena garbhe na saṃśrayaḥ || 23 ||
[Analyze grammar]

garbhasthaściṃtaye devamahaṃ garbhādviniḥsṛtaḥ |
adhyeṣye caturo vedānsaṃsāravinivartakān || 24 ||
[Analyze grammar]

evaṃ sa garbhaduḥkhena mahatā paripīḍitaḥ |
jīvaḥ karmavaśādāste mokṣopāyaṃ viciṃtayan || 25 ||
[Analyze grammar]

yathā girivarākrāṃtaḥ kaścidduḥkhena tiṣṭhati |
tathā jarāyuṇā dehī duḥkhe tiṣṭhati ceṣṭitaḥ || 26 ||
[Analyze grammar]

patitaḥ sāgare yadvadduḥkhairāste samākula |
garbhodakena siktāṃgastathāste vyākulaḥ pumān || 27 ||
[Analyze grammar]

lohakuṃbhe yathā nyastaḥ pacyate kaścidagninā |
tathā sa pacyate jaṃturgarbhasthaḥ pīḍitodaraḥ || 28 ||
[Analyze grammar]

sūcībhiragnivarṇābhirvibhinnasya niraṃtaram |
yadduḥkhamupajāyeta tadgarbhe'ṣṭaguṇaṃ bhavet || 29 ||
[Analyze grammar]

garbhavāsātparo vāsaḥ kaṣṭo naivāsti kutracit |
dehināṃ duḥkhavadrājansughoro hyatisaṅkaṭaḥ || 30 ||
[Analyze grammar]

ityetadgarbhaduḥkha hi prāṇināṃ parikīrtitam |
carasthirāṇāṃ sarveṣātmāmagarbhānurūpataḥ || 34 ||
[Analyze grammar]

garbhātkoṭiguṇaṃ duḥkhaṃ yoniyaṃtraprapīḍanāt |
saṃmūrcchitasya jāyeta jāyamānasya dehinaḥ || 32 ||
[Analyze grammar]

śaravatpīḍyamānasya yaṃtreṇeva samaṃtataḥ |
śirasi tāḍyamānasya pāpamudgarakeṇa ca || 33 ||
[Analyze grammar]

garbhānniṣkampamāṇasya prabalaiḥ sūtimārutaiḥ |
jāyate sumahadduḥkhaṃ paritrāṇamaviṃdataḥ || 34 ||
[Analyze grammar]

yaṃtreṇa pīḍitā yadvanniḥsārāḥ syustilekṣavaḥ |
tathā śarīraṃ niḥsāraṃ yoniyaṃtraprapīḍitam || 35 ||
[Analyze grammar]

asthimajjātvacāmāṃsasnāyubaṃdhena yaṃtritam |
raktamāṃsamṛdā yuktaṃ viṇmūtradravalepanam || 36 ||
[Analyze grammar]

keśalomatṛṇācchannaṃ rogāyatanamāturam |
vadanaikamahaddvāraṃ daṃtoṣṭhakavibhūṣitam || 37 ||
[Analyze grammar]

oṣṭhadvayakapāṭaṃ ca dantajihvārgalānvitam |
nāḍīsvedapravāhaṃ ca kaphapittapariplutam || 38 ||
[Analyze grammar]

jarāśokasamāviṣṭaṃ kālacakrānale sthitam |
kāmakrodhasamākrāṃtaṃ vyasanaiścopamarditam || 39 ||
[Analyze grammar]

bhogatṛṣṇāturaṃ mūḍhaṃ rāgadveṣavaśānugam |
saṃvartitāṃgapratyaṃgaṃ jarāyupariveṣṭitam || 40 ||
[Analyze grammar]

saṃkaṭenāviviktena yonidvāreṇa nirgatam |
viṇmūtraraktasiktāṃgaṃ patkeśācca samudbhavam || 41 ||
[Analyze grammar]

iti dehagṛhaṃ proktaṃ nityasyānityamā tmanaḥ |
aviśuddhaṃ viśuddhasya karmabaṃdhavinirmitam || 42 ||
[Analyze grammar]

śukraśoṇitasaṃyogāddehaḥ saṃjāyate yataḥ |
nityaṃ viṇmūtrapūrṇaśca tenāyamaśuciḥ smṛtaḥ || 43 ||
[Analyze grammar]

yathāṃtarviṣṭhayā pūrṇaḥ śuciḥ syānna bahirghaṭaḥ |
yatnataḥ śodhyamāno'pi deho'yamaśucistathā || 44 ||
[Analyze grammar]

saṃprāpyātra pavitrāṇi paṃcaga vyahavīṃṣi ca |
aśucitvaṃ kṣaṇāccāpi kimanyadvastubiṃdavaḥ || 45 ||
[Analyze grammar]

dehaḥ saṃśodhyamāno'pi pañcagavyakuśāṃbubhiḥ |
ghṛṣyamāṇa ivāṃgāro nirmalatvaṃ na gacchati || 46 ||
[Analyze grammar]

srotāṃsi yasya satataṃ pravahaṃti gireriva |
kaphamūtrapurīṣādyaiḥ sa dehaḥ śuddhyate katham || 47 ||
[Analyze grammar]

sarvāśucinidhānasya śarīrasya na vidyate |
śucirekaḥ pradeśo'pi viṭpūrṇaḥ syaṃdate kila || 48 ||
[Analyze grammar]

kāyaḥ sugaṃdhadhūpādyairyatnenāpi tu saṃskṛtaḥ |
na jahāti svakaṃ bhāvaṃ śvapu cchamiva nāmitam || 49 ||
[Analyze grammar]

yathā jātyaiva kṛṣṇo hi na śuklaḥ syādupāyataḥ |
saṃśodhyamānā'pi tathā bhavenmūrtirna nirmalā || 50 ||
[Analyze grammar]

jighrannapi svadurgaṃdhaṃ paśyannapi malaṃ svakam |
na virajjati loko'yaṃ pīḍayannapi nāsikām || 51 ||
[Analyze grammar]

aho mohasya māhātmyaṃ yena vyāmohitaṃ jagat |
jighranpaśyansvakaṃ doṣaṃ kāyasya na virajyate || 52 ||
[Analyze grammar]

evametaccharīraṃ hi nisargādaśuci dhruvam |
tvaṅmātrasāraṃ niḥsāraṃ kadalīsārasaṃnibham || 53 ||
[Analyze grammar]

garbhasthasya smṛtiryāsītsā jātasya praṇaśyati |
saṃmūrcchitasya duḥkhena yoniyaṃtraprapīḍanāt || 54 ||
[Analyze grammar]

bāhyena vāyunā cāsya mohasaṃjñena dehinaḥ |
spṛṣṭamātreṇa ghoreṇa jvaraḥ samupajāyate || 55 ||
[Analyze grammar]

tena jvareṇa mahatā mahāmohaḥ prajāyate |
saṃmūḍhasya smṛtibhraṃśaḥ śīghraṃ saṃjāyate punaḥ || 56 ||
[Analyze grammar]

smṛtibhraṃśāttu tasyeha pūrvakarmavaśena ca |
ratiḥ saṃjāyate tūrṇaṃ jaṃtostatraiva janmani || 57 ||
[Analyze grammar]

rakto mūḍhasya loko'yamakārye saṃpravartate |
na cātmānaṃ vijānāti na paraṃ vindate ca saḥ || 58 ||
[Analyze grammar]

na śrūyate paraṃ śreyaḥ sati cakṣuṣi nekṣate |
same pathi śanairgacchanskhalatīva padepade || 59 ||
[Analyze grammar]

satyāṃ buddhau na jānāti bodhyamāno budhairapi |
saṃsāre kliśyate tena rāgalobhavaśānugaḥ || 60 ||
[Analyze grammar]

garbhasmṛterabhāvena śāstramuktaṃ maharṣibhiḥ |
tadduḥkhamathanārthāya svargamokṣaprasādhakam || 61 ||
[Analyze grammar]

ye saṃtyasminpare jñāne sarvakāmārthasādhake |
na kurvaṃtyātmanaḥ śreyastadatra mahadbhutam || 62 ||
[Analyze grammar]

avyakteṃdriyavṛttitvādbālye duḥkhaṃ mahatpunaḥ |
icchannapi na śaknoti kartuṃ vaktuṃ ca satkriyām || 63 ||
[Analyze grammar]

daṃtotthāne mahadduḥkhaṃ maulena vyādhinā tathā |
bālarogaiśca vividhaiḥ pīḍā bālagrahairapi || 64 ||
[Analyze grammar]

tṛḍbubhukṣāparītāṃgaḥ kaścittiṣṭhati rāraṭan |
viṇmūtrabhakṣaṇamapi mohādbālaḥ samācaret || 65 ||
[Analyze grammar]

kaumāre karṇavedhena mātāpitrośca tāḍanāt |
akṣarādhyayanātpuṃsāṃ duḥkhaṃ syādguruśāsanāt || 66 ||
[Analyze grammar]

prasanneṃdriyavṛttiśca kāmarāgaprapīḍanāt |
rogoddhatasya satataṃ kutaḥ saukhyaṃ ca yauvane || 67 ||
[Analyze grammar]

īrṣyayā ca mahadduḥkhaṃ mohādraktasya jāyate |
netrasya kupitasyaiva rāgo duḥkhāya kevalam || 68 ||
[Analyze grammar]

na rātrau viṃdate nidrāṃ kopāgniparipīḍitaḥ |
divā vāpi kutaḥ saukhyamarthopārjanaciṃtayā || 69 ||
[Analyze grammar]

strīṣvāyāsitadehasya ye puṃsaḥ śukrabiṃdavaḥ |
na te sukhāya maṃtavyāḥ svedajā iva biṃdavaḥ || 70 ||
[Analyze grammar]

krimibhistudyamānasya kuṣṭhinaḥ kāminastathā |
kaṇḍūyanāgnitāpena yadbhavetstrīṣu taddhi tat || 71 ||
[Analyze grammar]

yādṛśaṃ viṃdate saukhyaṃ gaṃḍānvayavinirgame |
tādṛśaṃ strīṣu maṃtavyaṃ nādhikaṃ tāsu vidyate || 72 ||
[Analyze grammar]

gaṃḍasya vedanā yadvatsphuṭitasya nivartate |
tadvatstrīṣvapi maṃtavyaṃ na saukhyaṃ paramārthataḥ || 73 ||
[Analyze grammar]

viṇmūtrasya samutsargātsukhaṃ bhavati yādṛśam |
tādṛśaṃ teṣu vijñeyaṃ mūḍhaiḥ kalpitamanyathā || 74 ||
[Analyze grammar]

nārīṣvaśucibhūtāsu sarvadoṣāśrayāsu ca |
nāṇumātrakamapyevaṃ sukhamasti vicārataḥ || 75 ||
[Analyze grammar]

sanmānamapamānena viyogena susaṃgamaḥ |
yauvanaṃ jarayā grastaṃ kiṃ saukhyamanupadravam || 76 ||
[Analyze grammar]

valīpalitakhālityaiḥ śithilīkṛtavigraham |
sarvakriyāsvaśaktaṃ ca jarayā jarjarīkṛtam || 77 ||
[Analyze grammar]

strīpuṃsayornnavaṃ rūpaṃ tadānyonyaṃ priyaṃ purā |
tadeva jarayā grastamubhayorapi na priyam || 78 ||
[Analyze grammar]

apūrvavatsvamātmānaṃ jarayā parivartitaḥ |
yaḥ paśyannapi rajyeta ko'nyastasmādacetanaḥ || 79 ||
[Analyze grammar]

jarābhibhūtaḥ puruṣaḥ patnīputrādibāṃdhavaiḥ |
aśaktatvāddurācārairbhṛtyaiśca paribhūyate || 80 ||
[Analyze grammar]

dharmamarthaṃ ca kāmaṃ ca mokṣaṃ ca na jarī yataḥ |
śaktaḥ sādhayituṃ tasmāccharīramidamātmanaḥ || 81 ||
[Analyze grammar]

vātapittakaphādīnāṃ vaiṣamyaṃ vyādhirucyate |
tasmādvyādhimayaṃ jñeyaṃ śarīramidamātmanaḥ || 82 ||
[Analyze grammar]

vātādyavyatiriktatvādvyādhīnāṃ pañjarasya ca |
rogairnānāvidhairyāni dehaduḥkhānyanekadhā |
tāni ca svātmavedyāni kimanyatkathayāmyaham || 83 ||
[Analyze grammar]

ekottaraṃ mṛtyuśatamasmindehe pratiṣṭhitam |
tatraikaḥ kālasaṃyuktaḥ śeṣāścāgantavaḥ smṛtāḥ || 84 ||
[Analyze grammar]

ye tvihāgaṃtavaḥ proktāste praśāmyaṃti bheṣajaiḥ |
japahomapradānaiśca kālamṛtyurna śāmyati || 85 ||
[Analyze grammar]

yadi cāpi na mṛtyuḥ syādviṣamadyādaśaṃkitaḥ |
na saṃti puruṣe tasmādapamṛtyuvibhītayaḥ || 86 ||
[Analyze grammar]

vividhā vyādhayaḥ śastraṃ sarpādyāḥ prāṇinastathā |
viṣāṇi jaṃgamādyāni mṛtyordvārāṇi dehinām || 87 ||
[Analyze grammar]

pīḍitaṃ sarvarogādyairapi dhanvantariḥ svayam |
svasthīkartuṃ na śaknoti prāptamṛtyuṃ ca dehinam || 88 ||
[Analyze grammar]

nauṣadhaṃ na tapo dānaṃ na maṃtrā na ca bāṃdhavāḥ |
śaknuvaṃti paritrātuṃ naraṃ kālena pīḍitam || 89 ||
[Analyze grammar]

rasāyanatapojapyairyogasiddhairmahātmabhiḥ |
kālamṛtyurapi prājñaistīryate nālasairnnaraiḥ || 90 ||
[Analyze grammar]

nāsti mṛtyusamaṃ duḥkhaṃ nāsti mṛtyusamaṃ bhayam |
nāsti mṛtyusamastrāsaḥ sarveṣāmeva dehinām || 91 ||
[Analyze grammar]

sadbhāryāputramitrāṇi rājyaiśvaryadha nāni ca |
abaddhāni ca vairāṇi mṛtyuḥ sarvāṇi kṛntati || 92 ||
[Analyze grammar]

he janāḥ kiṃ na paśyadhvaṃ sahasrasyāpi madhyataḥ |
janāḥ śatāyuṣaḥ pañca bhavaṃti na bhavaṃti ca || 93 ||
[Analyze grammar]

aśītikā vipadyante kecitsaptatikā narāḥ |
paramāyuṣaṃ sthitaṃ ṣaṣṭistaccaivāniścitaṃ punaḥ || 94 ||
[Analyze grammar]

yasya yāvadbhavedāyurdehināṃ pūrvakarmabhiḥ |
tasyārddhamāyuṣo rātrirharate mṛtyurūpiṇī || 95 ||
[Analyze grammar]

bālabhāvena mohena vārddhakye jarayā tathā |
varṣāṇāṃ viṃśatiryāṃti dharmakāmārthavarjitā || 96 ||
[Analyze grammar]

āgaṃtukerbhayaiḥ puṃsāṃ vyādhiśokairanekadhā |
bhakṣyate'rddhaṃ ca tatrāpi yaccheṣaṃ tacca jīvati || 97 ||
[Analyze grammar]

jīvitāṃte ca maraṇaṃ mahāghoramavāpnuyāt |
jāyate janmakoṭīṣu mṛtaḥ karmavaśātpunaḥ || 98 ||
[Analyze grammar]

dehabhedena yaḥ puṃsāṃ viyogaḥ karmasaṃkṣayāt |
maraṇaṃ tadvinirdiṣṭaṃ nānyathā paramārthataḥ || 99 ||
[Analyze grammar]

mahātapapraviṣṭasya cchidyamāneṣu marmasu |
yadduḥkhaṃ maraṇe jaṃtorna tasyehopamā kvacit || 100 ||
[Analyze grammar]

hā tāta mātaḥ kāṃteti rudannevaṃ hi duḥkhitaḥ |
maṃḍūka iva sarpeṇa grasyate mṛtyunā janaḥ || 101 ||
[Analyze grammar]

bāṃdhavaiḥ saṃpariṣvaktaḥ priyaiḥ sa parivāritaḥ |
niḥśvasandīrghamuṣṇaṃ ca mukhena pariśuṣyati || 102 ||
[Analyze grammar]

krandate caiva khaṭvāyāṃ parivartanmuhurmuhuḥ |
saṃmūḍhaḥ kṣipate'tyarthaṃ hastapādāvitastataḥ || 103 ||
[Analyze grammar]

khaṭvāto kāṃkṣate bhūmiṃ bhūmeḥ khaṭvāṃ punarmahīm |
vivaśastyaktalajjaśca mūtraviṣṭhānulepitaḥ || 104 ||
[Analyze grammar]

yācamānaśca salilaṃ śuṣkakaṇṭhoṣṭhatālukaḥ |
ciṃtayānaśca vittāni kasyaitāni mṛte mayi || 105 ||
[Analyze grammar]

pañcāvaṭānkhanyamānaḥ kālapāśena karṣitaḥ |
mriyate paśyatāmeva janānāṃ ghurghurasvanaḥ || 106 ||
[Analyze grammar]

jīvastṛṇajalaukeva dehāddehaṃ viśetkramāt |
saṃprāpyottarakālaṃ hi dehaṃ tyajati paurvakam || 107 ||
[Analyze grammar]

maraṇātprārthanāduḥkhamadhikaṃ hi vive kinaḥ |
kṣaṇikaṃ maraṇāduḥkhamanaṃtaṃ prārthanākṛtam || 108 ||
[Analyze grammar]

jagatāṃ patirarthitvādviṣṇurvāmanatāṃ gataḥ |
adhikaḥ ko'parastasmādyo na yā syati lāghavam || 109 ||
[Analyze grammar]

jñātaṃ mayedamadhunā mataṃ bhavati yadguru |
na paraṃ prārthayedbhūyastṛṣṇā lāghavakāraṇam || 110 ||
[Analyze grammar]

ādau duḥkhaṃ tathā madhye duḥkhamaṃte ca dāruṇam |
nisargātsarvabhūtānāmiti duḥkhaparaṃparā || 111 ||
[Analyze grammar]

vartamānānyatītāni duḥkhānyetāni yāni tu |
narā na bhāvayaṃtyajñā na virajyati tena te || 112 ||
[Analyze grammar]

atyāhārānmahadduḥkhamanāhārānmahattamam |
tulitaṃ jīvitaṃ kaṣṭaṃ manye'pyevaṃ kutaḥ sukham || 113 ||
[Analyze grammar]

bubhukṣā sarvarogāṇāṃ vyādhiḥ śreṣṭhatamaḥ smṛtaḥ |
sa cānnauṣadhilepena kṣaṇamātraṃ praśāmyati || 114 ||
[Analyze grammar]

kṣudvyādhivedanātulyā niḥśeṣabalakartanī |
tayābhibhūto mriyate yathānyairvyādhibhirna hi || 115 ||
[Analyze grammar]

tadrasopi hi kāmādvā jihvāgre parivartate |
tatkṣaṇādvārddhakālena kaṃṭhaṃ prāpya nivartate || 116 ||
[Analyze grammar]

iti kṣudvyādhitaptānāmannamauṣadhavatsmṛtam |
na tatsukhāya mantavyaṃ paramārthena paṃḍitaiḥ || 117 ||
[Analyze grammar]

mṛtopamo yaścekṣeta sarvakāryavivarjitaḥ |
tatrāpi ca kutaḥ saukhyaṃ tamasācchāditātmanaḥ || 118 ||
[Analyze grammar]

prabodhe'pi kutaḥ saukhyaṃ kāryairupahatātmanaḥ |
kṛṣigorakṣavāṇijyasevādhvādipariśramaiḥ || 119 ||
[Analyze grammar]

prātarmūtrapurīṣābhyāṃ madhyāhne tu bubhukṣayā |
tṛptāḥ kāmena bādhyante jaṃtavo'pi vinidrayā || 120 ||
[Analyze grammar]

arthasyopārjane duḥkhamarjitasyāpi rakṣaṇe |
āye duḥkhaṃ vyaye duḥkhamarthebhyaśca kutaḥ sukham || 121 ||
[Analyze grammar]

caurebhyaḥ salilādagneḥ svajanātpārthivādapi |
bhayamarthavatāṃ nityaṃ mṛtyoḥ prāṇabhṛtā miva || 122 ||
[Analyze grammar]

khe yātaṃ pakṣibhirmāṃsaṃ bhakṣyate śvāpadairbhuvi |
jale ca bhakṣyate matsyaistathā sarvatra vittavān || 123 ||
[Analyze grammar]

vimohayati saṃpatsu tāpayaṃti vipattiṣu |
khedayaṃtyarjanākāle kadā hyarthāḥ sukhāvahāḥ || 124 ||
[Analyze grammar]

yathārthapatirudvigno yaśca sarvārthaniḥspṛhaḥ |
yataścārthapatirduḥkhī sukhī sarvārthaniḥspṛhaḥ || 125 ||
[Analyze grammar]

śītena duḥkhaṃ hemaṃte grīṣme tāpena dāruṇam |
varṣāsu vātavarṣābhyāṃ kāle'pyevaṃ kutaḥ sukham || 126 ||
[Analyze grammar]

vivāhavistare duḥkhaṃ tadgarbhodvahane punaḥ |
prasave'patyadoṣaiśca duḥkhaṃ duḥkhādikarmabhiḥ || 127 ||
[Analyze grammar]

dantākṣiraugaiḥ putrasya hā kaṣṭaṃ kiṃ karomyaham |
gāvo naṣṭāḥ kṛṣirbhagnā vṛṣāḥ kvāpi palāyitāḥ || 128 ||
[Analyze grammar]

amī prāghūrṇakāḥ prāptā bhaktacchede ca me gṛhe |
bālāpatyā ca me bhāryā kaḥ kariṣyati raṃdhanam || 129 ||
[Analyze grammar]

pradānakāle kanyāyāḥ kīdṛśaśca varo bhavet |
iti cintābhibhūtānāṃ kutaḥ saukhyaṃ kuṭubinām || 130 ||
[Analyze grammar]

kuṭuṃbaciṃtākulitasya puṃsaḥ śrutaṃ ca śīlaṃ ca guṇāśca sarve |
apakvakuṃbhe nihitā ivāpaḥ prayāṃti dehena samaṃ vināśam || 131 ||
[Analyze grammar]

rājyepi ca mahadduḥkhaṃ saṃdhivigrahaciṃtayā |
putrādapi bhayaṃ yatra tatra saukhyaṃ hi kīdṛśam || 132 ||
[Analyze grammar]

sajātīyādvadhaḥ prāyaḥ sarveṣāmeva dehinām |
ekadravyābhilāṣitvācchunāmiva parasparam || 133 ||
[Analyze grammar]

nāpradhṛṣyabalaḥ kaścinnṛpaḥ khyātosti bhūtale |
nikhilaṃ yastiraskṛtya sukhaṃ tiṣṭhati nirbhayaḥ || 134 ||
[Analyze grammar]

ā janmanaḥ prabhṛti duḥkha mayaṃ śarīraṃ karmātmakaṃ tava mayā kathitaṃ narendra |
dānopavāsaniyamaiśca kṛtaistadeva sarvopabhogasukhabhāgbhavatīha puṃsām || 135 ||
[Analyze grammar]